गुरुवार 13 जून 2024 की दैनिक मुरली

13-06-2024 praatahmurli om shanti "baapdaada"' madhuban

“meethe bachche - pahle har ek ko yeh mantra koot-koot kar pakka karaao ki tum aatma ho, tumhein baap ko yaad karna hai, yaad se hi paap katenge''

prashn:- sachchi seva kya hai, jo tum abhi kar rahe ho?

uttar:- bhaarat jo patit ban gaya hai, use paavan banaana - yahi sachchi seva hai। log poochhte hain tum bhaarat ki kya seva karte ho? tum unhein bataao ki ham shreemat par bhaarat ki woh roohaani seva karte hain jisse bhaarat double sirtaaj banen। bhaarat mein jo pees prosperity thi, uski ham sthaapna kar rahe hain।

om shanti। pahla-pahla shabka (paath) hai - bachche, apne ko aatma samjho athva manamnaabhav, yeh hai sanskrit akshar। ab bachche jab service karte hain to pahle-pahle hi unko alpha padhaana hai। jab bhi koi aaye to shivbaaba ke chitra ke aage le jaana hai, aur koi chitra ke aage nahin। pahle-pahle baap ke chitra ke paas unko kehna hai - baba kehte hain apne ko aatma samajh mujh baap ko yaad karo। main tumhaara supreme baap bhi hoon, supreme teacher bhi hoon, supreme guru bhi hoon। sabko yeh paath sikhlaana hai। shuru hi vahaan se karna hai। apne ko aatma samajh aur mujh baap ko yaad karo kyonki tum jo patit bane ho phir paavan satopradhaan banna hai। is shabka mein sab baaten aa jaati hain। sabhi koi aise karte nahin। baba kehte hain pahle-pahle shivbaaba ke chitra par hi le jaana hai। yeh behad ka baba hai। baba kehte hain maamekam yaad karo। apne ko aatma samjho to beda paar hai। yaad karte-karte pavitra duniya mein pahunch hi jaana hai। yeh shabka kam se kam 3 minute to ghadi-ghadi pakka karna hai। baap ko yaad kiya? baba, baba bhi hai, rachna ka rachayita bhi hai। rachna ke aadi-madhya-ant ko jaante hain kyonki manushya srishti ka beejroop hai। pahle-pahle to yeh nishchay karaana hai। baap ko yaad karte ho? yeh knowledge baap hi dete hain। hamne bhi baap se knowledge li hai, jo aapko dete hain। pahle-pahle yeh mantra pakka karaana hai - apne ko aatma samajh baap ko yaad karo to dhanke ban jaayenge। iske oopar hi samjhaana hai। jab tak yeh nahin samjhen tab tak pair aage badhaana hi nahin। aise baap ke parichay par do-chaar chitra hone chaahiye। to is par achhi reeti samjhaane se unki buddhi mein aa jaayega - hamko baap ko yaad karna hai, vahi sarvashaktimaan hai, unko yaad karne se paap kat jaayenge। baap ki mahima to clear hai। pahle-pahle yeh zaroor samjhaana chaahiye - apne ko aatma samajh maamekam yaad karo। deh ke sab sambandh bhool jaao। main sikkha hoon, phalaana hoon… yeh chhod ek baap ko yaad karna hai। pahle-pahle to buddhi mein yeh mukhya baat bithaao। woh baap hi pavitrata, sukh, shanti ka varsa dene vaala hai। baap hi characters sudhaarte hain। to baba ko khyaal aaya - pahla paath is reeti pakka karaate nahin hain, jo hai bilkul zaroori। jitna yeh achhi reeti kootenge utna buddhi mein yaad rahega। baap ke parichay mein bhal 5 minute lag jaayen, hatna nahin hai। bahut roochi se baap ki mahima sunenge। yeh baap ka chitra hai mukhya। queue saari is chitra ke aage honi chaahiye। baap ka paigaam sabko dena hai। phir hai rachna ki knowledge ki yeh chakra kaise phirta hai। jaise masaala koot-koot kar ekdam maheen banaaya jaata hai na। tum eeshvareey mission ho, to achhi reeti ek-ek baat buddhi mein bithaani hai kyonki baap ko na jaanne kaaran sab nidhanke ban pade hain। parichay dena hai - baba supreme baap hai, supreme teacher, supreme guru hai। teenon hi kahne se phir sarvavyaapi ki baat buddhi se nikal jaayegi। yeh to pahle-pahle buddhi mein bithaao। baap ko yaad karna hai tab hi tum patit se paavan ban sakenge। daivi gun bhi dhaaran karne hain। satopradhaan banna hai। tum unko baap ki yaad dilaayenge, ismen tum bachchon ka bhi kalyaan hai। tum bhi manamnaabhav rahenge।

