शनिवार 30 नवंबर 2024 की दैनिक मुरली

30-11-2024 praatahmurli om shanti "baapdaada"' madhuban

“meethe bachche - san shows father, manmat ko chhod shreemat par chalo tab baap ka show kar sakenge''

prashn:- kin bachchon ki raksha baap zaroor karte hi hain?

uttar:- jo bachche sachche hain, unki raksha zaroor hoti hai। agar raksha nahin hoti hai to andar mein zaroor koi na koi jhooth hoga। padhaai miss karna, sanshay mein aana maana andar mein kuchh na kuchh jhooth hai। unhein maaya angoori maar deti hai।

prashn:- kin bachchon ke liye maaya chumbak hai?

uttar:- jo maaya ki khoobsoorti ki taraph aakarshit ho jaate hain, unhon ke liye maaya chumbak hai। shreemat par chalne vaale bachche aakarshit nahin honge।

om shanti। roohaani baap baith roohaani bachchon ko samjhaate hain, yeh to bachchon ne nishchay kiya hai roohaani baap ham roohaani bachchon ko padhaate hain। jiske liye hi gaayan hai - aatmaayen paramatma alag rahe bahukaal… mool vatan mein alag nahin rehte hain। vahaan to sab ikatthe rehte hain। alag rehte hain to zaroor aatmaayen vahaan se bichhudti hain, aakarke apna-apna part bajaati hain। satopradhaan se utarte-utarte tamopradhaan banti hain। bulaate hain patit-paavan aakar hamko paavan banaao। baap bhi kehte hain ham har 5 hazaar varsha ke baad aate hain। yeh srishti ka chakra hi 5 hazaar varsha hai। aage tum yeh nahin jaante the। shivbaaba samjhaate hain to zaroor koi tan dvaara samjhaayenge। oopar se koi aavaaz to nahin karte hain। shakti va prerna aadi ki koi baat nahin। tum aatma shareer mein aakar vaartaalaap karti ho। vaise baap bhi kehte hain main bhi shareer dvaara direction deta hoon। phir us par jo jitna chalte hain, apna hi kalyaan karte hain। shreemat par chalen va na chalen, teacher ka sunen va na sunen, apne liye hi kalyaan va akalyaan karte hain। nahin padhenge to zaroor fail honge। yeh bhi samjhaate rehte hain shivbaaba se seekhkar phir auron ko sikhlaana hai। father shows san। jismaani father ki baat nahin। yeh hai roohaani baap। yeh bhi tum samajhte ho jitna ham shreemat par chalenge utna varsa paayenge। poora chalne vaale oonch pad paayenge। nahin chalne vaale oonch pad nahin paayenge। baap to kehte hain mujhe yaad karo to tumhaare paap kat jaaen। raavan raajya mein tumhaare par paap to bahut chadhe hue hain। vikaar mein jaane se hi paap aatma bante hain। punya aatma aur paap aatma zaroor hote hain। punya aatma ke aage paap aatmaayen jaakar maatha tekti hain। manushyon ko yeh pata nahin hai ki devtaayen jo punya aatma hain, vahi phir punarjanma mein aate-aate paap aatma bante hain। woh to samajhte hain yeh sadaiv punya aatma hain। baap samjhaate hain, punarjanma lete-lete satopradhaan se tamopradhaan tak aate hain। jab bilkul paap aatma ban jaate hain to phir baap ko bulaate hain। jab punya aatma hain to yaad karne ki darkaar nahin rehti। to yeh tum bachchon ko samjhaana hai, service karni hai। baap to nahin jaakar sabko sunaayenge। bachche service karne laayak hain to bachchon ko hi jaana chaahiye। manushya to din-pratidin asur bante jaate hain। pahchaan na hone kaaran bakvaas karne mein bhi deri nahin karte hain। manushya kehte hain geeta ka bhagwan shreekrishna hai। tum samjhaate ho woh to dehdhaari hai, unko devta kaha jaata hai। shreekrishna ko baap nahin kahenge। yeh to sab father ko yaad karte hain na। aatmaon ka father to doosra koi hota nahin। yeh prajaapita brahma bhi kehte hain - niraakaar father ko yaad karna hai। yeh corporeal father ho jaata hai। samjhaaya to bahut jaata hai, kai poora na samajhkar ulta raasta le jangal mein jaakar padte hain। baap to raasta bataate hain svarga mein jaane ka। phir bhi jangal taraph chale jaate hain। baap samjhaate hain tumko jangal taraph le jaane vaala hai - raavan। tum maaya se haar khaate ho। raasta bhool jaate ho to phir us jangal ke kaante ban jaate ho। woh phir svarga mein deri se aayenge। yahaan tum aaye hi ho svarga mein jaane ka purooshaartha karne। treta ko bhi svarga nahin kahenge। 25 percent kam hua na। tum yahaan aaye hi ho puraani duniya chhod nai duniya mein jaane। treta ko nai duniya nahin kahenge। naapaas vahaan chale jaate hain kyonki raasta theek pakadte nahin। neeche-oopar hote rehte hain। tum mahsoos karte ho jo yaad honi chaahiye woh nahin rehti। svargavaasi jo bante hain unko kahenge achhe paas। treta vaale naapaas gine jaate hain। tum narkavaasi se svargavaasi bante ho। nahin to phir naapaas kaha jaata hai। us padhaai mein to phir dubaara padhte hain। ismen doosra varsha padhne ki to baat nahin। janma-janmaantar, kalpa-kalpaantar vahi imtahaan paas karte hain jo kalpa pahle kiya hai। is drama ke raaz ko achhi reeti samajhna chaahiye। kai samajhte hain ham chal nahin sakte hain। budha hai to unko haath se pakadkar chalaao to chalenge, nahin to gir padenge। parantu takdeer mein nahin hai to kitna bhi jor dete phool banaane ka, parantu bante nahin। ak bhi phool hota hai। yeh kaante to chubhte hain।

