शनिवार 18 मई 2024 की दैनिक मुरली

18-05-2024 praatahmurli om shanti "baapdaada"' madhuban

“meethe bachche - yaad ki yaatra mein raho to tumhaare paap kat jaayenge, kyonki yaad hai talvaar ki dhaar, ismen apne aapko thagna nahin''

prashn:- bachchon ko character sudhaarne ke liye baap kaun-sa raasta bataate hain?

uttar:- bachche, apna sachcha-sachcha chart rakho। chart rakhne se hi character sudhrenge। dekhna hai ki saare din mein hamaara character kaisa raha? kisi ko duhkh to nahin diya? phaaltu baat to nahin ki? aatma samajhkar baap ko kitna samay yaad kiya? kitnon ko aap samaan banaaya? aisa jo potaamel rakhte unka character sudharta jaata hai। jo karega so paayega। nahin karega to pachhtaayega।

om shanti। roohaani bachchon prati roohaani baap baith samjhaate hain kyonki yahaan sammukh hai। aise nahin kahenge ki sabhi bachche apne svadharma mein rehte hain aur baap ko yaad karte hain। kahaan-kahaan buddhi zaroor jaati hogi। woh to har ek apne ko samajh sakte hain। mool baat hai satopradhaan banne ki। so to yaad ki yaatra ke sivaae ban nahin sakenge। bhal baba subah mein yog mein baith bachchon ko kheenchate hain, kashish karte hain। nambarvaar kheenchate jaate hain। yaad mein shanti mein rehte hain। duniya ko bhi bhool jaate hain। parantu savaal hai - saare din mein kya karte? woh to hui subah mein ghanta aadha ghanta yaad ki yaatra, jisse aatma pavitra banti hai, aayu badhti hai। parantu saare din mein kitna yaad karte hain? kitna svadarshan chakradhaari bante hain? aise nahin, baba to sab kuchh jaante hain। apne dil se poochhna hai ki hamne saara din kya kiya? abhi tum bachche chart likhte ho। koi right likhte hain, koi wrong likhte hain। samjhenge ham to shivbaaba ke hi saath the। shivbaaba ko hi yaad karte the parantu sachmuch yaad mein the? bilkul silence mein rahne se phir yeh duniya bhi bhool jaati hai। apne ko thagna nahin hai ki ham to shivbaaba ki yaad mein hain। deh ke sab dharma bhool jaane chaahiye। hamko shivbaaba kashish kar saari duniya bhulaate hain। baap samjhaate hain apne ko aatma samajh baap ko yaad karna hai। baap to kashish karte hain। sabhi aatmaayen baap ko yaad karen aur koi yaad na aaye। parantu sachmuch yaad aati hai va nahin, woh to khud potaamel nikaalen। kitna ham baba ko yaad karte hain? jaise aashik-maashook ka misaal hai। yeh aashik-maashook roohaani hain। baaten hi nyaari hain, woh jismaani, yeh roohaani। dekhna hai - ham kitna samay daivi gunon mein rahe? kitna samay baap ki seva mein rahe? phir auron ko bhi yaad dilaani hai। aatma par jo kat chadhi hui hai woh yaad ke bigar to utregi nahin। bhakti mein anekon ko yaad karte ho। yahaan yaad karna hai ek ko। ham aatma chhoti bindi hain। to baba bhi chhoti bindi bahut-bahut sookshm hai। aur knowledge hai badi। shri lakshmi va naaraayan banna, vishwa ka maalik banna koi maasi ka ghar nahin hai। baap kehte hain apne ko miya-mitthu samajh thagi nahin karna। apne se poochho - saare din mein hamne apne ko aatma samajh baap ko kitna yaad kiya, jo kat nikle? kitnon ko aapasmaan banaaya? yeh potaamel har ek ko apna rakhna hai। jo karega woh paayega, nahin karega to pachhtaayega। dekhna hai hamaara character saare din mein kaisa raha? koi ko duhkh to nahin diya ya phaaltu baat to nahin ki? chart rakhne se character sudhrega। baap ne raasta to bataaya hai।

