बुधवार 30 अक्टूबर 2024 की दैनिक मुरली

30-10-2024 praatahmurli om shanti "baapdaada"' madhuban

“meethe bachche - ek baap ki yaad mein rehna hi avyabhichaari yaad hai, is yaad se tumhaare paap kat sakte hain''

prashn:- baap jo samjhaate hain use koi sahaj maan lete, koi mushkil samajhte - iska kaaran kya hai?

uttar:- jin bachchon ne bahut samay bhakti ki hai, aadhaakalpa se puraane bhakta hain, woh baap ki har baat ko sahaj maan lete hain kyonki unhein bhakti ka phal milta hai। jo puraane bhakta nahin unhein har baat samajhne mein mushkil lagta। doosre dharma vaale to is gyaan ko samajh bhi nahin sakte।

om shanti। meethe-meethe roohaani bachchon prati roohaani baap baith samjhaate hain tum bachche sab kya kar rahe ho? tumhaari hai avyabhichaari yaad। ek hoti hai vyabhichaari yaad, doosri hoti hai avyabhichaari yaad। tum sabki hai avyabhichaari yaad। kiski yaad hai? ek baap ki। baap ko yaad karte-karte paap kat jaayenge aur tum vahaan pahunch jaayenge। paavan bankar phir nai duniya mein jaana hai। aatmaon ko jaana hai। aatma hi in organs dvaara sab karma karti hai na। to baap kehte hain apne ko aatma samajh baap ko yaad karo। manushya to anekaanek ko yaad karte hain। bhakti maarga mein tumko yaad karna hai ek ko। bhakti bhi pahle-pahle tumne oonch te oonch shivbaaba ki hi ki thi। unko kaha jaata hai avyabhichaari bhakti। vahi sarva ko sadgati dene vaala rachta baap hai। unse bachchon ko behad ka varsa milta hai। bhaai-bhaai se varsa nahin milta। varsa hamesha baap se bachchon ko milta hai। thoda bahut kanyaaon ko milta hai। woh to phir jaakar half partner banti hai। yahaan to tum sab aatmaayen ho। sab aatmaon ka baap ek hai। sabko baap se varsa lene ka hak hai। tum ho bhaai-bhaai, bhal shareer stri-purush ka hai। aatma sab bhaai-bhaai hain। woh to sirf kahne maatra kah dete hain hindu-muslim bhaai-bhaai। arth nahin samajhte। tum abhi arth samajhte ho। bhaai-bhaai maana sab aatmaayen ek baap ke bachche hain phir prajaapita brahma ke bachche bhaai-behen hain। abhi tum jaante ho is duniya se sabko vaapas jaana hai। jo bhi manushya maatra hain, sabka part ab poora hota hai। phir baap aakar puraani duniya se nai duniya mein le jaate hain, paar le jaate hain। gaate bhi hain - khivaiya paar lagaao arthaat sukhdhaam mein le chalo। yeh puraani duniya badalkar phir nai duniya zaroor banni hai। mool vatan se lekar saari duniya ka naksha tumhaari buddhi mein hai। ham aatmaayen sab sveetdhaam, shantidham ki nivaasi hain। yeh to buddhi mein yaad hai na। ham jab satayugi nai duniya mein hain to baaki aur sabhi aatmaayen shantidham mein rehti hain। aatma to kabhi vinaash nahin hoti। aatma mein avinaashi part bhara hua hai। woh kabhi bhi vinaash nahin ho sakta। samjho yeh engineer hai phir 5 hazaar varsha baad hoobhu aisa hi engineer banega। yahi naam roop desh kaal rahega। yeh sab baaten baap hi aakar samjhaate hain। yeh anaadi-avinaashi drama hai। is drama ki aayu 5 hazaar varsha hai। second bhi kam jaasti nahin ho sakta। yeh anaadi bana-banaaya drama hai। sabko part mila hua hai। dehi-abhimaani ho, saakshi ho khel ko dekhna hai। baap ko to deh hai nahin। woh knowledgeful hai, beejroop hai। baaki aatmaayen jo oopar niraakaari duniya mein rehti hain woh phir aati hain nambarvaar part bajaane। pahle-pahle number shuru hota hai devtaaon ka। pahle number ki hi dynasty ke chitra hain phir chandravanshi dynasty ke bhi chitra hain। sabse oonch hai sooryavanshi lakshmi-naaraayan ka raajya, unhon ka raajya kab kaise sthaapan hua - koi bhi manushyamaatra nahin jaante। satayug ki aayu hi laakhon varsha likh di hai। koi ki bhi jeevan kahaani ko nahin jaante। in lakshmi-naaraayan ki jeevan kahaani ko jaanna chaahiye। bigar jaane maatha tekna athva mahima karna yeh to wrong hai। baap baith mukhya-mukhya jo hain unki jeevan kahaani sunaate hain। abhi tum jaante ho - kaise inhon ki raajdhaani chalti hai। satayug mein shreekrishna tha na। abhi woh krishnapuri phir sthaapan ho rahi hai। shreekrishna to hai svarga ka prince। lakshmi-naaraayan ki raajdhaani kaise sthaapan hui - yeh sab tum samajhte ho।