baap kitna samjhaate hain। kal tum jis shiv ki pooja karte the woh aaj tumko padha rahe hain। har baat mein purooshaartha ke liye hi jor diya jaata hai। dekha jaata hai - maaya achhe-achhe phoolon ko neeche gira deti hai। hadgud tod deti hai, jisko phir traitor kaha jaata hai। jo ek raajdhaani chhod doosre mein chala jaata hai unko traitor kaha jaata hai। baap bhi kehte hain mere bankar phir maaya ka ban jaate hain to unko bhi traitor kaha jaata hai। unki chalan hi aisi ho jaati hai। ab baap maaya se chhudaane aaye hain। bachche kehte hain - maaya badi dushtar hai, apni taraph bahut kheench leti hai। maaya jaise chumbak hai। is samay chumbak ka roop dharti hai। kitni khoobsoorti duniya mein badh gai hai। aage yeh bioscope aadi thode hi the। yeh sab 100 varsha mein nikle hain। baba to anubhvi hai na। to bachchon ko is drama ke guhay raaz ko achhi reeti samajhna chaahiye, harek baat accurate noondhi hui hai। sau varsha mein yeh jaise bahishta ban gaya hai, opposition ke liye। to samjha jaata hai - ab svarga aur hi jaldi hona hai। science bhi bahut kaam mein aati hai। yeh to bahut sukh dene vaali bhi hai na। woh sukh sthaai ho jaae uske liye is puraani duniya ka vinaash bhi hona hai। satayug ke sukh hain hi bhaarat ke bhaagya mein। woh to aate hi baad mein hain, jab bhaktimaarga shuru hota hai, jab bhaaratvaasi girte hain tab doosre dharma vaale nambarvaar aate hain। bhaarat girte-girte ekdam pat par aa jaata hai। phir chadhna hai। yahaan bhi chadhte hain phir girte hain। kitna girte hain, baat mat poochho। koi to maante hi nahin ki baba hamko padhaate hain। achhe-achhe serviceable jinki baap mahima karte hain woh bhi maaya ke chambe mein aa jaate hain। kushti hoti hai na। maaya bhi aise ladti hai। ekdam poora gira deti hai। aage chal tum bachchon ko maaloom padta jaayega। maaya ekdam poora sula deti hai। phir bhi baap kehte hain ek baar gyaan suna hai to svarga mein zaroor aayenge। baaki pad to nahin pa sakenge na। kalpa pahle jisne jo purooshaartha kiya hai va purooshaartha karte-karte gire hain, aise hi ab bhi girte aur chadhte hain। haar aur jeet hoti hai na। saara madaar bachchon ka yaad par hai। bachchon ko yeh akhut khajaana milta hai। woh to kitna laakhon ka devaala maarte hain। koi laakhon ka dhanvaan bante hain, so bhi ek janma mein। doosre janma mein thode hi itna dhan rahega। karmabhog bhi bahut hai। vahaan svarga mein to karmabhog ki baat hoti nahin। is samay tum 21 janmon ke liye kitna jama karte ho। jo poora purooshaartha karte hain, poora svarga ka varsa paate hain। buddhi mein rehna chaahiye ham barobar svarga ka varsa paate hain। yeh khyaal nahin karna hai ki phir neeche girenge। yeh sabse jaasti gire ab phir chadhna hi hai। automatically purooshaartha bhi hota rehta hai। baap samjhaate hain - dekho, maaya kitni prabal hai। manushyon mein kitna agyaan bhar gaya hai, agyaan ke kaaran baap ko bhi sarvavyaapi kah dete hain। bhaarat kitna first class tha। tum samajhte ho ham aise the, ab phir ban rahe hain। in devtaaon ki kitni mahima hai, parantu koi jaante nahin hain, tum bachchon ke sivaae। tum hi jaante ho behad ka baap gyaan saagar aakar hamko padhaate hain phir bhi maaya bahuton ko sanshay mein la deti hai। jhooth kapat chhodte nahin। tab baap kehte hain - sachcha-sachcha apna chart likho। parantu deh-abhimaan ke kaaran sach nahin bataate hain। to woh bhi vikarma ban jaata hai, sach bataana chaahiye na। nahin to bahut saja khaani padti hai। garbha jel mein bhi bahut saja milti hai। kehte hain tobaan-tobaan.. ham phir aisa kaam nahin karenge। jaise kisko maar milti hai to bhi aise maaphi maangate hain। saza milne par bhi aise karte hain। abhi tum bachche samajhte ho maaya ka raajya kab se shuru hua hai। paap karte rehte hain। baap dekhte hain - yeh itna meethe-meethe mulaayam nahin bante hain। baap kitna mulaayam bachche misal ho chalte hain, kyonki drama par chalte rehte