शुक्रवार 15 मार्च 2024 की दैनिक मुरली

15-03-2024 praatahmurli om shanti "baapdaada"' madhuban

“meethe bachche - gyaan saagar baap tumhein ratnon ki thaaliyaan bhar-bhar kar dete hain, jitna chaahe apni jholi bharo, sab phikraaton se faarig ho jaao''

prashn:- gyaan maarga ki kaun-si baat bhakti maarga mein bhi pasanda karte hain?

uttar:- svachchhata। gyaan maarga mein tum bachche svachchha bante ho। baap tumhaare maile kapdon ko svachchha banaane aaye hain, aatma jab svachchha arthaat paavan ban jaati hai tab ghar mein jaane ke, udne ke pankh lag jaate hain। bhakti mein bhi svachchhata ko bahut pasanda karte hain। svachchha banne ke liye ganga mein jaakar snaan karte, lekin paani se aatma svachchha nahin ban sakti।

om shanti। meethe-meethe bachche, tumhein yaad ki yaatra ko bhoolna nahin hai। subah ko jaise yeh practice karte ho, usmein vaani nahin chalti hai kyonki woh hai nirvaandhaam mein jaane ki yukti। paavan banne ke sivaae tum bachche ja nahin sakte, ud nahin sakte। yeh bhi samajhte ho satayug jab hota hai to kitni dher aatmaayen udkar jaati hain। abhi to kitni karod aatmaayen hain। vahaan satayug mein jaakar kuchh laakh bachenge। baaki sab ud jaate hain। zaroor koi to aakar pankh dete hain na। is yaad ki yaatra se hi aatma pavitra ho jaati hai। inke sivaae aur koi upaay hai nahin paavan hone ka। patit-paavan bhi ek baap ko hi kehte hain phir koi eeshvar kehte, paramatma kehte va bhagwan kehte hain। hai to ek। anek nahin hain। baap sabka ek hai। laukik baap sabka apna-apna hota hai। baaki paarlaukik to sabka ek hi hai। woh ek jab aate hain to sabko sukh dekar jaate hain। phir sukh mein unko yaad karne ki darkaar nahin। woh bhi past ho gaya na। ab baap baith past, present, future ka raaz samjhaate hain। jhaad ka past, present, future bahut easy hai। tum jaante ho ki kaise beej se jhaad hota hai। phir vriddhi ko paate-paate aakhreen ant aa jaata hai। usko kaha jaata hai aadi, madhya, ant। yeh hai variety dharmon ka jhaad, variety feature ka jhaad। sabke feature apne-apne hain। phoolon mein tum dekhenge jaisa-jaisa jhaad vaise-vaise unke phool nikalte hain। un sab phoolon ke features ek rahenge। parantu is manushya srishti roopi jhaad mein variety hai। usmein har ek jhaad ki shobha apni-apni hoti hai। is jhaad mein anek prakaar ki shobha hai। jaise baap samjhaate hain - shyaam sundar, yeh devi-devtaaon ke liye hai। jab woh satopradhaan se tamopradhaan bante hain to vahi sundar se shyaam bante hain। aise shyaam-sundar aur koi dharma mein nahin bante hain। unhon ke features bhi dekho। jaapaaniyon ke features, Europeans ke features, cheeniyon ke features dekho। India vaalon ke features badli hote jaate hain। unhon ke liye hi shyaam-sundar ka gaayan hai, aur koi dharma ke liye nahin। yeh manushya srishti ka jhaad hai। variety dharma hain। woh sab nambarvaar kaise aate hain, yeh knowledge tum bachchon ko abhi milti hai। aur koi yeh baat samjha na sake। yeh kalpa hai 5 hazaar varsha ka। isko vriksha kaho ya duniya kaho, aadha mein hai bhakti, jisko raavan raajya kaha jaata hai। 5 vikaaron ka raajya chalta hai, kaam chita par chadhkar patit saanvare ban jaate hain। raavan sampradaay vaalon ki chalan aur daivi sampradaay vaalon ki chalan mein raat-din ka farka hai। manushya unhon ki mahima gaate hain, apne ko neench paapi kehte hain। anek prakaar ke manushya hain। bhakti to tumne bahut ki hai। punarjanma lete-lete bhakti karte aaye ho। pahle hoti hai avyabhichaari bhakti। ek ki bhakti pahle-pahle shuru karte hain phir vyabhichaari ho jaati hai। ant mein phir bilkul hi vyabhichaari ban jaate hain, tab baap aakar avyabhichaari gyaan dete hain। jis gyaan se sadgati hoti hai, iska jab tak pata nahin hai to bhakti ke hi ghamanda mein rehte hain। yeh pata nahin hai ki gyaan ka saagar ek hi paramatma hai। bhakti mein kitne ved shaastra yaad kar jabaani bhi sunaate hain। yeh sab hai bhakti ka vistaar। bhakti ki shobha hai। baap kehte hain yeh mrigtrishna samaan shobha hai। vo ret paani jaisi door se aisi chamakti hai jaise chaandi। hiran ko pyaas lagti hai to woh us ret mein bhaagte-bhaagte phans jaata hai। bhakti bhi aise hai, usmein sab phans pade hain, usse nikaalne mein bachchon ko mehnat lagti hai। vighna bhi ismen padte hain kyonki baap pavitra banaate hain। dropdi ne bhi pukaara। saari duniya mein dropdiyaan aur duryodhan hain। aur phir aise bhi kahenge ki tum sab paarvatiyaan ho jo amraktha sun rahi ho। baap tumko amarlok ke liye amar katha suna rahe hain। yeh hai mrityulok। yahaan akaale mrityu hoti rehti hai। baithe-baithe heartfail ho jaate hain। tum hospital mein jaakar samjha sakte ho। yahaan tumhaari aayu kitni kam hai, beemaar ho padte ho। vahaan beemaari hogi nahin।

