शनिवार 9 मार्च 2024 की दैनिक मुरली

09-03-2024 praatahmurli om shanti "baapdaada"' madhuban

“meethe bachche - ab vaapis jaana hai isliye puraani deh aur puraani duniya se upraam bano, apni battery charge karne ke liye yog ki bhatthi mein baitho''

prashn:- yog mein baap ki poori current kin bachchon ko milti hai?

uttar:- jinki buddhi baahar mein nahin bhatakti। apne ko aatma samajh baap ki yaad mein rehte hain, unhein baap ki current milti hai। baba bachchon ko sakaash dete hain। bachchon ka kaam hai baap ki current ko catch karna kyonki us current se hi aatma roopi battery charge hogi, taakat aayegi, vikarma vinaash honge। ise hi yog ki agni kaha jaata hai, iska abhyaas karna hai।

om shanti। bhagvaanuvaach। ab bachchon ko ghar bhi yaad padta hai। baap to ghar ki aur raajdhaani ki baat hi sunaayenge aur bachche bhi in baaton ko samajhte hain ki ham aatmaon ka ghar kaun-sa hai? aatma kya hai? yeh bhi achhi reeti samajh gaye hain ki baba hamko aakarke padhaate hain। baap kahaan se aate hain? paramdham se। aise nahin kahenge paavan duniya banaane koi paavan duniya se aate hain। nahin, baap kehte hain main satayugi paavan duniya se nahin aaya hoon, main to ghar se aaya hoon, jis ghar se tum bachche aaye ho part bajaane। main bhi drama plan anusaar har 5 hajaar varsha ke baad ghar se aata hoon। main rehta hi ghar mein, paramdham mein hoon। baap samjhaate bhi aise sahaj hain jaise baap shahar se aaye hon। kehte hain jaise tum aaye ho part bajaane, ham bhi vahaan se aaye hain part bajaane, drama plan anusaar। main knowledgeful hoon। sab baaton ko main jaanta hoon - drama plan anusaar।

kalpa-kalpa main yahi baat tumko sunaata hoon। jab tum kaam chita par chadhkar kaale, bhasma ho jaate ho। aag mein manushya kaale ho jaate hain na। tum bhi saanvare ho gaye ho। satopradhaan vaali taakat saari nikal gai hai। aatma ki battery aisi na ho jo ekdam discharge ho jaaye aur motor khadi ho jaae। is samay sabhi ke discharge hone ka samay aa gaya hai, tab baap kehte hain drama anusaar main aata hoon jo aadi sanaatan devi-devta dharma ke hain unhon ki battery charge hoti hai। tumhaari battery abhi charge honi hai zaroor। aise bhi nahin sirf subah ko yahaan aakar baithne se battery charge ho sakegi। nahin, battery charge to uthte, baithte, chalte bhi ho sakti hai - yaad mein rahne se। tum pahle pavitra aatma satopradhaan thi। sachcha sona, sachcha jevar thi। abhi tamopradhaan ho gaye hain। ab phir aatma satopradhaan banti hai to shareer bhi pure milega। yeh badi sahaj pure hone liye bhatthi hai, isko yog ki bhatthi bhi kah sakte hain। sone ko bhi bhatthi mein daalte hain। yeh hai sone ko shuddh banaane ki bhatthi, baap ko yaad karne ki bhatthi। pure to zaroor banna hai। yaad nahin karenge to itna pure nahin honge। phir hisaab-kitaab chuktu karna hi hai kyonki kayaamat ka samay hai। sabko ghar jaana hai। buddhi mein ghar ki yaad baithi hui hai। aur kiski bhi buddhi mein nahin hoga। woh brahm ko eeshvar kah dete hain, usko ghar nahin samajhte। tum is behad drama ke actor ho, drama ko to tum achhi reeti jaan gaye ho। baap ne samjhaaya hai abhi 84 ka chakra poora hota hai, ab ghar jaana hai। aatma ab patit hai, isliye ghar jaane ke liye pukaarti hai - baba aakar paavan banaao। nahin to ham ja nahin sakte hain। baap hi baith yeh baaten bachchon ko samjhaate hain। yeh bhi bachche samajh gaye hain, tab unko pita-pita kehte hain। teacher bhi kehte hain। manushya to shreekrishna ko teacher samajhte hain। tum bachche samajhte ho shreekrishna to khud padhta tha, satayug mein। shreekrishna kabhi kiska teacher bana nahin hai। aise bhi nahin - padhkar phir teacher bana। shreekrishna ki bachpan se lekar badepan tak ki kahaani tum bachche hi jaante ho। manushya to shreekrishna ko bhagwan samajhkar kah dete hain jidhar dekho krishna hi krishna hai। raam ke bhakta kahenge jidhar dekho raam hi raam hai। dhaaga (soot) hi moonjh gaya hai। tum ab jaante ho bhaarat ka praacheen yog aur gyaan mashhoor hai। manushya kuchh nahin jaante। gyaan saagar ek baap hai woh tum bachchon ko gyaan dete hain। to tumko bhi master gyaan saagar kahenge। parantu nambarvaar purooshaartha anusaar। saagar kahen ya nadi kahen? tum ho gyaan gangaayen, ismen bhi manushya moonjhate hain। master gyaan saagar kehna bilkul theek hai।

