गुरुवार 24 अक्टूबर 2024 की दैनिक मुरली

24-10-2024 praatahmurli om shanti "baapdaada"' madhuban

“meethe bachche - behad ki apaar khushi ka anubhav karne ke liye har pal baba ke saath raho''

prashn:- baap se kin bachchon ko bahut-bahut taakat milti hai?

uttar:- jinhen nishchay hai ki ham behad vishwa ka parivartan karne vaale hain, humein behad vishwa ka maalik banna hai। humein padhaane vaala svayan vishwa ka maalik baap hai। aise bachchon ko bahut taakat milti hai।

om shanti। meethe-meethe roohaani bachchon ko va aatmaon ko roohaani baap parampita paramatma baith padhaate hain aur samjhaate hain kyonki bachche hi paavan bankar svarga ke maalik banne vaale hain phir se। saare vishwa ka baap to ek hi hai। yeh bachchon ko nishchay hota hai। saare vishwa ka baap, sabhi aatmaon ka baap tum bachchon ko padha rahe hain। itna dimaag mein baithta hai? kyonki dimaag hai tamopradhaan, lohe ka bartan, iron aged। dimaag aatma mein hota hai। to itna dimaag mein baithta hai? itni taakat milti hai samajhne ki ki barobar behad ka baap hamko padha rahe hain, ham behad vishwa ko palatte hain। is samay behad srishti ko dozak kaha jaata hai। yeh jaante ho ya samajhte ho gareeb dozak mein hain baaki sanyaasi, saahookaar, bade martabe vaale bahishta mein hain? baap samjhaate hain is samay jo bhi manushyamaatra hain sab dozak mein hain। yeh sab samajhne ki baaten hain ki aatma kitni chhoti hai। itni chhoti aatma mein saari knowledge thaharti nahin hai ya bhula dete ho? vishwa ki sarva aatmaon ka baap tumhaare sammukh baith tumko padha rahe hain। saara din buddhi mein yeh yaad rehta hai ki barobar baba hamaare saath yahaan hai? kitna samay baithta hai? ghanta, aadha ghanta ya saara din? yeh dimaag mein rakhne ki bhi taakat chaahiye। eeshvar parampita paramatma tumko padhaate hain। baahar mein jab apne gharon mein rehte ho to vahaan saath nahin hai। yahaan practical mein tumhaare saath hai। jaise koi ka pati baahar mein, patni yahaan hai to aise thode hi kahegi ki hamaare saath hai। behad ka baap to ek hi hai। baap sabmen to nahin hai na। baap zaroor ek jagah baithta hoga। to yeh dimaag mein aata hai ki behad ka baap hamko nai duniya ka maalik banaane ke laayak bana rahe hain? dil mein itna apne ko laayak samajhte ho ki ham saare vishwa ke maalik banne vaale hain? ismen to bahut khushi ki baat hai। isse jaasti khushi ka khajaana to koi ko milta nahin। abhi tumko maaloom pada hai yeh banne vaale hain। yeh devtaayen kahaan ke maalik hain, yeh bhi samajhte ho। bhaarat mein hi devtaaen hokar gaye hain। yeh to saare vishwa ka maalik banne vaale hain। itna dimaag mein hai? woh chalan hai? woh baatcheet karne ka dhang hai, woh dimaag hai? koi baat mein jhat gussa kar diya, kisko nuksaan pahunchaaya, kiski glaani kar di, aisi chalan to nahin chalte? satayug mein yeh kabhi koi ki glaani thode hi karte hain। vahaan glaani ke chhi-chhi khyaalaat vaale honge hi nahin। baap to bachchon ko kitna jor se uthaate hain। tum baap ko yaad karo to paap kat jaayenge। tum haath uthaate ho parantu tumhaari aisi chalan hai? baap baith padhaate hain, yeh dimaag mein jor se baithta hai? baba jaante hain bahuton ka nasha sodawater ho jaata hai। sabko itni khushi ka paara nahin chadhta hai। jab buddhi mein baithe tab nasha chadhe। vishwa ka maalik banaane ke liye baap hi padhaate hain।

