गुरुवार 14 मार्च 2024 की दैनिक मुरली

14-03-2024 praatahmurli om shanti "baapdaada"' madhuban

“meethe bachche - tumhein padhaai kabhi miss nahin karni hai, padhaai se hi scholarship milti hai isliye baap dvaara jo knowledge milti hai use grahan karo''

prashn:- laayak brahman kise kahenge? uski nishaani sunaao?

uttar:- 1. laayak brahman woh jiske mukh par baba ka geeta gyaan kantha ho, 2. jo bahuton ko aap samaan banaata rahe, 3. bahuton ko gyaan dhan ka daan-punya kare, 4. kabhi aapas mein ek-do ke matbhed mein na aaye, 5. kisi bhi dehdhaari mein buddhi latki hui na ho, 6. brahman arthaat jismen koi bhoot na ho, jo deh anhakaar ko chhod dehi-abhimaani rahne ka purooshaartha kare।

om shanti। baap ne apna aur srishti chakra ka parichay to diya hai। yeh to bachchon ki buddhi mein baith gaya hai ki srishti chakra hoobhu repeat hota hai। jaise naatak banaate hain, models banaate hain। phir woh repeat hote hain। tum bachchon ki buddhi mein yeh chakra chalna chaahiye। tumhaara naam bhi hai svadarshan chakradhaari। to buddhi mein phirna chaahiye। baap dvaara jo knowledge milti hai vo grahan karni chaahiye। aisi grahan ho jaae jo pichhaadi mein baap aur rachna ke aadi-madhya-ant ki yaad rahe। bachchon ko bahut achhi reeti purooshaartha karna hai। yeh hai education। bachche jaante hain yeh education sivaae tum braahmanon ke koi bhi nahin jaante। varnon ka farka to hai na। manushya samajhte hain ham sab milkar ek ho jaaen। ab itni saari duniya ek to ho nahin sakti। yahaan saare vishwa mein ek raajya, ek dharma, ek bhaasha chaahiye। vo to satayug mein tha। vishwa ki baadshaahi thi, jiske maalik yeh lakshmi-naaraayan the। tumko yeh bataana hai ki vishwa mein shanti ka raajya yeh hai। sirf bhaarat ki hi baat hai, jab inhon ka raajya hota hai to saare vishwa mein shanti ho jaati hai। yeh sivaae tumhaare aur koi jaante nahin। sab hain bhakta। farka bhi tum dekhte ho। bhakti alag hai, gyaan alag hai। aise nahin, bhakti na karne se koi bhoot-pret kha jaayenge। nahin। tum to baap ke bane ho। tumhaare mein jo bhoot hain woh sab nikal jaane hain। pahle number mein bhoot hai deh anhakaar। inko nikaalne liye hi baap dehi-abhimaani banaate rehte hain। baap ko yaad karne se koi bhi bhoot saamne aayega nahin। 21 janmon ke liye koi bhoot aata nahin। yeh 5 bhoot hain raavan sampradaay ke। raavan raajya kehte hain। raam raajya alag hai, raavan raajya alag hai। raavan raajya mein bhrashtaachaari aur raam raajya mein shreshthaachaari hote hain। iska farka bhi tumhaare sivaae koi ko pata nahin hai। tumhaare mein bhi jo samjhu hoshiyaar hain, vo achhi reeti samajh sakte hain kyonki maaya billi kam nahin hai। kabhi-kabhi padhaai chhod dete hain, centre par nahin jaate hain, daiveegun dhaaran nahin karte। aankhe bhi dhokha deti hain। koi cheez achhi dekhi to kha lete hain। to ab baap samjhaate hain ki tum bachchon ki yeh (lakshmi-naaraayan) em object hai। tumko aisa banna hai। aise daiveegun dhaaran karne hai, yatha raaja raani tatha praja sabmen daivi-gun hote hain। vahaan aasuri gun hote nahin। asur hote nahin। tum brahmaakumaar-kumaariyon ke sivaae aur koi nahin jo in baaton ko samjhe। tumko shuddh ahankaar hai। tum aastik bane ho kyonki meethe-meethe roohaani baap ke bane ho। yeh bhi jaante ho koi bhi dehdhaari kabhi raajayog ka gyaan va yaad ki yaatra sikhla nahin sakte। ek baap hi sikhlaate hain। tum seekhkar phir auron ko sikhlaate ho। tumse poochhenge tumko yeh kisne sikhaaya? tumhaara guru kaun hai? kyonki teacher to aadhyaatmik baaten nahin sikhlaate, yeh to guru hi sikhlaate hain। yeh bachche jaante hain - hamaara guru nahin, hamaara hai satguru, unko supreme bhi kaha jaata hai। drama anusaar satguru khud aakar parichay dete hain aur jo kuchh sunaate hain woh sab satya hi samjhaate hain aur sach-khanda mein le jaate hain। sat ek hi hai। baaki koi dehdhaari ko yaad karna hai jhooth। yahaan to tumhein ek baap ko hi yaad karna hai। jaise sab aatmaayen jyoti bindu hain to baap bhi jyoti bindu hai। baaki har aatma ke sanskaar karma apne-apne hain। ek jaise sanskaar ho nahin sakte। agar ek jaise sanskaar hon phir to features bhi ek jaise hon। kabhi bhi ek jaise features nahin ho sakte। thoda farka zaroor hota hai।

