शुक्रवार 8 मार्च 2024 की दैनिक मुरली

08-03-2024 praatahmurli om shanti "baapdaada"' madhuban

“meethe bachche - baap ki sakaash lene ke liye khushboodaar phool bano, savere-savere uthkar yaad mein baith pyaar se baba se meethi-meethi baaten karo''

prashn:- baap ko sab bachche nambarvaar yaad karte hain lekin baap kin bachchon ko yaad karte hain?

uttar:- jo bachche bahut meethe hain, jinhen service ke bina aur kuchh soojhta hi nahin। jo ati prem se baap ko yaad karte, khushi mein prem ke aansu bahaate। aise bachchon ko baap bhi yaad karte hain। baap ki nazar phoolon taraph jaati hai, kahenge phalaani aatma badi achhi hai, yeh aatma jahaan service dekhti, bhaagti rehti hai, anekon ka kalyaan karti hai। to baap use yaad karte hain।

om shanti। baap baithkar sab aatmaon ko samjhaate hain। shareer bhi yaad padta to aatma bhi yaad padti hai। shareer bigar aatma ko nahin yaad kiya ja sakta। samjha jaata hai yeh aatma achhi hai, yeh baahyamukhi hai, yeh is duniya ka sair aadi karna chaahti hai। yeh us duniya ko bhooli hui hai। pahle unka naam-roop saamne aata hai। phalaane ki aatma ko yaad kiya jaata hai। phalaane ki aatma achhi service karti hai, inka buddhiyog baba ke saath hai, inmen yeh yeh gun hain। pahle shareer ko yaad karne se phir aatma yaad aati hai। pahle shareer yaad aayega kyonki shareer badi cheez hai na। phir aatma jo sookshm bahut chhoti hai, woh yaad aayegi। in bade shareer ki koi mahima nahin ki jaati hai। mahima aatma ki hi ki jaati hai। inki aatma achhi service karti hai। phalaane ki aatma inse achhi hai। pahle to shareer yaad aata hai। baap ko to anek aatmaon ko yaad karna padta hai। shareer ka naam yaad nahin aata, sirf roop saamne aata hai। phalaane ki aatma kahne se shareer zaroor yaad padta hai। jaise samajhte ho is daada ke shareer mein shivbaaba aate hain। jaante hain inke tan mein baba hai। shareer zaroor yaad padega। poochhte hain - ham kaise yaad karen? shivbaaba ko brahma tan mein yaad karen ya paramdham mein yaad karen? bahuton ka prashn uthta hai। baba kehte hain - yaad to aatma ko hi karna hai। parantu shareer bhi zaroor yaad aata hai। pahle shareer phir aatma। baba inke shareer mein baitha hai to zaroor shareer yaad aayega। phalaane shareer vaali aatma mein yeh gun hain। baba bhi dekhte rehte hain - kaun mujhe yaad karte hain, kismen bahut gun hain, kis-kis phool mein khushbu hai? phoolon se sabka pyaar hota hai। guldasta banaate hain। usmein raaja, raani, praja bhinna-bhinna phool-patte aadi sab banaate hain। baap ki nazar phoolon ki taraph jaayegi। kahenge, phalaane ki aatma badi achhi hai। badi service karti hai। aatma-abhimaan mein rah baap ko yaad karte rehte hain। jahaan service dekhte hain vahaan bhaagte hain। phir bhi savere uthkar yaad mein baithte honge to kisko yaad karte honge? shivbaaba paramdham mein yaad aata hoga ya madhuban mein yaad aata hoga? baba yaad aata hoga na। ismen shivbaaba hai kyonki baap to abhi neeche aa gaya। murli chalaane neeche aaye hain। inka apne ghar mein to koi kaam nahin hoga। vahaan jaakar kya karenge? is tan mein hi pravesh karte hain। to pahle zaroor shareer yaad aayega phir aatma। phalaane shareer mein jo aatma hai yeh ananya achhi hai। inko service bigar kuchh soojhta nahin hai। bahut meethi hai। baba baithe rehte hain, sabko dekhte rehte hain। phalaani bachchi bahut achhi hai, bahut yaad karti hai। baandheli bachchiyon ko vikaar ke liye kitni maar milti hai! kitna prem se yaad karti hongi! jab bahut yaad karti hain to khushi ke maare prem ke aansu bhi aa jaate hain। kabhi-kabhi woh aansu gir bhi padte hain। baba ko aur dhandha kya hai। sabko yaad karte hain। bahut bachchiyaan yaad aati hain। phalaane ki aatma mein dam nahin hai। baap ko yaad nahin karti। kisko sukh nahin deti। yeh apna hi kalyaan nahin karti। baap to yahi jaanch karte rahenge। yaad karna maana sakaash dena। aatma ka connection paramatma ke saath rehta hai na। ek din aayega jabki bachche yog mein bahut rahenge। yeh bhi kisko yaad karenge to jhat saakshaatkaar hoga। aatma to hai chhoti bindi। saakshaatkaar karen to bhi koi samajh na saken phir bhi shareer hi yaad aata hai। aatma hai chhoti parantu yaad karti hai to unki aatma paavan banti jaati hai। bageeche mein variety phool hote hain। baba bhi dekhte hain yeh bahut achha khushboodaar phool hai, yeh itna nahin। to pad bhi kam hoga। baba ke jo madadgaar bante hain, vahi oonch pad paate hain। woh bhi jo baap ko yaad karte rehte hain। brahman se transfer ho devta bante hain। yeh varnan bhi sangam par hi kar sakte hain ki yeh daivi phool hai ya aasuri phool hai? phool to sab hain parantu variety bahut hai। baba bhi yaad karte rehte hain। teacher apne student ko yaad karenge na। yeh kam padhte hain। dil mein to samjhenge na। yeh baap bhi hai, teacher bhi hai। baap to hai hi। teechrapne ka jaasti chalta hai। teacher ko to roz padhaana hai। is padhaai ki taakat se woh pad paate hain। subah ko tum sab bhaai baap ki yaad mein baithte ho, woh subject hai yaad ki। phir murli chalti hai, woh hai padhaai ki subject। mukhya hai hi yog aur padhaai। unko gyaan aur vigyaan bhi kaha jaata hai। yeh gyaan-vigyaan bhavan hai, jahaan baap aakar sikhlaate hain। gyaan se saare srishti ki knowledge mil jaati hai। vigyaan maana tum yog mein rehte ho jisse tum paavan ban jaate ho। tumko arth ka pata hai। baap bachchon ko dekhte rehte hain। dehi-abhimaani banne se hi bhoot niklenge। aise nahin, sabke bhoot phat se nikal jaayenge। hisaab-kitaab jab chuktu ho phir chalan anusaar hi pad paayenge। class transfer hote hain। is duniya ka transfer neeche ho raha hai aur tumhaara oopar ho raha hai। kitna farka hai। woh kaliyugi seedhi neeche utarte jaate hain aur tum purushottam sangamayugi, seedhi oopar chadhte jaate ho। duniya to yahi hai, sirf buddhi ka kaam hai। tum kehte ho ham sangamayugi hain। purushottam banaane liye baap ko aana padta hai। tumhaare liye ab purushottam sangamayug hai। baaki sab ghor andhiyaare mein hain। bhakti ko woh bahut achha samajhte hain kyonki gyaan ka unhon ko maaloom hi nahin hai। tumko abhi gyaan mila hai, tab tum samajhte ho। gyaan ki ek chutki se aadha-kalpa ke liye ham chadh jaate hain। phir vahaan gyaan ki baat bhi nahin hogi। yeh sab baaten mahaarthi bachche hi sunkar dhaaran kar aur sunaate rahenge। baaki to yahaan se nikle aur khalaas। karma, akarma, vikarma ka raaz bhi bhagwan hi samjhaate hain। yeh hai kalpa ka sangamayug। jabki puraani duniya khatma ho nai duniya sthaapan honi hai। vinaash saamne khada hai। tum sangamayug par khade ho aur manushyon ke liye kaliyug chal raha hai। kitna ghor andhiyaara hai। girte hi rehte hain। koi to giraane ke nimitta bhi hoga। woh hai raavan।

