गुरुवार 28 मार्च 2024 की दैनिक मुरली

28-03-2024 praatahmurli om shanti "baapdaada"' madhuban

“meethe bachche - yeh kalyaankaari purushottam sangamayug hai, ismen puraani duniya badal nai hoti hai, is yug ko tum bhoolo mat''

prashn:- baap chhote-bade sabhi bachchon ko aap samaan banaane ke liye ek pyaar ki shiksha dete hain, woh kaun-si?

uttar:- meethe bachche - ab bhoolen mat karo। yahaan tum aaye ho nar se naaraayan banne to daiveegun dhaaran karo। kisi ko bhi duhkh mat do। bhoolen karte hain to duhkh dete hain। baap kabhi bachchon ko duhkh nahin dete, woh tumhein direction dete hain - bachche, maamekam yaad karo। yogi bano to vikarma vinaash ho jaayenge। tum bahut meetha ban jaayenge।

om shanti। jo bachche apne ko aatma samajh, parampita paramatma ke saath yog lagaate hain, unko sachcha yogi kaha jaata hai, kyonki baap truth (sachcha) hai na! to tumhaara buddhiyog satya ke saath hai। woh jo kuchh sunaate hain, satya hi hai। yogi aur bhogi do prakaar ke log hain। bhogi bhi anek prakaar ke hote hain। yogi bhi anek prakaar ke hote hain। tumhaara yog to ek hi prakaar ka hai। unhon ka sannyaas alag hai, tumhaara sannyaas hi alag hai। tum ho purushottam sangamayug ke yogi। aur kisko is yog ka pata hi nahin ki ham paavan yogi hain ya patit bhogi hain। yeh bhi bachche jaante nahin। baba to sabko bachcha-bachcha kehte hain, kyonki baap jaante hain ki ham behad aatmaon ka pita hoon। aur tum yeh samajhte ho ki ham aatma sab aapas mein bhaai-bhaai hain। woh hamaara baap hai। tum baap ke saath yog lagaane se pavitra bante ho। woh hain bhogi, tum ho yogi। baap apna parichay tumko dete hain। yeh bhi tum jaante ho ki yeh purushottam sangamayug hai। yeh tumhaare bigar koi jaante nahin। iska naam hai purushottam sangamayug, isliye purushottam akshar ko kabhi nahin bhoolna। yeh purushottam banne ka yug hai। purushottam kaha jaata hai oonch aur pavitra manushya ko। oonch aur pavitra yeh lakshmi-naaraayan the। tumko ab time ka bhi pata pada hai। 5 hajaar varsha ke baad yeh duniya puraani hoti hai। phir isko naya banaane ke liye baap aate hain। ab ham hai sangamayugi brahman kul ke। oonch te oonch hai brahma, parantu brahma ko shareerdhaari dikhaate hain। shivbaaba to ashareeri hai। bachche samajh gaye hain, ashareeri aur shareerdhaari ka milan hota hai। unko tum kehte ho baba। yeh wonderful part hai na। inka gaayan bhi hai, mandir bhi bante hain। koi kis reeti, koi kis reeti rath ko shrringaarte hain। yeh bhi baba ne bataaya hai - bahut janmon ke ant ke janma ke bhi ant mein main pravesh karta hoon। kitna clear samjhaate hain। pahle-pahle bhagvaanuvaach kehna pade। phir main bahut janmon ke ant mein sabhi raaz bachchon ko hi samjhaata hoon, aur koi samajh bhi na sake। tum bachche bhi kabhi-kabhi bhool jaate ho। purushottam akshar likhne se samjhenge yeh purushottam yug hi kalyaankaari yug hai। agar yug yaad hai to samjhenge ab ham nai duniya ke liye badal rahe hain। nai duniya mein hote hi hain devtaayen। yugon ka bhi ab tumko pata pada hai।