yeh naatak to ek hi hai। srishti bhi ek hi hai, anek nahin। yeh gapode lagaate ki oopar-neeche duniya hai। oopar taaron mein duniya hai। baba kehte hain yeh kisne bataaya hai? to naam lete hain shaastron ka। shaastra to zaroor koi manushya ne likhe honge। tum jaante ho yeh to bana-banaaya khel hai। second by second jo saari duniya ka part bajta hai, yeh bhi drama ka bana-banaaya khel hai। tum bachchon ki buddhi mein aa gaya - yeh chakra kaise phirta hai, sabhi manushya maatra jo hain woh kaise part bajaate hain? baba ne bataaya hai satayug mein sirf tumhaara hi part hota hai। nambarvaar aate ho part bajaane। baba kitna achhi reeti samjhaate hain। tum bachchon ko phir auron ko samjhaana padta hai। bade-bade centres khulte rahenge, to bade-bade aadmi vahaan aayenge। gareeb bhi aayenge। aksar karke gareebon ki buddhi mein jhat baithta hai। bade-bade aadmi bhal aate hain parantu kaam pad gaya to kahenge phursat nahin hai। pratigya karte hain ham achhi reeti padhenge phir agar nahin padhte to dhakka lag jaata hai। maaya aur hi apne taraph kheench leti hai। bahut bachche hain jo padhna banda kar dete hain। padhaai mein miss rahe to zaroor fail ho padenge। school mein jo achhe-achhe bachche hote hain woh kabhi shaadiyon par, idhar-udhar jaane ki chhutti nahin lete hain। buddhi mein rehta hai ham achhi reeti padhkar scholarship lenge isliye padhte hain। miss karne ka khyaal nahin karte। unhon ko padhaai ke sivaae kuchh bhi meetha nahin lagta। samajhte hain muphta samay vesta hoga। yahaan ek hi teacher padhaane vaala hai to kabhi padhaai miss nahin karni chaahiye। ismen bhi nambarvaar purooshaartha anusaar hain। dekhte hain padhne vaale achhe hain to padhaane vaale ki bhi dil lagti hai। teacher ka naam baala hota hai। grade badhti hai। oonch pad milta hai। yahaan bhi bachche jo jitna padhte hain utna oonch pad paate hain। ek hi class mein koi padhkar oonch pad paate hain, koi kam। sabki kamaai ek jaisi nahin hoti। buddhi par madaar hai। vo to manushya, manushya ko padhaate hain। tum jaante ho behad ka baap hamko padhaate hain to achhi tarah padhna chaahiye। gaphlat nahin karni chaahiye। padhaai ko chhodna nahin chaahiye। ek-do ke traitor bhi ban padte hain - ulti-sulti baaten sunaakar। parmat par nahin chalna chaahiye। shreemat ke liye koi kuchh bhi kahe, tumko to nishchay hai - baap hamko padhaate hain phir woh padhaai chhodni nahin chaahiye। bachche nambarvaar hain, baap to avval number hai। is padhaai ko chhod aur kahaan jaayenge! aur kahaan se yeh padhaai mil na sake। shivbaaba se padhna hai। sauda bhi shivbaaba se karna hai। koi ulti-sulti baaten sunaakar auron ka mukh mod dete hain। yeh bank shivbaaba ki hai। samjho koi baahar mein satsang shuru karte, kehte hain humein shivbaaba ki bank mein jama karna hain, kaise karenge? bachche jo aate hain shivbaaba ki bhandaari mein daalte hain। ek paisa bhi dete hain to sauguna hokar milta hai। shivbaaba kehte hain tumko inke badle mahal mil jaayenge। yeh saari puraani duniya khatma hone vaali hai। dhanvaan achhe-achhe kutumba se bahut aate hain। aise koi nahin kehte hain ki hamaari shivbaaba ke bhandaare se paravrish nahin hoti hai। sabki paalna ho rahi hai। koi gareeb hain, koi saahookaar hain। saahookaar se gareeb palte hain, ismen darne ki baat nahin। bahut chaahte hain ham baba ke ban jaayen। parantu laayak bhi hon। tandaroosta bhi chaahiye। gyaan bhi de saken। government bhi bahut jaanch kar leti hai। yahaan bhi sab kuchh dekha jaata hai। service kar sakte hain। nambarvaar to hain। sab apna-apna purooshaartha kar rahe hain। koi achha purooshaartha karte-karte phir absent ho jaate hain। kaarne-akaarne aana chhod dete hain phir tandaroosti bhi aisi ho jaati hai। ever tandaroosta banaane ke liye yeh sab sikhaaya jaata hai। jinko shauk hai, samajhte hain yaad se hi hamaare paap katte hain, vo achhi reeti purooshaartha karte hain। koi to laachaar time paas kar rahe hain। apni-apni jaanch karni hai। baap samjhaate hain gaphlat karenge to woh pata pad jaayega - yeh kisko padha nahin sakte।