yahaan to sab hain patit, raavan sampradaay। katha hai na - raam ne bandaron ki sena li। phir yeh-yeh kiya। abhi tum jaante ho baba raavan par jeet pahnaakar lakshmi-naaraayan banaate hain। yahaan tum bachchon se koi poochhte hain, tum phat se kahenge hamko bhagwan padhaate hain। bhagvaanuvaach, jaise teacher kahenge ham tumko barrister athva phalaana banaate hain। nishchay se padhaate hain aur woh ban jaate hain। padhne vaale bhi nambarvaar hote hain na। phir pad bhi nambarvaar paate hain, yeh bhi padhaai hai। baba em object saamne dikha rahe hain। tum samajhte ho is padhaai se ham yeh banenge। khushi ki baat hai na। aai.si.S. padhne vaale bhi samjhenge - ham yeh padhkar phir yeh karenge, ghar banaayenge, aisa karenge। buddhi mein chalta hai। yahaan phir tum bachchon ko baap baith padhaate hain। sabko padhna hai, pavitra banna hai। baap se pratigya karni hai ki ham koi bhi apvitra karma nahin karenge। baap kehte hain agar koi ulta kaam kar liya to ki kamaai chat ho jaayegi। yeh mrityulok puraani duniya hai। ham padhte hain nai duniya ke liye। yeh puraani duniya to khatma ho jaani hai। circumstance bhi aise hain। baap hamko padhaate hi hain amarlok ke liye। saari duniya ka chakra baap samjhaate hain। haath mein koi bhi pustak nahin hai, orally hi baap samjhaate hain। pahli-pahli baat baap samjhaate hain - apne ko aatma nishchay karo। aatma bhagwan baap ka bachcha hai। parampita paramatma paramdham mein rehte hain। ham aatmaayen bhi vahaan rehti hain। phir vahaan se nambarvaar yahaan aate jaate hain part bajaane ke liye। yeh badi behad ki stage hai। is stage par pahle actors part bajaane bhaarat mein, nai duniya mein aate hain। yeh unhon ki activity hai। tum unki mahima bhi gaate ho। kya unhon ko multi-millionaire kahenge? un logon ke paas to anginat athaah dhan rehta hai। baap to aise kahenge na - yeh log, kyonki baap to behad ka hai। yeh bhi drama bana hua hai। to jaise shivbaaba ne inhon ko aisa saahookaar banaaya to bhaktimaarga mein phir unka (shiv ka) mandir banaate hain pooja ke liye। pahle-pahle unki pooja karte hain jisne poojya banaaya। baap roz-roz samjhaate to bahut hain, nasha chadhaane ke liye। parantu nambarvaar purooshaartha anusaar jo samajhte hain, woh service mein lage rehte hain to taaje rehte hain। nahin to baansi ho jaate hain। bachche jaante hain barobar yeh bhaarat mein raajya karte the to aur koi dharma nahin tha। deityism hi thi। phir baad mein aur-aur dharma aaye hain। abhi tum samajhte ho yeh srishti ka chakra kaise phirta hai। school mein em object to chaahiye na। satayug aadi mein yeh raajya karte the phir 84 ke chakra mein aaye hain। bachche jaante hain yeh hai behad ki padhaai। janma-janmaantar to had ki padhaai padhte aaye ho, ismen bada pakka nishchay chaahiye। saare srishti ko paltaane vaala, rejuvenate karne vaala arthaat narka ko svarga banaane vaala baap hamko padha rahe hain। itna zaroor hai muktidhaam to sab ja sakte hain। svarga mein to sabhi nahin aayenge। yeh ab tum jaante ho hamko baap is vishay saagar veshyaalay se nikaalte hain। abhi barobar veshyaalay hai। kab se shuru hota hai, yeh bhi tum jaan chuke ho। 2500 varsha hua jab yeh raavan raajya shuru hua hai। bhakti shuru hui hai। us samay devi-devta dharma vaale hi hain, woh vaam maarga mein aa gaye। bhakti ke liye hi mandir banaate hain। somnaath ka mandir kitna bada banaaya hua hai। history to suni hai। mandir mein kya tha! to us samay kitne dhanvaan honge! sirf ek mandir to nahin hoga na। history mein karke ek ka naam daala hai। mandir to bahut se raajaayen banaate hain। ek-do ko dekh pooja to sab karenge na। dher mandir honge। sirf ek ko to nahin loota hoga। doosre bhi mandir aaspaas honge। vahaan gaanv koi door-door nahin hote hain। ek-do ke najdeek hi hote hain kyonki vahaan train aadi to nahin hogi na। bahut najdeek ek-do ke rehte honge phir aahiste-aahiste srishti phailti jaati hai।

