शुक्रवार 24 मई 2024 की दैनिक मुरली

24-05-2024 praatahmurli om shanti "baapdaada"' madhuban

“meethe bachche - dehi-abhimaani baap tumhein dehi-abhimaani bhav ka paath padhaate hain, tumhaara purooshaartha hai deh-abhimaan ko chhodna''

prashn:- deh-abhimaani banne se kaun-si pahli beemaari utpanna hoti hai?

uttar:- naam-roop ki। yeh beemaari hi vikaari bana deti hai isliye baap kehte hain aatma-abhimaani rahne ki practice karo। is shareer se tumhaara lagaav nahin hona chaahiye। deh ke lagaav ko chhod ek baap ko yaad karo to paavan ban jaayenge। baap tumhein jeevanbandha se jeevanmukta banne ki yukti bataate hain। yahi padhaai hai।

om shanti। roohaani baap kah rahe hain ki aatma-abhimaani athva dehi-abhimaani hokar baithna hai। kisko yaad karna hai? baap ko। sivaae baap ke aur koi ko yaad nahin karna hai। jab baap se behad ka varsa milta hai to unko yaad karna hai। behad ka baap aakar samjhaate hain dehi-abhimaani bhav, aatma-abhimaani bhav। deh-abhimaan ko chhodte jaao। aadhaakalpa tum deh-abhimaani hokar rahe ho, phir aadhaakalpa dehi-abhimaani hokar rehna hai। satayug-treta mein tum aatma-abhimaani the। vahaan maaloom rehta hai ki ham aatma hain, ab yeh shareer boodha hua, isko ab chhodte hain। yeh change karna hai (sarpa ka misaal)। tum bhi puraana shareer chhodkar doosre shareer mein pravesh karte ho isliye tumko abhi aatma-abhimaani banna hai। kaun banaate hain? baap। jo sadaiv aatma-abhimaani hai। woh kabhi deh-abhimaani bante nahin। bhal ek baar aate hain to bhi deh-abhimaani nahin bante kyonki yeh shareer to paraaya loan par liya hua hai। is shareer se unka lagaav nahin rehta। loan lene vaale ka lagaav nahin rehta। jaante hain yeh to shareer chhodna hai। baap samjhaate hain main hi aakar tum bachchon ko paavan banaata hoon। tum satopradhaan the so phir tamopradhaan bane ho। ab phir paavan banne ke liye tumko apne saath yog sikhlaata hoon। yog akshar na kah yaad akshar kehna theek hai। yaad sikhlaata hoon। bachche baap ko yaad karte hain। abhi tumko bhi baap ko yaad karna hai। aatma hi yaad karti hai। jab raavan raajya shuru hota hai to tum bachche deh-abhimaani ban padte ho। phir baap aakar aatma-abhimaani banaate hain। deh-abhimaani banne se naam-roop mein phans padte ho। vikaari ban jaate ho। nahin to tum sab nirvikaari the। phir punarjanma lete-lete vikaari ban jaate ho। gyaan kisko, bhakti kisko kaha jaata hai - yeh to baap ne hi samjhaaya hai। bhakti shuru hoti hai dvaapar se। jabki paanch vikaar roopi raavan ki sthaapna hoti hai। bhaarat mein hi raam raajya aur raavan raajya kaha jaata hai। parantu yeh nahin jaante ki kitna samay raam raajya aur kitna samay raavan raajya chalta hai। is samay sabhi tamopradhaan, pattharbuddhi hain। paida hi bhrashtaachaar se hote hain isliye isko vicious world kaha jaata hai। nai duniya aur puraani duniya mein raat-din ka farka hai। nai duniya mein sirf bhaarat hi tha। bhaarat jaisa pavitra khanda koi ban na sake। phir bhaarat jaisa apvitra bhi koi nahin banta। jo pavitra, vahi phir apvitra banta hai phir pavitra banta hai। tum jaante ho devi-devtaayen pavitra the। phir punarjanma lete-lete apvitra ban gaye hain। sabse jaasti janma bhi yahi lete hain। baap samjhaate hain main bahut janmon ke ant ke janma ke bhi ant mein aata hoon। yeh pahla number hi 84 janma poore kar vaanaprastha mein aata hai tab main pravesh karta hoon। trimoorti brahma-vishnu-shankar bhi hain, parantu kisko maaloom nahin hai kyonki tamopradhaan hain na। kiski biography ka kisi manushya maatra ko pata nahin hai। pooja karte hain parantu sab hai andhashraddha। bhakti ko kaha jaata hai braahmanon ki raat aur satayug-treta hai braahmanon ka din। ab brahma prajaapita hai to zaroor bachche bhi honge na। yeh bhi samjhaaya hai braahmanon ka kul hota hai, dynasty nahin। brahman hain choti। choti bhi dekhne mein aati hai। phir oonch te oonch padhaane vaala hai parampita paramatma shiv। unka naam ek hi hai parantu bhaktimaarga mein athaah naam laga diye hain। bhakti maarga mein chahachta (bhabhka) bahut ho jaata hai। kitne chitra, kitne mandir, yagya, tap, daan, punya aadi karte hain। kehte hain bhakti se phir bhagwan milta hai। kisko milta hai? jo pahle-pahle aate hain, vahi pahle-pahle bhakti shuru karte hain। jo brahman so devta bante hain vahi yatha raaja-raani tatha praja… sarvagun sampanna 16 kala sampoorn, sampoorn nirvikaari, ahinsa parmo devi-devta dharma tha। bhaarat mein ek aadi sanaatan devi-devta dharma tha tab athaah dhan tha। baap yaad dilaate hain - pahle-pahle tum devi-devta dharma vaale hi 84 janma lete ho। sab nahin lete। hain sirf 84 janma, woh phir kah dete 84 laakh janma। kalpa ki aayu bhi laakhon varsha kah di hai। baap kehte hain yeh hai 5 hazaar varsha ka drama। to yeh hua gyaan। gyaan saagar ek hi shivbaaba gaaya jaata hai। woh hain had ke baap, yeh hai behad ka baba। had ke baabaaon ke hote hue bhi behad ke baap ko yaad karte hain, jabki duhkhi hote hain। punarjanma lete-lete duniya puraani tamopradhaan ban jaati hai tab phir baap aate hain। second mein jeevanmukti milti hai। kisse? behad ke baap se। to zaroor jeevanbandha mein hain। patit hain phir paavan banna hai। yeh to second ki baat hai। gyaan ek second ka hai kyonki padhaai to tum bahut padhte ho। woh sab manushya, manushya ko padhaate hain। padhti to aatma hi hai। parantu deh-abhimaan ke kaaran apne ko aatma bhoolkar kah dete hain ham phalaana minister hain, yeh hain। vaastav mein hain aatma। aatma mister-misez ke tan se part bajaati hai, yeh bhool jaate hain। nahin to aatma hi shareer se part bajaati hai। koi kya bante, koi kya bante hain।