baap bachchon ko padhaate hain, mel-female ki baat nahin। varsa bhi tum sab aatmaayen leti ho isliye baap kehte hain dehi-abhimaani bano। jaise main param aatma gyaan saagar vaise tum bhi gyaan saagar ho। mujhe parampita paramatma kaha jaata hai, meri duty sabse oonchi hai। raaja-raani ki duty bhi sabse oonchi hoti hai na। tumhaari bhi oonchi rakhi gai hai। yahaan tum jaante ho ham aatmaayen padhti hain, paramatma padhaate hain isliye dehi-abhimaani bhav। sab brothers ho jaate hain। baap kitni mehnat karte hain। abhi tum aatmaayen gyaan le rahi ho। phir vahaan jaayengi to praalabdha chalti hai। vahaan sabka brotherly prem rehta hai। brotherly prem bahut achha chaahiye। kisko regard dena, kisko na dena… aisa nahin। vo log kehte hain - hindu-musalmaan bhaai-bhaai parantu ek-do ko woh regard nahin dete hain। behen-bhaai nahin, bhaai-bhaai kehna theek hai। brotherhood। aatma yahaan part bajaane aai hai। vahaan bhi bhaai-bhaai hokar rehti hai। ghar mein zaroor sab bhaai-bhaai hokar rahenge। behen-bhaai, yeh chola to yahaan chhodna padta hai। bhaai-bhaai ka gyaan baap hi dete hain। aatma bhrakuti ke beech rehti hai। tumko bhi nazar yahaan daalni hai। ham aatma shareer roopi takhta par baithe hain। yeh aatma ka sinhaasan va akaal takhta hai। aatma ko kabhi kaal khaata nahin। sabka takhta yeh hai - bhrakuti ke beech। is par woh akaal aatma baithi hai। kitni samajhne ki baaten hain। bachche mein bhi aatma jaati hai to bhrakuti ke beech mein baithti hai। vo chhota takhta phir bada hota jaata hai। yahaan garbha mein aatma ko bhogna bhogni padti hai tab pashchaataap karte hain - ham kabhi paap aatma nahin banenge। aadhaakalpa paap aatma bante hain। ab baap dvaara paavan aatma bante hain। tum tan-man-dhan sab kuchh baap ko dete ho, itna daan koi jaante nahin। daan lene aur dene vaala bhi bhaarat mein hi aata hai। yeh sab maheen baaten hain samajhne ki। bhaarat kitna avinaashi khanda bana hai aur sab khanda khatma hone vaale hain। yeh bana-banaaya drama hai। yeh tumhaari buddhi mein hai। duniya nahin jaanti, inko knowledge kehna achha hai। knowledge is source oph income, inse income bahut hoti hai। baap ko yaad karo, yeh bhi knowledge dete hain phir srishti chakra ki bhi knowledge dete hain। ismen mehnat hai। ham aatmaon ko ab vaapis jaana hai isliye is puraani duniya aur puraane shareer se upraam rehna hai। deh sahit jo kuchh dekhte ho sab khalaas ho jaana