बुधवार 15 मई 2024 की दैनिक मुरली

15-05-2024 praatahmurli om shanti "baapdaada"' madhuban

“meethe bachche - yaad ka aadhaar hai pyaar, pyaar mein kami hai to yaad ekras nahin rah sakti aur yaad ekras nahin hai to pyaar nahin mil sakta''

prashn:- aatma ki sabse pyaari cheez kaun si hai? uski nishaani kya hai?

uttar:- yeh shareer aatma ke liye sabse pyaari cheez hai। shareer se itna pyaar hai jo woh chhodna nahin chaahti। bachaav ke liye anek prabandha rachti hai। baap kehte bachche, yeh to tamopradhaan chhi-chhi shareer hai। tumhein ab naya shareer lena hai isliye is puraane shareer se mamatva nikaal do। is shareer ka bhaan na rahe, yahi hai manzil।

om shanti। roohaani baap roohaani bachchon ko samjhaate hain, ab yeh to bachche jaante hain ki daivi svaraajya ka udghaatan to ho chuka hai। ab taiyaari ho rahi hai vahaan jaane liye। jahaan koi shaakha kholte hain to koshish ki jaati hai bade aadmi dvaara opening karaane ki। bade aadmi ko dekh neeche vaale officers aadi sab aayenge। samjho governor aayega to bade-bade ministers aadi aayenge। agar collector ko tum bulaao to bade aadmi nahin aayenge isliye koshish ki jaati hai bade te bada koi aaye। kis na kis bahaane se andar aaye to tum unko raasta bataao। behad ke baap se behad ka varsa kaise mil raha hai। aisa koi doosra manushya nahin jo jaanta ho tum braahmanon ke sivaae। aise bhi seedha nahin kehna hai - bhagwan aaya hai। aise bhi bahut kehte hain - bhagwan aa gaya hai। parantu nahin, aise apne ko bhagwan kahlaane vaale to dher aaye hain। yeh to samjhaana hai behad ka baap aakar behad ka varsa de rahe hain kalpa pahle misal, drama plan anusaar। yeh saari line likhni pade। manushya likhat padhenge phir koshish karenge, jinki takdeer mein hoga। tum bachchon ko maaloom hai na ki ham behad ke baap se behad ka varsa le rahe hain। yahaan to nishchaybuddhi bachche hi aate hain। nishchaybuddhi bhi phir koi samay sanshaybuddhi ban jaate hain। maaya pichhaad leti hai। chalte-chalte haar kha lete hain। aisa to law bhi nahin hai jo ek taraph sadaiv jeet ho। haar hove hi nahin। haar aur jeet donon chalti hain। yuddha mein bhi 3 prakaar ke hote hain, first-class, second class aur third class। kabhi-kabhi yuddha na karne vaale bhi dekhne ke liye aa jaate hain। woh bhi allow kiya jaata hai। shaayad kuchh rang lag jaaye aur is sena mein aa jaayen kyonki duniya ko yeh pata nahin hai ki tum mahaarthi yoddhe ho। parantu tumhaare haath mein hathiyaar aadi to kuchh bhi nahin hain। tumhaare haath mein hathiyaar aadi shobhenge bhi nahin। parantu baap samjhaate hain na - gyaan talvaar, gyaan kataari। to unhonne phir sthool mein samajh liya hai। tum bachchon ko baap gyaan ke astra-shastra dete hain, ismen hinsa ki baat hi nahin। parantu yeh samajhte nahin hain। deviyon ko sthool hathiyaar aadi de diye hain। unko bhi hinsak bana diya hai। yeh hai bilkul besamjhi। baap achhi tarah jaante hain ki kaun-kaun phool banne vaale hain, woh to baap khud hi kehte hain phool aage hone chaahiye। certain hai yeh phool banne vaale hain, baba naam nahin lete hain। nahin to aur kahenge ham kaante banenge kya! baba poochhte hain nar se naaraayan kaun banenge to sab haath uthaate hain। yoon to khud samajhte hain jo jaasti service karte hain vo baap ko bhi yaad karte hain। baap se pyaar hai to yaad bhi unki rahegi। ekras to koi bhi yaad kar nahin sakenge। yaad nahin kar sakte isliye pyaar nahin। pyaari cheez ko to bahut yaad kiya jaata hai। bachche pyaare hote hain to maa-baap godi mein utha lete hain। chhote bachche bhi phool hain। jaise tum bachchon ki dil hoti hai shivbaaba ke paas jaayen, vaise chhote bachche bhi kheenchate hain। jhat bachche ko uthaae god mein bithaayenge, pyaar karenge।

