सोमवार 25 मार्च 2024 की दैनिक मुरली

25-03-2024 praatahmurli om shanti "baapdaada"' madhuban

meethe bachche - antarmukhi ban vichaar saagar manthan karo to khushi aur nasha rahega, tum baap samaan teacher ban jaayenge

prashn:- kis aadhaar par andar ki khushi sthaai rah sakti hai?

uttar:- sthaai khushi tab rahegi jab auron ka bhi kalyaan kar sabko khush karenge। merciful bano to khushi rahe। jo merciful bante hain unki buddhi mein rehta ki oho, humein sarva aatmaon ka baap padha rahe hain, paavan bana rahe hain, ham vishwa ka mahaaraaja bante hain! aisi khushi ka woh daan karte rehte hain।

om shanti। roohaani baap roohaani bachchon se poochhte hain - bachche, yeh om shanti kisne kaha? (shivbaaba ne) haan shivbaaba ne kaha; kyonki bachchon ko maaloom hai yeh sabhi aatmaon ka baap hai। kehte hain main kalpa-kalpa is rath mein hi aakar padhaata hoon। ab yeh hua padhaane vaala teacher। teacher aayega to kahega good morning। bachche bhi kahenge good morning। yeh bachche jaante hain ki aatmaon ko paramatma good morning karte hain। laukik reeti se good morning to bahut hi karte rehte hain। yeh to behad ka baap hai, jo aakar padhaate hain। bachchon ko saare jhaad athva drama ka raaz samjhaate hain। tum jaante ho jo bhi sabhi aatmaayen hain, sabka baap aaya hua hai। yeh nishchay saara din buddhi mein rahe ki behad ka baap hamko padhaate hain, woh hamaara baap teacher guru hai। unko rachta bhi kehte hain - yeh bhi samajhna pade। aatmaon ko rachte nahin hain। samjhaate hain - main beejroop hoon। is manushya srishti roopi jhaad ka knowledge tumko sunaata hoon। sivaae beej ke yeh knowledge kaun de? aise nahin kahenge ki jhaad ko usne racha। kehte hain - bachche, yeh to anaadi hai। nahin to main tithi-taareekh sab-kuchh bataaoon - kab aur kaise racha। parantu yeh to anaadi rachna hai। baap ko gyaan ka saagar kaha jaata hai। jaani jaananhaar arthaat jhaad ke aadi-madhya-ant ka raaz jaante hain। baap hi manushya srishti ka beejroop hai, gyaan ka saagar hai। unmein hi saari knowledge hai, vahi aakar bachchon ko padhaate hain। sab manushya kehte rehte hain - pees kaise ho? tum abhi kahenge ki pees to shanti ka saagar hi sthaapan karenge। woh shanti, sukh aur gyaan ka saagar hai। kaun-sa gyaan hai? srishti ke aadi-madhya-ant ka। vo log gyaan to shaastron ko bhi samajhte hain। aise to shaastra sunaane vaale dher hain। yeh behad ka baap khud hi aakar parichay dete hain aur srishti ke aadi-madhya-ant ki knowledge bhi dete hain। yeh bhi samajhte hain ki unke aane se hi pees sthaapan ho jaati hai। vahaan hai hi pees। yeh bhi koi nahin jaante ki shantidham mein sab shanti mein the। woh kehte rehte hain yahaan pees kaise ho? yahaan thi zaroor। pees chaahiye raam raajya vaali। raam raajya kab tha - yeh kisko maaloom nahin hai। baap jaante hain kitni dher aatmaayen hain। main in sabka baap hoon। aise aur koi kah nahin sakte। jo bhi sab aatmaayen hain, sab is samay yahaan hain। pahle shantidham mein thi phir sukhdhaam mein aai, phir sukhdhaam se duhkhadhaam mein aai hain। sukh-duhkh ka yeh khel kaisa bana hua hai - yeh koi nahin jaante। aise hi sirf kah dete hain ki aavaagman ka khel hai। to ab tum bachchon ki buddhi mein hai ki woh ham sab aatmaon ka baap hai। woh hamko knowledge suna rahe hain। woh aakar svarga ka raajya sthaapan karte hain। hamko padhaate hain। kehte hain - bachche, tum hi devta the। aise to aur koi kahenge nahin, sabhi aatmaon ka baap tumko padhaate hain। kitna behad ka bada naatak hai, woh laakhon varsha kah dete। tum kahenge yeh 5 hazaar varsha ka khel hai। abhi tum jaan gaye ho shanti do prakaar ki hai - ek hai shantidham ki, doosri hai sukhdhaam ki। yeh tum bachchon ki buddhi mein hai ki sabhi aatmaon ka baap hamko padhaate hain। yeh to koi shaastra mein bhi nahin hai। behad ka baap hai na। sabhi dharma vaale unko allaah, god father, prabhu aadi-aadi kehte hain। unki padhaai bhi zaroor itni oonchi hogi। yeh saara din andar mein rehna chaahiye। baap kehte hain main tumko nai baaten sunaata hoon। naye kisma se padhaata hoon। tum phir auron ko padhaate ho। bhakti maarga mein deviyon ka bhi bahut maan hain। vaastav mein yeh brahma bhi badi maa hai। inko (shiv ko) to sirf pita kahenge। maat-pita phir inko kahenge। is maata dvaara baap tumko adopt karte hain। bachche-bachche kehte rehte hain।

