शनिवार 25 मई 2024 की दैनिक मुरली

25-05-2024 praatahmurli om shanti "baapdaada"' madhuban

“meethe bachche - baap aaye hain tumhein civil chakshu dene, tumhein gyaan ka teesra netra mila hai, isliye yeh aankhe kabhi bhi criminal nahin honi chaahiye''

prashn:- tum behad ke sannyaasiyon ko baap ne kaun-si ek shreemat di hai?

uttar:- baap ki shreemat hai tumhein narka aur narkavaasiyon se buddhiyog hataakar svarga ko yaad karna hai। grihastha vyavhaar mein rehte narka ko buddhi se tyaag do। narka hai puraani duniya। tumhein buddhi se puraani duniya ko bhoolna hai। aise nahin, ek had ke ghar ko tyaag kar doosri jagah chale jaana hai। tumhaara behad ka vairaagya hai, abhi tumhaari vaanaprastha avastha hai। sab kuchh chhod ghar jaana hai।

om shanti। shiv bhagvaanuvaach, aur koi ka naam nahin liya। inka (brahma) naam bhi nahin liya। patit-paavan woh baap hai to zaroor woh yahaan aayega, patiton ko paavan banaane liye। paavan banaane ki yukti bhi yahaan bataate hain। shiv bhagvaanuvaach hai, na ki shreekrishna bhagvaanuvaach hai। yeh to zaroor samjhaana chaahiye jabki badge laga hua hai, rachayita aur rachna ke aadi-madhya-ant ka saara raaz yahaan is badge mein dikhaaya hua hai। yeh badge koi kam nahin hai। ishaare ki baat hai। tum sab nambarvaar purooshaartha anusaar aastik ho। nambarvaar zaroor kahenge। kai hain jo rachta aur rachna ka gyaan bhi nahin samjha sakte hain। to satopradhaan buddhi thode hi kahenge। satopradhaan buddhi, phir rajo buddhi, tamo buddhi bhi hain। jaisa-jaisa jo samajhte hain, vaisa title milta hai। yeh satopradhaan buddhi, yeh rajo buddhi hain। parantu kehte nahin hain। kahaan funk na ho jaaen। nambarvaar to hote hain। first class ki keemat bhi bahut achhi hoti hai। abhi tumko sachcha-sachcha satguru mila hai। abhi tum bachche jaante ho jabki satguru mila hai, woh tumko ekdam sachcha-sachcha bana dete hain। sachche hain devi-devtaayen, jo phir vaam maarga mein jhoothe ban jaate hain। satayug mein sirf tum devi-devtaayen rehte ho, aur koi hote hi nahin। koi-koi to aise hain jo kehte ki aise kaise ho sakta, gyaan nahin hai na। abhi tum bachche jaante ho ki ham naastik se aastik bane hain। rachayita aur rachna ke aadi-madhya-ant ke gyaan ko abhi tumne accurate jaana hai। naam-roop se nyaari cheez phir dekhne mein nahin aati hai। aakaash polaar hai to bhi feel kiya jaata hai na ki aakaash hai। yeh bhi gyaan hai। saara madaar buddhi par hai। rachta aur rachna ki knowledge ek baap dete hain। yeh bhi likhna hai - yahaan rachta aur rachna ke aadi-madhya-ant ka gyaan mil sakta hai। aise bahut slogan hain। din-pratidin nai-nai points, naye-naye slogan nikalte rehte hain। aastik banne ke liye rachayita aur rachna ka gyaan zaroor chaahiye। phir naastikapna chhoot jaata hai। tum aastik ban vishwa ke maalik ban jaate ho। yahaan tum aastik ho, parantu nambarvaar purooshaartha anusaar। jaanna to manushyon ko hai। jaanvar to nahin jaanenge। manushya hi bahut oonch hai, manushya hi bahut neench hain। is samay koi bhi manushyamaatra rachta aur rachna ki knowledge ko nahin jaante hain। buddhi par ekdam godrej ka taala laga hua hai। tum nambarvaar purooshaartha anusaar jaante ho ki ham baap ke paas vishwa ka maalik banne ke liye aaye hain। tum 100 percent purity mein rehte ho। purity bhi hai, pees bhi hai, prosperity bhi hai। aasheervaad dete hain na। parantu yeh akshar bhakti maarga ke hain। yeh lakshmi-naaraayan to tum padhaai se bante ho। padhkar phir sabko padhaana bhi hai। school mein kumaar-kumaariyaan jaate hain padhne ke liye। ikatthe hone se phir bahut kharaab bhi ho padte hain kyonki criminal aai hai na। criminal aai hone kaaran parda lagaate hain। vahaan to criminal aai hoti hi nahin, to ghunghat karne ki bhi darkaar nahin। in lakshmi-naaraayan ko kabhi parda lagaate dekha hai? vahaan to kabhi aise gande khyaalaat bhi na aayen। yahaan to hai hi raavan raajya। yeh aankhen badi shaitaan hain। baap aakar gyaan ke chakshu dete hain। aatma hi sab kuchh sunti, bolti hai, sab kuchh karti aatma hai। tumhaari aatma abhi sudhar rahi hai। aatma hi bigadkar paap aatma ban gai thi। paap aatma unko kaha jaata hai jiski criminal drishti hoti hai, woh criminal aai to sivaae baap ke aur koi sudhaar na sake। gyaan ke civil chakshu ek baap hi dete hain। yeh gyaan bhi tum jaante ho। shaastron mein yeh gyaan thode hi hai।