yeh behad ka baap to bahut pyaara hai। sabhi shubh manokaamnaayen poori kar dete hain। manushyon ko kya chaahiye? ek to chaahte hain tandurusti achhi ho, kabhi beemaar na hon। sabse achhi hai yeh tandurusti। tandurusti achhi ho, parantu paise na hon to woh tanduroosti bhi kya kaam ki। phir chaahiye dhan, jisse sukh mile। baap kehte hain tumko health aur wealth donon hi milni hai zaroor। yeh koi nai baat nahin hai। yeh to bahut-bahut puraani baat hai। tum jab-jab milenge to aise hi kahenge। baaki aisa nahin kahenge ki laakhon varsha hue va padmon varsha hue। nahin, tum jaante ho yeh duniya nai kab hoti hai, puraani kab hoti hai? ham aatmaayen nai duniya mein jaati hain phir puraani mein aati hain। tumhaara naam hi rakha hai all-rounder। baap ne samjhaaya hai tum all-rounders ho। part bajaate-bajaate abhi bahut janmon ke ant mein aakar pahunche ho। pahle-pahle shuru mein tum part bajaane aate ho। woh hai sweet silence hom। manushya shanti ke liye kitna hairaan hote hain। yeh nahin samajhte ki ham shantidham mein the phir vahaan se aaye hi ho part bajaane। part poora hua phir ham jahaan se aaye hain vahaan zaroor jaayenge। sabhi shantidham se aate hain। sabhi ka ghar woh brahmalok hai, brahmaanda, jahaan sab aatmaayen rehti hain। roodra ko bhi itna bada banaate hain ande misal। unko yeh pata nahin hai ki aatma bilkul chhoti hai। kehte bhi hain star misal hai phir bhi pooja bade ki hi hoti hai। tum jaante ho itni chhoti bindi ki to pooja ho nahin sakti। phir pooja kiski karen, to bada banaate hain phir pooja karte hain, doodh chadhaate hain। vaastav mein to woh shiv hai abhokta। phir unko doodh kyon chadhaate hain? doodh piye to phir bhokta ho gaya। yeh bhi ek wonder hai। sab kehte hain woh hamaara vaaris hai, ham unke vaaris hain kyonki ham un par phida hue hain। jaise baap bachchon par phida ho saari property unko de khud vaanaprastha mein chale jaate hain, yahaan bhi tum samajhte ho baba ke paas ham jitna jama karenge woh safe ho jaayega। gaayan bhi hai kinki dabi rahegi dhool mein…। tum bachche jaante ho kuchh bhi rehta hi nahin hai। sab bhasma ho jaana hai। aise bhi nahin hai, samjho aeroplane girte hain, vinaash hota hai to choron ko maal milta hai। lekin chor aadi khud bhi khatma ho jaayenge। us samay chori aadi bhi banda ho jaati hai। nahin to aeroplane girta hai to pahle-pahle sab maal choron ke haath mein aata hai। phir vahaan hi jangalon mein maal chhipa dete hain। second mein kaam kar lete hain। anek prakaar ki chori ke kaam karte hain - koi royalty se, koi unroyalty se। tum jaante ho yeh sab vinaash ho jaayenge aur tum saare vishwa ke maalik ban jaayenge। tumko kahaan kuchh dhoondhana nahin padega। tum to bahut oonch ghar mein janma lete ho। paise ki darkaar hi nahin। raajaaon ko kabhi paise lene ka khyaal bhi nahin hoga। devtaaon ko to bilkul nahin rehta। baap tumko itna sab kuchh de dete hain jo kabhi chori chakaari, eershya aadi ki baat hi nahin। tum bilkul phool ban jaate ho। kaante aur phool hain na। yahaan sab kaante hi kaante hain। jo vikaar ke sivaae rah nahin sakte to unko zaroor kaanta hi kehna pade। raaja se lekar sab kaante hain। tab baba kehte hain main tumko in lakshmi-naaraayan jaisa banaata hoon arthaat raajaaon ka bhi raaja banaata hoon। yeh kaante, phoolon ke aage jaakar maatha jhukaate hain। yeh lakshmi-naaraayan to samajhdaar hain na। yeh bhi baap ne samjhaaya hai satayug vaalon ko mahaaraaja, treta vaalon ko raaja kaha jaata hai। bade aadmi ko kahenge mahaaraaja, chhoti aamadni vaale ko raaja kahenge। mahaaraaja ki darbaar pahle hogi। martabe to hote hain na। kursiyaan bhi nambarvaar milengi। samjho na aane vaala koi aa jaata hai to bhi pahle kursi unko denge। ijzat rakhni hoti hai।

