सोमवार 5 फ़रवरी 2024 की दैनिक मुरली

05-02-2024 praatahmurli om shanti "baapdaada"' madhuban

“meethe bachche - yeh padhaai hai ‘di best', ise hi source oph income kehte hain, padhaai mein paas hona hai to teacher ki mat par chalte chalo''

prashn:- baap drama ka raaz jaante bhi apne bachchon se kaun-sa purushaartha karaate hain?

uttar:- baba jaante hain nambarvaar hi sab bachche satopradhaan banenge lekin bachchon se sada yahi purushaartha karaate ki bachche aisa purushaartha karo jo sajaayen na khaani pade। sajaaon se chhootne ke liye jitna ho sake pyaar se baap ko yaad karo। chalte-phirte, uthte-baithte yaad mein raho to bahut khushi rahegi। aatma tamopradhaan se satopradhaan ban jaayegi।

om shanti। ab bachche jaante hain baba hamko gyaan aur yog sikhlaate hain। hamaara yog kaisa hai, yeh to bachche hi jaante hain। ham jo pavitra the, woh ab apvitra bane hain kyonki 84 janmon ka hisaab to chaahiye na। yeh 84 janmon ka chakra hai। yeh jaanenge bhi ve hi jo 84 janma lete honge। tum bachchon ko baap dvaara maaloom hua hai। ab aise baap ka bhi agar nahin maanenge to baaki kiska maanenge! baap ki mat milti hai। aise bahut hain jo bilkul nahin maante। koton mein koi maanenge। baap shiksha bhi kitni clear dete hain। tum bachche hi maanenge nambarvaar purushaartha anusaar। sab ekras to nahin maanenge। teacher ki padhaai ko sab ekras nahin maanenge athva padhenge। nambarvaar koi 20 marks lete hain, koi kitni marks lete hain। koi to naapaas ho padte hain। naapaas kyon hote hain? kyonki teacher ki mat par nahin chalte hain। vahaan anek maten milti hain। yahaan ek hi mat milti hai। yeh hai wonderful mat। bachche jaante hain barobar hamne 84 janma liye hain। baap kehte hain - main jismen pravesh karta hoon… yeh kisne kaha? shivbaaba ne। main jismen pravesh karta hoon, jisko bhaageerath kehte hain, woh apne janmon ko nahin jaante the। tum bachche bhi nahin jaante the। tumko abhi samjhaata hoon। tum itne janma satopradhaan the phir sato-rajo-tamo mein aate neeche utarte aaye। ab tum yahaan padhne liye aaye ho। padhaai hai kamaai, source oph income। yeh padhaai hai hi di best। us padhaai mein kahenge aai.si.S. di best। tum jo 16 kala sampoorn devta the, abhi koi gun nahin raha hai। gaate hain nirgun haare mein koi gun naahi। sab aise kehte rehte hain। samajhte hain sarvatra bhagwan hai। devtaaon mein bhi bhagwan hai, isliye devtaaon ke aage baith kehte hain main nirgun haare mein… aapko hi taras padega। gaaya bhi jaata hai baba blissful hai, meharbaan hai, hamaare oopar daya karte hain। kehte hain - he eeshvar, raham karo। baap ko bulaate hain, ab vo hi baap tumhaare saamne aaya hai। aise baap ko jo jaante hain unko kitni khushi honi chaahiye! behad ka baap jo hamko har 5 hazaar varsha ke baad phir se saare vishwa ki raajaai dete hain, to kitni athaah khushi honi chaahiye!