hai। abhi ham transfer hote hain। yeh to baap hi bata sakenge। yeh bahut bada imtahaan hai, jo baap hi padhaate hain। ismen kitaab aadi ki darkaar nahin। baap ko yaad karna hai। baap 84 ka chakra samjha dete hain। drama ki duration ko to koi jaante nahin। ghor andhiyaare mein hain। tum abhi jage ho, manushya to jagte nahin hain। kitni tum mehnat karte ho, vishvaas nahin karte ki bhagwan aakar inhon ko padhaate hain। zaroor koi mein to aayenge na। ab baap aatmaon ko raay dete hain - aise-aise karo jo manushya samajh jaayen। tumhaare liye to sahaj hai, nambarvaar to hain hi। school mein bhi nambarvaar hote hain। padhaai mein bhi nambarvaar hote hain। is padhaai se badi raajaai sthaapan ho rahi hai। purooshaartha aisa karna hai jo ham raaja bane। is samay jo tum purooshaartha karenge woh kalpa-kalpaantar karte rahenge। isko eeshvareey lottery kaha jaata hai। kisko thodi, kisko badi lottery hoti hai। raajaai ki bhi lottery hai। aatma jaisa karma karti hai, aisi lottery milti hai। koi gareeb bante hain, koi saahookaar bante hain। is samay tum bachchon ko saari lottery baap se milti hai। is samay ke purooshaartha par bahut madaar hai। number one purooshaartha hai yaad ka। to pahle yogbal se svachchha to banen। tum jaante ho jitna ham baap ko yaad karenge utni knowledge ki dhaarna hogi aur bahuton ko samjhaakar apni praja banaayenge। bhal koi bhi dharma vaala ho, jab aapas mein milte ho to baap ka parichay do। aage chal woh dekhenge ki vinaash saamne khada hai। vinaash ke samay manushyon ko vairaagya aata hai। hamko sirf kehna hai - tum aatma ho। he god father! kisne kaha? aatma ne। ab baap aatmaon ko kehte hain ki main tumhaara guide bankar tumko le jaaoonga, muktidhaam mein। baaki aatma ka kabhi vinaash nahin hota to moksha ka bhi question nahin। har ek ko apna-apna part bajaana hai। aatmaayen sab hain immortal, kabhi bhi vinaash nahin hongi। baaki vahaan jaane ke liye baap ko yaad karo to vikarma vinaash honge। ghar chale jaayenge। aakhreen bade-bade sannyaasi bhi samjhenge, vaapis to sabko jaana hai। tumhaara paigaam sabki buddhiyon mein thaka karega, tab to gaayan hai - aho prabhu…tumhari gat mat, to zaroor kisko mat denge ya apne paas rakhenge? unki mat se sadgati kaise hoti hai, so zaroor bataayega na। phir woh kehte hain tumhari gati-mat tum jaano, ham nahin jaante hain। yeh bhi koi baat hai! baap kehte hain is shreemat se tumhaari gati ho jaati hai।

