बुधवार 12 जून 2024 की दैनिक मुरली

12-06-2024 praatahmurli om shanti "baapdaada"' madhuban

“meethe bachche - baap us rath mein aate hain, jisne pahle-pahle bhakti shuru ki, jo number one poojya tha phir pujaari bana hai, yeh raaz sabko spashta karke sunaao''

prashn:- baap apne vaaris bachchon ko kaun-sa varsa dene aaye hain?

uttar:- baap sukh, shanti, prem ka saagar hai। yahi saara khajaana woh tumhein will karte hain। aisa will kar dete jo 21 janma tak tum khaate raho, khut nahin sakta। tumhein kaudi se heere jaisa bana dete hain। tum baap ka saara khajaana yogbal se lete ho। yog ke bina khajaana nahin mil sakta hai।

om shanti। shiv bhagvaanuvaach। ab shiv bhagwan niraakaar ko to sabhi maante hain। ek hi niraakaar shiv hai, jiski sab pooja karte hain। baaki jo bhi dehdhaari hain unka saakaar roop hai। pahle-pahle niraakaar aatma thi phir saakaar bani hai। saakaar banti hai, shareer mein pravesh karti hai tab unka part chalta hai। mool vatan mein to koi part hai nahin। jaise actors ghar mein hain to naatak ka part nahin। stage par aane se part bajaate hain। aatmaayen bhi yahaan aakar shareer dvaara part bajaati hain। part par hi saara madaar hai। aatma mein to koi pharka nahin hai। jaise tum bachchon ki aatma hai, vaise inki aatma hai। baap param aatma kya karte hain? unka occupation kya hai, vo jaanna hai। koi president hai, raaja hai, yeh aatma ka occupation hai na। yeh pavitra devtaayen hain, isliye inko pooja jaata hai। abhi tum samajhte ho yeh padhaai padhkar lakshmi-naaraayan vishwa ke maalik bane hain। kisne banaaya? param aatma ne। tum aatmaayen bhi padhaati ho। badaai yeh hai jo baap aakar tum bachchon ko padhaate hain aur raajayog bhi sikhlaate hain। kitna sahaj hai। isko kaha jaata hai raajayog। baap ko yaad karne se ham satopradhaan ban jaate hain। baap to hai hi satopradhaan। unki kitni mahima gaate hain। bhakti maarga mein kitna phal, doodh aadi chadhaate hain। samajh kuchh nahin। devtaaon ko poojte hain, shiv par doodh, phool aadi chadhaate hain, kuchh pata nahin। devtaaon ne raajya kiya। achha, shiv par kyon chadhaate? usne kya karttavya kiya hai jo itna poojte ho? devtaaon ka to phir bhi maaloom hai, woh hain svarga ke maalik। unhon ko kisne banaaya, yeh bhi pata nahin। pooja bhi karte hain shiv ki parantu khyaal mein nahin ki yeh bhagwan hai। bhagwan ne inhon ko aisa banaaya hai। kitni bhakti karte hain। hain sab anjaan। tumne bhi shiv ki pooja ki hogi, abhi tum samajhte ho, aage kuchh bhi nahin jaante the। unka occupation kya hai, kya sukh dete hain, kuchh bhi pata nahin tha। kya yeh devtaayen sukh dete hain? bhal raaja-raani, praja ko sukh dete hain parantu unhon ko to shivbaaba ne aisa banaaya na। balihaari unki hai। yeh to sirf raajaai karte hain, praja bhi ban jaati hai। baaki yeh koi ka kalyaan nahin karte hain। agar karte bhi hain to alpakaal ke liye। abhi tum bachchon ko baap baith padhaate hain। unko kaha jaata hai kalyaankaari। baap apna parichay dete hain, mere ling ki tum pooja karte the, unko param aatma kehte the। param aatma se paramatma ho jaata। parantu yeh nahin jaante ki yeh kya karte hain। bas, sirf kah denge ki woh sarvavyaapi hai। naam-roop se nyaara hai। phir us par doodh aadi chadhaana, shobhta nahin hai। aakaar hai tab to us par chadhaate hain na। unko niraakaar to kah nahin sakte। tumse manushya argue bahut karte hain, baba ke aage bhi aakar argue hi karenge। phaaltu maatha khapaayenge। phaayda kuchh bhi nahin। yeh samjhaana to tum bachchon ka kaam hai। tum bachche jaante ho baba ne hamko kitna oonch banaaya hai। yeh padhaai hai। baap teacher ban padhaate hain। tum manushya se devta banne ke liye padh rahe ho। devi-devta hain satayug mein। kaliyug mein hote nahin। raam raajya hi nahin jo pavitra rah saken। devi-devta the phir vaam maarga mein chale jaate hain। baaki jaise chitra dikhaaye hain, aise nahin। jagannaath ke mandir mein tum dekhenge kaale chitra hain। baap kehte hain maaya jeete jagatjeet bano। to unhonne phir jagat-naath naam rakh diya hai। oopar mein sab gande chitra dikhaaye hain, devtaayen vaam maarga mein gaye to kaale ban pade। unki bhi pooja karte rehte hain। manushyon ko to kuchh pata nahin - kab ham poojya the? 84 janmon ka hisaab kiski bhi buddhi mein nahin hai। pahle poojya satopradhaan phir 84 janma lete-lete tamopradhaan pujaari ban padte hain। raghunaath mandir mein kaala chitra dikhaate hain, arth to unka kuchh bhi samajhte nahin। abhi tum bachchon ko baap baith samjhaate hain। gyaan chita par baith gore bante ho, kaam chita par baith kaale ban padte ho। devtaayen vaam maarga mein jaakar vikaari ban pade phir unka naam devta to rakh nahin sakte। vaam maarga mein jaane se kaale ban pade ho, yeh nishaani dikhaai hai। tum jaante ho ki shivbaaba to kaala banta hi nahin। woh to heera hai, jo tumko bhi heere jaisa banaate hain। woh to kabhi kaala bante nahin, unko phir kaala kyon bana diya hai! koi kaala hoga, usne baith kaala banaaya hoga। shivbaaba kehte hain hamne kya dosh kiya jo mujhe kaala bana diya hai। main to aata hi hoon sabko gora banaane, main to sadaiv gora hoon। manushyon ki aisi buddhi ban padi hai jo kuchh bhi samajhte nahin। shivbaaba to hai hi sabko heera banaane vaala। main to ever gora musaaphir hoon। mainne kya kiya jo mujhe kaala banaaya hai। ab tumko bhi gora banna hai oonch pad paane liye। oonch pad kaise paana hai? woh to baap ne samjhaaya hai follow father। jaise isne (baba ne) sab-kuchh baap ke havaale kar diya। father ko dekho kaise sab kuchh de diya। bhal saadhaaran the, na bahut gareeb, na bahut saahookaar the। baba abhi bhi kehte hain tumhaara khaan paan beech ka saadhaaran hona chaahiye। na bahut oonch, na bahut kam। baap hi sab shiksha dete hain। yeh bhi dekhne mein to saadhaaran hi aate hain। tumko kehte hai kahaan hai bhagwan, dikhaao। are, aatma bindi hai, unko dekhenge kya! yeh to jaante ho aatma ka saakshaatkaar in aankhon se hota nahin। tum kehte ho bhagwan padhaate hain to zaroor koi shareerdhaari hoga। niraakaar kaise padhaayenge। manushyon ko to kuchh bhi pata nahin hai। jaise tum aatma ho, shareer dvaara part bajaate ho। aatma hi part bajaati hai। aatma hi bolti hai, shareer dvaara। to aatma vaach। parantu aatma vaach shobhta nahin। aatma to vaanaprastha, vaani se pare hai, vaach to shareer se hi karegi। vaani se pare sirf aatma hi rah jaati hai। vaani mein aana hai to shareer zaroor chaahiye। baap bhi gyaan ka saagar hai to zaroor kiske shareer ka aadhaar lega na। usko rath kaha jaata hai। nahin to woh sunaaye kaise? baap patit se paavan banne liye shiksha dete hain। prerna ki baat nahin। yeh to gyaan ki baat hai। woh aaye kaise? kiske shareer mein aaye? aayega to zaroor manushya mein hi। kis manushya mein aaye? koi ko pata nahin hai, sivaae tumhaare। rachayita khud hi baith apna parichay dete hain। main kaise aur kis rath mein aata hoon। bachche to jaante hain ki baap ka rath kaun-sa hai। bahut manushya moonjhe hue hain। kis-kis ka rath bana dete hain। jaanvar aadi mein to aa na saken। baap kehte hain main kis manushya mein aaoon। yeh to samajh nahin sakte। aana bhi bhaarat mein hi hota hai। bhaaratvaasiyon mein bhi kiske tan mein aaoon, kya president va saadhu mahaatma ke rath mein aayega? aise bhi nahin hai ki pavitra rath mein aana hai। yeh to hai hi raavan raajya। gaayan bhi hai door desh ka rahne vaala।

