बुधवार 3 अप्रैल 2024 की दैनिक मुरली

03-04-2024 praatahmurli om shanti "baapdaada"' madhuban

“meethe bachche - baap ki yaad mein sada harshit raho, puraani deh ka bhaan chhodte jaao, kyonki tumhein yogbal se vaayumandal ko shuddh karne ki seva karni hai''

prashn:- scholarship lene athva apne aapko raajaai ka tilak dene ke liye kaun-sa purooshaartha chaahiye?

uttar:- raajaai ka tilak tab milega jab yaad ki yaatra ka purooshaartha karenge। aapas mein bhaai-bhaai samajhne ka abhyaas karo to naam-roop ka bhaan nikal jaaye। phaaltu baaten kabhi bhi na suno। baap jo sunaate hain vahi suno, doosri baaton se kaan banda kar lo। padhaai par poora dhyaan do tab scholarship mil sakti hai।

om shanti। bachche jaante hain ham shreemat par apne liye raajdhaani sthaapan kar rahe hain। jitni jo service karte hain, mansa-vaacha-karmana apna hi kalyaan karte hain। ismen hangaamen aadi ki koi baat nahin। bas, is puraani deh ka bhaan chhodte-chhodte tum vahaan jaakar pahunchte ho। baba ko yaad karne se khushi bhi bahut hoti hai। sadaiv yaad rahe to khushi hi khushi rahe। baap ko bhoolne se murjhaais aati hai। bachchon ko sadaiv harshit rehna chaahiye। ham aatma hain। ham aatma ka baap is mukh dvaara bolte hain, ham aatma in kaanon dvaara sunte hain। aise-aise apni aadat daalne ke liye mehnat karni hoti hai। baap ko yaad karte-karte vaapis ghar jaana hai। yeh yaad ki yaatra hi bahut taakat deti hai। tumko itni taakat milti hai jo tum vishwa ke maalik bante ho। baap kehte hain tum maamekam yaad karo to tumhaare vikarma vinaash honge। is baat ko pakka karna chaahiye। ant mein yahi vasheekran mantra kaam mein aayega। sabko paigaam bhi yahi dena hai - apne ko aatma samjho, yeh shareer vinaashi hai। baap ka farmaan hai mujhe yaad karo to paavan ban jaayenge। tum bachche baap ki yaad mein baithe ho। saath mein gyaan bhi hai kyonki tum rachta aur rachna ke aadi-madhya-ant ko bhi jaante ho। sva aatma mein saara gyaan hai। tum svadarshan chakradhaari ho na। tumhaari yahaan baithe-baithe bahut kamaai ho rahi hai। tumhaari din aur raat kamaai hi kamaai hai। tum yahaan aate hi ho sachchi kamaai karne ke liye। sachchi kamaai aur kahaan bhi hoti nahin, jo saath chale। tumko aur koi dhandha aadi to yahaan hai nahin। vaayumandal bhi aisa hai। tum yogbal se vaayumandal ko bhi shuddh karte ho। tum bahut service kar rahe ho। jo apni seva karte hain vahi bhaarat ki seva karte hain। phir yeh puraani duniya bhi nahin rahegi। tum bhi nahin honge। duniya hi nai ban jaayegi। tum bachchon ki buddhi mein saara gyaan hai। yeh bhi jaante hain ki kalpa pahle jo service ki hai woh ab karte rehte hain। din-pratidin bahuton ko aap samaan banaate hi rehte hain। is gyaan ko sunkar bahut khushi hoti hai। romaanch khade ho jaate hain। kehte hain yeh gyaan kabhi koi se suna nahin hai। tum braahmanon se hi sunte hain। bhakti maarga mein to mehnat kuchh bhi nahin hai। ismen saari puraani duniya ko bhoolna hota hai। yeh behad ka sannyaas baap hi karaate hain। tum bachchon mein bhi nambarvaar hain। khushi bhi nambarvaar hoti hai, ek jaisi nahin। gyaan-yog bhi ek jaisa nahin। aur sabhi manushya to dehdhaariyon ke paas jaate hain। yahaan tum unke paas aate ho, jisko apni deh nahin।