aashik-maashook ek-do ko yaad karte hain। yaad karte hi woh saamne khada ho jaata hai। do striyaan (female) hain to bhi saakshaatkaar ho sakta hai, donon purush (mel) hain to bhi saakshaatkaar ho sakta hai। koi-koi mitra bhaai se bhi bahut teekhe hote hain। mitron ka aapas mein itna lav ho jaata hai jo bhaaiyon se bhi na ho। ek-do ko bahut achha pyaar se utha lete hain। baba to anubhvi hai na। to savere mein baap jaasti kashish karta hai। chumbak hai, ever pure, to woh kheenchata hai। baap to behad ka hai na। samajhte hain yeh to bahut lovely bachche hain। bahut jor se kashish karte hain। parantu yeh yaad ki yaatra bahut zaroori hai। kahaan bhi jaate ho, musaaphiri karte ho, uthte, baithte, khaate yaad kar sakte ho। aashik-maashook kahaan bhi yaad karte hain na। yeh bhi aise hai। baap ko yaad to karna hi hai, nahin to vikarma kaise vinaash honge। aur koi upaay hai nahin। yeh bahut maheen hai। talvaar ki dhaar se chalna hota hai। yaad hai talvaar ki dhaar। ghadi-ghadi kehte hain yaad bhool jaati hai। talvaar kyon kehte hain? kyonki inse paap katenge, tum paavan banenge। yeh bahut naazuk hai। jaise vo log aag se paar karte hain, tumhaara phir buddhiyog chala jaata hai baap ke paas। baap aaye hain yahaan, hamko varsa dete hain। oopar mein nahin hain, yahaan aaye hain। kehte hain saadhaaran tan mein aata hoon। tum jaante ho baap oopar se neeche aaya hai। chaitanya heera is dibbi mein baitha hai। sirf ismen khush nahin hona hai ki ham baba ke saath baithe hain। yeh to baba jaante hain, bahut kashish karte hain। parantu yeh to hua aadha pauna ghanta। baaki saara din vesta ganvaaya to isse kya phaayda। bachchon ko apne chart ka ona rakhna hai। aise nahin, ham to bhaashan kar sakte hain, chart rakhne ki hamko kya darkaar hai! yeh bhool nahin karni hai। mahaarthiyon ko bhi chart rakhna hai। mahaarthi bahut nahin hain, gine chune hain। bahuton ka naam-roop aadi mein bahut time vesta jaata hai। manzil bahut oonchi hai। baap sab kuchh samjha dete hain, jo student aisa na samjhen ki baba ne phalaani point nahin samjhaai। yeh hai mukhya - yaad aur srishti chakra ki knowledge। is srishti chakra ke 84 janmon ko to koi nahin jaante - sivaae tum bachchon ke। vairaagya bhi tumko aayega। tum jaante ho ab is mrityulok mein rahne ka nahin hai। jaane se pahle pavitra banna hai। daiveegun bhi zaroor chaahiye। nambarvaar maala mein pirone hain। phir nambarvaar raajdhaani mein aane hain। phir nambarvaar tumhaari bhi pooja hoti hai। anek devtaaon ki pooja hoti hai। kya-kya naam rakhte hain। chandika devi ka bhi mela lagta hai। jo register nahin rakhte, woh sudharte nahin hain। to kaha jaata hai yeh to chandika hai। sunte hi nahin hain, maante hi nahin। yeh phir hai behad ki baaten। purushaartha nahin karenge to baap kahenge ki yeh to baap ko bhi maanne vaale nahin hain। pad kam ho jaayega isliye baap kehte hain apne par bahut nazar rakhni hai। baba savere aakar kitni mehnat karaate hain yaad ke yaatra ki। yeh bahut bhaari manzil hai। knowledge ko to sasti subject kahenge। 84 ka chakra yaad karna badi baat nahin hai। baaki bhaari maal hai yaad ki yaatra, jismen fail bhi bahut hote hain। tumhaari yuddha bhi ismen hai। tum yaad karte ho, maaya pichhaad deti hai। knowledge mein yuddha ki baat nahin। woh to source oph income hai। yeh to pavitra banna hai, isliye hi baap ko bulaate hain ki aakar patit se paavan banaao। aise nahin ki aakar padhaao। kahenge paavan banaao। to yeh sab point buddhi mein rakhni hai। poora raajayogi banna hai।