tum jaante ho hamaari maala banti hai। yeh bhi tum bachchon ki hi buddhi mein hai aur kiski buddhi mein nahin hai। roodra maala uthaakar pherte rehte hain। tum bhi pherte the na। anek mantra japte the। baap kehte hain yeh bhi bhakti hai। yahaan to ek ko hi yaad karna hai aur baap khaas kehte hain - meethe-meethe roohaani bachchon, bhakti maarga mein deh-abhimaan ke kaaran tum sabko yaad karte the, ab maamekam yaad karo। ek baap mila hai to uthte-baithte baap ko yaad karo to bahut khushi hogi। baap ko yaad karne se saare vishwa ki baadshaahi milti hai। jitna time kam hota jaayega utna jaldi-jaldi yaad karte rahenge। din-pratidin kadam badhaate rahenge। aatma kabhi thakti nahin hai। shareer se koi pahaad aadi par chadhenge to thak jaayenge। baap ko yaad karne mein tumko koi thakaavat nahin hogi। khushi mein rahenge। baba ko yaad kar aage chalte jaayenge। aadhaakalpa bachchon ne mehnat ki hai - shantidham mein jaane ke liye। em object ka kuchh bhi pata nahin hai। tum bachchon ko to parichay hai। bhakti maarga mein jiske liye itna sab kuchh kiya woh kehte hain ab mujhe yaad karo। tum khyaal karo baba theek kehte hain ya nahin? woh to samajhte hain paani se hi paavan ho jaayenge। paani to yahaan bhi hai। kya yeh ganga ka paani hai? nahin, yeh to barsaat ka ikattha kiya hua paani hai, jharnon se aata hi rehta hai, unko ganga ka paani nahin kahenge। kabhi banda nahin hota - yeh bhi kudrat hai। barsaat banda ho jaati hai parantu paani aata hi rehta hai। vaishnav log hamesha kuen ka paani peete hain। ek taraph samajhte hain yeh pavitra hai, doosre taraph phir patit se paavan banne ke liye ganga mein snaan karne jaate hain। ise to agyaan hi kahenge। barsaat ka paani to achha hi hota hai। yeh bhi drama ki kudrat kaha jaata hai। khudaai natural kudrat। beej kitna chhota hai, unse jhaad kitna bada nikalta hai। yeh bhi jaante ho dharti kalraathi ho jaati hai to phir unmein taakat nahin rehti, svaad nahin rehta hai। tum bachchon ko baap yahaan hi sab anubhav karaate hain - svarga kaisa hoga। abhi to nahin hai। drama mein yeh bhi noondh hai। bachchon ko saakshaatkaar hota hai। vahaan ke phal aadi kaise achhe meethe hote hain - tum dhyaan mein dekh aakar sunaate ho। phir abhi jo saakshaatkaar karte ho woh vahaan jab jaayenge tab in aankhon se dekhenge, mukh se khaayenge। jo bhi saakshaatkaar karte ho woh sab in aankhon se dekhenge, phir hai purooshaartha par। agar purooshaartha hi nahin karenge to kya pad paayenge? tumhaara purooshaartha chal raha hai। tum aise banenge। is vinaash ke baad in lakshmi-naaraayan ka raajya hoga। yeh bhi ab maaloom pada hai। paavan banne mein hi time lagta hai। yaad ki yaatra mukhya hai, dekha gaya - behen-bhaai samajhne se bhi baaz nahin aate hain (buri aadat nahin chhodte hain) to ab phir kehte hain bhaai-bhaai samjho। behen-bhaai samajhne se bhi drishti nahin phirti। bhaai-bhaai dekhne se phir shareer hi nahin rehta। ham sab aatmaayen hain, shareer nahin hain। jo kuchh yahaan dekhne mein aata hai woh to vinaash ho jaayega। yeh shareer chhodkar tumko ashareeri hokar jaana hai। tum yahaan aate hi ho seekhne ke liye ki ham yeh shareer chhodkar kaise jaayen। manzil hai na। shareer to aatma ko bahut pyaara hai। shareer na chhoote iske liye aatma kitne prabandha karti hai। kahin hamaara yeh shareer chhoot na jaaye। aatma ka is shareer se bahut-bahut pyaar hai। baap kehte hain yeh to puraana shareer hai। tum bhi tamopradhaan ho, tumhaari aatma chhi-chhi hai isliye duhkhi-beemaar ho padte hain। baap kehte hain - abhi shareer se pyaar nahin rakhna hai। yeh to puraana shareer hai। ab tumko naya khareed karna hai। koi dukaan nahin rakha hai jahaan se khareed karna hai। baap kehte hain mujhe yaad karo to paavan ban jaayenge। phir shareer bhi tumko paavan milega। 5 tatva bhi paavan ban jaayenge। baap sab baaten samjhaakar phir kehte hain manamnaabhav। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shivbaaba ke ham vaaris hain, woh hamaara vaaris hai, is nishchay se baap par poora phida hona hai। jitna baba ke paas jama karenge utna safe ho jaayega। kaha jaata - kinki dabi rahegi dhool mein......।

2) kaante se phool abhi hi banna hai। ekras yaad aur service se baap ke pyaar ka adhikaari banna hai। din-pratidin yaad mein kadam aage badhaate rehna hai।

vardaan:- apne purushaartha ki vidhi mein svayan ki pragti ka anubhav karne vaale saphalta ke sitaare bhav

jo apne purushaartha ki vidhi mein svayan ki pragti va saphalta ka anubhav karte hain, vahi saphalta ke sitaare hain, unke sankalp mein svayan ke purushaartha prati bhi kabhi “pata nahin hoga ya nahin hoga'', kar sakenge ya nahin kar sakenge - yeh asphalta ka ansh-maatra bhi nahin hoga। svayan prati saphalta adhikaar ke roop mein anubhav karenge। unhein sahaj aur svatah saphalta milti rehti hai।

slogan:- sukh swaroop bankar sukh do to purushaartha mein duaayen add ho jaayengi।