शुक्रवार 25 अक्टूबर 2024 की दैनिक मुरली

25-10-2024 praatahmurli om shanti "baapdaada"' madhuban

“meethe bachche - baap ki ek nazar milne se saare vishwa ke manushya-maatra nihaal ho jaate hain, isliye kaha jaata hai nazar se nihaal…''

prashn:- tum bachchon ki dil mein khushi ke nagaade bajne chaahiye - kyon?

uttar:- kyonki tum jaante ho - baba aaya hai sabko saath le jaane। ab ham apne baap ke saath ghar jaayenge। haahaakaar ke baad jayjaykaar hone vaali hai। baap ki ek nazar se saare vishwa ko mukti-jeevanmukti ka varsa milne vaala hai। saari vishwa nihaal ho jaayegi।

om shanti। roohaani shivbaaba baith apne roohaani bachchon ko samjhaate hain। yeh to jaante ho ki teesra netra bhi hota hai। baap jaante hain saari duniya ki jo bhi aatmaayen hain, sabko main varsa dene aaya hoon। baap ki dil mein to varsa hi yaad hoga। laukik baap ki bhi dil mein varsa hi yaad hoga। bachchon ko varsa denge। bachcha nahin hota hai to moonjhate hain, kisko den। phir adopt kar lete hain। yahaan to baap baithe hain, inki to saare duniya ki jo bhi aatmaayen hain, sab taraph nazar jaati hai। jaante hain sabko mujhe varsa dena hai। bhal baithe yahaan hain parantu nazar saare vishwa par aur saare vishwa ke manushya maatra par hai kyonki saare vishwa ko hi nihaal karna hota hai। baap samjhaate hain yeh hai purooshottam sangamayug। tum jaante ho baba aaya hua hai sabko shantidham, sukhdhaam le jaane। sab nihaal ho jaane vaale hain। drama ke plan anusaar kalpa-kalpa nihaal ho jaayenge। baap sab bachchon ko yaad karte hain। nazar to jaati hai na। sab nahin padhenge। drama plan anusaar sabko vaapis jaana hai kyonki naatak poora hota hai। thoda aage chalenge to khud bhi samajh jaayenge ab vinaash hota hai। ab nai duniya ki sthaapna honi hai kyonki aatma to phir bhi chaitanya hai na। to buddhi mein aa jaayega - baap aaya hua hai। paradise sthaapan hoga aur ham shantidham mein chale jaayenge। sabki gati hogi na। baaki tumhaari sadgati hogi। abhi baba aaya hua hai। ham svarga mein jaayenge। jayjaykaar ho jaayegi। abhi to bahut haahaakaar hai। kahaan akaal pad raha hai, kahaan ladaai chal rahi hai, kahaan bhookampa hote hain। hajaaron marte rehte hain। maut to hona hi hai। satayug mein yeh baaten hoti nahin। baap jaante hain ab main jaata hoon phir saare vishwa mein jayjaykaar ho jaayegi। main bhaarat mein hi jaaoonga। saare vishwa mein bhaarat jaise gaanv hai। baba ke liye to gaanv thahra। bahut thode manushya honge। satayug mein saari vishwa jaise ek chhota gaanv tha। abhi to kitni vriddhi ho gai hai। baap ki buddhi mein to sab hai na। ab is shareer dvaara bachchon ko samjha rahe hain। tumhaara purooshaartha vahi chalta hai jo kalpa-kalpa chalta hai। baap bhi kalpa vriksha ka beejroop hai। yeh hai corporeal jhaad। oopar mein hai incorporeal jhaad। tum jaante ho yeh kaise bana hua hai। yeh samajh aur koi manushya mein nahin hai। besmajh aur samajhdaaron ka farka dekho। kahaan samajhdaar svarga mein raajya karte the, unko kaha hi jaata hai sachkhanda, heaven।