knowledge to badi simple hai। sirf yukti se samjhaana hota hai। jabaan mein mithaaz bhi chaahiye। tumko yeh gyaan milta hai। woh bhi karmon anusaar hi kahenge। shuru se lekar bhakti ki hai to yeh achhe karma kiye hain isliye shivbaaba bhi achhi tarah baith samjhaate hain। jitni jaasti bhakti ki hogi, shivbaaba raazi hua hoga to abhi bhi gyaan jaldi uthaayenge। mahaarthiyon ki buddhi mein points hongi। likhte rahen to achhi-achhi points alag karte rahen। points ka vazan karen। parantu aisi mehnat koi karta hi nahin। mushkil koi notes rakhte honge aur achhi points nikaal alag rakhte honge। baba hamesha kehte hain bhaashan karne se pahle likho, phir jaanch karo। aisi mehnat karte nahin। sab points kisko yaad nahin rehti hain। barrister log bhi points note karte hain, diary mein। tumko to bahut zaroori hai। topics likhkar phir padhna chaahiye, correction karna chaahiye। itni mehnat nahin karenge to uchhal nahin khaayenge। tumhaara buddhiyog aur-aur taraph bhatakta rahega। bahut thode hain jo saralta se chalte hain। service bigar aur kuchh bhi buddhi mein rehta nahin। maala mein aana hai to mehnat karni chaahiye। baap to mat dete hain phir dil se lagta hai। yaad nahin to woh khud jaanen। bhal dhandha-dhori aadi karo parantu diary to sada pocket mein honi chaahiye note karne liye। sabse jaasti tumko note karna chaahiye। albele rahenge, apne ko miya mitthu samjhenge to maaya bhi koi kam nahin। ghoonsa lagaati rahegi। lakshmi-naaraayan banna maasi ka ghar thode hi hai। badi raajdhaani sthaapan ho rahi hai, koton mein koi niklenge। baba bhi savere do baje uthkar likhte the phir padhte the। point bhool jaati thi phir baith dekhte the - tumko samjhaane ke liye। to samjha jaata hai ki ab tak yaad ki yaatra kahaan hai। kahaan hai karmaateet avastha। muphta mein kiski badaai nahin karni hoti hai। badi mehnat hai, karmabhog hota hai। yaad karna padta hai। achha, samjho murli brahma nahin, shivbaaba chalaate hain। bachchon ko sadaiv samjhaate hain ki shivbaaba hi tumhein sunaate hain, kabhi beech mein yeh bachcha bhi bol dete hain। baap to bilkul accurate hi kahenge। inko to saara din bahut khyaalaat karne hote hain। kai bachchon ki responsibility hai। bachche naam-roop mein phans chalaaymaan ho jaate hain। dher bachchon ke khyaalaat rehte hain - bachchon ke liye makaan banaane hain, yeh prabandha karna hai। hai to yeh sab drama। baba ka bhi drama, inka bhi drama, tumhaara bhi drama। drama bigar koi cheez hoti hi nahin। second-second drama chalta rehta hai। drama ko yaad karne se hilenge nahin। adol, achal, stheriyam rahenge। toophaan to bahut aayenge। kai bachche sach nahin bataate hain। svapna bhi dher aate hain। maaya hai na। jinhen pahle nahin aate the unhein bhi aayenge। baap samajh jaate hain, bachchon ko varsa paane ke liye yaad mein mehnat karni padti hai। koi-koi mehnat karte-karte thak jaate hain। manzil badi bhaari hai। 21 peedhi vishwa ka maalik banaate hain, to mehnat bhi karni pade na। lovely baap ko yaad karna pade। dil mein rehta hai baba hamko vishwa ka maalik banaate hain। aise baap ko to ghadi-ghadi yaad karna pade। sabse pyaara baba hai। yeh baba to kamaal karte hain, vishwa ki knowledge dete hain। baba, baba, baba kahkar andar mein mahima gaani pade। jo yaad karte honge, unko baap ki kashish hoti hogi। yahaan aate hi hain baap se refresh hone। to baap samjhaate hain - meethe bachche, gaphlat nahin karni hai। baba dekhte hain sabhi centres se aate hain। dekhta hoon, poochhta hoon, kis prakaar ki khushi hai? baba jaanch to karte hain na। shakla se bhi dekhte hain - baap se kitna lav hai? baap ke saamne aate hain to baap kashish bhi karte hain। yahaan baithe-baithe sab bhool jaata hai। baba bigar kuchh bhi nahin, saari duniya ko bhulaana hi hai। woh avastha badi meethi alaukik hoti hai। baap ki yaad mein aakar baithte hain to prem ke aansu bhi aate hain। bhakti maarga mein bhi aansu aate hain। parantu bhakti maarga alag hai, gyaan maarga alag hai। yeh hai sachche baap ke saath sachcha prem। yahaan ki baat hi nyaari hai। yahaan tum shivbaaba ke paas aate ho, zaroor rath par savaar hoga। bigar shareer aatmaayen to vahaan mil sakti, yahaan to sab shareerdhaari hain। jaante hain yeh baapdaada hai। to baap ko yaad karna hi pade। bahut pyaar se mahima karni pade। baba hamko kya dete hain!

