गुरुवार 31 अक्टूबर 2024 की दैनिक मुरली

31-10-2024 praatahmurli om shanti "baapdaada"' madhuban

“meethe bachche - order karo ki he bhooton tum hamaare paas aa nahin sakte, tum unko daraao to woh bhaag jaayenge''

prashn:- eeshvareey nashe mein rahne vaale bachchon ke jeevan ki shobha kya hai?

uttar:- service hi unke jeevan ki shobha hai। jab nasha hai ki humein eeshvareey lottery mili hai to service ka shauk hona chaahiye। parantu teer tab lagega jab andar koi bhi bhoot nahin hoga।

prashn:- shivbaaba ka bachcha kahlaane ke hakdaar kaun hain?

uttar:- jinhen nishchay hai ki bhagwan hamaara baap hai, ham aise oonche te oonche baap ke bachche hain, aise nashe mein rahne vaale laayak bachche hi shivbaaba ka bachcha kahlaane ke hakdaar hain। agar character theek nahin, chalan royalty ki nahin to woh shivbaaba ka bachcha nahin kahla sakte।

om shanti। shivbaaba yaad hai? svarga ki baadshaahi yaad hai? yahaan jab baithte ho to dimaag mein aana chaahiye - ham behad ke baap ke bachche hain aur nitya baap ko yaad karte hain। yaad karne bigar ham varsa le nahin sakte। kaahe ka varsa? pavitrata ka। to uske liye aisa purooshaartha karna chaahiye। kabhi bhi koi vikaar ki baat hamaare aage aa nahin sakti, sirf vikaar ki bhi baat nahin। ek bhoot nahin parantu koi bhi bhoot aa nahin sakta। aisa shuddh ahankaar rehna chaahiye। bahut oonch te oonch bhagwan ke ham bachche bhi oonch te oonch thahre na। baatcheet, chalan kaisi royal honi chaahiye। baap chalan se samajhte hain yeh to bilkul hi worth not A penny hai। mera bachcha kahlaane ka bhi hakdaar nahin। laukik baap ko bhi na laayak bachche ko dekh andar mein aise hota hai। yeh bhi baap hai। bachche jaante hain baap hamko shiksha de rahe hain parantu koi-koi aise hain jo bilkul samajhte nahin। behad ka baap hamko samjha rahe hain woh nishchay nahin, nasha nahin। tum bachchon ka dimaag kitna oonch hona chaahiye। ham kitne oonch baap ke bachche hain। baap kitna samjhaate hain। andar mein socho ham kitne oonch te oonch baap ke bachche hain, hamaara character kitna oonch hona chaahiye। jo in devi-dev-taaon ki mahima hai, woh hamaari honi chaahiye। praja ki thode hi mahima hai। ek lakshmi-naaraayan ko hi dikhaaya hai। to bachchon ko kitni achhi service karni chaahiye। in lakshmi-naaraayan donon ne yeh service ki hai na। dimaag kitna ooncha chaahiye। kai bachchon mein to koi farka hi nahin। maaya se haar kha lete hain to aur hi jaasti bigad jaate hain। nahin to andar mein kitna nasha rehna chaahiye। ham behad ke baap ke bachche hain। baap kehte hain sabko mera parichay dete raho। service se hi shobha paayenge, tab hi baap ki dil par chadhenge। bachcha woh jo baap ki dil par chadha hua ho। baap ka bachchon par kitna lav hota hai। bachchon ko sir par chadhaate hain। itna moh hota hai parantu woh to hai had ka maayaavi moh। yeh to hai behad ka। aisa koi baap hoga jo bachchon ko dekh khush na ho। maa-baap ko to athaah khushi hoti hai। yahaan jab baithte ho to samajhna chaahiye baba hamko padhaate hain। baba hamaara obedient teacher hai। behad ke baap ne zaroor koi service ki hogi tab to gaayan hai na। kitni wonderful baat hai। kitni unki mahima ki jaati hai। yahaan baithe ho to buddhi mein nasha rehna chaahiye। sannyaasi to hain hi nivritti maarga vaale। unhon ka dharma hi alag hai। yeh bhi ab baap samjhaate hain। tum thode hi jaante the sannyaas maarga ko। tum to grihastha aashram mein rehte bhakti aadi karte the, tumko phir gyaan milta hai, unko to gyaan milne ka hai nahin। tum kitna oonch padhte ho aur baithe kitne saadhaaran ho, neeche। delvaada mandir mein bhi tum neeche tapasya mein baithe ho, oopar mein vaikuntha khada hai। oopar vaikuntha ko dekh manushya samajhte hain svarga oopar hi hota hai।