tum paigambar ho to baap ka parichay dena hai। ek bhi manushya nahin, jisko yeh pata ho ki baba hamaara baap bhi hai, teacher aur guru bhi hai। baap ka parichay sunne se woh bahut khush ho jaayenge। bhagvaanuvaach - maamekam yaad karo to tumhaare paap kat jaayenge। yeh bhi tum jaante ho। geeta ke saath phir mahaabhaarat ladaai bhi dikhaai hai। ab aur to koi ladaai ki baat hi nahin। tumhaari ladaai hai hi baap ko yaad karne mein। padhaai to alag hai, baaki ladaai hai yaad mein kyonki sab hain deh-abhimaani। tum ab bante ho dehi-abhimaani। baap ko yaad karne vaale। pahle-pahle yeh pakka karaao, woh baap, teacher, guru hai। abhi ham unki sunen ya tumhaari sunen? baap kehte hain - bachche, ab tumhein poora-poora shreemat par chalna hai shreshtha banne ke liye। ham yahi seva karte hain। eeshvareey mat par chalo to tumhaare vikarma vinaash honge। baap ki shreemat yeh hai ki maamekam yaad karo। srishti ka chakra jo samjhaate hain, yeh bhi unki mat hai। tum bhi pavitra banenge aur baap ko yaad karenge to baap kehte hain main saath le jaaoonga। baba behad ka roohaani panda bhi hai। unko bulaate hain he patit-paavan, hamko paavan banaakar is patit duniya se le chalo। woh hain jismaani pande, yeh hai roohaani panda। shivbaaba hamko padhaate hain। baap tum bachchon ko bhi kehte hain chalte, phirte, uthte baap ko yaad karte raho। ismen apne ko thakaane ki bhi darkaar nahin। baba dekhte hain - kabhi-kabhi bachche savere-savere aakar baithte hain to zaroor thak jaate honge। yeh to sahaj maarga hai। hath se nahin baithna hai। bhal chakra lagaao, ghoomo phiro, bahut ruchi se baap ko yaad karo। andar se baba-baba ki bahut uchhal aani chaahiye। uchhal unko aayegi jo hardam baap ko yaad karte rahenge। kuchh na kuchh aur baaten jo buddhi mein yaad hain, unko nikaalna chaahiye। baap ke saath ati pyaar rahe, woh ateendriy sukh bhaasta rahe। jab tum baap ki yaad mein lag jaayenge tab hi tamopradhaan se satopradhaan ban jaayenge। phir tumhaari khushi ka paaraavaar nahin rahega। in sab baaton ka varnan yahaan hota hai isliye gaayan bhi hai - ateendriy sukh gop-gopiyon se poochho, jinko bhagwan baap padhaate hain।

bhagvaanuvaach mujhe yaad karo। baap ki hi mahima bataani hai। sadgati ka varsa to ek baap se hi milta hai। sabko sadgati milti hai zaroor। pahle sab jaayenge shantidham। yeh buddhi mein hona chaahiye ki baap hamko sadgati de rahe hain। shantidham, sukh-dhaam kisko kaha jaata hai - yeh to samjhaaya hai। shantidham mein sab aatmaayen rehti hain। woh hai sweet hom, silence hom। tower aaph silence। usko in aankhon se koi dekh na sake। un science vaalon ki buddhi to yahaan in aankhon se jo cheez dekhte hain us par hi chalti hai। aatmaon ko to in aankhon se koi dekh na sake। samajh sakte hain। jab aatma ko hi nahin dekh sakte to baap ko phir kaise dekh sakte hain। yeh samajh ki baat hai na। in aankhon se dekha nahin jaata। bhagvaanuvaach - mujhe yaad karo to paap bhasma honge। yeh kisne kaha? poora samajh nahin sakte to shreekrishna ke liye kah dete hain। shreekrishna ko to bahut yaad karte hain। din-pratidin vyabhichaari hote jaate hain। bhakti mein bhi pahle ek shiv ki bhakti karte hain। woh hai avyabhichaari bhakti phir lakshmi-naaraayan ki bhakti.... oonch te oonch to hai bhagwan। vahi varsa dete hain yeh vishnu banne ka। tum shiv vanshi ban phir vishnupuri ke maalik bante ho। maala banti hi tab hai jab pahla paath achhi tarah padhte hain। baap ko yaad karna koi maasi ka ghar nahin। man-buddhi ko sab taraph se hataakar ek taraph lagaana hai। jo kuchh in aankhon se dekhte ho unse buddhiyog hata do।

