गुरुवार 22 अगस्त 2024 की दैनिक मुरली

22-08-2024 praatahmurli om shanti "baapdaada"' madhuban

“meethe bachche - tumne saare kalpa mein all-round part ba aajaaya, ab part poora hua, ghar chalna hai''

prashn:- tum bachche apne bhaagya ki mahima kin shabdon mein karte ho?

uttar:- ham hain brahman choti। humein niraakaar bhagwan baith padhaate hain। duniya mein manushya, manushya ko padhaate lekin humein svayan bhagwan padhaate hain to kitne bhaagyashaali hue।

prashn:- is drama mein sabse bada position kiska hai?

uttar:- niraakaar baap ka, woh tum sab aatmaon ka baap hai। sab aatmaayen drama ke sootra mein baandhi hui hain। sabse bada position baap ka hai।

om shanti। roohaani bachchon se roohaani baap poochh rahe hain - meethe-meethe bachchon, apna ghar shantidham yaad hai? bhool to nahin gaye ho? ab 84 ka chakra poora hua, kaise poora hua hai yeh bhi tum samajh gaye ho। satayug se lekar kaliyug ant tak aise aur koi bhi poochh na sake। meethe-meethe laadle bachchon se baba poochhte hain, ab ghar chalna hai na? ghar chalkar phir sukhdhaam mein aana hai। yeh sukhdhaam to nahin hai। yeh hai puraani duniya, duhkhadhaam। woh hai shantidham, sukhdhaam। ab is duhkh se mukta ho jaana hai muktidhaam। muktidhaam athva shantidham jaise ki saamne khade hain। woh hai ghar। phir tum naye vishwa mein aayenge, jahaan pavitrata, sukh, shanti bhi hogi। yeh to samajhte hain na - gaate bhi yeh hain। baap ko bhi pukaarte hain - he patit-paavan, is patit duniya se hamko le chalo, ismen bahut duhkh hain। hamko sukh mein le chalo। smriti mein aata hai। svarga ko sab yaad karte hain। shareer chhoda, kahenge svarga padhaara। left for heavenly abode। kisne left kiya? aatma ne। shareer to nahin jaata hai। aatma hi jaati hai। abhi tum bachche hi shanti-dhaam, sukhdhaam ko jaante ho aur koi nahin jaante। tum bachchon ki buddhi mein knowledge hai - shantidham kya hai aur sukhdhaam kya hai। tum sukhdhaam mein the, ab phir duhkhadhaam mein aaye ho। second, minute, ghante, din, varsha beet gaye। ab 5 hazaar varsha mein baaki kuchh din rehte hain। baap bachchon ko smriti dilaate rehte hain। bahut sahaj baat hai, ismen moonjhane ki to darkaar hi nahin। aatma 84 janma kaise leti hai, yeh bhi kisko pata nahin hai। laakhon varsha ki baat to kisko yaad bhi rehna mushkil hai। yeh hai hi 5 hazaar varsha ki baat। vyaapaari log bhi svaastika chaupde par nikaalte hain, usko ganesh kah dete hain। ganesh ko haathi ki soondh dikhaate hain। manushya paisa kharcha karte hain, chitra aadi banaate, isko kaha jaata hai vesta oph time। tumhaare mein kitni taakat thi। woh din pratidin kam hoti gai hai। jaise motor se petrol kam hota jaata hai। ab to tum bahut kamzor ho gaye ho। paanch hazaar varsha pahle bhaarat kya tha, athaah sukh the। kitna jabardasta dhan tha। yeh raajya unhonne kaise paaya? raajayog seekhe the। ismen ladaai aadi ki baat hi nahin। inko kaha jaata hai gyaan ke astra-shastra। aur koi sthool baat nahin hai। gyaan ke astra-shastra hain। gyaan, vigyaan, yaad aur gyaan ke kitne bade jabardasta astra-shastra hain। saare vishwa par tum raajya karte ho। devtaaon ko kaha jaata hai ahinsak।