yeh bhi bachchon ko pata hai ki bhaarat avinaashi khanda hai। uska kabhi vinaash nahin hota। avinaashi baap avinaashi bhaarat khanda mein hi aate hain। kis tan mein aate hain, woh khud hi bataate hain। aur to koi jaan na sake। tum jaante ho koi saadhu mahaatma mein bhi aa na sake। woh hain hathayogi, nivritti maarga vaale। baaki rahe bhaaratvaasi bhakta। ab bhakton mein bhi kis bhakta mein aaye? bhakta puraana chaahiye, jisne bahut bhakti ki ho। bhakti ka phal bhagwan ko dene aana padta hai। bhaarat mein bhakta to dher hain। kahenge yeh bada bhakta hai, ismen aana chaahiye। aise to bahut bhakta ban padte hain। kal bhi koi ko vairaagya aaye, bhakta ban jaaye। woh to is janma ka bhakta ho gaya na। usmein aayenge nahin। main usmein aata hoon, jisne pahle-pahle bhakti shuru ki। dvaapar se lekar bhakti shuru hui hai। yeh hisaab-kitaab koi samajh na saken। kitni gupta baaten hain। main aata hoon usmein jo pahle-pahle bhakti shuru karte hain। number one jo poojya tha vahi phir number one pujaari bhi banega। khud hi kehte hain yeh rath hi pahle number mein jaate hain। phir 84 janma bhi yahi lete hain। main inke hi bahut janmon ke ant ke bhi ant mein pravesh karta hoon। inko hi phir number one raaja banna hai। yahi bahut bhakti karte the। bhakti ka phal bhi inko milna chaahiye। baap dikhlaate hain bachchon ko ki dekho yeh mere par vaari kaise gaya। sab kuchh de diya। itne dher bachchon ko sikhlaane liye dhan bhi chaahiye। eeshvar ka yagya racha hua hai। khuda ismen baith roodra gyaan yagya rachte hain, isko padhaai bhi kaha jaata hai। roodra shivbaaba jo gyaan ka saagar hai, usne yagya racha hai gyaan dene ke liye। akshar bilkul theek hai। raajasva, svaraajya paane ke liye yagya। isko yagya kyon kehte hain? yagya mein to woh log aahuti aadi bahut daalte hain। tum to padhte ho, aahuti kya daalte ho? tum jaante ho ham padhkar hoshiyaar ho jaayenge। phir yeh saari duniya ismen svaaha ho jaayegi। yagya mein pichhaadi ke time jo bhi saamagri hai, sab daal dete hain।