nambarvaar maala bhi banaate hain। phalaane-phalaane maala ke daane banenge। parantu chalte-chalte phir haar bhi kha lete hain। maaya hara deti hai। jab tak sena mein hain, kahenge yeh commander hai, yeh phalaana hai। phir mar padte hain। yahaan marna arthaat avastha kam hona, maaya se haarna। khatma ho jaate hain। aashcharyavat sunanti, kathanti, bhaaganti… aho mam maaya..... phaarakti devanti ho jaate hain। marjeeva bante hain, baap ka bante hain phir raamraajya se raavanraajya mein chale jaate hain। is par hi phir yuddha dikhlaai hai - kaurav aur paandavon ki। phir asuron aur devtaaon ki bhi yuddha dikhaai hai। ek yuddha dikhaao na। do kyon? baap samjhaate hain yahaan ki hi baat hai। ladaai to hinsa ho jaati, yeh to hai hi ahinsa parmo devi-devta dharma। tum abhi double ahinsak bante ho। tumhaari hai hi yogbal ki baat। hathiyaaron aadi se tum koi ko kuchh karte nahin। woh taakat to Christian mein bhi bahut hai। Russia aur America do bhaai hain। in donon ki hai competition, bombs aadi banaane ki। donon ek-do se taakat vaale hain। itni taakat hai, agar donon aapas mein mil jaaen to saare world par raajya kar sakte hain। parantu law nahin hai jo baahubal se koi vishwa par raajya pa sake। kahaani bhi dikhaate hain - do bille aapas mein lade, makkhan beech mein teesra kha gaya। yeh sab baaten ab baap samjhaate hain। yeh thode hi kuchh jaanta tha। yeh chitra aadi bhi baap ne hi divya drishti se banvaaye hain aur ab samjha rahe hain, woh aapas mein ladte hain। saare vishwa ki baadshaahi tum le lete ho। woh donon hain bahut powerful। jahaan-tahaan aapas mein lada dete hain। phir madad dete rehte hain kyonki unhon ka bhi vyaapaar hai jabardasta। so jab do bille aapas mein laden tab to baarood aadi kaam aaye। jahaan-tahaan do ko lada dete hain। yeh hindustaan-paakistaan pahle alag tha kya। donon ikatthe the, yeh sab drama mein noondh hai। abhi tum purushaartha kar rahe ho - yogbal se vishwa ka maalik banen। woh aapas mein ladte hain, makkhan beech mein tum kha lete ho। maakhan arthaat vishwa ki baadshaahi tumko milti hai aur bahut hi simple reeti milti hai। baap kehte hain - meethe-meethe bachchon, pavitra zaroor banna hai। pavitra ban pavitra duniya mein chalna hai। unko kaha jaata hai viceless world, sampoorn nirvikaari duniya। harek cheej satopradhaan, sato, rajo, tamo mein zaroor aati hai। baap samjhaate hain - tumhaare mein yeh buddhi nahin thi kyonki shaastron mein laakhon varsha kah diya hai। bhakti hai hi agyaan andhiyaara। yeh bhi pahle tumko pata thode hi tha। ab samajhte ho woh to kah dete kaliyug abhi 40 hazaar varsha aur chalega। achha, 40 hazaar varsha poora ho phir kya hoga? kisko bhi yeh pata nahin hai isliye kaha jaata hai agyaan neend mein soye hue hain। bhakti hai agyaan। gyaan dene vaala to ek hi baap gyaan ka saagar hai। tum ho gyaan nadiyaan। baap aakar tum bachchon ko arthaat aatmaon ko padhaate hain। woh baap bhi hai, teacher bhi hai, satguru bhi hai। aur koi bhi aise nahin kahenge, yeh hamaara baap, teacher, guru hai। yeh to hai behad ki baat। behad ka baap, teacher, satguru hai। khud baith samjhaate hai main tumhaara supreme baap hoon, tum sab hamaare bachche ho। tum bhi kehte ho - baba, aap vahi ho। baap bhi kehte hain tum kalpa-kalpa milte ho। to woh hai param aatma, supreme। woh aakar bachchon ko sab baaten samjhaate hain। kaliyug ki aayu 40 hazaar varsha aur kehna bilkul gapoda hai। 5 hazaar varsha mein sab aa jaata hai। baap jo samjhaate hain tum maante ho, samajhte ho। aise nahin ki tum nahin maante। agar nahin maante to yahaan nahin aate। is dharma ke nahin hain to phir maante nahin hain। baap ne samjhaaya hai saara madaar bhakti par hai। jinhonne bahut bhakti ki hai to bhakti ka phal bhi unhon ko milna chaahiye। unhon ko hi baap se behad ka varsa milta hai। tum jaante ho ham so devta vishwa ke maalik bante hain। baaki thode roz hain। is puraani duniya ka vinaash to dikhaaya hua hai, aur koi shaastra mein aisi baat hai nahin। ek geeta hi hai bhaarat ka dharma shaastra। harek ko apna dharma shaastra padhna chaahiye aur woh dharma jis dvaara sthaapan hua unko bhi jaanna chaahiye। jaise Christian, Christ ko jaante hain, unko hi maante hain, poojte hain। tum aadi sanaatan devi-devta dharma ke ho to devtaaon ko hi poojte ho। parantu aajkal apne ko hindu dharma ka kah dete hain।