to tum bachchon ke andar mein yeh sab baaten aani chaahiye ki yeh school hai। ham padh rahe hain। kahaan chakra lagaane jaate ho to bhi buddhi mein yeh khyaalaat chalen to bahut maja aayega। behad ke baap ko to duniya mein koi nahin jaante। baap ke bachche bankar aur baap ki biography ko na jaane, aisa bhuttu kabhi dekha। na jaanne ke kaaran kah dete woh sarvavyaapi hai। bhagwan ko hi kah dete aapehi poojya, aapehi pujaari। tum bachchon ko andar mein kitni khushi honi chaahiye - ham kitne oonch poojya the। phir ham hi pujaari bane hain। jo shivbaaba tumko itna oonch banaate hain phir drama anusaar tum hi unki pooja shuru karte ho। in baaton ko duniya thode hi jaanti hai ki bhakti kab shuru hoti hai। baap tum bachchon ko roz-roz samjhaate rehte hain, yahaan baithe ho to andar mein khushi honi chaahiye na। hamko kaun padhaate hain! bhagwan aakar padhaate hain - yeh to kabhi suna bhi nahin hoga। woh to samajhte hain geeta ka bhagwan shreekrishna hai to shreekrishna hi padhaata hoga। achha, shreekrishna bhi samjho to bhi kitni oonch avastha honi chaahiye। ek kitaab bhi hai manushya mat aur eeshvareey mat ka। devtaaon ko to mat lene ki darkaar hi nahin hai। manushya chaahte hain eeshvar ki mat। devtaaon ko to mat agle janma mein mili thi jisse oonch pad paaya। abhi tum bachchon ko shreemat mil rahi hai shreshtha banne ke liye। eeshvareey mat aur manushya mat mein kitna pharka hai। manushya mat kya kehti hai, eeshvareey mat kya kehti hai। to zaroor eeshvareey mat par chalna pade। koi se milne jaate hain to kuchh bhi le nahin jaate। yaad nahin rehta kisko kya saugaat deni chaahiye। yeh manushya mat aur eeshvareey mat ka contrast bahut zaroori hai। tum manushya the to aasuri mat thi aur abhi eeshvareey mat milti hai। unmein kitna pharka hai। yeh shaastra aadi sab manushyon ke hi banaaye hue hain। baap koi shaastra padhkar aate hain kya? baap kehte hain main koi baap ka bachcha hoon kya? main koi guru ka shishya hoon kya, jisse seekha hoon? to yeh bhi sab baaten samjhaani chaahiye। bhal yeh jaante hain ki bandarbuddhi hain parantu mandir laayak banne vaale bhi hain na। aise bahut manushya mat par chalte hain phir tum sunaate ho ki ham eeshvareey mat par kya bante hain, woh hamko padhaate hain। bhagvaanuvaach - ham unse padhne jaate hain। ham roz ek ghanta, pauna ghanta jaate hain। class mein jaasti time bhi lena nahin chaahiye। yaad ki yaatra to chalte-phirte ho sakti hai। gyaan aur yog donon hi bahut sahaj hain। alpha ka hai hi ek akshar। bhakti maarga ke to dher shaastra hain, ikattha karo to saara ghar shaastron se bhar jaae। kitna in par kharcha hua hoga। ab baap to bahut sahaj bataate hain, sirf baap ko yaad karo। to baap ka varsa hai hi svarga ki baadshaahi। tum vishwa ke maalik the na। bhaarat heaven tha na। kya tum bhool gaye ho? yeh bhi drama ki bhaavi kaha jaata hai। ab baap aaya hua hai। har 5 hajaar varsha baad aate hain padhaane। behad ke baap ka varsa zaroor svarga nai duniya ka hoga na। yeh to bilkul simple baat hai। laakhon varsha kah dene se buddhi ko jaise taala lag gaya hai। taala khulta hi nahin। aisa taala laga hua hai jo itni sahaj baat bhi samajhte nahin hain। baap samjhaate hain ek hi baat bas hai। jaasti kuchh bhi padhaana nahin chaahiye। yahaan tum ek second mein kisko bhi svargavaasi bana sakte ho। parantu yeh school hai, isliye tumhaari padhaai chalti rehti hai। gyaan saagar baap tumhein gyaan to itna dete hain jo saagar ko syaahi banaao, saara jangal kalam banaao to bhi ant nahin ho sakta। gyaan ko dhaaran karte kitna samay hua hai। bhakti ko to aadhaakalpa hua hai। gyaan to tumko ek hi janma mein milta hai। baap tumko padha rahe hain nai duniya ke liye। us jismaani school mein to tum kitna samay padhte ho। 5 varsha se lekar 20-22 varsha tak padhte rehte ho। kamaai thodi aur kharcha bahut karenge to ghaata pad jaayega na।