hain। kahenge jo hua drama ki bhaavi। samjhaate bhi hain ki aage phir aisa na ho। yeh baapdaada donon ikatthe hain na। daada ki mat apni, eeshvar ki mat apni hai। samajhna chaahiye ki yeh mat kaun deta hai? yeh bhi baap to hai na। baap ki to maanni chaahiye। baba to bada baba hai na, isliye baba kehte hain aise hi samjho shivbaaba samjhaate hain। nahin samjhenge to pad bhi nahin paayenge। drama ke plen anusaar baap bhi hai, daada bhi hai। baap ki shreemat milti hai। maaya aisi hai jo mahaaveer, pahalvaanon se bhi koi na koi ulta kaam kara deti hai। samjha jaata hai yeh baap ki mat par nahin hain। khud bhi feel karte hain, main apni aasuri mat par hoon। shreemat dene vaala aakar upasthit hua hai। unki hai eeshvareey mat। baap khud kehte hain inki agar koi aisi mat mil bhi gai to bhi unko main theek karne vaala baitha hoon। phir bhi hamne rath liya hai na। hamne rath liya tab hi isne gaali khaai hai। nahin to kabhi gaali nahin khaai। mere kaaran kitni gaali khaate hain। to inki bhi sambhaal karni pade। baap raksha zaroor karte hain। jaise bachchon ki raksha baap karte hain na। jitna sachchaai par chalte hain utni raksha hoti hai। jhoothe ki raksha nahin hoti। unki to phir saza kaayam ho jaati hai, isliye baap samjhaate hain - maaya to ekdam naak se pakadkar khatma kar deti hai। bachche khud feel karte hain maaya kha leti hai to phir padhaai chhod dete hain। baap kehte hain padhaai zaroor padho। achha, kahaan kiska dosh hai। ismen jaisa jo karega, so bhavishya mein paayega kyonki abhi duniya badal rahi hai। maaya aise anguri maar deti hai jo woh khushi nahin rehti hai। phir chillaate hain - baba, pata nahin kya hota hai। yuddha ke maidaan mein bahut khabardaar rehte hain ki kahaan koi angoori na maar de। phir bhi jaasti taakat vaale hote hain to doosre ko gira dete hain। phir doosre din par rakhte hain। yeh maaya ki ladaai to ant tak chalti rehti hai। neeche-oopar hote rehte hain। kai bachche sach nahin bataate hain। ijzat ka bahut dar hai - pata nahin baba kya kahenge। jab tak sach bataaya nahin hai tab tak aage chal na saken। andar mein khatakta rehta hai, phir vriddhi ho jaati hai। aapehi sach kabhi nahin bataayenge। kahaan do hain to samajhte hain yeh baba ko sunaayenge to ham bhi suna den। maaya badi dushtar hai। samjha jaata hai unki takdeer mein itna oonch pad nahin hai to surgeon se chhipaate hain। chhipaane se beemaari chhootegi nahin। jitna chhipaayenge utna girte hi rahenge। bhoot to sabmen hain na। jab tak karmaateet avastha nahin bani, tab tak criminal aai bhi chhodti nahin hai। sabse bada dushman hai kaam। kai gir padte hain। baba to baar-baar samjhaate hain shivbaaba ke sivaae koi dehdhaari ko yaad nahin karna hai। kai to aise pakke hain, jo kabhi kiski yaad bhi nahin aayegi। pativrata stri hoti hai na, unki kubuddhi nahin hoti hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) humein padhaane vaala svayan gyaan ka saagar, behad ka baap hai, ismen kabhi sanshay nahin laana hai, jhooth kapat chhod apna sachcha-sachcha chart rakhna hai। deh-abhimaan mein aakar kabhi traitor nahin banna hai।

2) drama ko buddhi mein rakh baap samaan bahut-bahut meetha mulaayam (namra) bankar rehna hai। apna ahankaar nahin dikhaana hai। apni mat chhod ek baap ki shreshtha mat par chalna hai।

vardaan:- ek baap ke lav mein lavleen ho manzil par pahunchne vaale sarva aakarshan mukta bhav

baapdaada bachchon ko apne sneh aur sahayog ki godi mein bithaakar manzil par le ja rahe hain। yeh maarga mehnat ka nahin hai lekin jab high ve ke bajaae galiyon mein chale jaate ho ya manzil ke nishaane se aur aage badh jaate ho to lautne ki mehnat karni padti hai। mehnat se bachne ka saadhan hai ek ki mohabbat mein raho। ek baap ke lav mein leen hokar har kaarya karo to aur kuchh dikhaai nahin dega। sarva aakarshanon se mukta ho jaayenge।

slogan:- apni khushanseebi ka anubhav chehre aur chalan se karaao।