abhi tum bachchon ko andar mein badi khushi honi chaahiye। baba aaya hua hai, yeh puraani duniya to zaroor badlegi। jitna-jitna jo purooshaartha karenge, utna pad paayenge। baap to padha rahe hain। yeh tumhaari school to bahut vriddhi ko paati rahegi। bahut ho jaayenge। sabka school ikattha thode hi hoga। itne rahenge kahaan। tum bachchon ko yaad hai - abhi ham jaate hain sukhdhaam। jaise koi bhi vilaayat mein jaate hain to 8-10 varsha jaakar rehte hain na। phir aate hain bhaarat mein। bhaarat to gareeb hai। vilaayat vaalon ko yahaan sukh nahin aayega। vaise tum bachchon ko bhi yahaan sukh nahin hai। tum jaante ho ham bahut oonchi padhaai padh rahe hain, jisse ham svarga ke maalik devta bante hain। vahaan kitne sukh honge। us sukh ko sabhi yaad karte hain। yeh gaanv (kaliyug) to yaad bhi nahin aa sakta, inmen to athaah duhkh hain। is raavan raajya, patit duniya mein aaj aparmaapaar duhkh hain kal phir aparmaapaar sukh honge। ham yog-bal se athaah sukh vaali duniya sthaapan kar rahe hain। yeh raajayog hai na। baap khud kehte hain main tumko raajaaon ka raaja banaata hoon। to aisa banaane vaale teacher ko yaad karna chaahiye na। teacher bigar barrister, engineer aadi thode hi ban sakte hain। yeh phir hai nai baat। aatmaon ko yog lagaana hai paramatma baap ke saath, jisse hi bahut samay alag rahe hain। bahukaal kya? woh bhi baap aapehi samjhaate rehte hain। manushya to laakhon varsha aayu kah dete hain। baap kehte hain - nahin, yeh to har 5 hazaar varsha baad tum jo pahle-pahle bichhude ho vahi aakar baap se milte ho। tumko hi purooshaartha karna hai। meethe-meethe bachchon ko koi takleeph nahin dete hain, sirf kehte hain apne ko aatma samjho। jeev aatma hai na। aatma avinaashi hai, jeev vinaashi hai। aatma ek shareer chhod doosra leti hai, aatma kabhi puraani nahin hoti hai। wonder hai na। padhaane vaala bhi wonderful, padhaai bhi wonderful hai। kisko bhi yaad nahin, bhool jaati hai। aage janma mein kya padhte the, kisko yaad hai kya? is janma mein tum padhte ho, result nai duniya mein milti hai। yeh sirf tum bachchon ko pata hai। yeh yaad rehna chaahiye - abhi yeh purooshottam sangamayug hai, ham nai duniya mein jaane vaale hain। yeh yaad rahe to bhi tumko baap ki yaad rahegi। yaad ke liye baap anek upaay bataate hain। baap bhi hai, teacher bhi hai, satguru bhi hai। teenon roop mein yaad karo। kitni yuktiyaan de rahe hain yaad karne ki। parantu maaya bhula deti hai। baap jo nai duniya sthaapan karte hain, baap ne hi bataaya hai yeh purooshottam sangamayug hai, yeh yaad karo phir bhi yaad kyon nahin kar sakte ho! yuktiyaan batlaate hain yaad ki। phir saath-saath kehte bhi hain maaya badi dushtar hai। ghadi-ghadi tumko bhulaayegi aur deh-abhimaani bana degi isliye jitna ho sake yaad karte raho। uthte-baithte, chalte-phirte deh ke badle apne ko dehi samjho। yeh hai mehnat। knowledge to bahut sahaj hai। sab bachche kehte hain yaad thaharti nahin। tum baap ko yaad karte ho, maaya phir apni taraph kheench leti hai। is par hi yeh khel bana hua hai। tum bhi samajhte ho hamaara buddhiyog jo baap ke saath aur padhaai ki subject mein hona chaahiye, woh nahin hai, bhool jaate hain। parantu tumhein bhoolna nahin chaahiye। vaastav mein in chitron ki bhi darkaar nahin hai। parantu padhaane samay kuchh to aage chaahiye na। kitne chitra bante rehte hain। paandav government ke plan dekho kaise hain। us government ke bhi plan hain। tum samajhte ho nai duniya mein sirf bhaarat hi tha, bahut chhota tha। saara bhaarat vishwa ka maalik tha। everything new hoti hai। duniya to ek hi hai। actors bhi vahi hain, chakra phirta jaata hai। tum ginti karenge, itne second, itne ghante, din, varsha poore hue phir chakra phirta rahega। aajkal karte-karte 5 hazaar varsha poore ho gaye hain। sab scene-scenery, khelpaal hote aate hain। kitna bada behad ka jhaad hai। jhaad ke patte to gin nahin sakte hain। yeh jhaad hai। iska foundation devi devta dharma hai, phir yeh teen tubes (dharma) mukhya nikle hue hain। baaki jhaad ke patte to kitne dher hain। koi ki taakat nahin jo ginti kar sake। is samay sab dharmon ke jhaad vriddhi ko pa chuke hain। yeh behad ka bada jhaad hai। yeh sab dharma phir nahin rahenge। abhi saara jhaad khada hai baaki foundation hai nahin। banyan tree ka misaal bilkul accurate hai। yeh ek hi wonderful jhaad hai, baap ne drishtaanta bhi drama mein yeh rakha hai samjhaane ke liye। foundation hai nahin। to yeh samajh ki baat hai। baap ne tumko kitna samajhdaar banaaya hai। abhi devta dharma ka foundation hai nahin। baaki kuchh nishaaniyaan hain - aate mein namak। praayah yeh nishaaniyaan baaki rahi hain। to bachchon ki buddhi mein yeh saara gyaan aana chaahiye। baap ki bhi buddhi mein knowledge hai na। tumko bhi saara knowledge de aapasmaan bana rahe hain। baap beejroop hai aur yeh ulta jhaad hai। yeh bada behad ka drama hai। abhi tumhaari buddhi oopar chali gai hai। tumne baap ko aur rachna ko jaan liya hai। bhal shaastron mein hai rishi-muni kaise jaanenge। ek bhi jaanta ho to parampara chale। darkaar hi nahin। jabki sadgati ho jaati hai, beech mein koi bhi vaapas nahin ja sakta। naatak poora ho tab tak sab actors yahaan hone hain, jab tak baap yahaan hai, jab vahaan bilkul khaali ho jaayenge tab to shivbaaba ki baraat jaayegi। pahle se to nahin jaakar baithenge। to baap saari knowledge baith dete hain। yeh world ka chakra kaise repeat hota hai। satayug, treta, dvaapar, kaliyug...... phir sangam hota hai। gaayan hai parantu sangamayug kab hota hai, yeh kisko pata nahin hai।