baap kehte hain yeh ved, shaastra, upnishad aadi sab bhakti maarga ke hain। jap, tap, teertha aadi kuchh bhi karne se mujhe koi milte nahin। yeh bhakti hai jo aadhaakalpa chalti hai। ab tum bachchon ko yeh sandesh sabko dena hai - aao to ham tumko rachayita aur rachna ke aadi-madhya-ant ka gyaan sunaayen। parampita paramatma ki biography bataayen। manushya maatra to bilkul jaante hi nahin। mukhya akshar hain yeh। aao bahnon aur bhaaiyon, aakar rachayita aur rachna ke aadi-madhya-ant ka gyaan suno, padhaai padho, jisse tum yeh banenge। yeh gyaan paane se aur srishti chakra ko samajhne se tum aise chakravarti satayug ke mahaaraaja aur mahaaraani ban sakte ho। yeh lakshmi-naaraayan bhi is padhaai se bane hain। tum bhi padhaai se ban rahe ho। is purooshottam sangamayug ka bada prabhaav hai। baap aate bhi hain bhaarat mein। doosre koi khanda mein kyon aayenge? baap hai avinaashi surgeon। to zaroor aayenge bhi vahaan hi jo bhoomi sadaiv kaayam rehti hai। jis dharti par bhagwan ka paanv laga, woh dharni kabhi vinaash nahin ho sakti। yeh bhaarat to rehta hai na devtaaon ke liye। sirf yeh change hota hai। baaki bhaarat to hai sach khanda, jhooth khanda bhi bhaarat hi banta hai। bhaarat ka hi all-round part hai, aur koi khanda ko aise nahin kahenge। sachcha athva truth, bhagwan hi aakar sach khanda banaate hain phir jhooth khanda raavan banaate hain। phir sach ki ratti bhi nahin rehti isliye guru bhi sachche nahin milte hain। woh sannyaasi, followers grihasthi, to unko followers kaise kahenge। ab to baap khud kehte hain - bachche, pavitra bano aur daiveegun dhaaran karo। tumko abhi devta banna hai। sannyaasi koi sampoorn nirvikaari thode hi hain। ghadi-ghadi vikaariyon ke paas janma lete hain। kai baal brahmachaari bhi hote hain। aise to bahut hain। vilaayat mein bhi bahut hain। phir jab boodhe hote hain tab shaadi karte hain sambhaal ke liye। phir unke liye dhan chhodkar bhi jaate hain। baaki dhan dharmaau kar jaate hain। yahaan to unhon ka bachchon mein bahut mamatva rehta hai। 60 varsha ke baad bachchon ke havaale karte hain phir jaanch rakhte hain, dekhen hamaare pichhaadi theek chalaate hain ya nahin? parantu aajkal ke bachche to kehte hain baap vaanaprastha mein gaya to achha hua, chaabi to mil gai। jeete ji saara khaana hi kharaab kar dete hain। phir baap ko bhi kahne lagte hain ki yahaan se nikal jaao। to baap samjhaate hain - pradarshani mein tum yeh likh do ki bahnon-bhaaiyon aakarke rachta aur rachna ke aadi-madhya-ant ka gyaan suno। is srishti chakra ke gyaan ko jaanne se tum chakravarti devi-devta vishwa ke mahaaraaja-mahaaraani ban jaayenge। yeh baba bachchon ko direction dete hain। ab baap kehte hain yeh hai bahut janmon ke ant ka janma। mai inmen hi pravesh karta hoon। brahma ke saamne hai vishnu, vishnu ko 4 bhujaayen kyon dete hain? do hain mel ki, do hain female ki। yahaan 4 bhuja vaala koi manushya thode hi hota hai। yeh samjhaane liye hai। vishnu arthaat lakshmi-naaraayan। brahma ko bhi dikhaate hain - 2 bhuja brahma ki, 2 bhuja sarasvati ki। donon behad ke sannyaasi ho gaye। aise nahin, sannyaas kar phir doosri koi jagah chale jaana hai। nahin, baap kehte hain grihastha vyavhaar mein rehte narka ka buddhi se tyaag karo। narka ko bhool svarga ko buddhi se yaad karna hai। narka aur narkavaasiyon se buddhiyog hataae svargavaasi devtaaon se buddhi yog lagaana hai। jo padhte hain, unki buddhi mein to rehta hai na ki ham paas karenge phir yeh banenge। aage guru karte the jab vaanaprastha avastha hoti thi। baap kehte hai main bhi inki vaanaprastha avastha mein hi pravesh karta hoon, jo bahut janmon ke ant ke janma mein hai। bhagvaanuvaach - main bahut janmon ke ant vaale janma mein hi pravesh karta hoon। jisne shuru se lekar ant tak part bajaaya hai, usmein hi pravesh karta hoon kyonki unko hi pahle number mein jaana hai। brahma so vishnu…vishnu so brahma। donon ko 4 bhujaayen dete hain। hisaab bhi hai brahma-sarasvati so lakshmi-naaraayan, phir lakshmi-naaraayan so brahma-sarasvati bante hain। to tum bachche jhat yeh hisaab bataate ho। vishnu arthaat lakshmi-naaraayan 84 janma lete-lete phir aakar saadhaaran yeh brahma-sarasvati bante hain। inka naam bhi baad mein baba ne brahma rakha hai। nahin to brahma ka baap kaun? zaroor kahenge shivbaaba। kaise racha? adopt kiya। baap kehte hain main inmen pravesh karta hoon to likhna chaahiye shiv bhagvaanuvaach - main brahma mein pravesh karta hoon jo apne janmon ko nahin jaante hain। bahut janmon ke ant ke bhi ant mein main pravesh karta hoon। woh bhi jab vaanaprastha avastha hoti hai tab aata hoon। aur jab duniya puraani patit hoti hai tab main aata hoon, kitna sahaj bataate hain। aage 60 varsha mein guru karte the। abhi to janma se hi guru kara dete hain। yeh seekhe hain in Christian se। are, chhotepan mein guru karaane ki kya darkaar। samajhte hain chhotepan mein marenge to sadgati ko pa lenge। baap samjhaate hain yahaan to koi ki sadgati ho na sake। abhi baap tumko kitna sahaj samjhaate aur oonch banaate hain। bhakti mein to tum seedhi hi utarte aaye ho। raavan raajya hai na। vicious duniya shuru hoti hai। guru to sabne kiya hai। yeh khud bhi kehte hain hamne guru bahut kiye। bhagwan jo sabki sadgati karte hain, unko jaante hi nahin। bhakti ki bhi bahut kadi janjeeren ban padi hain। janjeeren koi moti hoti hain, koi patli hoti hain। koi bhaari cheez uthaate hain to kitni moti janjeer se baandhakar uthaate hain। inmen bhi aise hain, koi to jhat aakar tumhaari sunenge, achhi reeti padhenge। koi samajhte hi nahin। nambarvaar maala ke daane bante hain। manushya bhakti maarga mein maala simarte hain, gyaan kuchh bhi nahin hai। guru ne kaha maala pherte raho। bas, raam-raam ki dhun laga dete hain। jaise baaja bajta hai। aavaaj bada meetha lagta hai, bas। baaki jaante kuchh bhi nahin। raam kisko kaha jaata, shreekrishna kisko kaha jaata, kab aate hain, kuchh bhi jaante nahin। shreekrishna ko bhi dvaapar mein le gaye hain। yeh kisne sikhaaya? gurooon ne। shreekrishna dvaapar mein aaya to baad mein kaliyug aa gaya! tamopradhaan ban gaye! baap kehte hain main sangam par hi aakar tamopradhaan se satopradhaan banaata hoon। tum to kitne andhashraddhaalu ban pade ho।