abhi tum jaante ho baba jo jaante hain woh hamko sikhlaate hain। tum kahenge ham baba ko jaante hain। vo gaate hain tumhari gati-mat tum jaano। parantu tum aise nahin kahenge। buddhi mein saara gyaan baith jaaye, ismen bhi time lagta hai। sampoorn to abhi koi bana nahin hai। sampoorn ban jaaye to yahaan se chale jaayen। jaana to hai nahin। ab sab purooshaartha kar rahe hain। baba ko bhal pahle jor se vairaagya aaya, dekha double sirtaaj banta hoon - yeh bhi drama anusaar baba ne dikhaaya। main to jhat khush ho gaya। khushi ke maare sab kuchh chhod diya। vinaash bhi dekha to chaturbhuj bhi dekha। samjha abhi raajaai milti hai। thode roz mein vinaash ho jaayega। aisa nasha chadh gaya। abhi to samajhte hain yeh to theek hai, raajdhaani banengi। yeh bahuton ko raajaai milni hai। ek ham jaakar kya karenge। yeh gyaan abhi milta hai। pahle khushi ka paara chadh gaya। purooshaartha to sabko karna hai। tum purooshaartha ke liye baithe ho। subah ko yaad mein baithte ho। yeh baithna bhi achha hai। jaante ho baba aaya hai। baap aaya ya daada aaya, yeh to gud jaane gud ki gothri jaane। ek-ek bachche ko dekhte rahenge। ek-ek ko baith sakaash dete hain। yog ki agni hai na। yog agni se unke vikarma bhasma ho jaaen। jaise ki baithkar light dete hain। ek-ek aatma ko searchlight dete hain। jaise baap kehte hain main har ek aatma ko baith current deta hoon to taakat bharti jaae। agar kiski buddhi baahar mein hogi to phir current ko catch nahin kar sakenge। buddhi kahaan na kahaan bhatakti rahegi। unko milega phir kya? kehte hain mithra ghur ta ghuraay, tum pyaar karenge to pyaar paayenge। buddhi baahar bhatakti rahegi to battery charge nahin hogi। baap battery charge karne aata hai, unka pharja hai service karna। bachche service sveekaar karte hain va nahin yeh to unki aatma jaane। kis khyaalaat mein baithe hain, yeh sab baaten baap samjhaate hain। main bhi param aatma hoon। mujh battery ke saath yog lagaate ho। main bhi sakaash doonga। bahut pyaar se ek-ek ko sakaash deta hoon। tum to baithenge baap ko yaad karne। baba kehte hain main ek-ek aatma ko sakaash deta hoon। saamne baith light deta hoon। tum to aise nahin karenge। jo pakadne vaale honge woh pakdenge aur unki battery charge hogi। baba din-pratidin yuktiyaan to bataate rehte hain। baaki samjha, na samjha - yeh to nambarvaar student par madaar hai। tumhein bahut taraavti maal mil raha hai। koi hazam bhi kare na। badi lottery hai। janma-janmaantar, kalpa-kalpaantar ki lottery hai। is par poora attention dena hai। baba se ham current le rahe hain। baap bhi bhrakuti ke beech mein baitha hai, baaju mein। tumko bhi apne ko aatma samajh baba ko yaad karna hai, na ki brahma ko। ham unse yog lagaakar baithe hain, inko dekhte bhi ham unko dekhte hain। aatma ki hi baat hai na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma ko svachchha banaane ke liye savere-savere baap se search light leni hai, buddhiyog baahar se nikaal ek baap mein lagaana hai। baap ki current ko catch karna hai।

2) aapas mein bhaai-bhaai ke sachche lav se rehna hai। sabko regard dena hai। aatma bhaai akaal takhta par viraajmaan hai, isliye bhrakuti mein hi dekhkar baat karni hai।

vardaan:- apne samparka dvaara anek aatmaon ki chintaaon ko mitaane vaale sarva ke priy bhav

vartamaan samay vyaktiyon mein svaartha bhaav hone ke kaaran aur vaibhvon dvaara alpakaal ki praapti hone ke kaaran aatmaayen koi na koi chinta mein pareshaan hain। aap shubhchintak aatmaon ke thode samay ka samparka bhi un aatmaon ki chintaaon ko mitaane ka aadhaar ban jaata hai। aaj vishwa ko aap jaisi shubhchintak aatmaon ki aavashyakta hai isliye aap vishwa ko atipriy ho।

slogan:- aap heere tulya aatmaon ke bol bhi ratna samaan moolyavaan hon।