is sabha mein vaastav mein koi patit baith nahin sakta। patit vaayumandal ko kharaab karenge। agar koi chhipkar aakar baithte hain to unko chot bhi lagti hai। ekdam gir padenge। eeshvareey sabha mein koi daitya aakar baithte hain to jhat pata padega। pattharbuddhi to hai hi, baaki bhi pattharbuddhi ho jaayega। sauguna danda pad jaayega। apne ko nuksaan pahunchaayenge। kehte hain ham dekhenge inko pata padta hai? hamko kya padi - jo karega, so paayega। hamko jaanne ki jaroorat nahin। baap se sadaiv sachcha rehna hai। kehte hain sach to bitho nach। sachche rahenge to apni raajdhaani mein bhi dance karenge। baap hai hi truth (satya)। to bachchon ko bhi truth banna chaahiye। baba poochhte hain - shivbaaba kahaan hai? kehte hain - ismen hai। paramdham chhodkar, door desh ke rahne vaale aaye desh paraaye। unko to ab bahut service karni hai। baap kehte hain - mujhe raat-din yahaan service karni padti hai। sandeshiyon ko, bhakton ko saakshaatkaar karaana padta hai। hai to yahaan hi। vahaan to koi service nahin। service bigar baba ko sukh na aaye। saari duniya ki service karni hai। sab pukaarte hain baba aao। kehte hain main is rath mein aata hoon। unhonne phir ghode gaadi bana di hai। ab ghode gaadi mein shreekrishna kaise baithenge! aise bhi nahin koi shauk hota hai ghode-gaadi par baithne ka।