abhi tum bachchon ko manushya se devta banne ki shiksha mil rahi hai। tum jaante ho ham har 5 hazaar varsha ke baad behad ke baap se yeh behad ka varsa le rahe hain। yeh aatma ki baat hai। ismen sthool ladaai aadi ki koi baat nahin। aatma patit bani hai isliye woh paavan hone ke liye baap ko bulaati hai। ab baap kehte hain - meethe-meethe bachche, ab to ghar jaana hai। yeh hai jeev aatmaon ki duniya। woh hai aatmaon ki duniya। usko jeev aatmaon ki duniya nahin kahenge। yeh ghadi-ghadi smriti mein laana chaahiye - ham door desh ke rahne vaale hain। ham aatmaon ka ghar hai brahmaanda। yeh bhi buddhi mein rahe ham vahaan rehte hain, is aakaash tatva se paar, jahaan soorya-chaand bhi nahin hote। ham vahaan ke rahne vaale yahaan part bajaane aaye hain। 84 ka part bajaate hain। sab to 84 janma le nahin sakte। aahiste-aahiste oopar se utarte aate hain। ham all-rounder hain। sab kaam karne vaale ko all-rounder kaha jaata hai। tum bhi all-rounder ho। aadi se ant tak tumhaara part hai। ab is chakra ka ant hai to bhi oopar se aate rehte hain। bahut bachche rahe hue hain jo oopar se aate rehte hain। vriddhi ko paate rehte hain।

baap ne tum bachchon ko ‘ham so' ka arth bhi samjhaaya hai। woh log to kehte ham aatma so paramatma hain। unko to drama ke aadi, madhya, ant, duration aadi ka bhi kuchh pata nahin hai। tumko baap ne samjhaaya hai is shareer mein tum abhi brahman ho। prajaapita brahma dvaara shivbaaba ne tumko adopt kiya hai, padhaate hain, yeh to yaad rehna chaahiye na। baap hamko padha rahe hain। woh oonch te oonch bhagwan hai। sabhi aatmaayen is drama ke dhaage mein piroi hui hain। abhi tum jaante ho ham shuru mein devta the, phir ham so kshatriy dharma mein aaye arthaat sooryavanshi se chandravanshi mein aaye, itne janma liye - yeh sab pata hona chaahiye। yeh knowledge pahle tumhaare mein bilkul nahin thi। abhi baap ne samjhaaya hai, yeh varnon ki baajoli hai। abhi phir shoodra se brahman bane ho, brahman se phir devta banenge। viraat roop dikhaate hain na। tumhaari buddhi mein saara gyaan hai - kaise ham neeche utre phir brahman kul mein aaye phir deity dynasty mein aaye। abhi tum brahman ho choti। choti sabse oonch hoti hai। tumhaare jaisa oonch kul kaun kahlaave। bhagwan baap aakar tumko padha rahe hain। tum kitne bhaagyashaali ho। apne bhaagya ki kuchh mahima to karo। baahar mein to sab manushya, manushya ko padhaate hain। yeh to hai niraakaar baap। yeh baap kalpa-kalpa ek hi baar aakar knowledge dete hain। padhaai to har ek padhte hain na। barrister ki knowledge padhkar barrister bante hain। woh sab manushya, manushya ko padhaate aate hain। abhi yeh hai bhagvaanuvaach। manushya ko to kabhi bhagwan nahin kaha jaata hai। woh to hai niraakaar। yahaan aakar tum bachchon ko padhaate hain। padhaai na sookshm vatan mein, na mool vatan mein padhni hoti hai। padhaai hoti hi yahaan hai। ismen moonjhane ki to koi baat hi nahin। school mein kabhi student kahenge kya ki ham moonjhate hain। hamko nishchay nahin hota। padhaai ko padhkar apna status lete hain। yeh lakshmi-naaraayan satayug aadi mein vishwa ke maalik kaise bane? zaroor baap dvaara banen। baap to sach bataayenge। bhagwan koi wrong thode hi bata sakte hain। bada bhaari imtahaan hai। is samay to hai praja ka praja par raajya। raaja-raani hai nahin। satayug mein the, abhi kaliyug ant mein hain nahin। isko kaha jaata hai panchaayti raajya। geeta mein likh diya hai - kaurav aur paandav। roohaani pande to tum ho na। sabko roohaani ghar ka raasta bataate ho। woh hai tum aatmaon ka roohaani ghar। rooh janma lekar part bajaati hai। yeh baaten tumhaare sivaae aur koi nahin jaante। rishi-muni aadi koi bhi na rachta ko, na rachna ke aadi-madhya-ant ko jaante hain। laakhon varsha kah dete hain। parantu unka bhi koi poora hisaab-kitaab nahin hai। aadha-aadha bhi ho na sake, poora aadha sukhdhaam phir poora aadha duhkhadhaam। yeh hai patit duniya vicious aur woh hai vaais-les।

