मंगलवार 30 अप्रैल 2024 की दैनिक मुरली

30-04-2024 praatahmurli om shanti "baapdaada"' madhuban

“meethe bachche - apna potaamel check karo ki saare din mein baap ko kitna samay yaad kiya, koi bhool to nahin ki? kyonki tum har ek vyaapaari ho''

prashn:- kaun-si ek mehnat antarmukhi ban karte raho to apaar khushi rahegi?

uttar:- janma-janmaantar jo kuchh kiya hai, jo saamne aata rehta hai, un sabse buddhiyog nikaal satopradhaan banne ke liye baap ko yaad karne ki mehnat karte raho। chaaron taraph se buddhi hataae antarmukhi ban baap ko yaad karo। service ka saboot do to apaar khushi rahegi।

om shanti। baap baith bachchon ko samjhaate hain, yeh to bachche jaante hain ki roohaani baap roohaani bachchon ko baith samjhaate hain। roohaani baap hua behad ka baap। roohaani bachche bhi hue behad ke bachche। baap ko to sab bachchon ki sadgati karni hai। kis dvaara? in bachchon dvaara vishwa ki sadgati karni hai। saare vishwa ke bachche to yahaan aakar nahin padhte hain। naam hi hai eeshvareey vishwa-vidyaalay। mukti to sabki hoti hi hai। mukti kaho, jeevanmukti kaho। mukti mein jaakar phir bhi sabko jeevan-mukti mein aana hi hai। to aise kahenge sabhi jeevanmukti mein aate hain via muktidhaam। ek-do ke peechhe aana hi hai part bajaane। tab tak muktidhaam mein thaharna padta hai। bachchon ko ab rachayita aur rachna ka maaloom pad gaya hai। yeh saari rachna anaadi hai। rachayita to ek hi baap hai। yeh jo bhi sabhi aatmaayen hain, sab behad ke baap ke bachche hain। jab bachchon ko maaloom padta hai to vahi aakar yog seekhte hain। yeh bhaarat ke liye hi yog hai। baap aate bhi bhaarat mein hain। bhaaratvaasiyon ko hi yaad ki yaatra sikhlaakar paavan banaate hain aur knowledge bhi dete hain ki yeh srishti ka chakra kaise phirta hai, yeh bhi bachche jaante hain। rudra maala bhi hai jo gaai aur pooji jaati hai, simran ki jaati hai। bhakta maala bhi hai। oonche te oonche bhakton ki maala hai। bhakta maala ke baad honi chaahiye gyaan maala। bhakti aur gyaan hai na। bhakta maala bhi hai to rudra maala bhi hai। peechhe phir runda maala kaha jaata hai kyonki oonch te oonch manushya srishti mein hai vishnu, jisko sookshm vatan mein dikhaate hain। prajaapita brahma to yeh hai, inki maala bhi hai। aakhreen yeh maala ban jaayegi tab hi woh rudra maala aur vishnu ki vaijayanti maala banegi। oonche te ooncha hai shivbaaba phir oonche te oonch hai vishnu ka raajya। shobha ke liye bhakti mein kitne chitra banaaye hain। parantu gyaan kuchh bhi nahin hai। tum jo chitra banaate ho unki pahchaan deni hai to manushya samajh jaaen। nahin to shiv aur shankar ko mila dete hain।

