शनिवार 26 अक्टूबर 2024 की दैनिक मुरली

26-10-2024 praatahmurli om shanti "baapdaada"' madhuban

“meethe bachche - sarvashaktimaan baap aaya hai tumhein shakti dene, jitna yaad mein rahenge utna shakti milti rahegi''

prashn:- is drama mein sabse achhe te achha part tum bachchon ka hai - kaise?

uttar:- tum bachche hi behad ke baap ke bante ho। bhagwan teacher bankar tumhein hi padhaate hain to bhaagyashaali hue na। vishwa ka maalik tumhaara mehmaan bankar aaya hai, woh tumhaare sahayog se vishwa ka kalyaan karte hain। tum bachchon ne bulaaya aur baap aaya, yahi hai do haath ki taali। abhi baap se tum bachchon ko saare vishwa par raajya karne ki shakti milti hai।

om shanti। meethe-meethe roohaani bachche roohaani baap ke saamne baithe hain। shikshak ke saamne bhi baithe hain aur yeh bhi jaante hain yeh baba guru ke roop mein aaye hain ham bachchon ko le jaane। baap bhi kehte hain - he roohaani bachchon, main aaya hoon tumko yahaan se le jaane। yeh puraani duniya ban gai hai aur yeh bhi jaante ho ki yeh duniya chhi-chhi hai। tum bachche bhi chhi-chhi ban gaye ho। apne ko aapehi kehte ho patit-paavan baba aakar ham patiton ko is duhkhadhaam se shantidham mein le jaao। abhi tum yahaan baithe rehte ho to yeh dil mein aana chaahiye। baap bhi kehte hain main tumhaare bulaave par, nimantran par aaya hoon। baap yaad dilaate hain barobar tum bulaate the na aao। abhi tumko smriti aai hai hamne bulaaya hai। ab baba aaye hue hain drama anusaar kalpa pahle misal। vo log plan banaate hain na। yeh bhi shivbaaba ka plan hai। is samay sabke apne-apne plan hain na। 5 varsha ka plan banaate hain, usmein yeh-yeh karenge, baaten dekho kaise aakar milti hain। aage yeh plan aadi nahin banaate the, abhi plan banaate rehte hain। tum bachche jaante ho hamaare baba ka plan yeh hai। drama ke plan anusaar 5 hajaar varsha pahle mainne yeh plan banaaya tha। tum meethe-meethe bachche jo yahaan bahut duhkhi ho gaye ho, veshyaalay mein pade ho, ab main aaya hoon tumko shivaalay mein le jaane। woh shantidham hai niraakaari shivaalay aur sukhdhaam hai saakaari shivaalay। to is samay baap tum bachchon ko refresh kar rahe hain। tum baap ke sammukh baithe ho na। buddhi mein nishchay to hai baba aaya hua hai। ‘baba' akshar bahut meetha hai। yeh bhi jaante ho ham aatmaayen us baap ke bachche hain phir part bajaane ke liye is baba ke bante hain। kitna samay tumko laukik baabaayen mile hain? satayug se lekar sukh aur duhkh ka part bajaaya hai। abhi tum jaante ho hamaara duhkh ka part poora hota hai, sukh ka part bhi poora 21 janma bajaaya hai। phir aadhaakalpa duhkh ka part bajaaya। baba ne tumko smriti dilaai hai, baba poochhte hain barobar aise hai na। ab phir tumko aadhaakalpa sukh ka part bajaana hai। is gyaan se tumhaari aatma bharpoor rehti hai phir khaali ho jaati hai। phir baap bharpoor karte hain, tumhaare gale mein vijay maala padi hai। gale mein gyaan ki maala hai। barobar ham chakra lagaate rehte hain। satayug, treta, dvaapar, kaliyug phir aate hain is sweet sangam par। inko sweet kahenge। shantidham koi sweet nahin hai। sabse sweet hai purooshottam kalyaankaari sangamayug। drama mein tumhaara bhi achhe te achha part hai। tum kitne lucky ho। behad ke baap ke tum bante ho। woh aakar tum bachchon ko padhaate hain। kitni oonch, kitni sahaj padhaai hai। kitna tum dhanvaan bante ho, ismen koi mehnat nahin karni padti। doctor, engineer aadi kitni mehnat karte hain, tumko to varsa milta hai, baap ki kamaai par bachche ka hak hota hai na। tum yeh padhkar 21 janmon ki sachchi kamaai karte ho। vahaan tumko koi ghaata nahin padta hai jo baap ko yaad karna pade, inko hi ajpaajaap kaha jaata hai।