baap samjhaate hain jo kaante se phool banne vaale honge woh jhat samajh jaayenge। kahenge yeh to bilkul satya baat hai, koi-koi log achhi reeti samajhte hain to tumko kehte hain ki tum bahut achha samjhaate ho। 84 janmon ki kahaani bhi barobar hai। gyaan saagar to ek baap hai, jo aakar tumhein poora gyaan dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) satguru baap ki yaad se buddhi ko satopradhaan banaana hai। sachcha banna hai। aastik bankar aastik banaane ki seva karni hai।

2) abhi vaanaprastha avastha hai isliye behad ka sannyaasi bankar, sabse buddhiyog hata dena hai। paavan banna hai aur daiveegun dhaaran karne hain।

vardaan:- deh aur deh ke duniya ki smriti se ooncha rahne vaale sarva bandhanon se mukta pharishta bhav

jiska koi bhi deh aur dehdhaariyon se rishta arthaat man ka lagaav nahin hai vahi pharishta hai। pharishton ke paanv sada hi dharni se oonche rehte hain। dharni se ooncha arthaat deh-bhaan ki smriti se ooncha। jo deh aur deh ki duniya ki smriti se ooncha rehte hain vahi sarva bandhanon se mukta pharishta bante hain। aise pharishte hi double light sthiti ka anubhav karte hain।

slogan:- vaani ke saath chalan aur chehre se baap samaan gun dikhaai den tab pratyakshata hogi।