tum jaante ho shreemat par ham shreshtha se shreshtha ban rahe hain। agar shreemat par chalenge to shreshtha banenge। aadhaakalpa raavan ki mat chalti hai। baba kitna achhi reeti samjhaate rehte hain। tumne 84 janma liye hain, tum hi satopradhaan the, abhi tumko phir satopradhaan banna hai। yeh hai raavan raajya। jab is raavan par jeet ho tab raamraajya sthaapan ho। baap kehte hain tum meri glaani karte ho। baap ka naam gaayan karne ke badle glaani karte hain! baap kehte hain tumne mera kitna apkaar kiya hai। yeh bhi drama bana hua hai। ab yeh sab samjhaani di jaati hai ki in sab baaton se niklo। ek ko yaad karo। gaayan bhi hai sat ka sang taare 21 janmon ke liye। tab duboye kaun? tumko saagar mein kisne duboya? bachchon se hi prashn poochhenge na। tum jaante ho mera hi naam baagvaan, khivaiya hai। arth na samajhne kaaran behad ke baap ki bahut glaani ki hai। phir behad ka baap unhon ko behad ka sukh dete hain। apkaar karne vaalon par upkaar karte hain। woh samajhte nahin hain ki ham apkaar karte hain। bade khushi se kehte hain eeshvar sarvavyaapi hai। ab aise to ho na sake। harek ko apna-apna part mila hua hai। yeh bhi tum jaante ho - jab devi-devtaaon ka raajya tha to aur koi raajya nahin tha। bhaarat satopradhaan tha। ab hai tamopradhaan। baap aate hi hain duniya ko satopradhaan karne। so bhi tum bachchon ko hi maaloom hai। saari duniya ko agar maaloom pade to yahaan kaise aayenge padhne ke liye। to tum bachchon ko athaah khushi honi chaahiye। khushi jaisi khuraak nahin। satayug mein tum bahut khush rehte ho। devtaaon ka khaan-paan aadi bahut sookshm hota hai। bahut khushi rehti hai। abhi tumko khushi milti hai। tum jaante ho ham satopradhaan the। ab phir baba hamko aisi first class yukti bataate hain। geeta mein bhi pahla-pahla akshar hai manamnaabhav। yeh geeta episode hai na। geeta mein shreekrishna ka naam daal saara munjhaara kar diya hai। woh hai bhakti maarga। baap bhi knowledge samjhaate hain, inmen koi khitpit ki baat nahin। sirf tamopradhaan se satopradhaan banna hai। yeh tamopradhaan duniya hai। kaliyug mein dekho manushyon ka kya haal ho gaya hai। dher manushya ho gaye hain। satayug mein ek dharma, ek bhaasha aur ek bachcha hota hai। ek hi raajya chalta hai। yeh drama bana hua hai। to ek hai srishti chakra ka gyaan, doosra hai yog। gyaan ka dhuriya aur holi। mukhya baat baap samjhaate hain - is samay sabki tamopradhaan jadajdeebhoot avastha hai, vinaash saamne khada hai। ab baap kehte hain tumne hamko bulaaya hi hai ki hamko paavan banaane aao। tum patit ban gaye ho। patit-paavan mujhe hi kehte hain। ab mere saath yog lagaao, maamekam yaad karo। main tumko sab-kuchh right hi bataaoonga। baaki janma-janmaantar tum unrighteous bante hi aaye ho। satopradhaan se tamopradhaan ban pade ho।

baap bachchon se baat karte hain - meethe bachche, abhi tumhaari aatma tamopradhaan bani hai। kisne banaai? 5 vikaaron ne। manushya to itne prashn poochhte hain jo maatha hi kharaab kar dete hain। shaastraartha karte hain to aapas mein lad padte hain। ek-do ko laathi bhi lagaate hain। yahaan to baap tumko patit se paavan banaate hain, ismen shaastra kya karenge। paavan banna hai na। kaliyug ke baad phir satayug zaroor aana hai। satopradhaan bhi zaroor banna hai। baap kehte hain apne ko aatma samjho। tumhaari aatma tamopradhaan bani hai to shareer bhi tamopradhaan milta hai। sona jitna carat hoga, jevar bhi aisa banega। khaad padti hai na। ab tumko 24 carat sona banna hai। dehi-abhimni bhav। deh-abhimaan mein aane se tum chhi-chhi ban pade ho। koi khushi nahin hai। beemaariyaan rog aadi sab-kuchh hai। ab patit-paavan main hi hoon। mujhe tumne bulaaya hai। main koi saadhu-santa aadi nahin hoon। koi aate hain, kehte hain guru ji ka darshan karen। bolo guru ji to hain nahin aur darshan se bhi koi faayda nahin। baap to har baat sahaj samjhaate hain। jitna yaad karenge utna tamopradhaan se satopradhaan banenge। phir devta ban jaayenge। tum yahaan phir se devta satopradhaan banne ke liye aaye ho। baap kehte hain mere ko yaad karne se tumhaari kat nikal jaayegi। satopradhaan banenge। purushaartha se hi banenge na। uthte baithte chalte baap ko yaad karo। kya snaan karte baap ko yaad nahin kar sakte ho? apne ko aatma samajh baap ko yaad karo to kat niklegi aur khushi ka paara chadhega। tumko kitna dhan deta hoon। tum aaye ho vishwa ka maalik banne। vahaan tum sone ke mahal banaayenge। kitne heere javaahar honge। bhakti mein jo mandir banaate hain usmein kitne heere javaahraat hote hain। bahut raajaayen mandir banaate hain। itna heera sona kahaan se aata hai? ab to hai nahin। yeh drama bhi tum jaante ho ki kaise chakra phirta hai। yeh baithega bhi unki buddhi mein jinhonne sabse jaasti bhakti ki hai। nambarvaar hi samjhenge। yeh pata padega ki kaun bahut service karte hain, bahut khushi mein rehte hain, yog mein rehte hain। woh avastha pichhaadi mein hogi। yog bhi zaroori hai। satopradhaan banna hai। baap aaya hua hai to unse varsa lena hai। yeh bhi kehte hain baba to hamaare saath hai। main sun raha hoon। tumko sunaate hain to main bhi sunta jaata hoon। kisko to sunaayega na। gyaan amrit ka kalash tum maataaon ko milta hai। maataayen sabko baantati hain। service karti hain। tum sab seetaayen ho। raam ek hai। tum sab brides ho, main hoon bridegroom। tumko shrringaar kar sasuraal ghar bhej dete hain। gaate bhi hain woh baapon ka baap hai, patiyon ka pati hai। ek taraph mahima karte hain, doosri taraph glaani karte hain। shivbaaba ki mahima alag hai, shreekrishna ki mahima alag hai। position sabka alag-alag hai। yahaan sabko milaakar ek kar diya hai। andher nagri… tum ab baba ka bane ho। shivbaaba ke potre-potriyaan ho। tum sabka hak lagta hai, is baba ke paas to property hai nahin। property milti hai had ki aur behad ki। teesra koi hai nahin jisse varsa mile। yeh kehte hain ham bhi unse varsa lete hain। paarlaukik parampita paramatma ko sab yaad karte hain। satayug mein yaad nahin karte। satayug mein hai ek baap aur raavan raajya mein hain do baap। sangam par hain teen baap - laukik, paarlaukik aur teesra hai wonderful alaukik baap। in dvaara baap varsa dete hain। inko bhi unse varsa milta hai। brahma ko Adam bhi kehte hain। great great grand father। shiv ko to father hi kahenge। sijra manushyon ka brahma se shuru hota hai, isliye unko great-great grand father kaha jaata hai। knowledge to bahut sahaj hai। tumne 84 janma liye hain। samjhaane liye chitra bhi hain। ab ismen ulta sulta prashn karne ki darkaar nahin hai। rishi-muniyon se bhi poochhte the to ve bhi neti-neti kah dete the। ab baap aakar apna parichay dete hain। to aise baap ko kitna pyaar se yaad karna chaahiye।

