सोमवार 27 मई 2024 की दैनिक मुरली

27-05-2024 praatahmurli om shanti "baapdaada"' madhuban

“meethe bachche - yaad mein rahkar bhojan banaao to khaane vaale ka hriday shuddh ho jaayega, tum braahmanon ka bhojan bahut hi shuddh hona chaahiye''

prashn:- satayug mein tumhaare dar par kabhi bhi kaal nahin aata hai - kyon?

uttar:- kyonki sangam par tum bachchon ne baap dvaara jeete ji marna seekha hai। jo abhi jeete ji marte hain unke dar par kabhi kaal nahin aa sakta hai। tum yahaan aaye ho marna seekhne। satayug hai amarlok, vahaan kaal kisi ko khaata nahin। raavan raajya hai mrityulok, isliye yahaan sabhi ki akaale mrityu hoti rehti hai।

om shanti। meethe-meethe bachche pradarshani dekhkar aate hain to buddhi mein vahi yaad rahni chaahiye। ham kaise shoodra the, ab brahman bane hain phir devta sooryavanshi-chandravanshi banenge। yeh sangamayugi model pradarshani mein rakhna hai। kaliyug aur satayug ke beech mein ab yeh hai sangamayug। to sangamayugi model beech mein ho, usmein 15-20 saphed posh vaale bithaana chaahiye tapasya mein। jaise sooryavanshi dikhaate hain to chandravanshi bhi dikhaana pade। aisa banaana hai jo manushya samajh jaaen ki yahi tapasya kar aisa bante hain। jaise tumhaare shuru ke chitra bhi hain। saadhaaran tapasya ke aur bhavishya raajaai pad ke। vaise yeh bhi banaana pade। to tum samjha sakenge yeh woh bante hain। dikhlaana bhi accurate hai। ham brahmaakumaar-kumaariyaan raajayog seekhkar yeh bante hain। to sangamayug bhi zaroor dikhaana pade। tum bachche dekhkar aate ho to saara din woh knowledge buddhi mein rahni chaahiye, tab hi gyaan saagar ke bachche tum master gyaan saagar kahla sakte ho। agar gyaan hi buddhi mein na rahe to gyaan saagar thode hi kahenge। saara din buddhi ismen hi lagi rahe to phir bandhan bhi tootte jaayen। ham abhi brahman hain, phir devta bante hain। agar achhi reeti purooshaartha nahin karenge to kshatriy kul mein chale jaayenge। baikuntha dekh bhi nahin sakenge। mukhya to hai hi baikuntha। wonder oph world satayug ko kaha jaata hai, isliye purooshaartha karna hai। tumhaare donon chitra hone chaahiye। woh rangeen dress va gahnon aadi se sajaaya hua aur woh tapasya ka। to woh samjhenge yahi sookshm vatan mein baithe hain। dress to badal sakte hain। features to badal nahin sakenge। woh hua apvitra pravritti maarga, woh pavitra pravritti maarga, jisse samjhen ki yeh sthaapna kar rahe hain। yahi phir woh bante hain। jo mehnat karega vahi paayega। brahman banne vaale to bahut hain na। is samay tum thode ho। din-pratidin vriddhi ko paate rahenge। saara srishti chakra kaise phirta hai, buddhi mein hai - ham tapasya kar rahe hain phir yeh banenge। isko hi kaha jaata hai svadarshan chakradhaari ho baithna kyonki buddhi mein to saari knowledge hai। ham kya the, ab phir kya bante hain। student teacher ko to zaroor yaad karenge। tumko bhi baap ko yaad karna hai। yaad ki yaatra se hi paap katte hain। aatma pavitra ho jaati hai to phir shareer bhi pavitra milta hai। jo shoodra se brahman bante hain vahi phir devta bante hain। iska jitna bada model ho, achha hai kyonki likhna bhi padta hai - sangamayugi purooshottam banne vaale brahman। abhi tumko baap baith padhaate hain। oopar mein shivbaaba ka bhi chitra hai, jo tumko padhaate hain। tum yeh bante ho। yeh brahma bhi tumhaare saath hai। woh bhi saphed poshdhaari student hai। manushya to raam-raajya ko bhi nahin maante hain, gaayan bhi hai raam raaja, raam praja। satayug mein to dharma ka raajya hai hi। baaki treta mein kshatriyon ki glaani kar di hai। sooryavanshi ki glaani nahin ki hai। to yeh bhi likhna pade। raam raaja, raam praja… dharma ka upkaar hai। woh bhi semi svarga hai, kyonki 14 kala hai na। vahaan aisi glaani ki baaten hoti nahin। unko clear kar do ham kya ban rahe hain। ham hi apne liye svaraajya sthaapan kar rahe hain। vishwa mein shanti ka ek svaraajya jo sab maangate hain, woh ham sthaapan kar rahe hain।

