मंगलवार 29 अक्टूबर 2024 की दैनिक मुरली

29-10-2024 praatahmurli om shanti "baapdaada"' madhuban

“meethe bachche - aatma se vikaaron ka kichda nikaal shuddh phool bano। baap ki yaad se hi saara kichda niklega''

prashn:- pavitra banne vaale bachchon ko kis ek baat mein baap ko follow karna hai?

uttar:- jaise baap param-pavitra hai woh kabhi apvitra kichde vaalon ke saath mixup nahin hota, bahut-bahut pod (pavitra) hai। aise aap pavitra banne vaale bachche baap ko follow karo, si no evil।

om shanti। baap baith bachchon ko samjhaate hain। hain to yeh donon baap। ek ko roohaani, doosre ko jismaani baap kahenge। shareer to donon ka ek hi hai to jaise ki donon baap samjhaate hain। bhal ek samjhaate hain, doosra samajhte hain phir bhi kahenge donon samjhaate hain। yeh jo itni chhoti-si aatma hai un par kitna mail chadha hua hai। mail chadhne se kitna ghaata pad jaata hai। yeh phaayda aur ghaata tab dekhne mein aata hai jabki shareer ke saath hai। tum jaante ho ham aatma jab pavitra banengi tab in lakshmi-naaraayan jaisa pavitra shareer milega। abhi aatma mein kitna mail chadha hua hai। jab madhu (shahad) nikaalte hain to unko chhaante hain। to kitni mail nikalti hai phir madhu shuddh alag ho jaati hai। aatma bhi bahut maili ho jaati hai। aatma hi kanchan thi, bilkul pavitra thi। shareer kaisa sundar tha। in lakshmi-naaraayan ka shareer dekho kitna sundar hai। manushya to shareer ko hi poojte hain na। aatma ki taraph nahin dekhte। aatma ki to pahchaan bhi nahin hai। pahle aatma sundar thi, chola bhi sundar milta hai। tum bhi abhi yeh banna chaahte ho। to aatma kitni shuddh honi chaahiye। aatma ko hi tamopradhaan kaha jaata hai kyonki unmein full kichda hai। ek to deh-abhimaan ka kichda aur phir kaam-krodh ka kichda। kichda nikaalne ke liye chhaana jaata hai na। chhaanne se rang hi badal jaata hai। tum achhi reeti baith vichaar karenge to feel hoga bahut kichda bhara hua hai। aatma mein raavan ki praveshta hai। abhi baap ki yaad mein rahne se hi kichda nikalta hai। ismen bhi time lagta hai। baap samjhaate hain deh-abhimaan hone ke kaaran vikaaron ka kitna kichda hai। krodh ka kichda bhi koi kam nahin। krodhi andar mein jaise jalta rehta hai। koi na koi baat par dil jalti rehti hai। shakla bhi taambe jaisi rehti hai। abhi tum samajhte ho hamaari aatma jali hui hai। aatma mein kitni mail hai - abhi pata pada hai। yeh baaten samajhne vaale bahut thode hain, ismen to first class phool chaahiye na। abhi to bahut khaamiyaan hain। tumko to sab khaamiyaan nikaal bilkul pavitra banna hai na। yeh lakshmi-naaraayan kitne pavitra hain। vaastav mein unhon ko haath lagaane ka bhi hukm nahin hai। patit jaakar itne oonch pavitra devtaaon ko haath laga na saken। haath lagaane laayak hi nahin। shiv ko to haath laga nahin sakte। woh hai hi niraakaar, unko haath lag hi nahin sakta। woh to most pavitra hai। bhal unki pratima badi rakh di hai kyonki itni chhoti bindi unko to koi haath laga na sake। aatma shareer mein pravesh karti hai to shareer bada hota hai। aatma to badi-chhoti nahin hoti hai। yeh to hai hi kichde ki duniya। aatma mein kitna kichda hai। shivbaaba bahut pod (pavitra) hai। bahut pavitra hai। yahaan to sabko ek samaan bana dete hain। ek-do ko kah bhi dete hain tum to jaanvar ho। satayug mein aisi bhaasha hoti nahin। abhi tum feel karte ho hamaari aatma mein badi mail chadhi hui hai। aatma laayak hi nahin hai jo baap ko yaad kare। na-laayak samajh maaya bhi ekdam unko hata deti hai।

