बुधवार 11 दिसंबर 2024 की दैनिक मुरली

11-12-2024 praatahmurli om shanti "baapdaada"' madhuban

“meethe bachche - baap ka madadgaar ban is iron aged pahaad ko golden aged banaana hai, purooshaartha kar nai duniya ke liye first class seat reserve karaani hai''

prashn:- baap ki pharz-adaai kya hai? kaun-sa farja poora karne ke liye sangam par baap ko aana padta hai?

uttar:- beemaar aur duhkhi bachchon ko sukhi banaana, maaya ke phande se nikaal ghanere sukh dena - yeh baap ki pharja-adaai hai, jo sangam par hi baap poori karte hain। baba kehte - main aaya hoon tum sabka merge mitaane, sab par kripa karne। ab purooshaartha kar 21 janmon ke liye apni oonchi takdeer bana lo।

geet:- bholenaath se niraala…

om shanti। bholaanaath shiv bhagvaanuvaach - brahma mukh kamal se baap kehte hain - yeh variety bhinna-bhinna dharmon ka manushya srishti jhaad hai na। is kalpa vriksha athva srishti ke aadi-madhya-ant ka raaz bachchon ko samjha raha hoon। geet mein bhi inki mahima hai। shivbaaba ka janma yahaan hai, baap kehte hain main aaya hoon bhaarat mein। manushya yeh nahin jaante ki shivbaaba kab padhaare the? kyonki geeta mein shreekrishna ka naam daal diya hai। dvaapar ki to baat hi nahin। baap samjhaate hain - bachche, 5 hazaar varsha pahle bhi maine aakar ke yeh gyaan diya tha। is jhaad se sabhi ko maaloom pad jaata hai। jhaad ko achhi reeti dekho। satayug mein barobar devi-devtaaon ka raajya tha, treta mein raam-seeta ka hai। baba aadi-madhya-ant ka raaz batlaate hain। bachche poochhte hain - baba, ham maaya ke phande mein kab phanse? baba kehte hain dvaapar se। nambarvaar phir doosre dharma aate hain। to hisaab lagaane se samajh sakte hain ki is duniya mein ham phir se kab aayenge? shivbaaba kehte hain main 5 hazaar varsha baad aaya hoon, sangam par apna farja nibhaane। sabhi jo bhi manushya maatra hain, sabhi duhkhi hain, unmein bhi khaas bhaaratvaasi। drama anusaar bhaarat ko hi main sukhi banaata hoon। baap ka farja hota hai bachche beemaar paden to unki dava darmal karna। yeh hai bahut badi beemaari। sabhi beemaariyon ka mool ye 5 vikaar hain। bachche poochhte hain yeh kab se shuru hue? dvaapar se। raavan ki baat samjhaani hai। raavan ko koi dekha nahin jaata। buddhi se samjha jaata hai। baap ko bhi buddhi se jaana jaata hai। aatma man-buddhi sahit hai। aatma jaanti hai ki hamaara baap paramatma hai। duhkh-sukh, lep-chhep mein aatma aati hai। jab shareer hai to aatma ko duhkh hota hai। aise nahin kehte ki mujh paramatma ko duhkhi mat karo। baap bhi samjhaate hain ki mera bhi part hai, kalpa-kalpa sangam par aakar main part bajaata hoon। jin bachchon ko mainne sukh mein bheja tha, woh duhkhi ban pade hain isliye phir drama anusaar mujhe aana padta hai। baaki kachchha-machchha avtaar yeh baaten hain nahin। kehte hain parshuraam ne kulhaada le kshatriyon ko maara। yeh sab hain danta kathaayen। to ab baap samjhaate hain mujhe yaad karo।

yeh hai jagat amba aur jagat pita। mother aur father country kehte hain na। bhaaratvaasi yaad bhi karte hain - tum maat-pita..... tumhaari kripa se sukh ghanere to barobar mil rahe hain। phir jo jitna purooshaartha karenge। jaise bioscope mein jaate hain, first class ka reservation karaate hain na। baap bhi kehte hain chaahe sooryavanshi, chaahe chandravanshi mein seat reserve karaao, jitna jo purooshaartha kare utna pad pa sakte hain। to sab merge mitaane baap aaye hain। raavan ne sabko bahut duhkh diya hai। koi bhi manushya, manushya ki gati-sadgati kar na sake। yeh hai hi kaliyug ka ant। guru log shareer chhodte hain phir yahaan hi punarjanma lete hain। to phir woh auron ki kya sadgati karenge! kya itne sabhi anek guru milkar patit srishti ko paavan banaayenge? govardhan parvat kehte hain na। yeh maataayen is iron aged pahaad ko golden aged banaati hain। govardhan ki phir pooja bhi karte hain, woh hai tatva pooja। sannyaasi bhi brahm athva tatva ko yaad karte hain। samajhte hain vahi paramatma hai, brahm bhagwan hai। baap kehte hain yeh to bhram hai। brahmaanda mein to aatmaayen ande misal rehti hain, niraakaari jhaad bhi dikhaaya gaya hai। har ek ka apna-apna section hai। is jhaad ka foundation hai - bhaarat ka sooryavanshi-chandravanshi gharaana। phir vriddhi hoti hai। mukhya hain 4 dharma। to hisaab karna chaahiye - kaun-kaun se dharma kab aate hain? jaise guroonaanak 500 varsha pahle aaye। aise to nahin sikkha log koi 84 janma ka part bajaate hain। baap kehte hain 84 janma sirf tum all-rounder braahmanon ke hain। baba ne samjhaaya hai ki tumhaara hi all-round part hai। brahman, devta, kshatriy, vaishya, shoodra tum bante ho। jo pahle devi-devta bante hain vahi saara chakra lagaate hain।

