बुधवार 18 दिसंबर 2024 की दैनिक मुरली

18-12-2024 praatahmurli om shanti "baapdaada"' madhuban

“meethe bachche - sarvashaktimaan baap se buddhiyog lagaane se shakti milegi, yaad se hi aatma roopi battery charge hoti hai, aatma pavitra satopradhaan ban jaati hai''

prashn:- sangamayug par tum bachche kaun-sa purooshaartha karte ho jiski praalabdha mein devta pad milta hai?

uttar:- sangam par ham sheetal banne ka purooshaartha karte hain। sheetal arthaat pavitra banne se ham devta ban jaate hain। jab tak sheetal na banen tab tak devta bhi ban nahin sakte। sangam par sheetal deviyaan ban sab par gyaan ke thande chheente daal sabko sheetal karna hai। sabki tapat bujhaani hai। khud bhi sheetal banna hai aur sabko bhi banaana hai।

om shanti। bachchon ko pahle-pahle ek hi baat samajhne ki hai ki ham sab bhaai-bhaai hain aur shivbaaba sabhi ka baap hai। unhein sarvashaktimaan kaha jaata hai। tumhaare mein sarvashaktiyaan thi। tum saare vishwa par raajya karte the। bhaarat mein in devi-devtaaon ka raajya tha, tum hi pavitra devi-devta the। tumhaare kul va dynasty mein sabhi nirvikaari the। kaun nirvikaari the? aatmaayen। abhi phir se tum nirvikaari ban rahe ho। sarvashaktimaan baap ki yaad se shakti le rahe ho। baap ne samjhaaya hai aatma hi 84 ka part bajaati hai। aatma mein hi satopradhaanta ki taakat thi, woh phir din-pratidin kam hoti jaati hai। satopradhaan se tamopradhaan to banna hi hai। jaise battery ki taakat kam hoti jaati hai to motor khadi ho jaati hai। battery discharge ho jaati hai। aatma ki battery full discharge nahin hoti, kuchh na kuchh taakat rehti hai। jaise koi marta hai to deeva jalaate hain, usmein ghrit daalte hi rehte hain ki kahaan jyot bujh na jaae। abhi tum bachche samajhte ho tumhaari aatma mein poori shakti thi, abhi nahin hai। abhi phir tum sarvashaktimaan baap se apna buddhiyog lagaate ho, apne mein shakti bharte ho kyonki shakti kam ho gai hai। shakti ekdam khatma ho jaae to shareer hi na rahe। aatma baap ko yaad karte-karte ekdam pure ho jaati hai। satayug mein tumhaari battery full charge rehti hai। phir dheere-dheere kala arthaat battery kam hoti jaati hai। kaliyug ant tak aatma ki taakat ekdam thodi rah jaati hai। jaise taakat ka devaala nikal jaata hai। baap ko yaad karne se aatma phir se bharpoor ho jaati hai। to abhi baap samjhaate hain ek ko hi yaad karna hai। oonch te oonch hai bhagvant। baaki sab hai rachna। rachna ko rachna se had ka varsa milta hai। creator to ek hi behad ka baap hai। baaki sab hain had ke। behad ke baap ko yaad karne se behad ka varsa milta hai। to bachchon ko dil andar samajhna chaahiye ki baba hamaare liye svarga nai duniya sthaapan kar rahe hain। drama plan anusaar svarga ki sthaapna ho rahi hai, jismen tum bachche hi aakar raajya karte ho। main to ever pavitra hoon। main kabhi garbha se janma nahin leta hoon, na devi-devtaaon ki tarah janma leta hoon। sirf tum bachchon ko svarga ki baadshaahi dene ke liye jab yeh (baba) 60 varsha ki vaanaprastha avastha mein hota hai tab inke tan mein main pravesh karta hoon। yahi phir number one tamopradhaan se number one satopradhaan banta hai। oonch te oonch hai bhagwan। phir hai brahma, vishnu, shankar - sookshm vatan vaasi। yeh brahma, vishnu, shankar kahaan se aaye? yeh sirf saakshaatkaar hota hai। sookshm vatan beech ka hai na। jahaan sthool shareer hai nahin। sookshm shareer sirf divya drishti se dekha jaata hai। brahma to hai saphed vastradhaari। woh vishnu hai heere javaahron se saja-sajaaya। phir shankar ke gale mein naag aadi dikhaate hain। aise shankar aadi koi ho nahin sakta। dikhaate hain amarnaath par shankar ne paarvati ko amar katha sunaai। abhi phir sookshm vatan mein to manushya srishti hai nahin। to katha vahaan kaise sunaayenge? baaki sookshm vatan ka sirf saakshaatkaar hota hai। jo bilkul pavitra ho jaate hain unka saakshaatkaar hota hai। yahi phir satayug mein jaakar svarga ke maalik bante hain। to buddhi mein aana chaahiye ki inhonne phir yeh raajya-bhaagya kaise paaya? ladaai aadi to kuchh hoti nahin hai। devtaayen hinsa kaise karenge? abhi tum baap ko yaad kar raajaai lete ho, koi maane va na maane। geeta mein bhi hai deh sahit deh ke sab dharmon ko bhool maamekam yaad karo। baap ko to deh hi nahin hai, jismen mamatva ho। baap kehte hain - thode samay ke liye is shareer ka loan leta hoon। nahin to main knowledge kaise doon? main is jhaad ka chaitanya beejroop hoon। is jhaad ki knowledge mere hi paas hai। is srishti ki aayu kitni hai? kaise utpatti, paalna, vinaash hota hai? manushyon ko kuchh pata nahin hai। woh padhte hain had ki padhaai। baap to behad ki padhaai padhaakar bachchon ko vishwa ka maalik banaate hain।