baap kitna oonch te oonch hai, parantu kitna saadhaaran hai। koi bade aadmi officers aadi se milte hain to unko kitna regard dete hain। patit duniya mein patit manushya hi patiton ka deedaar karte hain। paavan to hain hi gupta। baahar se dikhaai kuchh nahin padta hai। baap ko kaha jaata hai knowledgeful, blissful। sab baaten baap mein full hain isliye unko gyaan ka saagar kaha jaata hai। har ek manushya ke position ki mahima alag-alag hai। vajeer ko vajeer, prime minister ko prime minister kahenge। yeh phir hai oonch te oonch bhagwan। sabse bada position hai niraakaar baap ka, jiske ham sab bachche hain। vahaan ham sab baap ke saath paramdham mein rehte hain। woh hai ghar। yahaan sabko apna-apna part mila hua hai। koi ek janma ka bhi part bajaakar vaapas chale jaate hain। baap samjhaate hain yeh manushya srishti ka variety jhaad hai। ek na mile doosre se। aatma to ek jaisi hai। baaki shareer ek na mile doosre se। naatak bhi dikhaate hain, jismen ek jaisi do shakla banaate hain, jismen moonjh jaate hain ki pata nahin hamaara pati yeh hai ya yeh? yeh to behad ka khel hai। ismen ek na mile doosre se। har ek ke features alag-alag hain। aayu bhal ek jaisi ho parantu features ek jaise ho na saken। har janma mein features badalte jaate hain। kitna bada behad ka naatak hai। to unko jaanna chaahiye na। saare srishti ke aadi-madhya-ant ka gyaan tumhaari buddhi mein hai। har ek ka drama mein jo part hai, vahi bajaayenge। drama mein koi replace ho nahin sakta। behad ka drama hai na। janma lete rehte hain। sabke features alag-alag hain। kitne variety features hain। yeh knowledge saari buddhi se samajhne ki hai। koi kitaab aadi hai nahin। geeta ka bhagwan haath mein geeta le aata hai kya? woh to gyaan ka saagar hai, pustak thode hi le aaya। pustak to bhaktimaarga mein bante hain। to yeh sab drama mein noondh hai। ek second na mile doosre se। tum bachchon ko to sab samjha diya hai। chakra poora ho phir naye sir shuru hoga। abhi tum padh rahe ho। baap ko bhi tum jaan gaye ho। rachna ko bhi jaan gaye ho। mool vatan se yahaan aate ho part bajaane। stage kitni badi hai, inka koi maap nahin ho sakta। koi bhi pahunch nahin sakte। saagar aur aakaash ka koi ant nahin pa sakte isliye beanta gaaya jaata hai। aage itni koshish nahin karte the, abhi koshish karte hain। science bhi abhi hai, phir kab shuru hogi? jab unhon ka part hoga। to itni yeh sab baaten shaastron mein thode hi hain। sunaane vaale ke badle sunne vaale ka naam daal diya hai। yeh kaali aatma, woh gori aatma। kaali aatma inke dvaara sunkar gori bani hai। knowledge se kitna oonch pad milta hai।

