मंगलवार 26 मार्च 2024 की दैनिक मुरली

26-03-2024 praatahmurli om shanti "baapdaada"' madhuban

“meethe bachche - apne ko aatma bhaai-bhaai samajh ek-do se roohaani prem rakho, satopradhaan banna hai to kisi ki khaami nahin nikaalo''

prashn:- kis aadhaar par baap se padmon ka varsa le sakte ho?

uttar:- baap se padmon ka varsa lene ke liye yaad ki yaatra par raho। ek baap ke sivaae aur sab baaten bhoolte jaao। phalaana aisa karta, woh aisa hai… in baaton mein time vesta mat karo। manzil bhaari hai isliye sada satopradhaan banne ka lakshya rahe। baap ke lav mein chatke raho, apni sookshm checking karte raho tab poora varsa le sakenge।

om shanti। ab tum bachche jo baithe ho unko yeh maaloom hai ki behad ka baap phir se satopradhaan bana rahe hain, mool yukti yahi bata rahe hain ki apne ko aatma bhaai-bhaai samjho। mukhya shiksha yahi dete hain ki tumhaara aapas mein bahut-bahut roohaani prem hona chaahiye। pahle tumhaara tha, ab nahin hai। mool vatan mein to prem ki baat nahin rehti। to behad ka baap aakar shiksha dete hain bachche, aajkal karte-karte samay beetta ja raha hai। din, maas, varsha beette ja rahe hain। baap ne bataaya hai tum yeh lakshmi-naaraayan the, kisne tumko aisa banaaya? baap ne। yeh bhi baap ne bataaya hai ki tum neeche kaise utre ho? oopar se lekar neeche utarte-utarte samay beetta ja raha hai। woh din gaya, maas gaya, varsha gaya, samay gaya। tum jaante ho ki pahle-pahle ham satopradhaan the। hamaara aapas mein bahut love tha। baap ne tum sab bhaaiyon ko shiksha di hai, tum bhaai-bhaai ka aapas mein bahut pyaar hona chaahiye। main tumhaara baap hoon। kitna pyaar se main tumko sambhaalta hoon। tumko tamopradhaan se satopradhaan bana deta hoon। tumhaari em object hai hi satopradhaan banne ki। samajhte ho jitna-jitna ham satopradhaan bante jaayenge, utna khushi mein bhi aate jaayenge। ham satopradhaan the। ham bhaai-bhaai aapas mein bahut prem se rehte the। ab baap dvaara hamko pata pada hai, ham devtaayen aapas mein bahut prem se chalte the। in devtaaon ki aur heaven ki bahut mahima hai। tum bhi heaven ke rahvaasi the। phir aajkal karte-karte neeche aate gaye। ek taareekh se lekar aaj aakar 5 hazaar varsha se baaki kuchh varsha rahe hain। shuru se lekar tum kaise part bajaate aaye ho, woh sab buddhi mein hai। ab deh-abhimaan hone kaaran ek-do mein woh pyaar nahin hai। ek-do ki khaamiyaan nikaalte rehte hain। phalaana aisa hai… jab dehi-abhimaani the to aise kiski khaamiyaan nahin nikaalte the। aapas mein bahut pyaar tha। ab phir vahi avastha dhaaran karni hai। yahaan to ek-do ko us drishti se dekhte hain to aapas mein ladte-jhagadte hain। phir yeh banda kaise ho? yeh bhi baap samjhaate hain ki bachche, tum hi satopradhaan poojya devi-devta the। phir dheere-dheere neeche girte tum tamopradhaan bane ho। tum kitne meethe the। ab phir aisa meetha bano। tum sukhdaai the, ab duhkhadaai bane ho। raavan raajya mein ek-do ko duhkh dene kaam kataari chalaane lage ho। jab satopradhaan the to kaam kataari nahin chalaate the। tumhaare yeh 5 vikaar kitne shatru hain। yeh hai hi vikaari duniya। yeh bhi tum jaante ho - raam raajya kisko kaha jaata hai aur raavan raajya kisko kaha jaata hai। aajkal karte satayug, treta, dvaapar poore hue। ab kaliyug bhi poora hone vaala hai। tum hi satopradhaan se tamopradhaan ban pade ho। tumhaari roohaani khushi gaayab ho gai। aayu bhi tumhaari chhoti ho gai। ab main aaya hoon, zaroor tumko satopradhaan banaaoonga। tumne hi bulaaya ki patit-paavan aao। baap samjhaate hain 5 hajaar varsha ke baad jab sangamayug aata hai tab main aata hoon। ab tum apne ko aatma samajh baap ko yaad karo। jitna yaad karenge utni khaamiyaan nikalti jaayengi। tum jab satopradhaan the to tumhaare mein koi bhi khaami nahin thi। tum apne ko devi-devta kahlaate the। ab woh khaamiyaan kaise niklen? aatma ko hi ashaanti hoti hai। ab apni jaanch karni hai ki ham ashaanta kyon bane? jab ham bhaai-bhaai the to hamaara bahut prem tha। ab phir vahi baap aaya hai। kehte hain apne ko aatma bhaai-bhaai samjho। ek-do se prem rakho। deh-abhimaan mein aane se ek-do ki khaamiyaan nikaalte ho। baap kehte hain tum apna purooshaartha karo oonch pad paane ka। tum jaante ho hamko baap ne aisa varsa diya tha jo hamko bharpoor kar diya। ab phir baap aaya hua hai to kyon na ham unki mat par chalkar phir se poora varsa leven। ham hi devta the phir 84 janma liye।

