गुरुवार 15 फ़रवरी 2024 की दैनिक मुरली

15-02-2024 praatahmurli om shanti "baapdaada"' madhuban

“meethe bachche - baap aaye hain kaanton ko phool banaane, baap ka pyaar kaanton se bhi hai, to phoolon se bhi hai। kaanton ko hi phool banaane ki mehnat karte hain''

prashn:- jin bachchon mein gyaan ki dhaarna hogi unki nishaani sunaao?

uttar:- woh kamaal karke dikhaayenge। woh apna aur doosron ka kalyaan karne ke bigar rah nahin sakte। teer lag gaya to nashtomoha ban roohaani service mein lag jaayenge। unki avastha ekras achal-adol hogi। kabhi koi besamjhi ka kaam nahin karenge। kisi ko bhi duhkh nahin denge। avgun roopi kaanton ko nikaalte jaayenge।

om shanti। yeh to bachche jaante hain baap badi lever ghadi hai। bilkul accurate time par kaanton ko phool banaane aate hain। second bhi kam jaasti nahin ho sakta। jara bhi pharka nahin pad sakta। yeh bhi meethe-meethe bachche jaante hain ki is samay hai kaliyugi kaanton ka jangal। to phool banne vaalon ko yeh mahsoosta aani chaahiye ki ham phool ban rahe hain। pahle ham sab kaanten the, koi chhote, koi bade। koi bahut duhkh dete hain, koi thoda। ab baap ka pyaar to sabse hai। gaayan bhi hai kaanton se bhi pyaar, phoolon se bhi pyaar। pahle kisse pyaar hai? zaroor kaanton se pyaar hai। itna pyaar hai jo mehnat kar unko kaanton se phool banaate hain। aate hi hain kaanton ki duniya mein। ismen sarvavyaapi ki baat nahin ho sakti। ek ki hi mahima hoti hai। mahima hoti hai aatma ki। jab aatma shareer dhaaran kar part bajaati hai। shreshthaachaari bhi aatma banti hai to bhrashtaachaari bhi aatma banti hai। aatma shareer dhaaran kar jaise-jaise karma karti hai, us anusaar kaha jaata hai yeh kukarmi hai, yeh sukarmi hai। aatma hi achha va bura karma karti hai। apne se poochho satayugi daivi phool ho va kaliyugi aasuri kaanten ho? kahaan satayug, kahaan kaliyug! kahaan deity, kahaan devil! bahut farka hai। kaante jo hote hain woh apne ko phool kah na saken। phool hote hain satayug mein, kaliyug mein hote nahin। ab yeh hai sangamayug, jab tum kaante se phool bante ho। teacher lesson dete hain, bachchon ka kaam hai unko refine kar bataana। usmein yeh bhi likho ki agar phool banne chaahte ho to apne ko aatma samjho aur phool banaane vaale parampita paramatma ko yaad karo to tumhaare avgun nikal jaayenge aur tum satopradhaan ban jaayenge। baba nibandha dete hain। bachchon ka kaam hai correct kar chhapaana। to sabhi manushya soch mein pad jaayen। yeh padhaai hai। baba tumhein behad ki history-geography padhaate hain। un school mein to puraane world ki history-geography padhaai jaati hai। nai duniya ki history-geography to koi jaante hi nahin। to yeh padhaai bhi hai, samjhaani bhi hai। koi chhi-chhi kaam karna besamjhi hai। phir samjhaaya jaata hai yeh vikaari kaam duhkh dene ka nahin karna hai। duhkh harta, sukhkarta baap ki mahima hai na। yahaan tum bhi seekh rahe ho kisko duhkh nahin dena hai। baap shiksha dete hain - sadaiv sukh dete raho। yeh avastha koi jaldi nahin banti hai। second mein baap ka varsa to le sakte ho। baaki laayak banne mein time lagta hai। samajhte hain behad ke baap ka varsa hai svarga ki baadshaahi। tum samjhaate bhi honge ki paarlaukik baap se bhaarat ko vishwa ki baadshaahi mili thi। tum sab vishwa ke maalik the। yeh to tum bachchon ko andar mein khushi honi chaahiye। kal ki baat hai, jab tum svarga ke maalik the। manushya kah dete laakhon varsha। kahaan ek-ek yug ki aayu laakhon varsha kah dete hain, kahaan saare kalpa ki aayu 5 hajaar varsha hai। bahut farka hai।

