मंगलवार 3 दिसंबर 2024 की दैनिक मुरली

03-12-2024 praatahmurli om shanti "baapdaada"' madhuban

“meethe bachche - yaad ki yaatra mein albele mat bano, yaad se hi aatma paavan banegi, baap aaye hain sabhi aatmaon ki seva kar unhein shuddh banaane''

prashn:- kaun-si smriti bani rahe to khaan-paan shuddh ho jaayega?

uttar:- yadi smriti rahe ki ham baba ke paas aaye hain sachkhanda mein jaane ke liye va manushya se devta banne ke liye to khaan-paan shuddh ho jaayega kyonki devtaayen kabhi ashuddha cheez nahin khaate। jab ham satya baba ke paas aaye hain sachkhanda, paavan duniya ka maalik banne to patit (ashuddha) ban nahin sakte।

om shanti। roohaani baap roohaani bachchon se poochhte hain - bachche, tum jab yahaan baithte ho to kisko yaad karte ho? apne behad ke baap ko। woh kahaan hai? unko pukaara jaata hai na - he patit-paavan! aajkal sannyaasi bhi kehte rehte hain patit-paavan seetaaraam arthaat patiton ko paavan banaane vaale raam aao। yeh to bachche samajhte hain paavan duniya satayug ko, patit duniya kaliyug ko kaha jaata hai। abhi tum kahaan baithe ho? kaliyug ke ant mein isliye pukaarte hain baba aakar hamko paavan banaao। ham kaun hain? aatma। aatma ko hi pavitra banna hai। aatma pavitra banti hai to shareer bhi pavitra milta hai। aatma ke patit banne se shareer bhi patit milta hai। yeh shareer to mitti ka putla hai। aatma to avinaashi hai। aatma in organs dvaara kehti hai, pukaarti hai - ham bahut patit ban gaye hain, hamko aakar paavan banaao। baap paavan banaate hain। 5 vikaaron roopi raavan patit banaate hain। baap ne abhi smriti dilaai hai - ham paavan the phir aise 84 janma lete-lete abhi antim janma mein hain। yeh jo manushya srishti roopi jhaad hai, baap kehte hain main inka beejroop hoon, mujhe bulaate hain - he parampita paramatma, O god father, liberate me। har ek apne liye kehte hain mujhe chhudaao bhi aur panda bankar shantidham ghar mein le chalo। sannyaasi aadi bhi kehte hain sthaai shanti kaise mile? ab shantidham to hai ghar। jahaan se aatmaayen part bajaane aati hain। vahaan sirf aatmaayen hi hain shareer nahin hai। aatmaayen nangi arthaat shareer bigar rehti hain। nange ka arth yeh nahin ki kapde pahanne bigar rehna। nahin, shareer bigar aatmaayen nangi (ashareeri) rehti hain। baap kehte hain - bachche, tum aatmaayen vahaan mool vatan mein bigar shareer rehti ho, use niraakaari duniya kaha jaata hai।

