बुधवार 1 मई 2024 की दैनिक मुरली

01-05-2024 praatahmurli om shanti "baapdaada"' madhuban

“meethe bachche - tum siddha karke bataao ki behad ka baap hamaara baap bhi hai, shikshak bhi hai aur satguru bhi hai, woh sarvavyaapi nahin ho sakta''

prashn:- is samay duniya mein ati duhkh kyon hai, duhkh ka kaaran sunaao?

uttar:- saari duniya par is samay raahu ki dasha hai, isi kaaran duhkh hai। vrikshapti baap jab aate hain to sab par brihaspati ki dasha baithti hai। satayug-treta mein brihaspati ki dasha hai, raavan ka naam-nishaan nahin hai isliye vahaan duhkh hota nahin। baap aaye hain sukhdhaam ki sthaapna karne, usmein duhkh ho nahin sakta।

om shanti। meethe-meethe roohaani bachchon ko roohaani baap baith samjhaate hain kyonki sabhi bachche yeh jaante hain - ham aatma hain, apne ghar se ham bahut door se yahaan aate hain। aakarke is shareer mein pravesh karte hain, part bajaane। part aatma hi bajaati hai। yahaan bachche baithe hain apne ko aatma samajh baap ki yaad mein kyonki baap ne samjhaaya hai yaad se tum bachchon ke janma-janmaantar ke paap bhasma honge। isko yog bhi nahin kehna chaahiye। yog to sannyaasi log sikhlaate hain। student ka teacher se bhi yog hota hai, bachchon ka baap se yog hota hai। yeh hai aatmaon aur paramatma ka arthaat bachchon aur baap ka mela। yeh hai kalyaankaari milan। baaki to sab hain akalyaankaari। patit duniya hai na। tum jab pradarshani va museum mein samjhaate ho to aatma aur paramatma ka parichay dena theek hai। aatmaayen sab bachche hain aur woh hai parampita param aatma jo paramdham mein rehte hain। koi bhi bachche apne laukik baap ko parampita nahin kahenge। parampita ko duhkh mein hi yaad karte hain - he parampita paramatma। param aatma rehte hi hain paramdham mein। ab tum aatma aur paramatma ka gyaan to samjhaate ho to sirf yeh nahin samjhaana hai ki do baap hain। woh baap bhi hai, shikshak bhi hai - yeh zaroor samjhaana hai। ham sab bhaai-bhaai hain, woh sabhi aatmaon ka baap hai। bhaktimaarga mein sab bhagwan baap ko yaad karte hain kyonki bhagwan se bhakti ka phal milta hai athva baap se bachche varsa lete hain। bhagwan bhakti ka phal dete hain bachchon ko। kya dete hain? vishwa ka maalik banaate hain। parantu tumko sirf baap nahin siddha karna hai। woh baap bhi hai to shiksha dene vaala bhi hai, satguru bhi hai। aisa samjhaao to sarvavyaapi ka khyaal ud jaae। yeh add karo। woh baba gyaan ka saagar hai। aa karke raajayog sikhlaate hain। bolo, woh teacher bhi hai shiksha dene vaala, to phir sarvavyaapi kaise ho sakta? teacher zaroor alag hai, student alag hain। jaise baap alag hai, bachche alag hain। aatmaayen paramatma baap ko yaad karti hain, unki mahima bhi karti hain। baap hi manushya srishti ka beejroop hai। woh aa karke hamko manushya srishti ke aadi-madhya-ant ka gyaan sunaate hain। baap svarga ki sthaapna karte hain, ham svargavaasi bante hain। saath-saath yeh bhi samjhaate hain ki do baap hain। laukik baap ne paalna ki phir teacher ke paas jaana padta hai padhne ke liye। phir 60 varsha ke baad vaanaprastha avastha mein jaane ke liye guru karna padta hai। baap, teacher, guru alag-alag hote hain। yeh behad ka baap to sabhi aatmaon ka baap hai, gyaan saagar hai। manushya srishti ka beejroop sat-chit-aananda swaroop hai। sukh ka saagar, shanti ka saagar hai। unki mahima shuru kar do kyonki duniya mein matbhed bahut hain na। sarva-vyaapi agar ho to phir teacher ban padhaayenge kaise! phir satguru bhi hai, sabhi ko guide ban le jaate hain। shiksha dete hain arthaat yaad sikhlaate hain। bhaarat ka praacheen raajayog bhi gaaya hua hai। puraane te puraana hai sangamayug। nai aur puraani duniya ka beech। tum samajhte ho aaj se 5 hazaar varsha pahle baap ne aakar apna banaaya tha aur hamaara teacher-satguru bhi bana tha। woh sirf hamaara baba nahin hai, woh to gyaan ka saagar arthaat teacher bhi hai, hamko shiksha dete hain। srishti ke aadi-madhya-ant ka raaz samjhaate hain kyonki beejroop, vrikshapti hai। woh jab bhaarat mein aate hain tab bhaarat par brihaspati ki dasha baithti hai। satayug mein sab sada sukhi devi-devtaayen hote hain। sab par brihaspati ki dasha baithti hai। jab phir duniya tamopradhaan hoti hai to sabhi par raahu ki dasha baithti hai। vrikshapti ko koi bhi jaante nahin। na jaanne se phir varsa kaise mil sakta।