baap samjhaate hain - meethe bachche, sangamayug ko kabhi bhoolo mat। yeh bhoolne se saara gyaan bhool jaata hai। tum bachche jaante ho ab ham badal rahe hain। ab puraani duniya bhi badal nai honi hai। baap aakar duniya ko bhi badalte hain, to bachchon ko bhi badalte hain। bachche-bachche to sabhi ko kehte hain। saari duniya ki jo bhi aatmaayen hain, sab bachche hain। sabka part is drama mein hai। chakra ko bhi siddha karna hai। har ek apna-apna dharma sthaapan karte hain। yeh devi-devta dharma sivaae baap ke koi sthaapan kar na sake। yeh dharma koi brahma nahin sthaapan karte। nai duniya mein hai devi-devta dharma। puraani duniya mein sab manushya hi manushya hain। nai duniya mein devi-devtaayen hote hain। devtaayen pavitra hain। vahaan raavan raajya hi nahin। baap tum bachchon ko raavan par vijay praapta karaate hain। raavan par vijay praapta hote hi raam raajya shuru ho jaata hai। raam raajya nai duniya ko aur raavan raajya puraani duniya ko kaha jaata hai। raam raajya kaise sthaapan hota hai - yeh to tum bachchon ke sivaae koi jaante nahin। rachayita baap baith tum bachchon ko rachna ka raaz samjhaate hain। baap hai rachayita, beej roop। beej ko kaha jaata hai vrikshapti। ab woh jad beej hai, unko to aise nahin samjhenge। tum jaante ho beej se hi saara jhaad nikalta hai। saare vishwa ka kitna bada jhaad hai। woh hai jad, yeh hai chaitanya। sat-chit-aanand swaroop, manushya srishti ka beejroop baap hai, usse kitna bada jhaad nikalta hai। model to chhota banaate hain। manushya srishti ka jhaad sabse bada hai। oonch te oonch baap knowledgeful hai। un jhaadon ki knowledge bahuton ko hoti hai, iski knowledge to ek baap hi dete hain। ab baap ne tumhein had ki buddhi badal behad ki buddhi di hai। tum is behad ke jhaad ko jaan gaye ho। kitna bada polaar is jhaad ko mila hua hai। baap bachchon ko behad mein le jaate hain। ab saari duniya hi patit hai। saari srishti hi hinsak hai। ek-do ki hinsa karne vaale hain। ab tum bachchon ko gyaan mila hai। ahinsak sirf ek hi devta dharma hota hai satayug mein। satayug mein sabhi pavitra, sukh, shanti mein rehte hain। sab manokaamnaayen 21 janma ke liye poori ho jaati hain। satayug mein koi kaamna nahin। anaaj aadi sab-kuchh athaah mil jaata hai। yeh baambe pahle nahin thi। devtaayen khaare (saagar ke kinaare) jameen par nahin rehte hain। meethi nadiyaan jahaan thi, vahaan devtaayen the। manushya thode the, ek-ek ko bahut jameen hoti hai। satayug mein hai hi viceless world। tum yogbal se vishwa ki raajaai lete ho। usko hi raam raajya kaha jaata hai। pahle-pahle naya jhaad bahut chhota hota hai। pahle thur mein ek dharma tha। phir foundation se teen tube nikalti hain। ek jaise foundation hai devi-devta dharma ka। thur se taal-taaliyaan chhoti-chhoti nikalti hain। ab to is jhaad ka thur hi nahin hai aur koi aisa jhaad hota hi nahin hai। inka misaal bhi bad ke jhaad se accurate hai। bad ka jhaad saara khada hai lekin thur hai hi nahin। sookhta bhi nahin। saara jhaad hara-bhara khada hai। baaki devi-devta dharma ka foundation hai nahin। thur to yahi hai na। raam raajya athva devi-devta dharma bhi thur mein hi aa jaata hai। baap kehte hain ham 3 dharma sthaapan karte hain। yeh sab baaten tum sangamayugi brahman hi samajhte ho। tum braahmanon ka hai chhota sa kul। chhote-chhote math-panth nikalte hain na। arvinda aashram hai, kitna jaldi-jaldi vriddhi ko paate hain kyonki unmein vikaar ke liye koi mana nahin। yahaan baap kehte hain kaam mahaashatru hai। un par vijay paani hai। aise koi aur kah na sake। nahin to unhon ke paas bhi hangaama ho jaae। yahaan to hain hi patit manushya to paavan banne ki baat nahin sunte। kehte hain vikaar bigar bachche kaise paida honge। un bichaaron ka bhi dosh nahin hai। geetaapaathi kehte bhi hain bhagvaanuvaach - kaam mahaashatru hai। unko jeetne se jagatjeet bante hain, parantu samajhte nahin hain। woh jab yeh akshar sunaate hain to unhon ko samjhaana chaahiye। is par baba kehte hain - jaise hanoomaan darvaaje par juttiyon mein baithta tha, baba bhi kehte hain jaakar kinaare baith sunkar aao। phir jab yeh akshar kahen to poochho - iska rahasya kya hai? jagatjeet to yeh devtaayen the। devta banne liye to in vikaaron ko chhodna pade। yeh bhi tum kah sakte ho। tum hi jaante ho ki ab raam raajya ki sthaapna ho rahi hai। mahaaveer bhi tum ho। ismen darne ki koi baat nahin hai। bahut pyaar se poochhna chaahiye - svaami ji, aapne bataaya ki in vikaaron par vijay paane se vishwa ke maalik banenge, lekin aapne yeh to bataaya nahin ki pavitra kaise banen? ab tum bachche pavitrata mein rahne vaale mahaaveer ho। mahaaveer hi vijay maala mein piroye jaate hain। manushyon ke kaan to wrong baaten sunne par hire hue hain। tumko ab wrong baaten sunna pasanda nahin aati। right baaten tumhaare kaanon ko achhi lagengi। hear no evil… manushyon ko sujaag to zaroor karna hai। bhagwan kehte hain pavitra bano। satayug mein sab pavitra devtaayen the। ab sab apvitra hain। aise-aise samjhaana chaahiye। bolo, hamaare paas yeh satsang hota hai, usmein yeh samjhaaya jaata hai ki kaam mahaashatru hai। ab pavitra banna chaahte ho to ek yukti se bano, apne ko aatma samajh, bhaai-bhaai ki drishti pakki karo।