tum bachche samajh gaye ho - 4 yug hain। yeh hai leap yug, inko midget kaha jaata hai। shreekrishna ko bhi midget dikhaate hain। to yeh hai knowledge। knowledge ko mod-todkar bhakti mein kya bana diya hai। gyaan ka saara soot moonjha hua hai। unko samjhaane vaala to ek hi baap hai। praacheen raajayog sikhlaane liye vilaayat mein jaate hain। woh to yeh hai na। praacheen arthaat pahla। sahaj raajayog sikhlaane baap aaye hain। kitna attention rehta hai। tum bhi attention rakhte ho ki svarga sthaapan ho jaae। aatma ko yaad to aata hai na। baap kehte hain yeh knowledge jo main abhi tumko deta hoon phir main hi aakar doonga। yeh nai duniya ke liye naya gyaan hai। yeh gyaan buddhi mein rahne se khushi bahut hoti hai। baaki thoda time hai। ab chalna hai। ek taraph khushi hoti hai doosre taraph phir feel bhi hota hai। are, aisa meetha baba ham phir kalpa baad dekhenge। baap hi bachchon ko itna sukh dete hain na। baap aate hi hain - shanti-dhaam-sukhdhaam mein le jaane। tum shantidham-sukhdhaam ko yaad karo to baap bhi yaad aayega। is duhkhadhaam ko bhool jaao। behad ka baap behad ki baat sunaate hain। puraani duniya se tumhaara mamatva nikalta jaayega to khushi bhi hogi। tum return mein phir sukhdhaam mein jaate ho। satopradhaan bante jaayenge। kalpa-kalpa jo bane hain vahi banenge aur unko hi khushi hogi phir yeh puraana shareer chhod denge। phir naya shareer lekar satopradhaan duniya mein aayenge। yeh knowledge khalaas ho jaayegi। baaten to bahut sahaj hain। raat ko sote samay aise-aise simran karo to bhi khushi rahegi। ham yeh ban rahe hain। saare din mein hamne koi shaitaani to nahin ki? 5 vikaaron se koi vikaar ne hamko sataaya to nahin? lobh to nahin aaya? apne oopar jaanch rakhni hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogbal se athaah sukhon vaali duniya sthaapan karni hai। is duhkh ki puraani duniya ko bhool jaana hai। khushi rahe ki ham sach khanda ke maalik ban rahe hain।

2) roz apni jaanch karni hai ki saare din mein koi vikaar ne sataaya to nahin? koi shaitaani kaam to nahin kiya? lobh ke vash to nahin hue?

vardaan:- vardaata dvaara sarvashreshtha sampatti ka vardaan praapta karne vaale sampattivaan bhav

kisi ke paas agar sirf sthool sampatti hai to bhi sada santushta nahin rah sakte। sthool sampatti ke saath agar sarva gunon ki sampatti, sarva shaktiyon ki sampatti aur gyaan ki shreshtha sampatti nahin hai to santushtata sada nahin rah sakti। aap sabke paas to yeh sab shreshtha sampattiyaan hain। duniya vaale sirf sthool sampatti vaale ko sampattivaan samajhte hain lekin vardaata baap dvaara aap bachchon ko sarva shreshtha sampattivaan bhav ka vardaan mila hua hai।

slogan:- sachchi saadhna dvaara haay-haay ko vaah-vaah mein parivartan karo।