baap kitna pod (pavitra-shuddh) hai। ham aatmaayen bhi kya se kya ban jaati hain। ab baap samjhaate hain tumne mujhe bulaaya hi hai aatma ko shuddh banaane ke liye। bahut kichda bhara hua hai। bageeche mein koi sab first class phool nahin hote hain। nambarvaar hain। baap baagvaan hai। aatma kitni pavitra banti hai phir kitni maili ekdam kaanta ban jaati hai। aatma mein hi deh-abhimaan ka, kaam, krodh ka kichda bharta hai। krodh bhi manushya mein kitna hai। tum pavitra ban jaayenge to phir koi ki shakla dekhne ki bhi dil nahin hogi। si no evil। apvitra ko dekhna hi nahin hai। aatma pavitra ban, pavitra naya chola leti hai to phir kichda dekhti hi nahin। kichde ki duniya hi khatma ho jaati hai। baap samjhaate hain tum deh-abhimaan mein aakar kitna kichda ban pade ho। patit ban pade ho। bachche bulaate bhi hain - baba hamaare mein krodh ka bhoot hai। baba ham aapke paas aaye hain, pavitra banne। jaante hain baap to hai hi ever pure। aise highest authority ko sarvavyaapi kahkar kitna defame karte hain। apne par bhi badi naphrat aati hai - ham kya the phir kya se kya ban jaate hain। yeh baaten tum bachche hi samajhte ho, aur koi bhi satsang va university aadi mein kahaan bhi aisi em object koi samjha na sake। abhi tum bachche jaante ho hamaari aatma mein kaise kichda bharta gaya hai। 2 kala kam hui phir 4 kala kam hui, kichda bharta gaya isliye kaha hi jaata hai tamopradhaan। koi lobh mein, koi moh mein jal marte hain, is avastha mein hi jal-jalkar mar jaana hai। abhi tum bachchon ko to shivbaaba ki yaad mein hi shareer chhodna hai, jo shivbaaba aisa banaate hain। in lakshmi-naaraayan ko aisa baap ne banaaya na। to apne ko kitni khabardaari rakhni chaahiye। toofaan to bahut aayenge। toofaan maaya ke hi aate hain, aur koi toofaan nahin hain। jaise shaastron mein kahaani likh di hai hanoomaan aadi ki। kehte hain bhagwan ne shaastra banaaye hain। bhagwan to sab ved-shaastron ka saar sunaate hain। bhagwan ne to sadgati kar di, unko shaastra banaane ki kya darkaar। ab baap kehte hain hear no evil। in shaastron aadi se tum oonch nahin ban sakte ho। main to in sabse alag hoon। koi bhi pahchaante nahin। baap kya hai, kisko pata nahin। baap jaante hain kaun-kaun meri service karte hain arthaat kalyaankaari ban auron ka bhi kalyaan karte hain, vahi dil par chadhte hain। koi to aise bhi hain jinko service ka pata hi nahin। tum bachchon ko gyaan to mila hai ki apne ko aatma samjho aur baap ko yaad karo। bhal aatma shuddh banti hai, shareer to phir bhi yeh patit hai na। jinki aatma shuddh hoti jaati hai unki activity mein raat-din ka pharka rehta hai। chalan se bhi maaloom padta hai। naam koi ka nahin liya jaata hai, agar naam len to kahin aur hi badtar na ho jaaen।

abhi tum farka dekh sakte ho - tum kya the, kya banna hai! to shreemat par chalna chaahiye na। andar ganda jo bhara hua hai usko nikaalna hai। laukik sambandh mein bhi koi-koi bahut gande bachche hote hain to unse baap bhi tang ho jaate hain। kehte hain aisa bachcha to na hota to achha tha। phoolon ke bageeche ki khushbu hoti hai। parantu drama anusaar kichda bhi hai। ak ko to bilkul dekhne bhi dil nahin hoti। parantu bageeche mein jaane se nazar to sab par padegi na। aatma kahegi yeh phalaana phool hai। khushbu bhi achhe phool ki lenge na। baap bhi dekhte hain inki aatma kitna yaad ki yaatra mein rehti hai, kitna pavitra bani hai aur phir auron ko bhi aapasmaan banaate hain। gyaan sunaate hain! mool baat hi hai manamnaabhav। baap kehte hain mujhe yaad karo to pavitra phool bano। yeh lakshmi-naaraayan kitne pavitra phool the। inse bhi shivbaaba bahut pod hai। manushyon ko thode hi pata hai ki in lakshmi-naaraayan ko bhi aisa shiv-baba ne banaaya hai। tum jaante ho is purooshaartha se yeh bane hain। baap samjhaate to bahut hain। ek to yaad ki yaatra mein rehna hai, jisse gand nikle, aatma pavitra banen। tumhaare paas museum aadi mein bahut aate hain। bachchon ko service ka bahut shauk rakhna hai। service ko chhod kabhi neend nahin karni hoti hai। service par bada accurate rehna chaahiye। museum mein bhi tum log rest ka time chhodte ho। gala thak jaata hai, bhojan aadi bhi khaana hai parantu andar mein din-raat uchhal aani chaahiye। koi aaye to unko raasta bataayen। bhojan ke time koi aa jaate hain to pahle unko attend kar phir bhojan khaana chaahiye। aisi service vaala ho। koi-koi ko bada deh-abhimaan aa jaata hai, aaraam-pasanda, navaab ban jaate hain। baap ko samjhaani to deni pade na। yeh navaabi chhodo। phir baap saakshaatkaar bhi karaayenge - apna pad dekho। deh-abhimaan ka kulhaada aapehi apne paanv par lagaaya hai। bahut bachche baba se bhi rees karte hain। are, yeh to shivbaaba ka rath hai, inki sambhaal karni padti hai। yahaan to aise hain jo dher davaaiyaan lete rehte, doctor ki davaai karte rehte। bhal baba kehte hain shareer ko tandurusta rakhna hai parantu apni avastha ko bhi dekhna hai na। tum baba ki yaad mein rahkar khaao to kabhi koi cheez nuksaan nahin karegi। yaad se taakat bhar jaayegi। bhojan bada shuddh ho jaayega। parantu woh avastha hai nahin। baba to kehte hain braahmanon ka banaaya hua bhojan uttam te uttam hai parantu woh tab jabki yaad mein rahkar banaaven। yaad mein rah banaane se unko bhi phaayda, khaane vaale ko bhi phaayda hoga।