baba pradarshani aadi dekhte hain to khyaalaat chalte rehte hain। tum bachche ghar jaayenge to phir yeh sab baaten bhool jaayenge। parantu yeh sab buddhi mein yaad rehna chaahiye। aise nahin, pradarshani se baahar nikle aur khel khalaas। achhe-achhe bachche jo purooshaarthi hain, unki buddhi mein tapakna chaahiye। baba ko tapakta rehta hai na। buddhi mein saara gyaan rahega to baba ki yaad bhi rahegi। unnati ko paate rahenge। agar satopradhaan nahin banenge to phir satayug mein nahin jaayenge isliye apne ko yaad ki yaatra mein pakka rakhna hai। tum raajayogi ho। tumko badi jataayen hain। mahima saari tum maataaon ki hai। jataayen bhi natural hain। raajayogi aur yogin yeh sachcha-sachcha tapasya ka roop dikhaate hain। yeh sab samajhne ki baaten hain। baap kehte hain deh ke sab dharma chhod apne ko aatma nishchay karo। baaki sab deh ke sambandh aadi bhool jaao। ek baap ko yaad karo। woh tumko bahut maaldaar banaate hain। jeete ji mar jaao। baap aakar jeete ji marna sikhlaate hain। baap kehte hain main kaalon ka kaal hoon, tumko aisa marna sikhlaata hoon jo kabhi tumhaare dar par kaal na aa sake। vahaan to raavan raajya hi nahin। satayug mein kabhi kaal khaata nahin, unko amarpuri kaha jaata hai। baba tumko amarpuri ka maalik banaate hain। yeh hai mrityulok। woh hai amarpuri। yeh hai raajayog। tum likh do praacheen bhaarat ka raajayog phir se sikhaaya jaata hai। jo pradarshani aadi dekhte hain unhon ko khyaal karna chaahiye ismen aur kya karen, jisse manushya accurate samjhen। inmen practical bahut achhi samjhaani hai। yatha raaja raani tatha praja to ismen aa hi jaate hain। baap kitna clear kar samjhaate hain, apne ko aatma samajh baap ko yaad karo। mool jor rakhna chaahiye is par। vishwa mein pavitrata, sukh, shanti kaise sthaapan ho rahi hai, aakar samjho। tum apne liye hi karte ho। jitni mehnat karte ho utna pad milta hai। woh bhi nambarvaar। yeh bhi dikhaao nambarvaar kaise-kaise bante hain। praja bhi dikhaao, to saahookaar praja, second grade, third grade praja bhi dikhaao। aisa accurate banaao jo achhi reeti samjha sako। mehnat to karni hi hai। samay baaki thoda hai। gyaan hai hi tumhaare liye। tum pradarshani mein aisa samjhaao jo manushya samjhen hamko ek baap ko hi yaad karna hai tab hi ham yeh ban sakenge। nahin to phir bhakti maarga mein aa jaayenge।