tum jaante ho baba aaya hua hai। baap bhi kehte hain main aaya hoon, donon haath ki taali bajegi na। baap kehte hain mujhe yaad karo to janma-janmaantar ke paap bhasma ho jaayen। 5 vikaaron roopi raavan ne tumko paap aatma banaaya hai phir punya aatma bhi banna hai, yeh buddhi mein aana chaahiye। ham baap ki yaad se pavitra bankar phir ghar jaayenge, baap ke saath। phir is padhaai se hamko might milti hai। devi-devta dharma ke liye kaha jaata hai religion is might। baap to hai sarvashaktimaan। to baba se hamko vishwa mein shanti sthaapan karne ki taakat milti hai। woh baadshaahi hamse koi chheen na sake। itni taakat milti hai। raajaaon ke haath mein dekho kitni taakat aa jaati hai। kitna unse darte hain। ek raaja ki kitni praja, lashkar aadi hota hai parantu woh hai alpakaal ki taakat। yeh phir hai 21 janmon ki taakat। abhi tum jaante ho hamko sarvashaktimaan baap se taakat milti hai vishwa par raajya karne ki। love to rehta hai na। devtaayen practical mein nahin hain to bhi kitna lav rehta hai। jab sammukh honge to praja ka kitna lav hoga। yaad ki yaatra se yeh sab tum taakat le rahe ho। yeh baaten bhoolo nahin। yaad karte-karte tum bahut taakat vaale ban jaate ho। sarvashaktimaan aur koi ko nahin kaha jaata। sabko shakti milti hai, is samay koi mein shakti nahin hai, sab tamopradhaan hain। phir sabhi aatmaon ko ek se hi shakti mil jaati hai phir apni raajdhaani mein aakar apna-apna part bajaate hain। apna hisaab-kitaab chuktu kar phir aise hi nambarvaar shaktimaan bante hain। pahle number mein hai in devtaaon mein shakti। yeh lakshmi-naaraayan barobar saare vishwa ke maalik the na। tumhaari buddhi mein saara srishti ka chakra hai। jaise tumhaari aatma mein yeh knowledge hai, vaise baba ki aatma mein bhi saari knowledge hai। abhi tumko gyaan de rahe hain। drama mein part bhara hua hai jo repeat hota rehta hai। phir woh part 5 hajaar varsha ke baad repeat hoga। yeh bhi tum bachche jaante ho। tum satayug mein raajya karte ho to baap retired life mein rehte hain phir kab stage par aate hain? jab tum duhkhi hote ho। tum jaante ho unke andar saara record bhara hua hai। kitni chhoti aatma hai, unmein kitni samajh rehti hai। baap aakar kitni samajh dete hain। phir vahaan satayug mein yeh sab bhool jaate ho। satayug mein tumko yeh knowledge hoti nahin। vahaan tum sukh bhogte rehte ho। yeh bhi abhi tum samajhte ho, satayug mein ham so devta ban sukh bhogte hain। abhi ham so brahman hain। phir so devta ban rahe hain। yeh gyaan buddhi mein achhi reeti dhaaran karna hai। kisko samjhaane mein khushi hoti hai na। tum jaise praan daan dete ho। kehte hain na kaal aakar sabko le jaate hain। kaal aadi koi hai nahin। yeh to bana-banaaya drama hai। aatma kehti hai main ek shareer chhod chala jaata hoon phir doosra leta hoon। mujhe koi kaal nahin khaata। aatma ko feeling aati hai। aatma jab garbha mein rehti hai to saakshaatkaar kar duhkh bhogti hai। andar saja bhogti hai isliye unko kaha jaata hai garbha jel। kitna yeh wonderful drama bana hua hai। garbha jel mein sajaayen khaate apna saakshaatkaar karte rehte hain। saja kyon mili? saakshaatkaar to karaayenge na - yeh-yeh bekaayde kaam kiya hai, inko duhkh diya hai। vahaan sab saakshaatkaar hote hain phir bhi baahar aakar paap aatma ban jaate hain। sabhi paap bhasma kaise honge? so to bachchon ko samjhaaya hai - is yaad ki yaatra se aur svadarshan chakra phiraane se tumhaare paap katte hain। baap kehte bhi hain - meethe-meethe svadarshan chakradhaari bachchon, tum 84 ka yeh svadarshan chakra phiraayenge to tumhaare janma-janmaantar ke paap kat jaayenge। chakra ko bhi yaad karna hai, kisne yeh gyaan diya, unko bhi yaad karna hai। baba hamko svadarshan chakradhaari bana rahe hain। banaate to hain parantu phir roz-roz naye aate hain to unhon ko refresh karna hota hai। tumko saara gyaan mila hai, abhi tum jaante ho ham yahaan aaye hain part bajaane। 84 ka chakra lagaaya ab phir vaapis jaana hai। aise chakra phiraate rehte ho? baap jaante hain bachche bahut bhool jaate hain। chakra phiraane mein koi takleeph nahin hai, phursat to bahut milti hai। pichhaadi mein tumhaari yeh svadarshan chakradhaari ki avastha rahegi। tumko aisa banna hai। sannyaasi log to yeh shiksha de nahin sakte। svadarshan chakra ko khud guru log hi jaante nahin hain। woh to sirf kahenge chalo ganga ji par। kitne snaan karte hain! bahut snaan karne se gurooon ki aamadni hoti hai। ghadi-ghadi yaatra par jaate hain। ab us yaatra aur is yaatra mein pharka dekho kitna hai। yeh yaatra woh sab yaatraayen chhuda deti hai। yeh yaatra kitni sahaj hai। chakra bhi phiraao। geet bhi hai na - chaaron taraph lagaaye phere phir bhi hardam door rahe। behad ke baap se door rahe। yeh tumko mahsoosta aati hai। vo log is arth ko nahin jaante। abhi tum jaante ho bahut phere lagaate rahe। abhi in pheron se tum chhoot gaye ho। phere lagaate koi nazdeek nahin aaye ho aur hi door hote gaye।