tum bachche jaante ho baba aaya hai humein is jangal se le jaate hain। mangalam bhagwan vishnu kaha jaata hai na। sabka mangal karne vaala hai, sabka kalyaan hota hai। ek hi baap hai to unko yaad karna hai। ham kyon nahin kiska kalyaan kar sakte! zaroor koi khaami hai। baap kehte hain yaad ka jauhar nahin hai isliye vaani mein bhi kashish nahin hoti hai। yeh bhi drama। ab phir achhi tarah jauhar dhaaran karo। yaad ki yaatra hi mushkil hai। ham bhaai ko gyaan dete hain। baap ka parichay dete hain। baap se varsa paana hai। baba feel karte hain, ghadi-ghadi bhool jaate honge। baap to sabko bachcha samajhte hain, tab to bachche-bachche kehte hain। yeh baap to sabka hai, wonderful part hai na inka। bahut thode bachche samajhte hain ki yeh akshar kiske hain। baba to bachche-bachche hi kahenge। aaya hi hoon bachchon ko varsa dene। baba sab suna dete hain। bachchon se kaam mujhe lena hai na। yeh bahut wonderful chatapti knowledge hai। yeh knowledge atapti aur khatapti bhi hai। vaikuntha ka maalik banne ke liye knowledge bhi aisi chaahiye na।

achha, harek ko baap ko yaad karna hai, daiveegun dhaaran karne hain। mukh se kabhi ulte-sulte akshar nahin bolne hain। pyaar se kaam nikaalna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) savere-savere ekaanta mein baith prem se baap ko yaad karna hai। saari duniya ko bhool jaana hai।

2) baap samaan sabka kalyaankaari banna hai, khaamiyaan nikaal deni hai। apne oopar bahut nazar rakhni hai। apna register svayan hi dekhna hai।

vardaan:- sarva praaptiyon ke khajaanon ko smriti swaroop ban kaarya mein lagaane vaale sada santushta aatma bhav

sangamayug ka vishesh vardaan santushtata hai aur santushtata ka beej sarva praaptiyaan hain। asantushtata ka beej sthool va sookshm apraapti hai। braahmanon ka gaayan hai apraapta nahin koi vastu braahmanon ke khajaane mein। sabhi bachchon ko ek dvaara ek jaisa akhut khajaana milta hai। sirf un praapta hue khajaanon ko har samay kaarya mein lagaao arthaat smriti swaroop bano। behad ki praaptiyon ko had mein parivartan nahin karo to sada santushta rahenge।

slogan:- jahaan nishchay hai vahaan vijay ke takdeer ki lakeer mastak par hai hi।