tum mahaarthi bachche ho to tumhaari buddhi chalti hai। males bhi achhe-achhe hain। number one to hai jagdeesh, jo magazine banaate hain। brijmohan ko bhi likhne ka achha shauk hai। shaayad teesra bhi koi nikal aaye। har ek baat tum clear karte jaayenge din-pratidin। baap gyaan ka saagar hai, us param aatma mein gyaan to bhara hua hai na। jaise geet sunte ho। saara record bhara hua hai। yeh bhi aise hai। baap ke paas jo maal hai woh milta rahega - drama anusaar। yeh bachchon ki buddhi mein chalna chaahiye। bhal kuchh kaam kaaj karo, haath se bhojan banaao, buddhi shivbaaba ke paas ho। brahma bhojan bhi pavitra chaahiye। brahma bhojan so braahmanon ka bhojan। brahman jitna yog mein rah banaate hain, utni us bhojan mein taakat aati hai। gaayan hai ki devtaayen bhi brahma bhojan ki bahut mahima karte hain, jisse hriday shuddh hota hai to brahman bhi aise hone chaahiye। abhi nahin hain। abhi agar aise ban jaaen to tumhaari bahut vriddhi ho jaae। parantu drama anusaar dheere-dheere vriddhi ko paana hai। aisa bhi brahman niklega jo kahega ham baba ki yaad mein rah bhojan banaate hain। baba challenge dete hain na। aisa brahman ho jo yog mein rah bhojan banaaye। bhojan pavitra hona chaahiye। bhojan par bahut madaar hai। baahar mein bachchon ko nahin milta hai isliye yahaan aate hain। bachche to bhojan se bhi refresh hote hain। yog vaale phir gyaani bhi hote hain isliye unhon ko service par bhi bhej dete hain। bahut ho jaayenge to phir yahaan bhi aise braahmanon ko rakh denge। nahin to mahaarthiyon mein se bhojan par bhi hone chaahiye, jo yogayukta khaana banen। devtaayen bhi samajhte hain ham bhi brahma bhojan khaakar devta bane hain। to ruchi se tumhaare saath milne ke liye aate hain। kaise tumse milte hain, yeh bhi drama mein yukti hai। sookshm vatan mein woh aur yeh milte hain। yeh bhi wonderful saakshaatkaar hai। wonderful knowledge hai na। to saakshaatkaar bhi wonderful hai - arth sahit। bhakti maarga mein saakshaatkaar to bahut mehnat se hote hain। naudha bhakti karte hain, sirf deedaar ke liye। samajhte hain deedaar hoga to ham mukta ho jaayenge। unko yeh thode hi pata hai ki yeh is padhaai se aise bane hain। yeh sooryavanshi-chandravanshi is padhaai se bane hain। baaki jo itne anek chitra banaaye hain, aise to kuchh bhi hai nahin, yeh sab bhakti maarga ka vistaar hai। badi bhaari kaarobaar hai। ab gyaan aur bhakti ka raaz tum samajh sakte ho। yeh baap hi baith samjhaate hain, woh hai spiritual father। vahi gyaan ka saagar hai। kalpa-kalpa puraani duniya ko nai duniya banaana, raajayog sikhaana baap ka hi kaam hai। parantu sirf geeta mein naam badli kar diya hai। baap samjhaate hain yeh bhi kalpa-kalpa ka khel hai। ham ghar se yahaan aate hain part bajaane। jhaad ki taraph bhi buddhi chalni chaahiye - kaise kisko samjhaaya jaae। hamko kehte hain kya ham svarga mein nahin aayenge। bolo, tumhaara dharma sthaapak to svarga mein aata hi nahin। woh jab svarga mein aaye tab tum bhi aao। har ek dharma ka apne-apne samay par part hai। yeh variety dharmon ka naatak bana hua hai। bana-banaaya khel hai। ismen kuchh bhi kahne ki darkaar hi nahin rehti hai। mukhya dharma dikhaaye gaye hain। yeh to bachche jaante hain। yeh chitra aadi bhi koi naye nahin hain। kalpa-kalpa aise hoobhu chalte aayenge। vighna bhi anek prakaar ke padte hain। maarpeet aadi ke bhi vighna padte hain na। bachchon ko kitna yukti se samjhaaya jaata hai। bolo, bhagvaanuvaach hai na - kaam mahaashatru hai। abhi to yeh kaliyugi duniya vinaash honi hai। devta dharma sthaapan ho raha hai isliye baap kehte hain - bachche tum pavitra bano। kaam ko jeeto। is par hi jhagda hota hai। tum badon-badon ko samjhaate ho। governor ka naam sun sab chale aayenge isliye yukti rachi jaati hai। ho sakta hai unmein se koi achhi reeti samajh jaae। badon ka naam sun dher aa jaayenge। ho sakta hai koi bada bhi aa jaae। hai to bahut mushkil। baba kitna likhte hain - bachche jisse udghaatan karaao unko pahle samjhaao zaroor ki aise manushya se devta ban sakte ho। vishwa mein shanti ho sakti hai। svarga mein hi vishwa mein shanti aur sukh tha। aise-aise bhaashan karo aur akhbaar mein pade to phir tumhaare paas itne dher aane lag jaayenge jo tumko neend bhi karne nahin denge। neend phitaani pade। service se, yog se bal bhi aata hai kyonki tumhaari kamaai hoti hai। kamaai karne vaale ko kabhi ubaasi nahin aati hai। jhutka nahin aayega। kamaai se pet bhar gaya phir neend nahin aati। jaise regular ho jaate hain। tum bhi bahut bhaari kamaai karte ho। ubaasi devaala nikaalne vaale khaate hain। jo achhi reeti samajhte hain, yaad mein rehte hain unko ubaasi nahin aayegi। agar mitra-sambandhi aadi yaad aate hain to ubaasi aati rahegi। yeh nishaaniyaan hain। svarga mein tumko ubaasi aadi kabhi aayegi hi nahin। baap ka varsa pa liya to vahaan sona, uthna, baithna kaaydesir chalta hai। accurate, aatma lever ban jaati hai। abhi cylinder bani hai, unko lever banaana hai। (lever, cylinder yeh ghadiyon ke naam hain) aisa koi bana sakte hain, koi nahin bana sakte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bandhanmukta banne va apni unnati karne ke liye buddhi gyaan se sada bharpoor rakhni hai। master gyaan saagar ban, svadarshan chakradhaari hokar yaad mein baithna hai।

2) neend ko jeetne vaala ban yaad aur seva ka bal jama karna hai। kamaai mein kabhi susti nahin karni hai। jhutka nahin khaana hai।

vardaan:- vishwa mein eeshvareey parivaar ke sneh ka beej bone vaale vishwa sevaadhaari bhav

aap vishwa sevaadhaari bachche vishwa mein eeshvareey parivaar ke sneh ka beej bo rahe ho। chaahe koi naastik ho ya aastik.....sabko alaukik va eeshvareey sneh ki, nihsvaartha sneh ki anubhooti karaana hi beej bona hai। yeh beej sahayogi banne ka vriksha svatah hi paida karta hai aur samay par sahajyogi banne ka phal dikhaai deta hai। sirf koi phal jaldi nikalta hai aur koi phal samay par nikalta hai।

slogan:- bhaagyavidhaata baap ko jaanna, pahchaanna aur unke direct bachche ban jaana yeh sabse bada bhaagya hai।