tum meethe-meethe bachche kitne adol the। koi matbhed nahin tha। kiski ninda aadi nahin karte the। abhi kuchh na kuchh kamiyaan hai, woh sab nikaal deni hain। ham sab bhaai-bhaai hain। ek baap ko hi yaad karna hai। yahi ona laga hua hai ki ham satopradhaan ban jaayen। phalaana aisa hai, isne aisa kiya - in sab baaton ko bhool jaana hai। baap kehte hain yeh sab chhodo, apne ko aatma samjho। ab satopradhaan banne ke liye purooshaartha karo। deh-abhimaan mein aane se hi avgun dekha jaata hai। apne ko aatma samajh baap ko yaad karo। bhaai-bhaai dekho to gun hi gun dikhaai padega। sabko gunvaan banaane ki koshish karo। koi ulta-sulta kuchh bhi kare। samjha jaata hai yeh tamo va rajopradhaan hai, to zaroor unki chaal aisi hogi। sabse jaasti gun hain baap mein। to baap se hi gun grahan karo, aur sab baaton ko chhod do। avgun chhod, gun dhaaran karo। baap kitna gunvaan banaate hain। kehte hain tum bachchon ko bhi mere samaan gunvaan banna hai। baap sukhdaai hai। hamko bhi sukhdaai banna hai। bas, yahi phurna rahe ki hamko satopradhaan banna hai। aur koi baat na suno, na glaani karo। sabmen koi na koi khaami hai। khaami bhi aisi hai jo koi samajh na sake। doosre samajhte hain inmen khaami hai। woh apne ko bahut achha samajhte hain। parantu kahaan na kahaan ulta bol nikal padta hai। satopradhaan avastha mein yeh baaten nahin hoti। yahaan khaamiyaan hain, parantu na samajhne kaaran apne ko miya mitthu samajh baithe hain। baap kehte hain miya mitthu ek main hi hoon, jo tum sabko mitthu (meetha) banaane aaya hoon। sab avgun aadi chhod do। apni nabja bhi dekho, ham kitna meethe-meethe roohaani baap ko pyaar se yaad karte hain। kitna khud samajhta hoon, aur auron ko samjhaata hoon। deh-abhimaan mein aa gaye to koi phaayda nahin। mool baat hi yeh samjhaani hai ki duniya tamopradhaan hai। jab satopradhaan the to devtaaon ka raajya tha। ab 84 janma bhog tamopradhaan bane hain, ab phir satopradhaan banna hai। tamopradhaan bhi bhaaratvaasi hi bane hain aur satopradhaan bhi vahi banenge। aur koi ko satopradhaan kah nahin sakte। satayug mein koi dharma hota nahin। baap kehte hain tum anek baar tamopradhaan se satopradhaan bane ho, ab phir bano। shreemat par chalkar mujhe yaad karo। yahi ona chaahiye। paap sir par bahut hain, baap ne abhi sujaag kiya hai। devtaaon ke aage jaakar kehte hain - ham vikaari hain kyonki devtaaon mein pavitrata ki kashish hai isliye unke aage jaakar kehte hain aur ghar jaakar bhool jaate hain। devtaaon ke aage jaate hain to apne se ghrina aati hai। ghar mein jaate to kuchh ghrina nahin। khyaal bhi nahin karte ki inhon ko aisa banaane vaala kaun? ab baap kehte hain - devta banna hai to yeh padhaai zaroor padho। shreemat par chalna pade। pahle-pahle baap kehte hain apne ko satopradhaan banaana hai isliye maamekam yaad karo aur koi jharmui-jhagmui nahin karo। apna hi ona rakho ki hamko yeh banna hai। baap kehte hain tum hi aadi sanaatan devi-devta dharma vaale the phir kahaan gaye! inke hi 84 janmon ki kahaani likhi hui hai। ab hamko aisa banna hai। daiveegun dhaaran karne hain। bhaai-bhaai samajhkar baap ko yaad karna hai। baap se varsa lena hai। buddhi mein aana chaahiye ninda-stuti to karte aate hain। vaastav mein stuti to hai hi nahin, ninda hai। jinki ek taraph stuti karte, unki doosre taraph ninda bhi karte hain kyonki jaante hi nahin, ek taraph baap ki mahima karte, doosre taraph sarvavyaapi kah dete hain। thikkar-bhittar mein paramatma kahne se bemukh ho pade hain। vinaash kaale vipreet bemukh buddhi vinshanti, vinaash kaale preet sammukh buddhi vijayanti।