ak bhi to bahut hain na। yeh bichaare kya pad paayenge। baap ko to raham padta hai। parantu daas-daasiyaan banne ki bhi noondh hai, ismen khush nahin hona chaahiye। vichaar bhi nahin karte hain - hamko aisa banna hai। daas-daasiyaan banne se phir saahookaar banen to achha hai, daas-daasiyaan rakh sakenge। baap to kehte hain nirantar mujh ek ko yaad karo, simar-simar sukh paao। bhakton ne phir simarni maala baith banaai hai। woh bhakton ka kaam hai। baap to sirf kehte hain apne ko aatma samjho, baap ko yaad karo। bas। baaki koi jaap na karo। na maala phero। baap ko jaanna hai, unko yaad karna hai। mukh se baba-baba bhi kehna thode hi hai। tum jaante ho woh ham aatmaon ka behad ka baap hai, unko yaad karne se ham satopradhaan ban jaayenge arthaat aatma kanchan ban jaayegi। kitna sahaj hai। parantu yuddha ka maidaan hai na। tumhaari hai hi maaya se ladaai। woh ghadi-ghadi tumhaara buddhi ka yog todti hai। jitne-jitne vinaash kaale preet buddhi hain utna pad hota hai। sivaae ek ke aur koi bhi yaad na pade। kalpa pahle bhi aise nikle hain jo vijay maala ke daane bane hain। tum jo brahman kul ke ho, braahmanon ki runda maala banti hai, jinhonne bahut gupta mehnat ki hai। gyaan bhi gupta hai na। baap to har ek ko achhi reeti jaante hain। achhe-achhe number one jinko mahaarthi samajhte the, woh aaj hain nahin। deh-abhimaan bahut hai। baap ki yaad rah nahin sakti। maaya bada zor se thappad maarti hai। bahut thode hain jinki maala ban sakegi। to baap phir bhi bachchon ko samjhaate hain - apne ko dekhte raho ham kitne pavitra devta the phir ham kya se kya, kichda ban gaye hain। ab shivbaaba mila hai to unki mat par chalna chaahiye na। koi bhi dehdhaari ko yaad nahin karna hai। koi ki bhi yaad na aaye। chitra bhi koi ka nahin rakhna hai। ek shivbaaba ki hi yaad rahe। shivbaaba ko shareer to hai nahin। yeh bhi tempory loan leta hoon। tumko aisa devi-devta lakshmi-naaraayan banaane ke liye kitni mehnat karte hain। baap kehte hain tum hamko patit duniya mein bulaate ho। tumko paavan banaata hoon phir tum paavan duniya mein mujhe bulaate hi nahin ho। vahaan aakar kya karenge! unki service hi paavan banaane ki hai। baap jaante hain ki ekdam jalkar kaale koyle ban gaye hain। baap aaye hain tumhein gora banaane। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) service mein bada accurate rehna hai। din-raat service ki uchhal aati rahe। service ko chhod kabhi bhi aaraam nahin karna hai। baap samaan kalyaankaari banna hai।

2) ek ki yaad se preet buddhi ban andar ka kichda nikaal dena hai। khushboodaar phool banna hai। is kichde ki duniya se dil nahin lagaani hai।

vardaan:- man-buddhi dvaara shreshtha sthitiyon roopi aasan par sthit rahne vaale tapasveemoorta bhav

tapasvi sada koi na koi aasan par baithkar tapasya karte hain। aap tapasvi aatmaon ka aasan hai - ekras sthiti, pharishta sthiti… inheen shreshtha sthitiyon mein sthit hona arthaat aasan par baithna। sthool aasan par to sthool shareer baithta hai lekin aap is shreshtha aasan par man buddhi ko bithaate ho। ve tapasvi ek taang par khade ho jaate aur aap ekras sthiti mein ekaagra ho jaate ho। unhon ka hai hathayog aur aapka hai sahjayog।

slogan:- pyaar ke saagar baap ke bachche prem ki bharpoor ganga bankar raho।