dehi-abhimaani aur deh-abhimaani banne ki baaten sangamayug par hi hoti hain aur sivaae baap ke yeh baaten aur koi samjha bhi nahin sakte hain। tum bhi abhi jaante ho। pahle nahin jaante the। kya koi guru ne sikhaaya? guru to bahut kiye। koi ne bhi nahin sikhaaya। bahut log guru karte hain। samajhte hain koi se shanti ka raasta mil jaae। baap kehte hain shanti ka saagar to ek baap hi hai, woh saath le jaate hain। sukhdhaam-shantidham ka kisko pata hi nahin hai। kaliyug mein hai shoodra varna। purooshottam sangamayug par hai brahman varna। in varnon ka bhi tumhaare sivaae koi ko pata nahin hai। yahaan to sunte hain, baahar nikalne se sab kuchh bhool jaate hain। dhaarna hoti nahin। baap kehte hain kahaan bhi jaate ho, badge pada ho। ismen lajja ki baat nahin hai। yeh to baba ne bahut kalyaan ke liye banaaya hai। kisko bhi samjha kar do। koi sensible hoga to kahega is par aapka kharcha hua hoga। bolo - kharcha to hota hi hai। gareebon ke liye free hai। woh dhaarna kar len to oonch pad pa sakte hain। gareeb ke paas paise hi nahin to kya karenge। koi ke paas paise hain parantu manhoos hain। isne practical karke dikhaaya। sab kuchh maataaon ke havaale kar diya। tum baith sab kuchh sambhaalo kyonki ab to yeh gyaan mila hai ki pichhaadi mein kuchh bhi yaad na aaye। ant-kaal jo stri simre…। badi buildings aadi hongi to avashya yaad padengi। parantu thoda bhi gyaan suna to praja mein zaroor aayenge। baap to hai hi gareeb nivaaz। koi-koi ke paas paise hote hain to bhi manhoos hote hain। aise nahin samajhte ki pahla vaaris to shivbaaba hai। bhagwan vaaris to bhakti maarga mein bhi hai। eeshvar arth dete hain। kya woh kangaal hai jo unko dete hain! samajhte hain eeshvar ke naam par gareebon ko denge to eeshvar evaj mein denge। doosre janma mein milta to hai। kehte hain de daan to chhoote grahan। baap ko sab kuchh de diya, shareer, mitra-sambandhi aadi sab kuchh baba ko samarpan kar diya। yeh sab kuchh aapka hai। is samay saari duniya par grahan laga hua hai। woh kaise ek second mein chhootta hai, kaale se gore kaise bante hain, yeh ab tum hi jaante ho phir auron ko samjhaate ho। jo kehte hain - ham andar mein samajhte hain parantu kisko samjha nahin sakte hain, woh bhi koi kaam ke nahin। baap kehte hain - de daan to chhoote grahan। ham tumko avinaashi ratna dete hain, woh sabko dete jaao to bhaarat par va saari duniya par jo raahu ka grahan baitha hua hai, woh utar jaaye aur brihaspati ki dasha ho jaaye। sabse achhi hoti hai brihaspati ki dasha। ab tum jaante ho bhaarat khaas aur aam duniya par raahu ka grahan laga hua hai। woh kaise chhoote? yeh to baap hai na। baap tumhaare se puraana lekar naya dete hain, isko kaha jaata hai brihaspati ki dasha। muktidhaam mein jaane vaalon ke liye brihaspati ki dasha nahin kahenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada khushi mein dance karne ke liye sachche baap se sada sachcha rehna hai। kuchh bhi chhipaana nahin hai।

2) baap jo avinaashi ratna dete hain, woh sabko baantane hain। saath-saath shivbaaba ko apna vaaris banaakar sab kuchh saphal karna hai। ismen manhoos nahin banna hai।

vardaan:- bindu aur boond ke mahatva ko samajh apni shreshtha sthiti banaane vaale siddhi swaroop bhav

shiv paramatma ki pooja mein ek bindu ki visheshta hai, doosri boond-boond ki visheshta hai। donon ka apna mahatva hai। aatma, paramatma aur prakriti ka yeh khel arthaat drama teenon ka gyaan practical life mein bindu hi anubhav hota hai aur boond hai shuddh sankalpon ki smriti, jisse milan ki siddhi ka anubhav hota hai। roohrihaan mein praaptiyon ki sheetal boonde baap par daalte ho, isi se hi shreshtha sthiti ban jaati hai, isi ka yaadgaar bhakti mein bhi chala aata hai।

slogan:- jyaada bolne se dimaag ki energy kam ho jaati hai isliye short aur sweet bolo।