baap kehte hain tumne ved-shaastra to bahut sune। abhi yeh suno aur judge karo ki shaastra right hain ya guru log right hain ya jo baap sunaate hain woh right hai? baap ko kehte hi hain truth। main sach batlaata hoon jisse satayug ban jaata hai aur dvaapar se lekar tum jhooth sunte aaye ho to usse narka ban pada hai।

baap kehte hain - main tumhaara gulaam hoon, bhakti maarga mein tum gaate aaye ho - main gulaam, main gulaam tera..... abhi main tum bachchon ki seva mein aaya hoon। baap ko niraakaari, nirhankaari gaaya jaata hai। to baap kehte hain mera farja hai tum bachchon ko sada sukhi banaana। geet mein bhi hai agam-nigam ka bhed khole..... baaki damru aadi bajaane ki koi baat nahin hai। yeh to aadi-madhya-ant ka saara samaachaar sunaate hain। baba kehte hain tum sabhi bachche actors ho, main is samay karnakraavanhaar hoon। main inse (brahma se) sthaapna karvaata hoon। baaki geeta mein jo kuchh likha hua hai, woh to hai nahin। abhi to practical baat hai na। bachchon ko yeh sahaj gyaan aur sahaj yog sikhlaata hoon, yog lagvaata hoon। kaha hai na yog lagvaane vaale, jholi bharne vaale, marz mitaane vaale.....। geeta ka bhi poora arth samjhaate hain। yog sikhlaata hoon aur sikhalvaata bhi hoon। bachche yog seekhkar phir auron ko sikhlaate hain na। kehte hain yog se hamaari jyot jagaane vaale..... aise geet bhi koi ghar mein baithkar sune to saara hi gyaan buddhi mein chakra lagaayega। baap ki yaad se varse ka bhi nasha chadhega। sirf paramatma va bhagwan kahne se mukh meetha nahin hota। baba maana hi varsa।

ab tum bachche baba se aadi-madhya-ant ka gyaan sunkar phir auron ko sunaate ho, ise hi shankhadhvani kaha jaata hai। tumko koi pustak aadi haath mein nahin hai। bachchon ko sirf dhaarna karni hoti hai। tum ho sachche roohaani brahman, roohaani baap ke bachche। sachchi geeta se bhaarat svarga banta hai। woh to sirf kathaayen baith banaai hain। tum sab paarvatiyaan ho, tumko yeh amraktha suna raha hoon। tum sab dropdiyaan ho। vahaan koi nangan hote nahin। kehte hain tab bachche kaise paida honge? are, hain hi nirvikaari to vikaar ki baat kaise ho sakti। tum samajh nahin sakenge ki yogbal se bachche kaise paida honge! tum argue karenge। parantu yeh to shaastron ki baaten hain na। woh hai hi sampoorn nirvikaari duniya। yeh hai vikaari duniya। main jaanta hoon drama anusaar maaya phir tumko duhkhi karegi। main kalpa-kalpa apna farja paalan karne aata hoon। jaante hain kalpa pahle vaale sikeeldhe hi aakar apna varsa lenge। aasaar bhi dikhaate hain। yeh vahi mahaabhaarat ladaai hai। tumhein phir se devi-devta athva svarga ka maalik banne ka purooshaartha karna hai। ismen sthool ladaai ki koi baat nahin hai। na asuron va devtaaon ki ladaai hi hui hai। vahaan to maaya hi nahin jo ladaaye। aadhaakalpa na koi ladaai, na koi bhi beemaari, na duhkh-ashaanti। are, vahaan to sadaiv sukh, bahaar hi bahaar rehti hai। hospital hoti nahin, baaki school mein padhna to hota hi hai। ab tum har ek yahaan se varsa le jaate ho। manushya padhaai se apne pair par khade ho jaate hain। is par kahaani bhi hai - koi ne poochha tum kiska khaati ho? to kaha ham apni takdeer ka khaati hain। woh hoti hai had ki takdeer। abhi tum apni behad ki takdeer banaate ho। tum aisi takdeer banaate ho jo 21 janma phir apna hi raajya bhaagya bhogte ho। yeh hai behad ke sukh ka varsa, ab tum bachche contrast ko achhi reeti jaante ho, bhaarat kitna sukhi tha। ab kya haal hai! jinhonne kalpa pahle raajya-bhaagya liya hoga vahi ab lenge। aise bhi nahin ki jo drama mein hoga vo milega, phir to bhookh mar jaayenge। yeh drama ka raaz poora samajhna hai। shaastron mein koi ne kitni aayu, koi ne kitni likh di hai। anekaanek mat-mataantar hain। koi phir kehte hain ham to sada sukhi hain hi। are, tum kabhi beemaar nahin hote ho? woh to kehte hain rog aadi to shareer ko hota hai, aatma nirlep hai। are, chot aadi lagti hai to duhkh aatma ko hota hai na - yeh badi samajhne ki baaten hain। yeh school hai, ek hi teacher padhaate hain। knowledge ek hi hai। em object ek hi hai, nar se naaraayan banne ki। jo naapaas honge woh chandravanshi mein chale jaayenge। jab devtaayen the to kshatriy nahin, jab kshatriy the to vaishya nahin, jab vaishya the to shoodra nahin। yeh sab samajhne ki baaten hain। maataaon ke liye bhi ati sahaj hai। ek hi imtahaan hai। aise bhi mat samjho ki deri se aane vaale kaise padhenge। lekin abhi to naye teekhe ja rahe hain। practical mein hai। baaki maaya raavan ka koi roop nahin, kahenge inmen kaam ka bhoot hai, baaki raavan ka koi but va shareer to hai nahin।