baap kehte hain maamekam yaad karo, ismen moonjhana nahin hai। baap is rath mein baithe hain, unki mahima karte hain - woh hai niraakaar। in dvaara tumko ghadi-ghadi yeh yaad dilaate hain - tum manamnaabhav ho raho। goya tum sab par upkaar karte ho। tum khaana pakaane vaalon ko bhi kehte ho - shivbaaba ko yaad kar bhojan banaao to khaane vaalon ki buddhi shuddh ho jaayegi। ek-do ko yaad dilaana hai। har ek kuchh na kuchh samay yaad karte hain। koi aadha ghanta baithte hain, koi 10 minute baithte hain। achha, 5 minute bhi pyaar se baap ko yaad kiya to raajdhaani mein aa jaayenge। raaja-raani hamesha sabko pyaar karte hain। tum bhi pyaar ke saagar bante ho, isliye sab par pyaar rehta hai। pyaar hi pyaar। baap pyaar ka saagar hai to bachchon ka bhi zaroor aisa pyaar hoga, tab vahaan bhi aisa pyaar rahega। raaja-raani ka bhi bahut pyaar hota hai। bachchon ka bhi bahut pyaar hota hai। pyaar bhi behad ka। yahaan to pyaar ka naam nahin, maar hai। vahaan yeh kaam kataari ki hinsa bhi nahin hoti, isliye bhaarat ki mahima aparmaapaar gaai hui hai। bhaarat jaisa pavitra desh koi hai nahin। yeh sabse bada teertha hai। baap yahaan (bhaarat mein) aakar sabki seva karte hain, sabko padhaate hain। mukhya hai padhaai। tumse koi-koi poochhte hain bhaarat ki kya seva karte ho? bolo, tum chaahte ho bhaarat paavan ho, ab patit hai na, to ham shreemat par bhaarat ko paavan banaate hain। sabko kehte hain baap ko yaad karo to patit se paavan ban jaayenge। yeh ham roohaani seva kar rahe hain। bhaarat jo sirtaaj tha, pees prosperity thi woh phir se bana rahe hain, shreemat par kalpa pahle muaaphik, drama plan anusaar। yeh akshar poore yaad karo। manushya chaahte bhi hain world pees ho। so ham kar rahe hain। bhagvaanuvaach - baap ham bachchon ko samjhaate rehte hain mujh baap ko yaad karo। yeh bhi baba jaante hain tum koi itna yaad thode hi karte ho baba ko। ismen hi mehnat hai। yaad se hi tumhaari karmaateet avastha aayegi। tumko svadarshan chakradhaari banna hai। inka arth bhi kisko buddhi mein nahin hai। shaastron mein to kitni baaten likh di hain। ab baap kehte hain jo kuchh padhe ho woh sab bhool jaana hai, apne ko aatma samajhna hai। vahi saath chalna hai, aur kuchh bhi saath nahin chalega। yeh baap ki padhaai hai, jo saath chalni hai। uske liye koshish kar rahe hain।

chhote-chhote bachchon ko bhi kam mat samjho। jitne chhote utna bahut naam nikaal sakte hain। chhoti-chhoti bachchiyaan baith bade-bade bujurgon ko samjhaayengi to kamaal kar dikhaayengi। unhon ko bhi aap samaan banaana hai। koi prashn poochhe to response de saken, aisi taiyaar karo। phir jahaan-jahaan centres ho va museum ho to unhon ko bhej den। aise group taiyaar karo। time to yahi hai। aisi-aisi service karo। bade bujurgon ko bhi chhoti kumaariyaan baith samjhaayen to kamaal hai। koi poochhe tum kiske bachche ho? bolo - ham shivbaaba ke bachche hain। woh niraakaar hai। brahma tan mein aakar hamko padhaate hain। is padhaai se hi hamko yeh lakshmi-naaraayan banna hai। satayug aadi mein in lakshmi-naaraayan ka raajya tha na। inhon ko aisa kisne banaaya? zaroor aise karma kiye honge na। baap baith karma, akarma, vikarma ki gati sunaate hain। shivbaaba hamko padhaate hai। vahi baap, teacher, guru hai। to baap samjhaate hain mool ek baat par hi khadaakar samjhaana hai। pahle-pahle alpha, alpha ko samajh jaayenge phir itne prashn aadi koi poochhenge nahin। alpha samajhne bigar tum baaki aur chitron par samjhaayenge to maatha kharaab kar denge। pahli baat hai alpha ki। ham shreemat par chalte hain। aise bhi niklenge jo kahenge alpha samajh liya, baaki yeh chitra aadi kya dekhne ke hain। hamne alpha ko jaanne se sab-kuchh samajh liya hai। bhiksha mili, yeh gaya। tum first class bhiksha dete ho। baap ka parichay dene se hi baap ko jitna yaad karenge to tamopradhaan se satopradhaan banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ateendriy sukh ka anubhav karne ke liye andar baba-baba ki uchhal aati rahe। hath se nahin, ruchi se baap ko chalte-phirte yaad karo। buddhi sab taraph se hataakar ek mein lagaao।

2) jaise baap pyaar ka saagar hai, aise baap samaan pyaar ka saagar banna hai। sab par upkaar karna hai। baap ki yaad mein rehna aur sabko baap ki yaad dilaana hai।

vardaan:- shanti ki shakti ke saadhnon dvaara vishwa ko shant banaane vaale roohaani shastradhaari bhav

shanti ki shakti ka saadhan hai shubh sankalp, shubh bhaavna aur naynon ki bhaasha hai। jaise mukh ki bhaasha dvaara baap ka va rachna ka parichay dete ho, aise shanti ki shakti ke aadhaar par naynon ki bhaasha se naynon dvaara baap ka anubhav kara sakte ho। sthool seva ke saadhnon se jyaada silence ki shakti ati shreshtha hai। roohaani sena ka yahi vishesh shastra hai - is shastra dvaara ashaanta vishwa ko shant bana sakte ho।

slogan:- nirvighna rehna aur nirvighna banaana - yahi sachchi seva ka saboot hai।