abhi drama plan anusaar baap ko hi aana padta hai, sabko saath le jaane। baap kehte hain meri mat par tumko chalna hi hai, pavitra banna hai। is duniya ko dekhte hue nahin dekhna hai। jab tak naya makaan bankar taiyaar ho jaae tab tak puraane mein rehna padta hai। baap sangam par hi aate hain varsa dene। behad ke baap ka hai behad ka varsa। bachche jaante hain baap ka varsa hamaara hai। us khushi mein rehte hain। apni kamaai bhi karte hain aur baap ka varsa bhi milta hai। tumko to varsa hi milta hai। vahaan tumko pata nahin padega svarga ka varsa hamko kaise mila। vahaan to tumhaari life bahut sukhi rehti hai kyonki tum baap ko yaad kar might lete ho। paap kaatne vaala patit-paavan ek hi baap hai। baap ko yaad karne aur svadarshan chakra ko phiraane se hi tumhaare paap katte hain। yeh achhi reeti note karo। yahi samjhaana bas hai। aage chal tumko teek-teek nahin karni padegi। ek ishaara hi bas hai। behad ke baap ko yaad karo to tumhaare paap kat jaayenge। tum nar se naaraayan, naari se lakshmi banne aate ho। yeh to yaad hai na। aur koi ki bhi buddhi mein yeh baat nahin aati। yahaan tum aate ho, buddhi mein hai ham jaate hain baapdaada ke paas। unse nai duniya svarga ka varsa lene।