baap kehte hain main har 5 hazaar varsha ke baad tumko yeh knowledge sunaata hoon। yeh chakra bhi tumhaari buddhi mein hai। tum ek-ek akshar naya sunte ho। gyaan saagar baap ki hai roohaani knowledge। rooh baap hi gyaan ka saagar hai। aatma kehti hai baba। bachche bhi sab baaten achhi reeti buddhi mein dhaaran karte hain। antarmukh ho aise-aise jab vichaar saagar manthan karenge tab woh khushi aur nasha rahega। bada teacher to hai shivbaaba। woh phir tumko bhi teacher banaate hain। unmein bhi nambarvaar hain। baba jaante hain - yeh bachcha bahut achha padhaate hain। sab khush hote hain। kehte hain aise baba ke paas hamko bhi jaldi le chalo, jisne tumko aisa banaaya hai। baba batlaate hain - main inke bahut janmon ke bhi ant ke janma ke bhi ant mein inmen pravesh kar tumko padhaata hoon। kalpa-kalpa ham kitna vaari is bhaarat mein aaye honge। tum yeh nai baaten sunkar wonder khaate ho। behad ka baap hamko padhaate hain। unke hi bhakti maarga mein kitne naam hain, koi paramatma, raam, prabhu, allaah… kehte hain। ek hi teacher ke dekho kitne naam rakh diye hain। teacher ka to ek hi naam hota hai। anek hote hain kya? kitni dher bhaashaayen hain। to koi khuda, koi god, kya-kya kah dete hain। khud samajhte hain main aaya hoon bachchon ko padhaane। jab padhkar devta banenge to vinaash ho jaayega। ab to puraani duniya hai, unko naya kaun banaayega? baap kehte hain mera hi part hai। main drama ke vash hoon। yeh bhi bachche jaante hain bhakti ka kitna vistaar hai। yeh bhi khel hai। aadha kalpa bhakti ko lagta hai। ab phir baap aaye hain, hamko padhaane vaala bhi vahi hai। vahi shanti sthaapan karne vaala bhi hai। jab in lakshmi-naaraayan ka raajya tha to shanti thi। yahaan hai ashaanti। baap hai ek। aatmaayen kitni dher hain। kitna wonderful khel hai। baba sab aatmaon ka baap vahi hamko padha rahe hain। kitni khushi honi chaahiye।