tum bachche ab raajayog seekh rahe ho। tum raajarishi ho। woh hain hathayog rishi। raat-din ka farka hai। unhon ka sanyaas hai kachcha, had ka। sirf gharbaar chhodne ka। tumhaara sanyaas va vairaagya hai saari puraani duniya ko chhodne ka। pahle-pahle apne ghar sweet hom mein jaakar phir nai duniya satayug mein aayenge। brahma dvaara aadi sanaatan devi-devta dharma ki sthaapna hoti hai। abhi to yeh patit puraani duniya hai। yeh samajhne ki baaten hain। baap dvaara padhte hain। yeh to zaroor real hai na। ismen nishchay na hone ki to baat hi nahin। yeh knowledge baap hi padhaate hain। woh baap teacher bhi hai, sachcha satguru bhi hai, saath le jaane vaala। vo guru log to aadha par chhodkar chale jaate hain। ek guru gaya to doosra guru karenge। unke chele ko gaddi par bithaayenge। yahaan to hai baap aur bachchon ki baat। woh phir hai guru aur chele ke varse ka hak। varsa to baap ka hi chaahiye na। shivbaaba aate hi hain bhaarat mein। shivraatri aur shreekrishna ki raatri manaate hain na। shiv ki janmapatri to hai nahin। sunaaye kaise? unki tithi-taareekh to hoti nahin। shreekrishna jo pahla number vaala hai, unki dikhaate hain। deepaavli manaana to duniya ke manushyon ka kaam hai। tum bachchon ke liye thode hi deepaavli hai। hamaara naya varsha, nai duniya satayug ko kaha jaata hai। abhi tum nai duniya ke liye padh rahe ho। abhi tum ho purooshottam sangamayug par। un kumbha ke melon mein kitne dher manushya jaate hain। woh hota hai paani ki nadiyon par mela। kitne dher mele lagte hain। unhon ki bhi andar bahut panchaayat hoti hai। kabhi-kabhi to unhon ka aapas mein hi bada jhagda ho jaata hai kyonki deh-abhimaani hain na। yahaan to jhagde aadi ki baat hi nahin। baap sirf kehte hain - meethe-meethe laadle bachchon, mujhe yaad karo। tumhaari aatma jo satopradhaan se tamopradhaan bani hai, khaad padi hai na, woh yog agni se hi niklegi। sonaar log jaante hain, baap ko hi patit-paavan kehte hain। baap supreme sonaar thahra। sabki khaad nikaal sachcha sona bana dete hain। sona agni mein daala jaata hai। yeh hai yog arthaat yaad ki agni kyonki yaad se hi paap bhasma hote hain। tamopradhaan se satopradhaan yaad ki yaatra se hi banna hai। sab to satopradhaan nahin banenge। kalpa pahle misal hi purooshaartha karenge। param aatma ka bhi drama mein part noondha hua hai, jo noondh hai woh hota rehta hai। badal nahin sakta। reel phirta hi rehta hai। baap kehte hain aage chal tumko guhya-guhya baaten sunaayenge। pahle-pahle to yeh nishchay karna hai - woh hai sab aatmaon ka baap। unko