baap kitna solvent banaate hain, phir insolvent ban jaate hain। abhi bhaarat ka haal dekho kya hai। phalak se samjhaana chaahiye। maataaon ko khada hona chaahiye। tumhaara hi gaayan hain vande maatram। dharti ko vande maatram nahin kaha jaata hai। vande maatram manushya ko kiya jaata hai। bachche jo bandhanmukta hain vahi yeh service karte hain। woh bhi jaise kalpa pahle bandhanmukta hue the, vaise hote rehte hain। ablaaon par kitne atyaachaar hote hain। jaante hain hamko baap mila hai, to samajhte hain bas ab to baap ki service karni hai। bandhan hai, aise kahne vaale ridh bakriyaan hain। government kabhi kah na sake ki tum eeshvareey service na karo। baat karne ki himmat chaahiye na। jismen gyaan hai woh to itne mein sahaj bandhanmukta ho sakte hain। judge ko bhi samjha sakte ho - ham roohaani seva karna chaahte hain। roohaani baap hamko padha rahe hain। Christian log phir bhi kehte hain liberate karo, guide bano। bhaaratvaasiyon se phir bhi unhon ki samajh achhi hai। tum bachchon mein jo achhe samajhdaar hain unko service ka bahut shauk rehta hai। samajhte hain eeshvareey service se bahut lottery milni hai। kai to lottery aadi ko samajhte hi nahin। vahaan bhi jaakar daas-daasiyaan banenge। dil mein samajhte hain achha daasi hi sahi, chandaal hi sahi। svarga mein to honge na! unhon ki chalan bhi aisi dekhne mein aati hai। tum samajhte ho behad ka baap hamko samjha rahe hain। yeh daada bhi samjhaate hain, baap in dvaara bachchon ko padha rahe hain। koi to itna bhi samajhte nahin। yahaan se baahar nikle khalaas। yahaan par baithe bhi jaise kuchh samajhte nahin। buddhi baahar bhatakti dhakka khaati rehti hai। ek bhi bhoot nikalta nahin hai। padhaane vaala kaun aur bante kya hain! saahookaaron ke bhi daas-daasiyaan banenge na। abhi bhi saahookaaron ke paas kitne naukar-chaakar rehte hain। service par to ekdam udna chaahiye। tum bachche shanti sthaapan arth nimitta bane ho, vishwa mein sukh-shanti sthaapan kar rahe ho। practical mein tum jaante ho ham shreemat par sthaapan kar rahe hain, ismen ashaanti koi honi nahin chaahiye। baba ne yahaan bhi bahut aise achhe-achhe ghar dekhe hue hain। ek ghar mein 6-7 bahuen ikatthi itna pyaar se rehti hain, bilkul shanti lagi rehti hai। bolte the - hamaare paas to svarga laga pada hai। koi khit-khit ki baat nahin। sab aagyaakaari hain, us samay baba ko bhi sannyaasi khyaalaat the। duniya se vairaagya rehta tha। abhi to yeh hai behad ka vairaagya। kuchh bhi yaad na rahe। baba to naam sab bhool jaate hain। bachche kehte hain baba aap hamko yaad karte hain? baba kehte hamko to sabko bhoolna hai। na visro, na yaad raho। behad ka vairaagya hai na। sabko bhoolna hai। ham yahaan ke rahne vaale thode hi hain। baap aaya hua hai - apna svarga ka varsa dene। behad ka baap kehte hain mujhe yaad karo to tum vishwa ke maalik ban jaayenge। yeh badge bahut achha hai samjhaane ke liye। koi maange to bolo samajhkar lo। is badge ko samajhne se tumko vishwa ki baadshaahi mil sakti hai। shivbaaba is brahma dvaara direction dete hain mujhe yaad karo to tum yeh banenge। geeta vaale jo hain woh achhi reeti samajh lenge। jo devta dharma ke honge। koi-koi prashn poochhte hain - devtaayen girte kyon hain? are, yeh chakra phirta rehta hai। punarjanma lete-lete neeche to utrenge na! chakra to phirna hi hai। har ek ki dil mein yeh aata zaroor hai ham service kyon nahin kar sakte hain। zaroor mere mein koi khaami hai। maaya ke bhooton ne naak se pakda hua hai।