gyaan ka saagar ek hi behad ka baap hai। unse daiveegun dhaaran karne chaahiye। yeh duniya ke manushya din-pratidin tamopradhaan bante jaate hain। jaasti avgun seekhte jaate hain। aage itna corruption, edlatreshan, bhrashtaachaar nahin tha, ab badhta jaata hai। abhi tum baap ki yaad ke bal se satopradhaan bante ja rahe ho। jaise utarte ho, phir jaana bhi aise hi hai। pahle to baap mila uski khushi hogi, connection juta phir hai yaad ki yaatra। jisne jaasti bhakti ki hogi unki jaasti yaad ki yaatra hogi। bahut bachche kehte hain baba yaad thaharti nahin hai। bhakti mein bhi aise hota hai। katha sunne baithte hain to buddhi aur-aur taraph bhaag jaati hai। sunaane vaala dekhta rehta hai phir achaanak poochhte hain hamne kya sunaaya to vaayre ho jaate hain। (moonjh jaate hain) koi jhat bataayenge। sab to ek jaise nahin hote hain। bhal yahaan baithe hain parantu dhaarna kuchh bhi nahin। agar dhaarna hoti to kamaal kar dikhaate। woh apna aur doosron ka kalyaan karne bina rah nahin sakte। bhal kisko ghar mein bahut sukh hai, mahal motor aadi hain parantu ek baar teer lag gaya to bas, pati ko kahenge ham yeh roohaani service karne chaahte hain। parantu maaya badi jabardasta hai, karne nahin deti। moh hai na। itne mahal, itne sukh kaise chhode। are, yeh itne sab pahle jo bhaage। bade-bade lakhapti, karodapti ghar ki thi, sab chhodkar chali aai। yeh takdeer dikhaati hai, itni taakat nahin hai chhodne ki। raavan ki janjeeron mein jakde hue hain। yeh hain buddhi ki janjeeren। baap samjhaate hain-are, tum svarga ke maalik poojya bante ho! baap guarantee karte hain 21 janma tum kabhi beemaar nahin padenge। ever healthy 21 janmon tak rahenge। tum bhal raho pati ke paas sirf unki chhutti lo-pavitra banoongi aur banaaoongi। yeh tumhaara farja hai baap ko yaad karna, jisse apaar sukh milte hain। yaad karte-karte tamopradhaan se satopradhaan ban jaayenge। kitni samajh ki baat hai। shareer par bharosa nahin hai। baap ka to ban jaao। un jaisi pyaari vastu koi aur nahin hai। baap vishwa ka maalik banaate hain, kehte hain jitna chaaho utna satopradhaan bano। tum apaar sukh dekhenge। baba svarga ka dvaar in naariyon se khulvaate hain। maataaon par hi gyaan ka kalash rakha jaata hai। baba ne maataaon ko hi trustee banaaya hai, sab-kuchh tum maataayen hi sambhaalo। inke dvaara kalash rakha na। phir unhonne likh diya hai saagar manthan kiya, amrit ka kalash lakshmi ko diya। abhi tum jaante ho-baba svarga ka dvaar khol rahe hain। to kyon na ham baba se varsa len। kyon na vijay maala mein piro jaayen, mahaaveer banen। behad ka baap bachchon ko god mein lete hain-kislie? svarga ka maalik banaane ke liye। ekdam kaanton ko baith shiksha dete hain। to kaanton par bhi pyaar hai na tab to unko phool banaate hain। baap ko bulaate hi hain patit duniya aur patit shareer mein, nirvaandhaam chhodkar yahaan aao। baap kehte hain drama anusaar mujhe kaanton ki hi duniya mein aana padta hai। to zaroor pyaar hai na। bigar pyaar phool kaise banaayenge? abhi tum kaliyugi kaante se satayugi devta satopradhaan vishwa ke maalik bano। kitna pyaar se samjhaaya jaata hai। kumaari phool hai tab to sab unke charnon mein girte hain। woh jab kaanta (patit) banti hai to sabko maatha tekna padta hai। to kya karna chaahiye? phool ka phool rehna chaahiye to evarphool ban jaayenge। kumaari to nirvikaari hai na, bhal janma vikaar se liya hai। jaise sanyaasi janma to vikaar se lete hain na। shaadi kar phir ghar-baar ko talaak dete hain। unhein phir mahaan aatma kehte hain। kahaan woh satayug ke mahaan aatma vishwa ke maalik, kahaan yeh kaliyug ke! tab baba ne kaha-prashn likho ki kaliyugi kaante ho va satayugi phool ho? bhrashtaachaari ho ya shreshthaachaari?