baba ne samjhaaya hai sookshm vatan mein bhi saari saakshaatkaar ki baat hai। haddi maans vahaan hota nahin। saakshaatkaar karte hain। sampoorn brahma bhi hai parantu woh hai sampoorn, avyakt। abhi vyakta brahma jo hai unko avyakt banna hai। vyakta hi avyakt hota hai jisko farishta bhi kehte hain। unka sookshm vatan mein chitra rakh diya hai। sookshm vatan mein jaate hain, kehte hain baba ne shoobeeras pilaaya। ab vahaan jhaad aadi to hota nahin। baikuntha mein hain, lekin aise nahin ki baikuntha se le aakar pilaate honge। yeh sab sookshm vatan mein saakshaatkaar ki baaten hain। ab tum bachche jaante ho ki vaapis ghar jaana hai aur aatma-abhimaani banna hai। main aatma avinaashi hoon, yeh shareer vinaashi hai। aatma ka gyaan bhi tum bachchon mein hai। ve to aatma kya hai, yeh bhi nahin jaante। un logon ko yeh bhi maaloom nahin ki kaise unmein 84 janmon ka part bhara hua hai। yeh knowledge sirf baap hi dete hain। apni bhi knowledge dete hain। tamopradhaan se satopradhaan bhi banaate hain। bas, yahi purushaartha karte raho - ham aatma hain, ab paramatma ke saath yog lagaana hai। sarvashaktimaan patit-paavan ek baap ko hi kehte hain। sannyaasi kehte hain patit-paavan aao। koi to brahm ko bhi patit-paavan kah dete hain। ab tum bachchon ko bhakti ka bhi gyaan milta hai ki bhakti kitna samay chalti hai, gyaan kitna samay chalta hai? yeh baap baith samjhaate hain। pahle kuchh nahin jaante the। manushya hokar tuchchha buddhi ban pade hain। satayug mein bilkul svachchha buddhi the। kitne unhon mein daiveegun the। tum bachchon ko daivi gun bhi zaroor dhaaran karne hain। kehte hain na yeh to jaise devta hai। bhal saadhu, santa, mahaatma ko log maante hain parantu woh daivi buddhi to nahin hain। rajoguni buddhi ho jaate hain। raaja, raani, praja hai na। raajdhaani kab aur kaise sthaapan hoti hai - yeh duniya nahin jaanti। yahaan tum sab nai baaten sunte ho। to maala ka bhi raaz samjhaaya hai। oonche te oonch hai baap। unki maala oopar mein hai, rudra woh hai niraakaar phir saakaar lakshmi-naaraayan unki bhi maala hai। braahmanon ki maala abhi nahin banti। ant mein tum braahmanon ki maala bhi ban jaati hai। in baaton mein jaasti prashn-uttar karne ki jaroorat nahin। mool baat hai apne ko aatma samajh parampita paramatma ko yaad karo। yeh nishchay pakka chaahiye। mool baat hai patiton ko paavan banaana। saari duniya patit hai phir paavan banna hai। mool vatan mein bhi sabhi paavan hain to sukhdhaam mein bhi sab paavan hain। tum paavan bankar paavan duniya mein jaate ho। goya ab paavan duniya sthaapan ho rahi hai। yeh sab drama mein noondh hai।