baap samjhaate hain abhi yeh puraani duniya badal nai banti hai। world ki history-geography zaroor repeat hoti hai। nai duniya hai satopradhaan। ghar bhi pahle naya hota hai to kahenge satopradhaan phir puraana jadajdeebhoot tamopradhaan hota hai। is behad ke naatak va srishti chakra ki knowledge ko samajhna hai kyonki yeh padhaai hai। bhakti nahin hai। bhakti ko padhaai nahin kaha jaata hai kyonki bhakti mein em object kuchh bhi hoti nahin। janma-janmaantar ved-shaastra aadi padhte raho। yahaan to duniya ko badalna hai, satayug-treta mein bhakti nahin। bhakti shuru hoti hai dvaapar se। to yeh baap roohaani bachchon ko baith samjhaate hain। isko kaha jaata hai roohaani knowledge athva roohaani gyaan। roohaani knowledge kaun sikhlaayega? supreme rooh yaani parampita hi sikhlaayega। woh to sabhi ka hai na। laukik baap ko kabhi parampita nahin kahenge। paarlaukik ko parampita kaha jaata hai। woh hai paramdham mein rahne vaale। baap ko yaad bhi aise karte hain - he god, he eeshvar। vaastav mein unka naam hai ek। parantu bhakti mein anek naam de diye hain। bhakti ka phailaav bahut hai। woh sab hai manushya mat। ab manushyon ko chaahiye eeshvareey mat। eeshvareey mat, shreemat। shri shri 108 ki to maala banti hai na। yeh pravritti maarga ki maala banti hai। phir punarjanma lete-lete seedhi utarte insolvent ban jaate ho। buddhi insolvent ban jaati hai to manushya devaala maarte hain। jo 100 percent solvent the vo is samay insolvent hain। buddhi ko taala laga hua hai। woh lock kisne lagaaya? godrej ka taala lag jaata hai। bhaarat jitna number one mein tha utna aur koi khanda nahin। bhaarat ki bahut mahima hai। bhaarat sab dharma vaalon ka bahut bade te bada teertha hai। parantu drama anusaar geeta ko khandan kar diya hai। bhaarat aur saari duniya ki bhool hai। bhaarat mein hi geeta ko khandan kiya hai, jis geeta ke gyaan se baap nai duniya banaate hain aur sarva ki sadgati karte hain।