tum samajhte ho gop-gopiyaan to ham hi hain aur gopi vallabh baap hai। sirf aatmaon ko gop-gopiyaan nahin kahenge। shareer hai tab hi gop-gopiyaan athva bhaai-behen kaha jaata hai। gopi-vallabh shivbaaba ke bachche hain। gop-gopiyaan akshar hi meetha hai। gaayan bhi hai achtam keshvam, gopi vallabham, jaanki naatham… yeh mahima bhi is samay ki hai। parantu na jaanne ke kaaran sab baaten gud-guddhaani bana di hai। yeh baap baith world ki history-geography sunaate hain। vo log to sirf in khandon ko jaante hain। satayug mein kiska raajya tha, kitna samay chala - yeh nahin jaante kyonki kalpa ki aayu laakhon varsha kah di hai। bilkul ghor andhiyaare mein hain। ab baap aakar tumko srishti chakra ki knowledge dete hain। jisko jaanne se tum trikaaldarshi, trinetri ban jaate ho। yeh padhaai hai। baap khud kehte hain - main kalpa-kalpa, kalpa ke sangamayug par aakarke tumko purushottam banaata hoon। nambarvaar tum hi bante ho। padhaai se hi martaba milta hai। tum jaante ho hamko behad ka baap padhaate hain। vo to kah dete paramatma naam-roop se nyaara hai, thikkar-bhittar mein hai। kya-kya kehte rehte hain। deviyon ko bhi kitni bhujaayen de di hain। raavan ko 10 sheesh dete hain। to bachchon ko dil mein aana chaahiye sab aatmaon ka baap hamko padhaate hain, paavan banaate hain to andar mein kitni khushi honi chaahiye। parantu woh khushi bhi tab aayegi, jab phir auron ka kalyaan kar sabko khush karo, merciful bano। oho, baba hamko vishwa ka mahaaraaja bana dete ho! raaja, raani, praja sab vishwa ke maalik banenge na। vahaan vajeer hote nahin। ab raajaayen nahin hain to vajeer hi vajeer hain। abhi to praja ka praja par raajya hai to ghadi-ghadi yeh buddhi mein aana chaahiye ki behad ka baap hamko kya padhaate hain। jo achhi reeti padhenge vahi pahle aayenge aur oonch pad paayenge। yeh lakshmi-naaraayan itne saahookaar kaise bane? kya kiya? bhakti maarga mein koi bahut saahookaar hote hain to samjha jaata hai isne aise oonch karma kiye hain। eeshvar arth daan-punya bhi karte hain। samajhte hain inki evaz mein hamko bahut kuchh milega। to doosre janma mein saahookaar ban jaate hain। parantu woh dete hain indirect, jisse alpakaal ke liye kuchh milta hai। ab baap direct aaya hai। sab unko yaad karte hain ki aakar paavan banaao। aise nahin kahenge ki yeh knowledge de aisa lakshmi-naaraayan hamko banaao। manushyon ki buddhi mein to shreekrishna hi yaad aata hai। baap ko na jaanne ke kaaran kitna duhkhi ho pade hain। ab baap tumko daivi sampradaay ka banaate hain। tum shantidham jaakar phir sukhdhaam mein aayenge। baap kitna achhi reeti samjhaate hain। bhal sunte hain parantu jaise ki sunte hi nahin hain। pattharbuddhi se paarasbuddhi hote hi nahin hain। saara din baba-baba hi yaad rehna chaahiye। stri ka pati pichhaadi kaise praan nikal jaata hai। stri ka bahut lav rehta hai। yahaan to tum sab bachche ho। phir bhi nambarvaar to hain na।