abhi tum bachche padh rahe ho। bade te bada baap tumko padhaate hain। yeh to nasha hona chaahiye na। ghar mein kabhi rona peetna nahin hai। yahaan tumko daivi gun dhaaran karne hain। is purooshottam sangamayug mein tum bachchon ko padhaaya jaata hai। yeh hai beech ka samay jabki tum change hote ho। puraani duniya se nai duniya mein jaana hai। abhi tum purooshottam sangamayug par padh rahe ho। bhagwan tumko padhaate hain। saari duniya ko paltaate hain। puraani duniya ko naya bana dete hain, jis nai duniya ka phir tumko maalik banna hai। baap baandha hua hai tumko yukti bataane ke liye। to phir tum bachchon ko bhi us par amal karna hai। yeh to samajhte ho ham yahaan ke rahne vaale nahin hain। tum yeh thode hi jaante the ki hamaari raajdhaani thi। abhi baap ne samjhaaya hai - raavan ke raajya mein tum bahut duhkhi ho। isko kaha hi jaata hai vikaari duniya। yeh devtaayen hain sampoorn nirvikaari। apne ko vikaari kehte hain। ab yeh raavan raajya kab se shuru hua, kya hua zara bhi kisko pata nahin hai। buddhi bilkul tamopradhaan hai। paarasbuddhi satayug mein the, to vishwa ke maalik the, athaah sukhi the। uska naam hi hai sukhdhaam। yahaan to athaah duhkh hain। sukh ki duniya aur duhkh ki duniya kaise hai - yeh bhi baap samjhaate hain। sukh kitna samay, duhkh kitna samay chalta hai, manushya to kuchh nahin jaante। tumhaare mein bhi nambarvaar samajhte rehte hain। samjhaane vaala to hai behad ka baap। shreekrishna ko behad ka baap thode hi kahenge। dil se lagta hi nahin। parantu kisko baap kahen - kuchh bhi samajhte nahin। bhagwan samjhaate hain meri glaani karte hain, main tumko devta banaata hoon, meri kitni glaani ki hai phir devtaaon ki bhi glaani kar di hai, itne moodhamti manushya ban pade hain। kehte hain bhaj govinda…। baap kehte hain - he moodhamti, govinda-govinda, raam-raam kehte buddhi mein kuchh aata nahin ki kisko bhajte hain। pattharbuddhi ko moodhamti hi kahenge। baap kehte hain ab main tumko vishwa ka maalik banaata hoon। baap sarva ka sadgati daata hai।