tum bachche jaante ho - pahle-pahle yeh bhaarat bahut bharpoor khanda tha, ab khaali hone kaaran hindustaan naam rakh diya hai। pahle bhaarat dhan-daulat, pavitrata, sukh, shanti sabse bharpoor tha। ab hai duhkhon se bharpoor। tab pukaarte hain - he duhkh harta, sukh karta…। tum kitna khushi se baap se padhte ho। aisa kaun hoga jo behad ke baap se behad sukh ka varsa nahin lega! pahle-pahle alpha samajhna hai। alpha ko na jaana to kuchh bhi rahasya buddhi mein aayega hi nahin। to behad ka baap jo behad ka varsa dete hain, jab yeh nishchay baithe tab aage badhen। bachchon ko baap se kuchh bhi prashn poochhne ki darkaar nahin hai। baap patit-paavan hai, unko hi tum yaad karte ho। tum unki yaad se hi paavan banenge। mujhe bulaaya hi isliye hai। jeevanmukti hai bhi second ki। phir bhi yaad ki yaatra samay le leti hai। mukhya yaad ki yaatra mein hi vighna padte hain। aadha kalpa deh-abhimaani rahe hain। ab ek janma dehi-abhimaani banne mein hi mehnat hai। inke liye (brahma baba ke liye) bhi bahut sahaj hai। tum bulaate bhi ho baap-daada। yeh bhi samajhte hain baap ki savaari hamaare sir par hai। bahut unki mahima karta hoon, bahut pyaar karta hoon - baba, aap kitne meethe ho, hamko kalpa-kalpa kitna sikhlaate ho। phir aadhaakalpa aapko yaad bhi nahin karenge। ab to bahut yaad karta hoon। kal hamaare mein kuchh bhi gyaan nahin tha। jiski pooja karte the, hamko yeh thode hi maaloom tha ki ham yeh ban jaayenge। ab to wonder lagta hai। yogi banne se phir yeh devi-devta ban jaayenge। mere bhi sab bachche hain। yeh baba bahut pyaar se bachchon ko sambhaalte hain, inki paalna karte hain। yeh bhi hamaare samaan nar se naaraayan ban jaayenge। yahaan tum aaye hi ho isliye। kitna samjhaata hoon - bachche, baap ko yaad karo, daiveegun dhaaran karo, khaanpaan ki sambhaal karo। nahin karte hain to samajhta hoon shaayad abhi samay pada hai। kuchh na kuchh bhoolen to hoti rehti hain। chhote-bade bachchon ko pyaar se samjhaata hoon - bachche, bhoolen mat karo, kisko duhkh na do। bhool karte ho goya duhkh dete ho। baap kabhi bhi duhkh nahin dete hain। woh to direction hi dete hain - maamekam yaad karo to vikarma vinaash ho jaayenge। bahut meetha ban jaayenge। aisa meetha banna hai, daiveegun dhaaran karne hain। pavitra bano। yahaan apvitra ke aane ka hukm nahin hai। kabhi-kabhi aane dete hain। woh bhi abhi। jab bahut vriddhi ho jaayegi to kah denge yeh hai tower oph purity, tower oph silence। oonch te oonch hai na। apne ko aatma samajh baap ki yaad mein rehna - yeh hai highest power। vahaan bahut silence rehti hai। aadhaakalpa koi jhagda aadi nahin hota hai। yahaan kitna jhagda aadi hota hai, shanti ho na sake। shanti ka dhaam hai mool vatan। phir shareer dhaaran kar vishwa mein part bajaane aate hain to vahaan bhi shanti rehti hai। aatma ka svadharma hi shanti hai। ashaanti karaata hai raavan। tum shanti ki shiksha paate rehte ho। koi gusse mein hota hai to sabko ashaanta kar deta hai। is yogbal se tumhaare se saara kichda nikal jaata hai। padhaai se kichda nahin nikalta hai। yaad se sab kichda bhasma ho jaata hai। kat nikal jaati hai। baap kehte hain kal tumko shiksha di thi, kya tum bhool gaye ho? 5 hajaar varsha ki baat hai। woh laakhon varsha kah dete hain।