baba kehte hain 7 roz mein tumko laayak brahman-braahmani ban jaana hai। sirf naam ka brahman-braahmani nahin chaahiye। brahman-braahmani woh jinke mukh mein baba ka geeta gyaan kantha ho। braahmanon mein bhi nambarvaar to hote hi hain। yahaan bhi aise hi hain। padhaai par attention nahin to kya jaakar banenge। har ek ko apna purooshaartha karna hai। service ka saboot dena chaahiye, tab samajh mein aayega ki yeh aisa pad paayega। phir woh kalpa-kalpaantar ke liye ho jaayega। padhte-padhaate nahin hain to andar mein samajhna chaahiye ki main poora padha nahin hoon, tab padha nahin sakta। baba kehte hain padhaane laayak kyon nahin bante ho! kahaan tak braahmani ko bhejenge! aap samaan nahin banaaya hai! jahaan achhi reeti padhte hain, unko madad deni chaahiye। bahuton ka aapas mein matbhed rehta hai। koi phir ek-do mein latak kar padhaai chhod dete hain। jo karega so paayega। ek-do ki baaton mein aakar tum padhaai kyon chhod dete ho? yeh bhi drama। takdeer mein nahin hai। din-pratidin padhaai jor hoti jaati hai। centre khulte rehte hain। yeh shivbaaba ka kharcha nahin hai। saara hi bachchon ka kharcha hai। yeh daan sabse achha hai। us daan se alpakaal ka sukh milta hai, inse 21 janmon ki praalabdha milti hai। tum jaante ho ham yahaan aate hain nar se naaraayan banne ke liye। to jo achhi reeti padhte hain unko follow karo। kitna regular padhna chaahiye। aksar karke deh-abhimaan mein aakar bahut ladte hain। apni takdeer se rooth padte hain isliye majority maataaon ki hai। naam bhi maataaon ka baala hota hai। drama mein maataaon ke unnati ki bhi noondh hai।

to baap meethe-meethe bachchon ko kehte hain apne ko aatma samajh maamekam yaad karo। aatma-abhimaani hokar raho। shareer hi nahin to doosre ka sunenge kaise। yeh pakka abhyaas karo - ham aatma hain, ab hamko vaapis jaana hai। baap kehte hain yeh sab tyaag karo, baap ko yaad karo। is par hi saara madaar hai। baap kehte hain dhandha aadi bhal karte raho। 8 ghanta dhandha, 8 ghanta aaraam, baaki 8 ghanta is government ki service karo। yeh bhi tum meri nahin, saare vishwa ki seva karte ho, iske liye time nikaalo। mukhya hai yaad ki yaatra। time vesta nahin karna chaahiye। us government ki 8 ghanta service karte ho, usse kya milta hai! hajaar do, paanch hajaar… is government ki service karne se tum padmaapadmapti bante ho। to kitna dil se seva karni chaahiye। 8 ratna bane hain to zaroor 8 ghanta baba ko yaad karte honge। bhakti maarga mein bahut yaad karte hain, time ganvaate hain, milta kuchh bhi nahin hai। ganga snaan, jap tap aadi karne se baap nahin milta hai jo varsa mile। yahaan to tumko baap se varsa milta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat ko chhod kabhi parmat par nahin chalna hai। ulti-sulti baaton mein aakar padhaai se mukh nahin modna hai। matbhed mein nahin aana hai।

2) apni jaanch karni hai ki ham kahaan gaphlat to nahin karte hain? padhaai par poora attention hai? samay vyartha to nahin ganvaate hain? aatma-abhimaani bane hain? roohaani seva dil se karte hain?

vardaan:- roohaani authority ke saath nirhankaari ban satya gyaan ka pratyaksha swaroop dikhaane vaale sachche sevaadhaari bhav

jaise vriksha mein jab sampoorn phal ki authority aa jaati hai to vriksha jhuk jaata hai arthaat nirmaan banne ki seva karta hai। aise roohaani authority vaale bachche jitni badi authority utne nirmaan aur sarva ke snehi honge। alpakaal ki authority vaale anhakaari hote hain lekin satyata ki authority vaale authority ke saath niranhakaari hote hain - yahi satya gyaan ka pratyaksha swaroop hai। sachche sevaadhaari ki vritti mein jitni authority hogi uski vaani mein utna hi sneh aur namrata hogi।

slogan:- bhaagya ka aadhaar tyaag hai, bina tyaag ke bhaagya nahin milta।