bachchon ko seedhi par samjhaaya gaya hai - kaise ham seedhi neeche utarte aaye hain। poore 84 janma lage hain maximum। phir koi ek janma bhi lete hain। aatmaayen oopar se aati hi rehti hain। abhi baap kehte hain main aaya hoon paavan banaane। shivbaaba, brahma dvaara tumhein padhaate hain। shivbaaba hai aatmaon ka baap aur brahma ko aadi dev kehte hain। is daada mein baap kaise aate hain, yeh tum bachche hi jaante ho। mujhe bulaate bhi hain - he patit-paavan aao। aatmaon ne is shareer dvaara bulaaya hai। mukhya aatma hai na। yeh hai hi duhkhadhaam। yahaan kaliyug mein dekho baithe-baithe achaanak mrityu ho jaati hai, vahaan aise koi beemaar hi nahin hote। naam hi hai svarga। kitna achha naam hai। kahne se dil khush ho jaata hai। Christian bhi kehte hain Christ se 3 hazaar varsha pahle paradise tha। yahaan bhaaratvaasiyon ko to kuchh bhi pata nahin hai kyonki unhonne sukh bahut dekha hai to duhkh bhi bahut dekh rahe hain। tamopradhaan bane hain। 84 janma bhi inhon ke hain। aadhaakalpa baad phir aur dharma vaale aate hain। abhi tum samajhte ho aadhaakalpa devi-devtaayen the to aur koi dharma nahin tha। phir treta mein jab raam hua to bhi islaami-bauddhi nahin the। manushya to bilkul ghor andhiyaare mein hain। kah dete duniya ki aayu laakhon varsha hai, isliye manushya moonjhate hain ki kaliyug ajun chhota bachcha hai। tum abhi samajhte ho kaliyug poora ho abhi satayug aayega isliye tum aaye ho baap se svarga ka varsa lene। tum sab svargavaasi the। baap aate hi hain svarga sthaapan karne। tum hi svarga mein aate ho, baaki sab shantidham ghar chale jaate hain। woh hai sweet hom, aatmaayen vahaan nivaas karti hain। phir yahaan aakar paartadhaari bante hain। shareer bigar to aatma bol bhi na sake। vahaan shareer na hone kaaran aatmaayen shanti mein rehti hain। phir aadha-kalpa hain devi-devtaayen, sooryavanshi-chandravanshi। phir dvaapar-kaliyug mein hote hain manushya। devtaaon ka raajya tha phir ab woh kahaan gaye? kisko pata nahin। yeh knowledge abhi tumko baap se milti hai। aur koi manushya mein yeh knowledge hoti nahin। baap hi aakar manushyon ko yeh knowledge dete hain, jisse hi manushya se devta bante hain। tum yahaan aaye hi ho manushya se devta banne ke liye। devtaaon ka khaan-paan ashuddha nahin hota, ve kabhi beedi aadi peete nahin। yahaan ke patit manushyon ki baat mat poochho - kya-kya khaate hain! ab baap samjhaate hain yeh bhaarat pahle sachkhanda tha। zaroor sachche baap ne sthaapan kiya hoga। baap ko hi truth kaha jaata hai। baap hi kehte hain main hi is bhaarat ko sachkhanda banaata hoon। tum sachche devtaayen kaise ban sakte ho, woh bhi tumko sikhlaata hoon। kitne bachche yahaan aate hain isliye yeh makaan aadi banvaane padte hain। ant tak bhi bante rahenge, bahut banenge। makaan khareed bhi karte hain। shivbaaba brahma dvaara kaarya karte hain। brahma ho gaya saanvara kyonki yeh bahut janmon ke ant ka janma hai na। yeh phir gora banega। krishna ka bhi chitra gora aur saanvara hai na। museum mein bade-bade achhe chitra hain, jis par tum kisko achhi reeti samjha sakte ho। yahaan baba museum nahin banvaate hain inko kaha jaata hai tower aaph silence। tum jaante ho ham shantidham apne ghar jaate hain। ham vahaan ke rahne vaale hain phir yahaan aakar shareer le part bajaate hain। bachchon ko pahle-pahle yeh nishchay hona chaahiye ki yeh koi saadhu-santa nahin padhaate hain। yeh (daada) to sindh ka rahne vaala tha parantu ismen jo pravesh kar bolte hain - woh hai gyaan ka saagar। unko koi jaante hi nahin। kehte bhi hain god father। parantu kah dete unka naam-roop hai hi nahin। woh niraakaar hai, unka koi aakaar nahin hai। phir kah dete woh sarvavyaapi hai। are, paramatma kahaan hai? kahenge woh sarvavyaapi hai, sabke andar hai। are, har ek ke andar aatma baithi hai, sab bhaai-bhaai hain na, phir ghat-ghat mein paramatma kahaan se aaya? aise nahin kahenge paramatma bhi hai aur aatma bhi hai। paramatma baap ko bulaate hain, baba aakar ham patiton ko paavan banaao। mujhe tum bulaate ho yeh dhandha, yeh seva karne liye। ham sabhi ko aakar shuddh banaao। patit duniya mein hamko nimantran dete ho, kehte ho baba ham patit hain। baap to paavan duniya dekhte hi nahin। patit duniya mein hi tumhaari seva karne ke liye aaye hain। ab yeh raavan raajya vinaash ho jaayega। baaki tum jo raajayog seekhte ho woh jaakar raajaaon ka raaja bante ho। tumko anginat baar padhaaya hai phir 5 hazaar varsha baad tumko hi padhaayenge। satayug-treta ki raajdhaani ab sthaapan ho rahi hai। pahle hai brahman kul। prajaapita brahma gaaya jaata hai na, jisko Adam aadi dev kehte hain। yeh koi ko pata nahin hai। bahut hain jo yahaan aakar sunkar phir maaya ke vash ho jaate hain। punya aatma bante-bante paap aatma ban padte hain। maaya badi jabardasta hai। sabko paap aatma bana deti hai। yahaan koi bhi pavitra aatma, punya aatma hai nahin। pavitra aatmaayen devi-devta hi the, jab sabhi patit ban jaate hain tab baap ko bulaate hain। abhi yeh hai raavan raajya patit duniya, inko kaha jaata hai kaanton ka jangal। satayug ko kaha jaata hai garden oph flowers। mugal garden mein kitne first class achhe-achhe phool hote hain। ak ke bhi phool milenge parantu iska arth koi bhi samajhte nahin hain, shiv ke oopar ak kyon chadhaate hain? yeh bhi baap baith samjhaate hain। main jab padhaata hoon to unmein koi first class motiye, koi ratan jyot, koi phir ak ke bhi hain। nambarvaar to hain na। to isko kaha hi jaata hai duhkhadhaam, mrityulok। satayug hai amarlok। yeh baaten koi shaastron mein nahin hain। shaastra to is daada ne padhe hain, baap to shaastra nahin padhaayenge। baap to khud sadgati daata hai। karke geeta ko refer karte hain। sarvashaastramai shiromni geeta bhagwan ne gaai hai parantu bhagwan kisko kaha jaata hai, yeh bhaaratvaasiyon ko pata nahin। baap kehte hain main nishkaam seva karta hoon, tumko vishwa ka maalik banaata hoon, main nahin banta hoon। svarga mein tum mujhe yaad nahin karte ho। duhkh mein simran sab karen, sukh mein kare na koy। inko duhkh aur sukh ka khel kaha jaata hai। svarga mein aur koi doosra dharma hota hi nahin। woh sabhi aate hi hain baad mein। tum jaante ho abhi is puraani duniya ka vinaash ho jaayega, natural calamities toofaan aayenge jor se। sab khatma ho jaayenge।