yeh hai geeta paathshaala। kaun padhaate hain? bhagwan raajayog sikhaate hain amarpuri ke liye isliye isko amraktha bhi kaha jaata hai। zaroor sangamayug par hi sunaai hogi। jinhonne kalpa pahle padha hai, vahi aakar phir padhenge aur nambarvaar pad paayenge। tum yahaan kitne baar aaye ho? anginat। koi poochhe yeh naatak kab shuru hua hai? tum kahenge yeh to anaadi chala aa raha hai। ginti ki baat ho nahin sakti, poochhne ka khyaal bhi nahin aata।

shaastron mein sabhi hain bhakti maarga ki kahaaniyaan, jo padhte rehte hain। yahaan to anek bhaashaayen hain, satayug mein anek bhaashaayen aadi hoti nahin। ek dharma, ek bhaasha, ek raajya ki tum sthaapna kar rahe ho। ve log to shanti sthaapan karne ki raay dene vaalon ko prize dete rehte hain। shivbaaba tumko saare vishwa mein shanti sthaapan karne ki raay dete hain। unko tum kya prize denge? woh to aur hi tumko prize dete hain। lete nahin। yeh samajhne ki baaten hain। kal ki baat hai, jabki inhon ka raajya tha। abhi to rahne ki jagah nahin hai। vahaan to do-teen manzil banaane ki bhi darkaar nahin rehti। lakde aadi ki darkaar nahin। vahaan to sone-chaandi ke makaan hote hain। science ke jor se jhat makaan ban jaate hain। yahaan to science se sukh bhi hai, duhkh bhi hai। isse saari duniya khalaas ho jaayegi, isko kaha jaata hai fall oph Pompey। maaya ka kitna pomp hai। saahookaaron ke liye to jaise svarga hai isliye woh tumhaari baat bhi nahin sunte। aage tum bhi nahin jaante the। yahaan to baap aakar direct tumko padhaate hain। baahar mein to phir bhi bachche padhaate hain। mitra sambandhi aadi bhi yaad aate rehte hain। yahaan to baap baith samjhaate hain। din-pratidin tum yaad ki yaatra mein pakke hote jaayenge। phir tumko kuchh bhi yaad nahin aayega। sirf ghar aur raajdhaani yaad aayegi। phir yeh naukri aadi yaad nahin aayegi। marenge aise jaise baithe-baithe heartfail hote hain। duhkh ki baat nahin। hospital aadi to kuchh bhi nahin honge। baap ko jaan liya aur svarga ke maalik banen। tumhaara to hak hai, sabka nahin kyonki svarga mein sab to nahin aayenge na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani panda ban sabko roohaani ghar ka raasta bataana hai। gyaan aur yog ke astra-shastra se saare vishwa par raajya karna hai। double ahinsak banna hai।

2) 84 janmon ka all-round part bajaane vaalon ko abhi all-rounder banna hai। sab kaam karne hain। behad ke variety drama mein har ek actor ka part dekhte hue harshit rehna hai।

vardaan:- avinaashi umang-utsaah dvaara toophaan ko tohpha banaane vaale shreshtha brahman aatma bhav

umang-utsaah hi braahmanon ki udti kala ke pankh hain। inheen pankhon se sada udte raho। yeh umang-utsaah aap braahmanon ke liye bade se badi shakti hai। neeras jeevan nahin hai। umang-utsaah ka ras sada hai। umang-utsaah mushkil ko bhi sahaj kar deta hai, ve kabhi dilshikasta nahin ho sakte। utsaah toofaan ko tohpha bana deta hai, utsaah kisi bhi pareeksha va samasya ko manoranjan anubhav karaata hai। aise avinaashi umang-utsaah mein rahne vaale hi shreshtha brahman hain।

slogan:- shanti ki vaasdhoop jagaakar rakho to ashaanti ki baans samaapta ho jaayegi।