tum bachche ab jaante ho hamko baap padha rahe hain। baap hai to bahut saadhaaran। manushya kya jaanen। un bade-bade aadmiyon ki to bahut badi mahima hoti hai। baap to bahut saadhaaran simple baitha hai। manushyon ko kaise pata pade। yeh daada to jauhri tha। shakti to koi dekhne mein nahin aati। sirf itna kah dete ismen kuchh shakti hai। bas। yeh nahin samajhte ki ismen sarvashaktimaan baap hai। ismen shakti hai, woh shakti bhi aai kahaan se? baap ne pravesh kiya na। jo unka khajaana woh aise thode hi de dete hain। tum yogbal se lete ho। woh to sarvashaktimaan hai hi। unki shakti kahaan chali nahin jaati। paramatma ko sarvashaktimaan kyon gaaya jaata hai, yeh bhi koi jaante nahin। baap aakar sab baaten samjhaate hain। baap kehte main jismen pravesh karta hoon, ismen to poori junk chadhi hui thi - puraana desh, puraana shareer, uske bahut janmon ke ant mein aata hoon, kat jo chadhi hai woh koi utaar na sake। kat utaarne vaala ek hi satguru hai, woh ever pure hai। yeh tum samajhte ho। yeh sab buddhi mein bithaane liye bhi time chaahiye। tum bachchon ko baap sab will kar dete hain। baap gyaan ka saagar, shanti ka saagar hai, saara will kar dete hain bachchon ko। aate bhi puraani duniya mein hain। pravesh bhi usmein karte hain, jo heere jaisa tha phir kaudi jaisa bana। vo bhal is samay karodapti hain, parantu alpakaal ke liye। sabka khalaas ho jaayega। worth pound to tum bante ho। abhi tum bhi student ho। yeh bhi student hai, yeh bhi bahut janmon ke ant mein hai। kat chadhi hui hai। jo bahut achha padhte, usmein hi kat chadhi hui hai। vahi sabse patit bante hain, unko hi phir paavan banna hai। yeh drama bana hua hai। baap to real baat bataate hain। baap hai truth। woh kabhi ulta nahin batlaate। yeh sab baaten manushya koi samajh na saken। tum bachchon bigar manushyon ko kaise pata pade। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) oonch pad paane ke liye poora follow father karna hai। sab kuchh baap ke havaale kar trustee ho sambhaalna hai, poora vaari jaana hai। khaanpaan, rahan-sahan beech ka saadhaaran rakhna hai। na bahut oonch, na bahut neench।

2) baap ne jo sukh-shanti, gyaan ka khajaana will kiya hai, use doosron ko bhi dena hai, kalyaankaari banna hai।

vardaan:- pavitrata ki guhyata ko jaan sukh-shanti sampanna banne vaali mahaan aatma bhav

pavitrata ke shakti ki mahaanta ko jaan pavitra arthaat poojya dev aatmaayen abhi se bano। aise nahin ki ant mein ban jaayenge। yeh bahut samay ki jama ki hui shakti ant mein kaam aayegi। pavitra banna koi saadhaaran baat nahin hai। brahmachaari rehte hain, pavitra ban gaye hain… lekin pavitrata janni hai, chaahe sankalp se, chaahe vritti se, vaayumandal se, vaani se, samparka se sukh-shanti ki janni banna - isko kehte hain mahaan aatma।

slogan:- oonchi sthiti mein sthit ho sarva aatmaon ko raham ki drishti do, vibration phailaao।