tum yahaan jab baithte ho to ashareeri hokar baitho। yeh to gyaan mila hai - aatma alag hai, ghar alag hai। 5 tatva ka putla (shareer) banta hai, usmein aatma pravesh karti hai। sabka part noondha hua hai। pahle-pahle mukhya baat yeh samjhaani hai ki baap supreme baap hai, supreme teacher hai। laukik baap, teacher, guru ka contrast bataane se jhat samjhenge, debate nahin karenge। aatmaon ke baap mein saara gyaan hai। yeh khoobi hai। vahi hamko rachna ke aadi-madhya-ant ka raaz samjhaate hain। aage rishi-muni aadi to kehte the ham rachta aur rachna ke aadi-madhya-ant ko nahin jaante kyonki us samay woh sato the। har cheej satopradhaan, sato, rajo, tamo mein aati hi hai। nai se puraani zaroor hoti hai। tumko is srishti chakra ki aayu ka bhi maaloom hai। manushya yeh bhool gaye hain ki inki aayu kitni hai। baaki yeh shaastra aadi sab bhakti maarga ke liye banaate hain। bahut gapode likh diye hain। sabka baap to ek hi hai। sadgati daata ek hai। guru anek hain। sadgati karne vaala satguru ek hi hota hai। sadgati kaise hoti hai - woh bhi tumhaari buddhi mein hai। aadi sanaatan devi-devta dharma ko hi sadgati kaha jaata hai। vahaan thode manushya hi hote hain। abhi to kitne dher manushya hain। vahaan to sirf devtaaon ka raajya hoga phir dynasty vriddhi ko paati hai। lakshmi-naaraayan di first, second, third chalta hai। jab first hoga to kitne thode manushya honge। yeh khyaalaat bhi sirf tumhaare chalte hain। yeh tum bachche samajhte ho bhagwan tum sabhi aatmaon ka baap ek hi hai। woh hai behad ka baap। had ke baap se had ka varsa milta hai, behad ke baap se behad ka varsa milta hai - 21 peedhi svarga ki baadshaahi। 21 peedhi arthaat jab budhaapa hota hai tab shareer chhodte hain। vahaan apne ko aatma jaante hain। yahaan deh-abhimaani hone kaaran jaante nahin hain ki aatma hi ek shareer chhod doosra leti hai। ab deh-abhimaaniyon ko aatma-abhimaani kaun banaave? is samay ek bhi aatma-abhimaani nahin hai। baap hi aakar aatma-abhimaani banaate hain। vahaan yeh jaante hain aatma ek bada shareer chhod chhota bachcha jaakar banegi। sarpa ka bhi misaal hai, yeh sarpa bhramri aadi ke misaal sab yahaan ke hain aur is samay ke hain। jo phir bhakti maarga mein bhi kaam mein aate hain। vaastav mein braahmaniyaan to tum ho jo vishta ke keedon ko bhoon-bhoon kar manushya se devta bana deti ho। baap mein knowledge hai na। vahi gyaan ka saagar, shanti ka saagar hai। sabhi shanti maangate rehte hain। shanti deva… kisko pukaarte hain? jo shanti ka daata athva saagar hai, unki mahima bhi gaate hain parantu arth rahit। kah dete hain, samajhte kuchh bhi nahin। baap kehte hain yeh ved-shaastra aadi sab bhakti maarga ke hain। 63 janma bhakti karni hi hai। kitne dher shaastra hain। main koi shaastra padhne se nahin milta hoon। mujhe pukaarte bhi hain aakar paavan banaao। yeh hai tamopradhaan kichde ki duniya jo koi kaam ki nahin। kitna duhkh hai। duhkh kahaan se aaya? baap ne to tumko bahut sukh diya tha phir tum seedhi kaise utre? gaaya bhi jaata hai gyaan aur bhakti। gyaan baap sunaate hain, bhakti raavan sikhlaate hain। dekhne mein na baap aata, na raavan aata। donon ko in aankhon se nahin dekha jaata। aatma ko samjha jaata hai। ham aatma hain to aatma ka baap bhi zaroor hai। baap phir teacher bhi bante hain, aur aisa koi hota hi nahin।

abhi tum 21 janma ke liye sadgati ko chakra lete ho, phir guru ki darkaar hi nahin rehti। baap sabka baap bhi hai, to shikshak bhi hai, padhaane vaala। sabka sadgati karne vaala satguru supreme guru bhi hai। teenon ko to sarvavyaapi kah na sake। woh to srishti ke aadi-madhya-ant ka raaz bataate hain। manushya yaad bhi karte hain - he patit-paavan aao, sarva ke sadgati daata aao, sabke duhkh haro, sukh do। he god father, he liberator। phir hamaara guide bhi bano - le chalne ke liye। is raavan raajya se liberate karo। raavan raajya koi lanka mein nahin hai। yeh saari dharni jo hai, usmein is samay raavan raajya hai। raam raajya sirf satayug mein hi hota hai। bhakti maarga mein manushya kitna moonjh gaye hain।