jitna ho sake koshish karni hai baap ko yaad karne ki। aage bhi yaad karte the parantu woh vyabhichaari yaad thi। bahuton ko yaad karte the। ab baap kehte hain avyabhichaari yaad mein raho। sirf maamekam yaad karo। bhakti maarga ke dher chitra hain, jinko bhi tum yaad karte aaye ho। ab phir satopradhaan banna hai। vahaan bhakti maarga hai hi nahin jo yaad karna pade। baap kehte hain phurna yahi rakho ki ham satopradhaan kaise banen? gyaan mil gaya ki yeh srishti chakra kaise phirta hai, woh to sahaj hai। achha, koi mukh se nahin bhi samjha sakte parantu buddhi mein zaroor aata hai ki ham satopradhaan se tamopradhaan kaise bane hain, ab phir satopradhaan banna hai zaroor। agar koi bol nahin sakta hai to kahenge apni takdeer। bhaavi bhi hai। baap ne bahut sahaj upaay bataaya hai - badge par samjhaana sahaj hai, yeh hai behad ka baap। inse hi varsa milta hai। baap zaroor svarga ki sthaapna karte hain। so to zaroor yahaan hi karenge। shiv jayanti maana svarga ki jayanti। svarga mein hain devi-devtaayen, woh phir kaise banen? woh is purooshottam sangamayug par padhaai se banen। tum bachchon ko bhi samajh mili hai, phir auron ko bhi yeh samajh deni hai। tumhaara hai sahaj gyaan aur sahaj yog, sahaj varsa। parantu yahaan koi paai paise ka varsa lene vaala bhi hai, to padmon ka varsa lene vaala bhi hai। saara madaar padhaai par hai। yaad ki yaatra se aur sab baaten bhool jaao। phalaana aisa hai...... ismen time vesta na karo। manzil bahut bhaari hai। satopradhaan banne mein hi maaya vighna daalti hai। padhaai mein vighna nahin padte hain। baba kehte hain apne ko dekho hamaara kitna lav hai? lav aisa ho jo baap se chatka rahe। sikhlaane vaala baap hai। inki aatma nahin sikhaati hai, yeh bhi seekhti hai। baba aap hamko kitna samajhdaar banaate hain। oonche te oonch to aap ho phir manushya srishti mein bhi aap hamko kitna oonch banaate ho। aise andar mein baba ki mahima karni chaahiye। baba aap kitni kamaal karte ho। baap kehte hain - bachche, tum phir se apna raajya lo, maamekam yaad karo, khushi se। apne se poochhna hai - ham baba ko kitna yaad karte hain? kehte hain khushi jaisi khuraak nahin। to baap ke milne ki bhi khushi hai parantu itni khushi bachchon ko andar nahin rehti hai। nahin to vivek kehta hai ki bahut khushi rahni chaahiye। is padhaai se ham yeh raaja banne vaale hain। behad ke baap ke ham bachche hain। supreme baba hamko padhaate hain। baba kitna merciful hai, kaise baith tum bachchon ko nai-nai baaten sunaate hain। abhi tumhaari buddhi mein bahut nai-nai baaten hain jo aur koi ki buddhi mein nahin hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dehi-abhimaani avastha dhaaran kar sukhdaai banna hai। kisi ki bhi khaamiyaan (kamiyaan) nahin nikaalni hain। aapas mein bahut-bahut pyaar se rehna hai, matbhed mein nahin aana hai।

2) aur sab baaton ko chhod ek baap se gun grahan karna hai। satopradhaan banne ka phurna (pha) rakhna hai। kisi ki baat na sunni hai, na glaani karni hai। miya mitthu nahin banna hai।

vardaan:- samay pramaan svayan ko check kar change karne vaale sada vijayi shreshtha aatma bhav

jo sachche raajayogi hain woh kabhi kisi bhi paristhiti mein vichlit nahin ho sakte। to apne ko samay pramaan isi reeti se check karo aur check karne ke baad change kar lo। sirf check karenge to dilshikasta ho jaayenge। sochenge ki hamaare mein yeh bhi kami hai, pata nahin theek hoga ya nahin। isliye check karo aur change karo kyonki samay pramaan kartavya karne vaalon ki sada vijay hoti hai isliye sada vijayi shreshtha aatma ban teevra purushaartha dvaara number one mein aa jaao।

slogan:- man-buddhi ko control karne ka abhyaas ho tab second mein videhi ban sakenge।