yaad karna hai। manamnaabhav ka bhi arth yeh hai। baaki shreekrishna bhagvaanuvaach to hai hi nahin। agar shreekrishna ho phir to sab unke paas chale aayen। sab pahchaan len। phir aise kyon kehte ki mujhe koton mein koi jaante hain। yeh to baap samjhaate hain isliye manushyon ko samajhne mein takleeph hoti hai। aage bhi aisa hua tha। mainne hi aakar devi-devta dharma ki sthaapna ki thi phir yeh shaastra aadi sab gum ho jaate hain। phir apne samay par bhakti maarga ke shaastra aadi sab vahi niklenge। satayug mein ek bhi shaastra nahin hota। bhakti ka naam-nishaan nahin। abhi to bhakti ka raajya hai। sabse bade te bade hain shri shri 108 jagatguru kahlaane vaale। aajkal to ek hazaar aath bhi kah dete hain। vaastav mein yeh maala hai yahaan ki। maala jab pherte hain to jaante hain phool niraakaar hai phir hai meru। brahma-sarasvati yugal daana kyonki pravritti maarga hai na। pravritti maarga vaale nivritti maarga vaalon ko guru karenge to kya denge? hathayog seekhna pade। woh to anek prakaar ke hathayog hain, raajayog hai hi ek prakaar ka। yaad ki yaatra hai hi ek, jisko raajayog kaha jaata hai। baaki aur sab hain hathayog, shareer ki tanduroosti ke liye। yeh raajayog baap hi sikhlaate hain। aatma hai first phir peechhe hai shareer। tum phir apne ko aatma ke badle shareer samajh ulte ho pade ho। ab apne ko aatma samajh baap ko yaad karo to ant mati so gati ho jaayegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is anaadi avinaashi bane-banaaye drama mein harek ke part ko dehi-abhimaani ban, saakshi hokar dekhna hai। apne sweet hom aur sweet raajdhaani ko yaad karna hai, is puraani duniya ko buddhi se bhool jaana hai।

2) maaya se haarna nahin hai। yaad ki agni se paapon ka naash kar aatma ko paavan banaane ka purooshaartha karna hai।

vardaan:- deepmaala par yathaartha vidhi se apne daivi pad ka aahvaan karne vaale poojya aatma bhav

deepmaala par pahle log vidhipoorvak deepak jagaate the, deepak bujhe nahin yeh dhyaan rakhte the, ghrit daalte the, vidhipoorvak aahvaan ke abhyaas mein rehte the। abhi to deepak ke bajaae bulb jaga dete hain। deepmaala nahin manaate ab to manoranjan ho gaya hai। aahvaan ki vidhi athva saadhna samaapta ho gai hai। sneh samaapta ho sirf svaartha rah gaya hai isliye yathaartha daata roopdhaari lakshmi kisi ke paas aati nahin। lekin aap sabhi yathaartha vidhi se apne daivi pad ka aahvaan karte ho isliye svayan poojya devi-devta ban jaate ho।

slogan:- sada behad ki vritti, drishti aur sthiti ho tab vishwa kalyaan ka kaarya sampanna hoga।