baap kehte hain, saare din ka potaamel dekho - koi bhool to nahin hui? vyaapaari log muraadi sambhaalte hain, yeh bhi kamaai hai। tum har ek vyaapaari ho। baba se vyaapaar karte ho। apni jaanch karni hai - hamaare mein kitne daiveegun hain? kitna baap ko yaad karte hain? kitna ham ashareeri bante jaate hain? ham ashareeri aaye the phir ashareeri bankar jaana hai। abhi tak sab aate hi rehte hain। beech mein jaana to ek ko bhi nahin hai। jaana to sabko ikattha hai। bhal srishti khaali nahin rehti, gaayan hai raam gayo, raavan gayo… parantu rehte donon hain। raavan sampradaay jaata hai to phir lautkar nahin aata। baaki yeh bach jaate hain। yeh bhi aage chalkar sab saakshaatkaar hona hai। yeh jaanna hai ki nai duniya ki kaise sthaapna ho rahi hai, pichhaadi mein kya hoga? phir sirf hamaara hi dharma rah jaayega। satayug mein tum raajya karenge। kaliyug khatma ho jaayega, phir satayug ko aana hai। abhi raavan sampradaay aur raam sampradaay donon hain। sangamayug par hi yeh sab hota hai। abhi tum yeh sab kuchh jaante ho। baap kehte hain baaki jo kuchh raaz hai, woh aage chalkar dheere-dheere samjhaate rahenge। jo record mein noondh hai, woh khulte jaayenge। tum samajhte jaayenge। in advance kuchh bhi nahin bataayenge। yeh bhi drama ka plan hai, record khulta jaata hai। baba bolta jaata hai। tumhaari buddhi mein yeh sab baaton ki samajh badhti jaati hai। jaise-jaise record bajta jaayega vaise-vaise baba ki murli chalti jaayegi। drama ka raaz saara bhara pada hai। aise nahin, record se sui uthaakar beech mein rakh sakte hain to woh repeat ho। nahin, woh bhi phir vahi repeat hoga। nai baat nahin। baap ke paas jo nai baat hogi woh repeat hogi। tum sunte aur sunaate jaayenge। baaki sab gupta hai। yeh raajdhaani sthaapan ho rahi hai। saari maala ban rahi hai। alag-alag jaakar raajaai mein tum janma lenge। raaja, raani, praja sab chaahiye। yeh sab buddhi se kaam lena padta hai। practical mein jo hoga so dekha jaayega। jo yahaan se jaate hain woh achhe saahookaar ke ghar mein jaakar janma lete hain। abhi bhi tumhaari vahaan bahut khaatiri hoti hai। is samay bhi ratna jadit cheezen sabke paas hoti hain। parantu unhon mein itni power nahin hai। power tumhaare mein hai। tum jahaan jaayenge vahaan apna show karenge। tum to oonch bante ho to tum jaakar vahaan daivi charitra dikhaayenge। aasuri bachche janmate hi rote rahenge। gande bhi hote hain। tum to bade kaaydesir palenge। gand aadi ki baat nahin। aajkal ke bachche to gande ho padte hain। satayug mein aisi baat ho na sake। phir bhi heaven hai na। vahaan baans aati nahin jo kehna pade agarbatti jalaao। bageechon mein bahut khushboodaar phool honge। yahaan ke phoolon mein itni khushbu nahin। vahaan to har ek cheej mein 100 percent khushbu rehti hai। yahaan to 1 percent bhi nahin hai। vahaan to phool bhi first class honge। yahaan bhal koi kitna bhi saahookaar ho to bhi itna nahin। vahaan to kisma-kisma ki cheezen hongi। bartan aadi sab sone ke honge। jaise yahaan ke patthar, vahaan phir sona hi sona। reti mein bhi sona hota hai। vichaar karo - kitna sona hoga! jisse makaan aadi banenge। vahaan aisi mausam hogi - na sardi, na garmi। vahaan garmi ka duhkh nahin jo pankhe chalaane pade। uska naam hi hai svarga। vahaan apaar sukh hota hai। tumhaare jaisa padmaapadma bhaagyashaali koi bante hi nahin। lakshmi-naaraayan ki kitni mahima gaate hain। unko jo aisa banaate hain, unki kitni mahima chaahiye। pahle hoti hai avyabhichaari bhakti, phir devtaaon ki bhakti shuru hoti hai। woh bhi bhoot pooja kahenge। shareer to woh hai nahin। 5 tatvon ki pooja hoti hai। shivbaaba ke liye to aise nahin kahenge। pooja karne ke liye koi cheez ka va sone aadi ka banaate hain। aatma ko thode hi sona kahenge। aatma kis cheez ki bani hui hai? shiv ka chitra kis cheez ka banaaya hua hai, woh jhat bataayenge। parantu aatma-paramatma kis cheez ka bana hua hai, yeh koi bata na sake। satayug mein 5 tatva bhi shuddh hote hain। yahaan hain ashuddha। to purushaarthi bachche aisi-aisi khyaalaat karte rahenge। baap kehte hain in sab baaton ko bhi chhod do। jo hona hai woh hoga। pahle baap ko yaad karo। chaaron taraph se buddhi hataakar maamekam yaad karo to vikarma vinaash honge। jo kuchh sunte ho un sabko chhod ek baat pakki karo ki hamko satopradhaan banna hai। phir satayug mein jo kalpa-kalpa hua hoga, vahi hoga। usmein farka nahin pad sakta। mool baat hai, baap ko yaad karo। yeh hai mehnat। woh poori karo। toophaan to bahut aate hain। janma-janmaantar jo kuchh kiya hai woh sab saamne aata hai। to sab taraph se buddhi ko hataakar mere ko yaad karne ka purushaartha karo, antarmukhi hokar। tum bachchon ko smriti to aai, so bhi nambarvaar purushaartha anusaar। service se bhi maaloom pad jaata hai। service karne vaalon ko service ki khushi rehti hai। jo achhi service karte hain, unki service ka saboot bhi milta hai। pande bankar aate hain। kaun mahaarthi, ghodesvaar, pyaade hain, woh jhat pata pad jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) doosri sab baaton ko chhod, buddhi ko chaaron taraph se hataakar satopradhaan banne ke liye ashareeri banne ka abhyaas karna hai। daiveegun dhaaran karne hain।

2) buddhi mein achhe-achhe khyaalaat laane hain, hamaare raajya (svarga) mein kya-kya hoga, us par vichaar kar apne ko us jaise laayak charitravaan banaana hai। yahaan se buddhi nikaal deni hai।

vardaan:- seva dvaara meva praapta karne vaale sarva had ki chaahna se pare sada sampanna aur samaan bhav

seva ka arth hai meva dene vaali। agar koi seva asantushta banaaye to vo seva, seva nahin hai। aisi seva bhal chhod do lekin santushtata nahin chhodo। jaise shareer ki tripti vaale sada santushta rehte hain vaise man ki tripti vaale bhi santushta honge। santushtata tripti ki nishaani hai। tripta aatma mein koi bhi had ki ichchha, maan, shaan, salvation, saadhan ki bhookh nahin hogi। ve had ki sarva chaahna se pare sada sampanna aur samaan honge।

slogan:- sachchi dil se nihsvaartha seva mein aage badhna arthaat punya ka khaata jama hona।