tum jaante ho aise behad ke baap ko ham ghadi-ghadi bhool jaate hain। baap kehte hain mujhe yaad karne se tumhaare vikarma vinaash honge। phir bhi bhool jaate hain। are, aisa baap, jo tumko vishwa ka maalik banaate hain, unko tum bhoolte kyon ho? maaya ke toophaan aayenge phir bhi tum koshish karte raho। baap ko yaad kiya to varsa mil jaayega। svargavaasi devtaayen to sab ban jaate hain। baaki sajaayen khaakar phir bante hain। phir pad bhi bahut kam ho jaata hai। yeh sab nai baaten hain। dhyaan mein tab aayengi jab baap ko, teacher ko yaad karte rahenge। tum teacher ko bhi bhool jaate ho। baap kehte hain jab tak main hoon, vinaash ka samay aaye aur sab kuchh is gyaan yagya mein svaaha ho jaae tab tak padhaai chalti rahegi। tum kahenge padhaaya to sab kuchh hai aur phir kya padhaayenge? baba kehte hain nai-nai points nikalti rehti hain। tum sunkar khush hote ho na। to achhi reeti padho aur sudaama misal jo transfer karna hai woh bhi karte raho। yeh bhi bahut bada vyaapaar hai। baba vyaapaar mein bahut phraakdil the। roopaye se ek aana dharmaau nikaalte the। bhal ghaata padta tha kyonki sabse pahle hamko daalna padta tha। kehte the aap jitna jaasti bharenge aapko dekh sab bharenge। to bahuton ka kalyaan ho jaayega। woh tha bhakti maarga, yahaan to sab-kuchh baap ko de diya। baba yeh sab-kuchh lo। baap kehte hain tumko saare vishwa ki baadshaahi deta hoon। vinaash ka saakshaatkaar, chaturbhuj ka bhi saakshaatkaar hua। to us samay samajh mein aaya ki ham vishwa ka maalik banenge। baba ki praveshta thi na। vinaash dekha। bas, yeh duniya khatma ho rahi hai, yeh dhandha aadi kya karoon। chhodo gadaai ko। hamko raajaai mil rahi hai। ab baap tumko bhi samjha rahe hain ki saari puraani duniya vinaash hone vaali hai। tumko kumbhakran ki neend se jagaane ka kitna purooshaartha kara rahe hain, to bhi tum jagte nahin ho। to bachchon ko ek baap ko hi yaad karna hai। sab-kuchh baap ko de diya to zaroor ek baap hi yaad aayega। tum bachche jaasti yaad kar sakte ho, jinke maathe maamla... kitni baandheliyon ke samaachaar aate hain। baba ko khyaal hota hai - bichaariyaan maar khaati hain। pati kitna sataate hain। bhal samajhte hain drama mein hai, ham kar hi kya sakte hain। kalpa pahle bhi ablaaon par atyaachaar hue the। nai duniya to sthaapan honi hi hai। baap to kehte hain bahut janmon ke ant ke janma ke bhi ant mein main pravesh karta hoon। to zaroor ham hi gore the jo ab saanvare bane hain। main hi pahle number mein jaaoonga। ham jaakar shreekrishna banenge। is chitra ko dekhta hoon to khyaal aata hai ki yeh jaakar banoonga। to baap bachchon ko achhi reeti samjhaate hain, ab bachchon ka kaam hai samajhkar doosron ko samjhaana। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham gopi-vallabh ki gop-gopiyaan hain - is khushi va nashe mein rehna hai। antarmukhi ban vichaar saagar manthan kar baap samaan teacher banna hai।

2) sudaama misal apna sab kuchh transfer karne ke saath-saath padhaai bhi achhi reeti padhni hai। vinaash ke pahle baap se poora varsa lena hai। kumbhakran ki neend mein soye hue ko jagaana hai।

vardaan:- madhurta ke gun dvaara sanskaar milan karte hue mangal milan manaane vaale holeehans bhav

jaise holi par rang khelte aur ek do ka mukh meetha karaate mangal milan manaate hain। aise aap holeehans bachche jab ek do ko roohaaniyat ke sang ka rang lagaakar madhurta ki mithaai khilaate ho, aapke naynon se, mukh se, chalan se madhurta pratyaksha roop mein dikhaai deti hai tab mangal milan arthaat sanskaar milan hota hai। aapas mein sanskaaron ka milan hona hi pratyakshata ka aadhaar hai, isi se hi jayjaykaar hogi।

slogan:- videheepan ka abhyaas karo - yahi abhyaas achaanak ke paper mein paas karaayega।