abhi tumko shreemat mil rahi hai shreshtha banne ke liye। satayug mein bhaarat shreshthaachaari tha, poojya the। abhi tak bhi unhon ko poojte rehte hain। bhaarat par brihaspati ki dasha thi to satayug tha। abhi raahu ki dasha mein dekho bhaarat ka kya haal ho gaya hai। sab an-righteous ban pade hain। baap righteous banaate hain, raavan unrighteous banaate hain। kehte bhi hain raam raajya chaahiye। to raavan raajya mein hain na। narkavaasi hain। raavan raajya ko narka kaha jaata hai। svarga aur narka aadha-aadha hai। yeh bhi tum bachche hi jaante ho - raam raajya kisko aur raavan raajya kisko kaha jaata hai? to pahle-pahle yeh nishchay buddhi banaana hai। woh hamaara baap hai, ham sab aatmaayen brothers hain। baap se sabko varsa milne ka hak hai। mila tha। baap ne raajayog sikhlaakar sukhdhaam ka maalik banaaya tha। baaki sab chale gaye shantidham। yeh bhi bachche jaante hain vrikshapti hai chaitanya। sat-chit-aananda swaroop hai। aatma satya bhi hai, chaitanya bhi hai। baap bhi sat hai, chaitanya hai, vrikshapti hai। yeh ulta jhaad hai na। iska beej oopar mein hai। baap hi aakar samjhaate hain jab tum tamopradhaan ban jaate ho tab baap satopradhaan banaane aate hain। history-geography repeat hoti hai। ab tumko kehte hain history-geography… angreji akshar nahin bolo। hindi mein kahenge itihaas-bhoogol। angreji to sab log padhte hi hain। samajhte hain bhagwan ne geeta sanskrit mein sunaai। ab shreekrishna satayug ka prince। vahaan yeh bhaasha thi, aisa to likha hua nahin hai। bhaasha hai zaroor। jo-jo raaja hota hai uski bhaasha apni hoti hai। satayugi raajaaon ki bhaasha apni hogi। sanskrit vahaan nahin hai। satayug ki rasma-rivaaj hi alag hai। kaliyugi manushyon ki rasma-rivaaj alag hai। tum sab meeraayen ho, jo kaliyugi lok laaz kul ki maryaada pasanda nahin karti ho। tum kaliyugi lok laaz chhodti ho to jhagda kitna hota hai। tumko baap ne shreemat di hai - kaam mahaashatru hai, is par jeet praapta karo। jagat jeet banne vaalon ka yeh chitra bhi saamne hai। tumko to behad ke baap se raay milti hai ki vishwa mein shanti sthaapan kaise hogi? shanti deva kahne se baap hi yaad aata hai। baap hi aakar kalpa-kalpa vishwa mein shanti sthaapan karte hain। kalpa ki aayu lambi kar dene se manushya kumbhakran ki neend mein jaise soye pade hain।

pahle-pahle to manushyon ko yeh pakka nishchay karaao ki woh hamaara baap bhi hai, teacher bhi hai। teacher ko sarvavyaapi kaise kahenge? tum bachche jaante ho baap kaise aakar hamko padhaate hain। tum unki biography ko jaante ho। baap aate hi hain - narka ko svarga banaane। teacher bhi hai phir saath bhi le jaate hain। aatmaayen to avinaashi hain। woh apna poora part bajaakar ghar jaati hain। le jaane vaala guide bhi to chaahiye na। duhkh se liberate karte hain phir guide ban sabko le jaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kaliyugi lok laaj kul ki maryaada chhod eeshvareey kul ki maryaadaaon ko dhaaran karna hai। ashareeri baap jo sunaate hain woh ashareeri hokar sunne ka abhyaas pakka karna hai।

2) behad ka baap, baap bhi hai, teacher bhi hai, satguru bhi hai, yeh contrast sabhi ko samjhaana hai। yeh siddha karna hai ki behad ka baap sarvavyaapi nahin hai।

vardaan:- had ke naaz-nakhron se nikal roohaani naaz mein rahne vaale preet buddhi bhav

kai bachche had ke svabhaav, sanskaar ke naaz-nakhre bahut karte hain। jahaan mera svabhaav, mere sanskaar yeh shabd aata hai vahaan aise naaz nakhre shuru ho jaate hain। yeh mera shabd hi phere mein laata hai। lekin jo baap se bhinna hai woh mera hai hi nahin। mera svabhaav baap ke svabhaav se bhinna ho nahin sakta, isliye had ke naaz nakhre se nikal roohaani naaz mein raho। preet buddhi ban mohabbat ki preet ke nakhre bhal karo।

slogan:- baap se, seva se aur parivaar se muhabbat hai to mehnat se chhoot jaayenge।