bhaarat sabse oonch aur bahut dhanvaan khanda tha jo abhi phir se ban raha hai। yeh ulta jhaad hai, inka beej oopar mein hai। usko vrikshapti kaha jaata hai। brihaspati ki dasha baithti hai na। baap samjhaate hain main vrikshapti aata hoon to bhaarat par brihaspati ki dasha baithti hai। oonch ban jaate hain। phir raavan aaya hai to raahu ki dasha baith jaati hai। bhaarat ka kya haal ho jaata hai। vahaan to tumhaari aayu bhi badi rehti hai kyonki pavitra ho। aadhaakalpa tum 21 janma lete ho। baaki aadhaakalpa mein bhogi banne se aayu bhi chhoti ho jaati hai to phir tum 63 janma lete ho। abhi baap samjhaate hain satopradhaan banna hai isliye maamekam yaad karo। sab dharma vaale is samay tamopradhaan hain। tum sabhi ko yeh gyaan de sakte ho। aatmaon ka baap to ek hi hai। sab brothers hain kyonki ham aatmaayen ek baap ke bachche hain। bhal kehte bhi hain hindu-musalmaan bhaai-bhaai hain parantu arth nahin jaante hain। aatma kehti right hai। sab brothers ka baap ek hai। varsa dena hi hai bade baba ko। woh aate bhi bhaarat mein hain। shiv jayanti manaate hain parantu woh kab aaya tha - yeh kisko bhi pata nahin hai। tumhaari yuddha hai 5 vikaaron se। kaam to tumhaara number one dushman hai। raavan ko jalaate hain। parantu woh hai kaun? kyon jalaate hain? kuchh nahin jaante। dvaapar se lekar tum neeche utarte is samay patit ban gaye ho। ek taraph shiv baba ko yaad kar poojte hain, doosri taraph phir kehte hain ki woh sarvavyaapi hai। jisne tumko vishwa ka maalik banaaya unko tum maaya ke chakra mein aakar gaali dete ho। baap kehte hain - meethe bachchon, tum mujhe anginat janmon mein le gaye ho। mujhe kan-kan mein kah diya hai। yeh bhi drama bana hua hai। behad ke baap ki glaani karte kitni paap aatmaayen ban gaye hain। raavan raajya hai na।

yeh bhi tum jaante ho - is samay sab bhaktiyaan hain। sabki sadgati karne vaala kaun hai? sachkhanda sthaapan karne vaala sabka baba hai। raavan ko baba nahin kaha jaata hai। 5 vikaar harek mein hain। vikaar se paida hote hain isliye bhrashtaachaari kaha jaata hai। devtaaon ko kaha jaata hai sampoorn nirvikaari। abhi hain sampoorn vikaari। devtaayen jo poojya hain, vahi phir pujaari bante hain। woh kah dete hain aatma so paramatma। baap kehte hain yeh bhool hai। pahle-pahle to apne ko aatma nishchay karna hai। ham aatma is samay brahman kul ke hain, phir devta kul mein jaate hain। yeh brahman kul hai sarvottam kul। braahmanon ki dynasty nahin hai। choti hai braahmanon ki। tum brahman ho na। sabse oopar mein hai shivbaaba। bhaarat mein viraat roop banaate hain। parantu usmein na braahmanon ki choti hai, na chotiyon (braahmanon) ka baap hai। arth kuchh nahin samajhte। trimoorti ka arth bhi nahin samajhte। nahin to bhaarat ka kot oph arms trimoorti shiv ka hona chaahiye। abhi to yeh kaanton ka jangal hai। to jangali jaanavron ka kot oph arms bana diya hai। usmein phir likha hai satya mev jayte। satayug mein to dikhaate hain sher-bakri ikatthe jal peete hain। satya mev jayte maana vijay। sab ksheerkhanda ho rehte hain। loon-paani nahin hote hain। raavan raajya mein loon-paani, raam raajya mein ksheerkhanda ho jaate hain। inko kaha hi jaata hai kaanton ka jangal। ek-do ko pahla number kaanta vikaar ka lagaate hain। baap kehte hain kaam mahaashatru hai। yeh aadi, madhya, ant duhkh dene vaala hai। naam hi hai raavan raajya। baap kehte hain in 5 vikaaron par jeet paakar jagatjeet bano। yeh antim janma nirvikaari bano। tum tamopradhaan patit bane ho, phir satopradhaan paavan bano। ganga koi patit-paavni nahin hai। shareer ka mail to ghar mein bhi paani se utaar sakte ho। aatma to saaph nahin ho sakti। bhakti maarga mein kitne dher ke dher guru log hain। satguru to ek hi hai sadgati karne vaala। supreme baap bhi hai, supreme teacher bhi hai, supreme satguru bhi hai। vahi tumko srishti ke aadi, madhya, ant ka knowledge sunaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) satopradhaan banne ke liye sivaae baap ke aur kisi ko bhi yaad nahin karna hai। dehi-abhimaani banne ki practice karni hai।

2) sabse ksheerkhanda hokar rehna hai। is antim janma mein vikaaron par vijay praapta kar jagatjeet banna hai।

vardaan:- baap ki chhatrachhaaya mein sada mauj ka anubhav karne aur karaane vaali vishesh aatma bhav

jahaan baap ki chhatrachhaaya hai vahaan sada maaya se safe hain। chhatrachhaaya ke andar maaya aa nahin sakti। mehnat se svatah door ho jaayenge, mauj mein rahenge kyonki mehnat mauj ka anubhav karne nahin deti। chhatrachhaaya mein rahne vaali aisi vishesh aatmaayen oonchi padhaai padhte hue bhi mauj mein rehti hain, kyonki unhein nishchay hai ki ham kalpa-kalpa ke vijayi hain, paas hue pade hain। to sada mauj mein raho aur doosron ko mauj mein rahne ka sandesh dete raho। yahi seva hai।

slogan:- jo drama ke raaz ko nahin jaanta hai vahi naaraaz hota hai।