yaad ka jitna purooshaartha karte rahenge utna satopradhaan bante jaayenge। khushi badhti rahegi। yeh hai aatma aur paramatma ka shuddh lav। woh hai bhi niraakaar। tumhaari jitni kat utarti jaayegi, utni kashish hogi। apni degree tum dekh sakte ho - ham kitna khushi mein rehte hain? ismen aasan aadi lagaane ki baat nahin hai। hathayog nahin hai। aaraam se baithe baba ko yaad karte raho। lete hue bhi yaad kar sakte ho। behad ka baap kehte hain mujhe yaad karo to tum satopradhaan ban jaayenge aur paap kat jaayenge। behad ka baap jo tumhaara teacher bhi hai, satguru bhi hai, unko bahut pyaar se yaad karna chaahiye। ismen hi maaya vighna daalti hai। dekhna hai hamne baap ki yaad mein rah harshit hokar khaana khaaya? aashik ko maashook mila hai to zaroor khushi hogi na। yaad mein rahne se tumhaara bahut jama hota jaayega। manzil bahut badi hai। tum kya se kya bante ho! pahle to besmajh the, abhi tum bahut samajhdaar bane ho। tumhaari em object kitni first class hai। tum jaante ho ham baba ko yaad karte-karte is puraani khaal ko chhod jaae nai lenge। karmaateet avastha hone se phir yeh khaal chhod denge। najdeek aane se ghar ki yaad aati hai na। baba ki knowledge badi meethi hai। bachchon ko kitna nasha chadhna chaahiye। bhagwan is rath mein baith tumko padhaate hain। abhi tumhaari hai chadhti kala। chadhti kala tere bhaane sarva ka bhala। tum koi nai baaten nahin sunte ho। jaante ho anek baar hamne suni hai, vahi phir se sun rahe hain। sunne se andar hi andar mein gadgad hote rahenge। tum ho unknown warriors aur very well known। tum saare vishwa ko heaven banaate ho, tab deviyon ki itni pooja hoti hai। karne vaale aur karaane vaale donon ki pooja hoti hai। bachche jaante hain devi-devta dharma vaalon ka sapling lag raha hai। yeh rivaaj abhi pada hai। tum apne ko tilak lagaate ho। jo achhi reeti padhte hain woh apne ko scholarship laayak banaate hain। bachchon ko yaad ki yaatra ka bahut purooshaartha karna chaahiye। apne ko bhaai-bhaai samjho to naam-roop ka bhaan nikal jaaye, ismen hi mehnat hai। bahut attention dena hai। phaaltu baaten kabhi sunni nahin hai। baap kehte hain main jo sunaaoon, woh suno। jharmui jhagmui ki baaten na suno। kaan banda karo। sabko shantidham aur sukhdhaam ka raasta bataate raho। jitna jo bahuton ko raasta bataate hain, utna unko phaayda milta hai। kamaai hoti hai। baap aaye hain sabka shrringaar karne aur ghar le chalne। baap bachchon ka sadaiv madadgaar bante hain। jo baap ke madadgaar bane hain, unko baap bhi pyaar se dekhte hain। jo bahuton ko raasta bataate hain, to baba bhi unko bahut yaad karte hain। unko bhi baap ke yaad ki kashish hoti hai। yaad se hi kat utarti jaayegi, baap ko yaad karna goya ghar ko yaad karna। sadaiv baba-baba karte raho। yeh hai braahmanon ki roohaani yaatra। supreme rooh ko yaad karte-karte ghar pahunch jaayenge। jitna dehi-abhimaani banne ka purooshaartha karenge to karmendriyaan vash hoti jaayegi। karmendriyon ko vash karne ka ek hi upaay yaad ka hai। tum ho roohaani svadarshan chakradhaari brahman kul bhooshan। tumhaara yeh sarvottam shreshtha kul hai। brahman kul devtaaon ke kul se bhi oonch hai kyonki tumko baap padhaate hain। tum baap ke bane ho, baba se vishwa ki baadshaahi ka varsa lene ke liye। baba kahne se hi varse ki khushbu aati hai। shiv ko hamesha baba-baba kehte hain। shivbaaba hai hi sadgati daata aur koi sadgati de na sake। sachcha satguru ek hi niraakaar hai jo aadhaakalpa ke liye raajya dekar jaate hain। to mool baat hai yaad ki। antakaal koi shareer ka bhaan athva dhan daulat yaad na aaye। nahin to punarjanma lena padega। bhakti mein kaashi kalvat khaate hain, tumne bhi kaashi kalvat khaaya hai athva baap ke bane ho। bhakti maarga mein bhi kaashi kalvat khaakar samajhte hain sab paap kat gaye। parantu vaapis to koi ja nahin sakte। jab sab oopar se aa jaayen phir vinaash hoga। baap bhi jaayenge, tum bhi jaayenge। baaki kehte hain paandav pahaadon par gal gaye। woh to jaise aapghaat ho jaaye। baap achhi reeti samjhaate hain। bachche sarva ka sadgati daata ek main hoon, koi dehdhaari tumhaari sadgati kar nahin sakte। bhakti se seedhi neeche utarte aaye hain, ant mein baap aakar jor se chadhaate hain। isko kaha jaata hai achaanak behad sukh ki lottery milti hai। woh hoti hai ghud-daud। yeh hai aatmaon ki daud। parantu maaya ke kaaran accident ho jaata hai athva faarakti de dete hain। maaya buddhiyog tod deti hai। kaam se haar khaate to ki kamaai chat ho jaati hai। kaam bada bhoot hai, kaam par jeet paane se jagatjeet banenge। lakshmi-naaraayan jagatjeet the। baap kehte hain yeh antim janma pavitra zaroor banna hai, tab jeet hogi। nahin to haar khaayenge। yeh hai mrityulok ka antim janma। amarlok ke 21 janmon ka aur mrityulok ke 63 janmon ka raaz baap hi samjhaate hain। ab dil se poochho ki ham lakshmi-naaraayan banne ke laayak hain? jitni dhaarna hoti rahegi utni khushi bhi hogi। parantu takdeer mein nahin hai to maaya thaharne nahin deti hai।