bhagvaanuvaach - apne ko aatma samjho, mujh baap ko yaad karo। auron se mamatva mita do to tumhaare vikarma vinaash honge। phir kabhi beemaar honge nahin। kaal khaayega nahin। aayu bhi badi hogi। in devtaaon ki aayu badi thi na। phir badi aayu vaale kahaan gaye? punarjanma lete-lete aayu kam ho jaati hai। yeh duhkh-sukh ka khel hai, isko koi jaante nahin। mele-malaakhde aadi kitne hote hain। kumbha ke mele mein kitne log snaan karne ke liye jaakar ikatthe hote hain parantu phaayda kuchh bhi nahin। roz tum snaan karte ho, paani to sab jagah saagar se hi aata hai। sabse achha paani to kuen ka hota hai। nadiyon mein to kichda padta rehta hai। kuen ka paani to natural shuddh hota hai। to unse snaan karna bahut achha hota hai। pahle yeh rivaaz tha, ab nadiyon ka rivaaj pada hai। bhakti maarga mein bhi svachchhata ko pasanda karte hain। ab paramatma ko pukaarte hain ki aakar hamko svachchha banaao। gurunaanak ne bhi paramatma ki mahima gaai hai ki moot paleeti kapad dhoye… baap aakar moot paleeti kapdon ko svachchha banaate hain। yahaan baap aatma ko svachchha banaate hain। vo log aatma ko nirlep samajhte hain। baap kehte hain - yeh hai hi raavan raajya। srishti ki utarti kala hai। gaayan bhi hai chadhti kala tere bhaane sarva ka bhala। sarva ki sadgati ho jaati hai। he baba, aapke dvaara sabka bhala ho jaata hai। satayug mein sabka bhala hota hai। vahaan sab shanti mein hain, ek hi raajya hai। us samay aur sab shantidham mein rehte hain। ab yeh log maatha maarte hain ki vishwa mein shanti ho। unse poochho - aage kabhi vishwa mein shanti thi, jo ab phir maang rahe ho? vo phir kah dete hain abhi kaliyug mein 40 hazaar varsha aur pade hain। manushya ghor andhiyaare mein hain। kahaan 5 hazaar varsha ka saara kalpa, kahaan ek kaliyug ke hi 40 hazaar varsha bache hue bataate hain! anek mate hain। baap aakar sach bataate hain ki janma bhi 84 hi hain। laakhon varsha hon phir to manushya jaanvar aadi bhi ban sakte hain, parantu kaayda hi nahin hai। 84 janma manushya ka hi lete hain। uska hisaab-kitaab bhi baap batlaate hain। yeh knowledge tum bachchon ko dhaaran karni hai। rishi-muni to neti-neti karke gaye hain arthaat ham nahin jaante hain to naastik thahre। zaroor koi aastik honge। aastik hain devtaayen, naastik hain raavan raajya mein। gyaan se tum aastik bante ho phir 21 janmon ka varsa mil jaata hai। phir gyaan ki darkaar nahin rehti hai। ab purushottam sangamayug hai jabki ham uttam te uttam purush svarga ke maalik ban rahe hain। ismen jitna jo padhenge utna oonch pad paayenge। padhenge-likhenge honge vishwa ke maalik, nahin to kam pad। parantu woh raajaai hai sukh ki। yahaan hai duhkh ki। aastik bane hain to sukh ki raajaai karte hain। phir raavan aane se naastik bante hain, to duhkh hota hai। bhaarat jab solvent tha to athaah dhan tha, somnaath ka mandir kitna bhaari banaaya hua hai। mandir banaane ke liye itne paise the to khud ke paas kitne paise honge! yeh itne paise kahaan se mile? shaastron mein likha hai - saagar ne thaaliyaan bhar-bhar kar di। ab gyaan saagar tumko ratnon ki thaaliyaan bharkar dete hain। ab tumhaari jholi bhar rahi hai। vo shankar ke aage jaakar kehte hain bhar do jholi, baap ko jaante nahin। ab tum jaante ho - baap hamaari jholi bhar rahe hain। jitna jisko chaahiye so bhare। jitna achhi reeti padhenge utna scholarship milegi। chaahe to oonch te oonch double sirtaaj bano, chaahe gareeb praja va daas-daasi। bahut hain jo faarakti bhi de dete hain, yeh bhi drama mein noondh hai। baap kehte hain mujhe koi phikra nahin। main to phikra se faarig hoon। tumko bhi bana raha hoon। phikra se faarig svaami keenda satguru.... svaami jo sabka baap hai, unko maalik bhi kehte hain। baap kehte hain main tumhaara behad ka teacher bhi hoon। bhakti maarga mein tum anek teachers se anek vidyaayen padhte ho। baap jo tumko padhaate hain yeh sabse nyaari knowledge hai। woh hai gyaan ka saagar, jaani jaananhaar nahin kehna। aise bahut kehte hain - aap to hamaare andar ko jaante ho। baap kehte hain - main kuchh nahin jaanta hoon। main to tum bachchon ko padhaane ke liye aata hoon, tum aatma apne is takhta par viraajmaan ho। main bhi is takhta par baitha hoon। aatma kitni chhoti bindi hai - yeh koi jaanta hi nahin। tab baap kehte hain - pahle aatma ko samjho phir baap ko samjhenge। baap pahle-pahle aatma ka gyaan samjhaate hain। phir baap ka parichay dete hain। bhakti mein saaligraam banaae pooja kar phir khalaas kar dete hain। baap kehte hain yeh sab hai gudiyon ki pooja। jo in sab baaton ko achhi reeti samajhte hain woh auron ka bhi kalyaan karte hain। baap bhi kalyaankaari hai to bachchon ko bhi banna hai। koi to auron ko daldal se nikaalte-nikaalte khud phans marte hain। apvitra ban padte hain। ki kamaai chat kar dete hain, isliye baap kehte hain khabardaar rehna। kaam chita par baithne se hi tum kaale ban pade ho। tum kahenge ham hi gore the, ham hi kaale bane। ham hi devta the, ham hi neeche utre। nahin to 84 janma kaun lete hain। yeh hisaab baap samjhaate hain। bachchon ko bahut mehnat karni padti hai। aadhaakalpa se jo vishay saagar mein pade hain unse nikaalna maasi ka ghar nahin hai। agar koi thoda bhi gyaan lete hain to unka vinaash nahin hota hai। yeh katha hai hi satya naaraayan banne ki, phir praja bhi banti hai। thoda samajhkar chale jaate hain, ho sakta hai phir aakar samjhen। aage chalkar manushyon mein vairaagya bhi hoga। jaise shamshaan mein vairaagya aata hai, baahar nikle to khalaas। tum bhi jab samjhaate ho, achha-achha karte hain, baahar gaye khalaas। kehte hain yeh kaam utaarkar aayenge। baahar jaane se maaya maatha mood leti hai। koto mein koi nikalta hai। raajaai pad paana - ismen mehnat lagti hai। har ek dil se poochhe - behad ke baap ko ham kitna yaad karte hain? kehte hain baap ki yaad bhool jaati hai। are, agyaan kaal mein kabhi aise kehte hain ki hamko baap bhool jaata hai।