baap kehte hain svadarshan chakradhaari banne se tumhaare vikarma vinaash ho jaayenge। ab jo tumhaari jeevan heere jaisi banaate hain unko dekho। yeh bhi tum samajhte ho - ismen dekhne ki koi baat nahin। yeh tum divya drishti dvaara jaante ho। aatma hi padhti hai is shareer dvaara - yeh gyaan abhi mila hai। ham jo karma karte hain, aatma hi shareer lekar karma karti hai। baba ko bhi padhaana hai, unka naam to sadaiv shiv hi hai। shareer ke naam badalte hain। yeh shareer to hamaara nahin hai। yeh inki milkiyat hai। shareer aatma ki mil-kiyat hoti hai, jisse part bajaati hai। yeh to bilkul sahaj samajh ki baat hai। aatma to sabmen hai, sabke shareer ka naam alag-alag padta hai। yeh phir hai param aatma, supreme aatma। oonch te oonch hai। abhi tum samajhte ho bhagwan to ek hai creator। baaki sab hain rachna part bajaane vaale। yeh bhi jaan gaye ho kaise aatmaayen aati hain, pahle-pahle aadi sanaatan devi-devta dharma ki aatmaayen rehti hain thodi। phir pichhaadi mein laayak bante hain pahle aane ke liye। yeh srishti chakra ki jaise maala hai jo phirti rehti hai। maala ko tum phiraate ho to sab daanon ka chakra phirta hai na। satayug mein bhakti jara bhi nahin hoti। baap ne samjhaaya hai - he aatmaayen, maamekam yaad karo। tumko ghar zaroor lautna hai, vinaash saamne khada hai। yaad se hi paap katenge aur phir sajaayen khaane se bhi chhoot jaayenge। martaba bhi achha paayenge। nahin to sajaayen bahut khaani padengi। main tum bachchon ke paas kitna achha mehmaan hoon। main saare vishwa ko change karta hoon, puraane vishwa ko naya bana deta hoon। tum bhi jaante ho baba kalpa-kalpa aakar vishwa ko change kar puraane vishwa ko naya bana dete hain। yeh vishwa naye se puraani, puraani se nai hoti hai na। tum is samay chakra phiraate rehte ho। baap ki buddhi mein gyaan hai, varnan karte hain tumhaari buddhi mein bhi hai chakra kaise phirta hai। tum jaante ho baba aaya hua hai, unki shreemat par ham paavan bante hain। yaad se hi paavan bante jaayenge phir oonch pad paayenge। purooshaartha bhi karaana zaroori hai। purooshaartha karaane ke liye kitne chitra aadi banaate hain। jo aate hain unko tum 84 ke chakra par samjhaate ho। baap ko yaad karne se tum patit se paavan ban jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ko buddhi mein achhi reeti dhaaran kar anek aatmaon ko praan daan dena hai, svadarshan chakradhaari banna hai।

2) is sweet sangam par apni kamaai ke saath-saath baap ki shreemat par chal poora varsa lena hai। apni life sada sukhi banaani hai।

vardaan:- sarva vardaanon ko samay par kaarya mein lagaakar phaleebhoot banaane vaale phal swaroop bhav

baapdaada dvaara samay prati samay jo bhi vardaan mile hain, unhein samay par kaarya mein lagaao। sirf vardaan sunkar khush nahin ho ki aaj bahut achha vardaan mila। vardaan ko kaam mein lagaane se vardaan kaayam rehte hain। vardaan to avinaashi baap ke hain lekin use phaleebhoot karna hai। iske liye vardaan ko baar-baar smriti ka paani do, vardaan ke swaroop mein sthit hone ki dhoop do to vardaanon ke phal swaroop ban jaayenge।

slogan:- visheshtaayen prabhu prasaad hain, inhen seva mein lagaao, baanton aur badhaao।