yeh hai bhrashtaachaari duniya jabki raavan ka raajya hai। kehte hain aasuri raajya, raakshas raajya hai। parantu apne ko koi samajhte thode hi hain। ab tum bachche yukti se prashn poochhte ho tab woh aapehi samajhte hain barobar ham to kaami, krodhi, lobhi hain। pradarshani mein bhi aise likho to unko feeling aaye ki main to kaliyugi kaanta hoon। abhi tum phool ban rahe ho। baba to evarphool hai। woh kabhi kaanta bante nahin। baaki sab kaante bante hain। woh phool kehte hain-tumko bhi kaante se phool banaata hoon। tum mujhe yaad karo। maaya kitni prabal hai। to kya tumko maaya ka banna hai? baap tumko apni taraph kheenchate hain, maaya apni taraph kheenchati hai। yeh hai puraani jutti। aatma ko pahle nai jutti milti hai phir puraani hoti hai। is samay sab juttiyaan tamopradhaan hain। main tumko makhmal ka bana deta hoon। vahaan aatma pure hone ke kaaran shareer bhi makhmal ka hota hai। no defect। yahaan to bahut defect hain। vahaan ke features to dekho kitne sundar hain। vo feature to yahaan koi bana na sake। ab baap bhi kehte hain ham kitna oonch banaate hain। ghar grihastha mein kamal samaan pavitra bano aur janma-janmaantar ki jo kat chadhi hui hai, unko nikaalne ke liye yog agni hai। ismen sab paap bhasma ho jaayenge। tum pakka sona ban jaayenge। khaad nikaalne ki yukti bahut achhi bataate hain, maamekam yaad karo। tumhaari buddhi mein yeh gyaan hai। aatma bhi bahut chhoti hai। badi ho to inmen pravesh kar na sake। kaise karegi? aatma ko dekhne ke liye doctor bahut maatha maarte hain, parantu dekhne mein nahin aati hai। saakshaatkaar hota hai। parantu saakshaatkaar se to koi phaayda nahin hota। samjho tumko vaikuntha ka saakshaatkaar hua lekin isse phaayda kya! vaikunthavaasi to tab banenge jab puraani duniya khatma ho। iske liye tum yog ka abhyaas karo।

to baap samjhaate hain bachche, pahle kaanton se pyaar hota hai। sabse jaasti pyaar ka saagar hai baap। tum bachche bhi meethe bante jaate ho। baap kehte hain apne ko aatma samajh bhaai-bhaai ko dekho to criminal khyaalaat bilkul nikal jaayenge। bhaai-behen ke sambandh se bhi buddhi chalaaymaan hoti hai isliye bhaai-bhaai ko dekho। vahaan to shareer hi nahin jo bhaan aaye ya moh jaaye। baap aatmaon ko hi padhaate hain। to tum bhi apne ko aatma samjho। yeh shareer vinaashi hai, inse thode hi dil lagaani hai। satayug mein inse preet nahin hoti hai। moh jeet raaja ki katha suni hai na। bola aatma ek shareer chhod jaakar doosra legi। part mila hua hai, moh kyon rakhen? isliye baba bhi kehte hain khabardaar rehna। amma mare, beebi mare halua khaana। yeh pratigya karo koi bhi mare hamko rona nahin hai। tum apne baap ko yaad karo, satopradhaan bano। aur koi raasta nahin hai satopradhaan banne ka। purushaartha se hi vijay maala ka daana banenge। purushaartha se jo chaahe so ban sakte ho। baap to samajhte hain jitna purushaartha kalpa pahle kiya hoga vahi karenge। baap to hai hi gareeb nivaaj। daan bhi gareebon ko hi diya jaata hai। baap khud kehte hain main bhi saadhaaran tan mein aata hoon। na gareeb, na saahookaar। tum bachche hi baap ko jaante ho, baaki saari duniya to sarvavyaapi kah deti hai। baap aisa dharma sthaapan karte hain jo vahaan duhkh ka naam bhi nahin rahega।

bhakti maarga mein manushya aasheervaad maangate hain। yahaan to kripa ki koi baat nahin। maatha kisko tekenge? bindi hai na। badi cheez ho to maatha bhi teken। chhoti cheej ko maatha bhi nahin tek sakte। haath kisko jodenge। yeh bhakti maarga ki nishaaniyaan sab gum ho jaati hain। haath jodna bhakti maarga ho jaata hai। behen-bhaai hain, ghar mein haath jodte hain kya? bachcha maangate hi hain vaaris banaane ke liye। bachcha maalik thahra na isliye baap bachchon ko namaste karte hain। baap to bachchon ka servant hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vinaashi shareer se dil nahin lagaani hai। mohjeet banna hai, pratigya karo ki koi bhi shareer chhode, ham kabhi royenge nahin।

2) baap samaan meetha banna hai, sabko sukh dena hai। kisko duhkh nahin dena hai। kaanton ko phool banaane ki seva karni hai। apna aur doosron ka kalyaan karna hai।

vardaan:- shubhchintan dvaara negative ko positive mein parivartan karne vaale shubhchintak bhav

sada samartha rahne ke liye sirf do shabd yaad rakho - shubhchintan aur shubhchintak। shubhchintan se negative ko positive mein parivartan kar sakte ho। shubhchintan aur shubhchintak in donon ka aapas mein sambandh hai। agar shubhchintan nahin hai to shubh chintak bhi nahin ban sakte। vartamaan samay in donon baaton ka attention rakho kyonki bahut si samasyaayen aisi hain, log aise hain jo vaani se nahin samajhte lekin shubhchintak ban vibration do to badal jaayenge।

slogan:- gyaan ratnon se, gunon aur shaktiyon se khelo, mitti se nahin।