baba kehte hain bhal kitne bhi toofaan aayen tumko hilna nahin hai। toofaan aayega, sirf karmendriyon se karma nahin karna। kehte hain - baba, maaya ne jaadu laga diya। baba kehte hain - meethe-meethe bachche, yaad karo to kat nikal jaayegi। aatma par kat (junk) chadhti hai, woh niklegi yaad se। baap bhi bindi hai। sivaae baap ki yaad ke aur koi upaay nahin kat utaarne ka। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kalyaankaari baap ke ham bachche hain isliye apna aur sarva ka kalyaan karna hai। koi aisa karma na ho jo ki kamaai khatma ho jaae ismen khabardaar rehna hai।

2) padhaai achhi tarah se padhkar gyaan ratnon se apni jholi bharpoor karni hai। scholarship lene ka purushaartha karna hai। baap samaan phikra se faarig, nishchinta rehna hai।

vardaan:- mahsoosta shakti dvaara puraane svabhaav, sanskaar se nyaara banne vaale maayaajeet bhav

is puraani deh ke svabhaav aur sanskaar bahut kade hain jo maayaajeet banne mein bada vighna roop bante hain। svabhaav-sanskaar roopi saamp khatma bhi ho jaata hai lekin lakeer rah jaati hai jo samay aane par baar-baar dhokha de deti hai। kai baar maaya ke itna vasheebhoot ho jaate jo wrong ko wrong bhi nahin samajhte। parvash ho jaate hain isliye check karo aur mahsoosta shakti dvaara puraane chhipe hue svabhaav sanskaar se nyaare bano tab maayaajeet banenge।

slogan:- merepan ke anek rishton ko samaapta karna hi pharishta banna hai।