ab tum bachche samajhte ho hamko ab ghar jaana hai phir nai duniya mein aakar raajya karenge। tum musaaphir ho na। door desh se yahaan aakar part bajaate ho। abhi tumhaari buddhi mein hai hamko amarlok jaana hai। yeh mrityulok khalaas ho jaana hai। baap samjhaate to bahut hain। achhi reeti dhaaran karna hai। isko phir ugaarte rehna chaahiye। yeh bhi baap ne samjhaaya hai karmabhog ki beemaari uthal khaayegi। maaya sataayegi parantu moonjhana nahin chaahiye। thoda kuchh hota hai to hairaan ho jaate hain। beemaari mein manushya aur bhi bhagwan ko jaasti yaad karte hain। bangaal mein jab koi bahut beemaar hota hai to unko kehte hain raam bolo… raam bolo...। dekhte hain ab marne par hai to ganga par le jaakar hari bol, hari bol karte hain phir unko le aakar jalaane ki kya darkaar hai। ganga mein andar daal do na। kachchha-machchha aadi ka shikaar ho jaayega। kaam mein aa jaayega। paarsi log rakh dete hain to woh haddiyaan bhi kaam mein aati hain। baap kehte hain tum aur sab baaten bhool mujhe yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bandhanmukta bankar bhaarat ki sachchi seva karni hai। falak se samjhaana hai ki humein roohaani baap padha rahe hain, ham roohaani seva par hain। eeshvareey seva ki uchhal aati rahe।

2) karmabhog ki beemaari va maaya ke toofaanon mein moonjhana va hairaan nahin hona hai। baap ne jo gyaan diya hai use ugaarte baap ki yaad mein harshit rehna hai।

vardaan:- niraakaar aur saakaar donon roopon ke yaadgaar ko vidhipoorvak manaane vaali shreshtha aatma bhav

deepmaala avinaashi anek jage hue deepkon ka yaadgaar hai। aap chamakti hui aatmaayen deepak ki lau misal dikhaai deti ho isliye chamakti hui aatmaayen divya jyoti ka yaadgaar sthool deepak ki jyoti mein dikhaaya hai to ek taraph niraakaari aatma ke roop ka yaadgaar hai, doosri taraph aapke hi bhavishya saakaar divya swaroop lakshmi ke roop mein yaadgaar hai। yahi deepmaala dev-pad praapta karti hai। to aap shreshtha aatmaayen apna yaadgaar svayan hi mana rahe ho।

slogan:- negative ko positive mein change karne ke liye apni bhaavnaaon ko shubh aur behad ki banaao।