achha, sabhi baaton ka saccharin hai manmanaabhav। kehte hain mujhe yaad karo to is yog agni se vikarma vinaash honge। baap guide bankar aate hain। baba kehte - bachche, main to sammukh tum bachchon ko padha raha hoon। kalpa-kalpa apni farja-adaai paalan karta hoon। paarlaukik baap kehte hain main apna farja bajaane aaya hoon - tum bachchon ki madad se। madad denge tab to tum bhi pad paayenge। main kitna bada baap hoon। kitna bada yagya racha hai। brahma ki mukh vanshaavli tum sabhi brahman-braahmaniyaan bhaai-behen ho। jab bhaai-behen banen to stri-puroosh ki drishti badal jaae। baap kehte hain is brahman kul ko kalankit nahin karna, pavitra rahne ki yuktiyaan hain। manushya kehte hain yeh kaise hoga? aise ho nahin sakta, ikatthe rahen aur aag na lage! baba kehte hain beech mein gyaan talvaar hone se kabhi aag nahin lag sakti, parantu jabki donon manmanaabhav rahen, shivbaaba ko yaad karte rahen, apne ko brahman samjhen। manushya to in baaton ko nahin samajhne kaaran hangaama machaate hain, yeh gaaliyaan bhi khaani padti hain। shreekrishna ko thode hi koi gaali de sakte। shreekrishna aise aa jaae to vilaayat aadi se ekdam aeroplane mein bhaag aayen, bheed mach jaae। bhaarat mein pata nahin kya ho jaae।

achha, aaj bhog hai - yeh hai piyarghar aur woh hai sasurghar। sangam par mulaakaat hoti hai। koi-koi inko jaadu samajhte hain। baba ne samjhaaya hai ki yeh saakshaatkaar kya hai? bhakti maarga mein kaise saakshaatkaar hote hain, inmen sanshaybuddhi nahin hona hai। yeh rasma-rivaaj hai। shivbaaba ka bhandaara hai to unko yaad kar bhog lagaana chaahiye। yog mein rehna to achha hi hai। baba ki yaad rahegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko brahma mukh vanshaavli samajhkar pakka pavitra brahman banna hai। kabhi apne is brahman kul ko kalankit nahin karna hai।

2) baap samaan niraakaari, nirhankaari ban apni farja-adaai poori karni hai। roohaani seva par tatpar rehna hai।

vardaan:- sneh ki shakti se maaya ki shakti ko samaapta karne vaale sampoorn gyaani bhav

sneh mein samaana hi sampoorn gyaan hai। sneh brahman janma ka vardaan hai। sangamayug par sneh ka saagar sneh ke heere motiyon ki thaaliyaan bharkar de rahe hain, to sneh mein sampanna bano। sneh ki shakti se paristhiti roopi pahaad parivartan ho paani samaan halka ban jaayega। maaya ka kaisa bhi vikraal roop va royal roop saamna kare to second mein sneh ke saagar mein sama jaao। to sneh ki shakti se maaya ki shakti samaapta ho jaayegi।

slogan:- tan-man-dhan, man-vaani aur karma se baap ke kartavya mein sada sahayogi hi yogi hain।