is madhuban ka prabhaav din-pratidin jaasti badhta rahega। mukhya battery yahaan hai, jo serviceable bachche hain, woh baap ko bahut pyaare lagte hain। jo achhe serviceable bachche hain unko chun-chun kar baba searchlight dete hain। woh bhi zaroor baba ko yaad karte hain। serviceable bachchon ko baapdaada donon yaad karte hain, searchlight dete hain। kehte hain mithra ghur ta ghuraay… yaad karo to yaad ka response milega। ek taraph hai saari duniya, doosri taraph ho tum sachche brahman। oonche te oonche baap ke tum bachche ho, jo baap sarva ka sadgati daata hai। tumhaara yeh divya janma heere samaan hai। hamko kaudi se heera bhi vahi banaate hain। aadhaakalpa ke liye itna sukh de dete hain jo phir unko yaad karne ki darkaar nahin। baba kehte - bachche, dheron ka dher dhan tumko deta hoon। tum sab ganva baithe ho। kitne heere javaahraat mere hi mandir mein lagaate ho। ab to heere ka dekho kitna daam hai! aage heeron par bhi roong (saath mein koi doosri gift) milti thi, ab to sabji par bhi roong (sabji ke saath kuchh mircha, dhaniya aadi de dete the) nahin milti। tum jaante ho kaise raajya liya, kaise ganvaaya? ab phir le rahe hain। yeh gyaan bada wonderful hai। koi ki buddhi mein mushkil thaharta hai। raajaai leni hai to shreemat par poora chalna hai। apni mat kaam mein nahin aayegi। jeete ji vaanaprastha mein jaana hai to sab kuchh inko dena pade। vaaris banaana pade। bhakti maarga mein bhi vaaris banaate hain। daan karte hain parantu alpakaal ke liye। yahaan to inko vaaris banaana hota hai - janma-janmaantar ke liye। gaayan bhi hai follow father। jo follow karte hain woh oonch pad paate hain। behad ke baap ka banne se hi bedah ka varsa paayenge। shivbaaba to hai daata। yeh bhandaara unka hai। bhagwan arth jo daan karte hain, to doosre janma mein alpakaal ka sukh milta hai। woh hua indirect। yeh hai direct। shivaabaaba 21 janmon ke liye dete hain। koi ki buddhi mein aata hai ham shivbaaba ko dete hain। yeh jaise insult hai। dete hain lene ke liye। yeh baba ka bhandaara hai। kaal kantak door ho jaate hain। bachche padhte hain amarlok ke liye। yeh hai kaanton ka jangal। baba phoolon ke bageeche mein le jaate hain। to bachchon ko bahut khushi rahni chaahiye। daivi gun bhi dhaaran karne hain। baap kitna pyaar se bachchon ko gul-gul banaate hain। baba bahut pyaar se samjhaate hain। apna kalyaan karna chaahte ho to daiveegun bhi dhaaran karo aur kiske bhi avgun nahin dekho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar :-

1) behad ke baap se search light lene ke liye unka madadgaar banna hai। mukhya battery se apna connection jodkar rakhna hai। kisi bhi baat mein samay barbaad nahin karna hai।

2) sachchi kamaai karne va bhaarat ki sachchi seva karne ke liye ek baap ki yaad mein rehna hai kyonki yaad se vaayumandal shuddh hota hai। aatma satopradhaan banti hai। apaar khushi ka anubhav hota hai। karmendriyaan vash mein ho jaati hai।

vardaan:- sva-parivartan se vishwa parivartan ke kaarya mein dil-pasanda saphalta praapta karne vaale siddhi swaroop bhav

har ek sva parivartan dvaara vishwa parivartan karne ki seva mein lage hue hain। sabhi ke man mein yahi umang-utsaah hai ki is vishwa ko parivartan karna hi hai aur nishchay bhi hai ki parivartan hona hi hai। jahaan himmat hai vahaan umang-utsaah hai। sva parivartan se hi vishwa parivartan ke kaarya mein dilapsanda saphalta praapta hoti hai। lekin yeh saphalta tabhi milti hai jab ek hi samay vritti, vibration aur vaani teenon shaktishaali hon।

slogan:- jab bol mein sneh aur sayamm ho tab vaani ki energy jama hogi।