ab tumko jhooth aur sach ke farka ka pata pada hai। tumko baap hi aakar bataate hain jhooth kya hai, sach kya hai? gyaan kya hai, bhakti kya hai? bhrashtaachaar aur shreshthaachaar kisko kaha jaata hain? bhrashtaachaari vikaar se paida hote hain। vahaan vikaar hota nahin। tum khud kehte ho - devtaayen sampoorn nirvikaari hain। raavan raajya hi nahin hai। yeh to sahaj samajhne ki baat hai। phir kya karna chaahiye? ek to baap ko yaad karna chaahiye, doosra pavitra zaroor banna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pavitra banne mein mahaaveer banna hai, yaad ki yaatra se andar ka kichda nikaalna hai। apne shant svadharma mein sthit rehna hai, ashaanti nahin phailaani hai।

2) baap jo right baat sunaate hain, vahi sunni hai। hear no evil.... wrong baaten mat suno। sabhi ko sujaag karo। purooshottam yug mein purooshottam bano aur banaao।

vardaan:- aatmik shakti ke aadhaar par tan ki shakti ka anubhav karne vaale sada svastha bhav

is alaukik jeevan mein aatma aur prakriti donon ki tandaroosti aavashyak hai। jab aatma svastha hai to tan ka hisaab-kitaab va tan ka rog sooli se kaanta banne ke kaaran, sva-sthiti ke kaaran svastha anubhav karte hain। unke mukh par chehre par beemaari ke kashta ke chinha nahin rehte। karmabhog ke varnan ke badle karmayog ki sthiti ka varnan karte hain। ve parivartan ki shakti se kashta ko santushtata mein parivartan kar santushta rehte aur santushtata ki lahar phailaate hain।

slogan:- dil se, tan se, aapsi pyaar se seva karo to saphalta nishchit milegi।