to baap abhi aakar besmajhdaar se samajhdaar banaate hain। baap ne kitna dhan maal diya tha, sab kahaan gaya? abhi kitne insolvent ban gaye hain। bhaarat jo sone ki chidiya tha woh ab kya ban pada hai? ab phir patit-paavan baap aaye hue hain raajayog sikhla rahe hain। woh hai hathayog, yeh hai raajayog। yeh raajayog donon ke liye hai, woh hathayog sirf puroosh hi seekhte hain। ab baap kehte hain purooshaartha karo, vishwa ka maalik bankar dikhaao। ab is puraani duniya ka vinaash to hona hi hai baaki thoda samay hai, yeh ladaai antim ladaai hai। yeh ladaai shuru hogi to rook nahin sakti। yeh ladaai shuru hi tab hogi jab tum karmaateet avastha ko paayenge aur svarga mein jaane ke laayak ban jaayenge। baap phir bhi kehte hain yaad ki yaatra mein albele nahin bano, ismen hi maaya vighna daalti hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap dvaara achhi reeti padhkar first class phool banna hai, kaanton ke is jangal ko phoolon ka bageecha banaane mein baap ko poori madad karni hai।

2) karmaateet avastha ko praapta karne va svarga mein oonch pad ka adhikaar praapta karne ke liye yaad ki yaatra mein tatpar rehna hai, albela nahin banna hai।

vardaan:- apne mastak par sada baap ki duaaon ka haath anubhav karne vaale master vighna-vinaashak bhav

ganesh ko vighna vinaashak kehte hain। vighna vinaashak vahi bante jinmen sarva shaktiyaan hain। sarvashaktiyon ko samay pramaan kaarya mein lagaao to vighna thahar nahin sakte। kitne bhi roop se maaya aaye lekin aap knowledgeful bano। knowledgeful aatma kabhi maaya se haar kha nahin sakti। jab mastak par baapdaada ki duaaon ka haath hai to vijay ka tilak laga hua hai। parmaatma haath aur saath vighna-vinaashak bana deta hai।

slogan:- svayan mein gunon ko dhaaran kar doosron ko gundaan karne vaale hi gunmoorta hain।