ab dheere-dheere tum bachche oopar chadhte jaate ho drama anusaar। kalpa-kalpa nambarvaar koi satopradhaan, sato, rajo, tamo bante hain। aisa hi pad vahaan milta hai isliye baap kehte hain - bachche, achhi reeti purushaartha karo jo sazaayen na khaao। purushaartha zaroor karaate hain। bhal samajhte hain banenge vahi jo kalpa pahle bane honge parantu purushaartha zaroor karaayenge। jo nazdeek vaale hote hain, pooja bhi achhi tarah vahi karte hain। pahle-pahle tum meri hi pooja karte ho। phir devtaaon ki pooja karte ho। ab tumko devta banna hai। tum apna raajya yogbal se sthaapan kar rahe ho। yogbal se tum vishwa ki baadshaahi lete ho। baahubal se koi vishwa ki baadshaahi le na sake। woh log bhaai-bhaai ko aapas mein ladaate rehte hain। kitna baarood banaate hain। udhaar mein ek-do ko dete rehte hain। baarood hai hi vinaash ke liye। parantu yeh kisko buddhi mein nahin aata kyonki woh samajhte hain kalpa laakhon varsha ka hai। ghor andhiyaare mein hain। vinaash ho jaayega aur sab kumbhakran ki neend mein soye rahenge। jaagenge nahin। tum abhi jaage ho। baap hai hi jaagti jyot, knowledgeful। tum bachchon ko aap samaan banaate hain। woh hai bhakti, yeh hai gyaan। gyaan se tum sukhi bante ho। tumko aana chaahiye ki ham phir se satopradhaan ban rahe hain। baap ko yaad karna hai। isko kaha jaata hai behad ka sannyaas। yeh puraani duniya to vinaash hone vaali hai। natural calamities bhi madad karti hai। us samay tumko khaana bhi poora nahin milega। ham apne khushi ki khuraak mein rahenge। jaante ho yeh sab khalaas hona hai। ismen moonjhane ki baat nahin hain। main aata hi hoon tum bachchon ko phir se satopradhaan banaane। yeh to kalpa-kalpa ka mera hi kaam hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan bhagwan hamaare par meharvaan hua hai, woh humein padha rahe hain, is nashe mein rehna hai। padhaai source oph income hai isliye miss nahin karna hai।

2) athaah khushi ka anubhav karna aur karaana hai। chalte-phirte dehi-abhimaani ban baap ki yaad mein rah aatma ko satopradhaan zaroor banaana hai।

vardaan:- samay pramaan har shakti ka anubhav practical swaroop mein karne vaale master sarvashaktimaan bhav

master ka arth hai ki jis shakti ka jis samay aahvaan karo vo shakti usi samay practical swaroop mein anubhav ho। order kiya aur haazir। aise nahin ki order karo sahanshakti ko aur aaye saamna karne ki shakti, to usko master nahin kahenge। to trial karo ki jis samay jo shakti aavashyak hai us samay vahi shakti kaarya mein aati hai? ek second ka bhi pharka pada to jeet ke bajaae haar ho jaayegi।

slogan:- buddhi mein jitna eeshvareey nasha ho, karma mein utni hi namrata ho।