baap samjhaate hain tum apne parivaar aadi mein kitne phanse hue ho! bhagwan jo kehte hain woh to buddhi mein laana chaahiye parantu aasuri mat par hire hue hain to eeshvareey mat par chalen kaise! govinda kaun hai, kya cheej hai, woh bhi jaante nahin। baap samjhaate hain tum kahenge baba aapne anek baar humein samjhaaya hai। yeh bhi drama mein noondh hai, baba ham phir se aapse yeh varsa le rahe hain। ham nar se naaraayan zaroor banenge। student ko padhaai ka nasha zaroor rehta hai, ham yeh banenge। nishchay rehta hai। ab baap kehte hain tumko sarvagun sampanna banna hai। koi se krodh aadi nahin karna hai। devtaaon mein 5 vikaar hote nahin। shreemat par chalna chaahiye। shreemat pahle-pahle kehti hai apne ko aatma samjho। tum aatma paramdham se yahaan aai ho part bajaane, yeh tumhaara shareer vinaashi hai। aatma to avinaashi hai। to tum apne ko aatma samjho - main aatma paramdham se yahaan aai hoon part bajaane। abhi yahaan duhkhi hote ho tab kehte ho muktidhaam mein jaaven। parantu tumko paavan kaun banaaye? bulaate bhi ek ko hi hain, to woh baap aakar kehte hain - mere meethe-meethe bachchon apne ko aatma samjho, deh nahin samjho। main aatmaon ko baith samjhaata hoon। aatmaayen hi bulaati hain - he patit-paavan aakar paavan banaao। bhaarat mein hi paavan the। ab phir bulaate hain - patit se paavan banaakar sukhdhaam mein le chalo। shreekrishna ke saath tumhaari preet to hai। shreekrishna ke liye sabse jaasti vrat nem aadi kumaariyaan, maataayen rakhti hain। nirjal rehti hain। krishnapuri arthaat satayug mein jaayen। parantu gyaan nahin hai isliye bada hath aadi karte hain। tum bhi itna karte ho, koi ko sunaane ke liye nahin, khud krishnapuri mein jaane ke liye। tumko koi rokta nahin hai। vo log government ke aage fast aadi rakhte hain, hath karte hain - tang karne ke liye। tumko koi ke paas dharna maarkar nahin baithna hai। na koi ne tumko sikhaaya hai।

shreekrishna to hai satayug ka first prince। parantu yeh koi ko bhi pata nahin padta। shreekrishna ko woh dvaapar mein le gaye hain। baap samjhaate hain - meethe-meethe bachchon, bhakti aur gyaan do cheezen alag hain। gyaan hai din, bhakti hai raat। kiski? brahma ki raat aur din। parantu inka arth na samajhte hain guru, na unke chele। gyaan, bhakti aur vairaagya ka raaz baap ne tum bachchon ko samjhaaya hai। gyaan din, bhakti raat aur uske baad hai vairaagya। woh jaante nahin। gyaan, bhakti, vairaagya akshar accurate hai, parantu arth nahin jaante। abhi tum bachche samajh gaye ho, gyaan baap dete hain to usse din ho jaata hai। bhakti shuru hoti to raat kaha jaata hai kyonki dhakka khaana padta hai। brahma ki raat so braahmanon ki raat, phir hota hai din। gyaan se din, bhakti se raat। raat mein tum banvaas mein baithe ho phir din mein tum kitna dhanvaan ban jaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

apne dil se poochhna hai:-

1. baap se itna jo khushi ka khajaana milta hai woh dimaag mein baithta hai?

2. baba humein vishwa ka maalik banaane aaye hain to aisi chalan hai? baatcheet karne ka dhang aisa hai? kabhi kisi ki glaani to nahin karte?

3) baap se pratigya karne ke baad koi apvitra karma to nahin hota hai?

vardaan:- saakshi sthiti mein sthit ho paristhitiyon ke khel ko dekhne vaale santoshi aatma bhav

kaisi bhi hilaane vaali paristhiti ho lekin saakshi sthiti mein sthit ho jaao to anubhav karenge jaise puppet show (kathputli ka khel) hai। real nahin hai। apni shaan mein rehte hue khel ko dekho। sangamayug ka shreshtha shaan hai santushtamni banna va santoshi hokar rehna। is shaan mein rahne vaali aatma pareshaan nahin ho sakti। sangamayug par baap-daada ki vishesh den santushtata hai।

slogan:- aise khushnumah bano jo man ki khushi soorat se spashta dikhaai de।