bhagwan kabhi dehdhaari manushya ko nahin kaha jaata। inhon ko (brahma-vishnu-shankar ko) bhi apni sookshm deh hai isliye inhen bhi bhagwan nahin kahenge। yeh shareer to is daada ki aatma ka takhta hai। akaal takhta hai na। abhi yeh akaalmoorta baap ka takhta hai। amritsar mein bhi akaaltakhta hai। bade-bade jo hote hain, vahaan akaaltakhta par jaakar baithte hain। abhi baap samjhaate hain yeh sab aatmaon ka akaaltakhta hai। aatma mein hi achhe va bure sanskaar hote hain, tab to kehte hain yeh karmon ka phal hai। sab aatmaon ka baap ek hi hai। baba koi shaastra aadi padhkar nahin samjhaate hain। yeh baaten bhi shaastron aadi mein nahin hain, tab to log chidhte hain, kehte hain yeh log shaastron ko nahin maante। saadhu-santa aadi ganga mein jaakar snaan karte hain to kya paavan ban gaye? vaapis to koi ja nahin sakte। sab pichhaadi mein jaayenge। jaise makkadon ka jhunda va makkhiyon ka jhunda jaata hai। makkhiyon mein bhi queen hoti hai, unke pichhaadi sabhi jaate hain, baap bhi jaayenge to unke pichhaadi sab aatmaayen bhi jaayengi। mool vatan mein bhi jaise sabhi aatmaon ka jhunda hai। yahaan phir hai sabhi manushyon ka jhunda। to yeh jhunda bhi ek din bhaagna hai। baap aakar sabhi aatmaon ko le jaate hain। shiv ki baraat gaai hui hai। bachche kaho va bachchiyaan kaho। baap aakar bachchon ko yaad ki yaatra sikhlaate hain। pavitra banne bigar aatma ghar vaapis ja nahin sakti। jab pavitra ban jaayengi to pahle shantidham mein jaayengi phir vahaan se aahiste-aahiste aate rehte hain, vriddhi hoti rehti hai। raajdhaani banni hai na। sabhi ikatthe nahin aate hain। jhaad aahiste-aahiste vriddhi ko paata hai na। pahle-pahle aadi sanaatan devi-devta dharma hai jo baap sthaapan karte hain। brahman bhi pahle-pahle vahi bante hain jinhen devta banna hai। prajaapita brahma to hai na। praja mein bhi bhaai-behen ho jaate hain। brahmaakumaar-kumaariyaan to yahaan dher bante hain। zaroor nishchaybuddhi honge tab to itne dher marks lete hain। tumhaare mein jo pakke hain woh vahaan pahle aate hain, kachche vaale pichhaadi mein hi aayenge। mool vatan mein sabhi aatmaayen rehti hain phir neeche aati hain to vriddhi hoti jaati hai। shareer bigar aatma kaise part bajaayegi? yeh paartadhaariyon ki duniya hai jo chaaron yugon mein phirti rehti hai। satayug mein ham so devta the phir kshatriy, vaishya, shoodra bante hain। abhi yeh hai purooshottam sangamayug। yeh yug abhi hi banta hai jabki baap aate hain। yeh abhi behad ki knowledge behad ka baap hi dete hain। shivbaaba ko apne shareer ka koi naam nahin hai। yeh shareer to is daada ka hai। baba ne thode samay ke liye yeh loan liya hai। baap kehte hain hamko tumse baat karne ke liye mukh to chaahiye na। mukh na ho to baap bachchon se baat bhi na kar sake। phir behad ki knowledge bhi is mukh se sunaata hoon, isliye isko gaoomukh bhi kehte hain। pahaadon se paani to kahaan bhi nikal sakta hai। phir yahaan gaoomukh bana diya hai, usse paani aata hai। unhein phir gangaajal samajh peete hain। us paani ka phir kitna mahatva rakhte hain। is duniya mein hai sab jhooth। sach to ek baap hi sunaate hain। phir woh jhoothe manushya is baap ki knowledge ko jhooth samajh lete hain। bhaarat mein jab satayug tha to isko sachkhanda kaha jaata tha। phir bhaarat hi puraana banta hai to har baat, har cheez jhoothi hoti hai। kitna farka ho jaata hai। baap kehte hain tum hamaari kitni glaani karte ho। sarvavyaapi kah kitna insult kiya hai। shivbaaba ko bulaate hi hain ki is puraani duniya se le chalo। baap kehte hain mere sabhi bachche kaam chita par chadhkar kangaal ban gaye hain। baap bachchon ko kehte hain tum to svarga ke maalik the na। smriti aati hai? bachchon ko hi samjhaate hain, saari duniya ko to nahin samjhaayenge। bachche hi baap ko samajhte hain। duniya is baat ko kya jaane!

sabse bada kaanta hai kaam ka। naam hi hai patit duniya। satayug hai 100 percent pavitra duniya। manushya hi, pavitra devtaaon ke aage jaakar naman karte hain। bhal bahut bhakta hain jo vegetarian hain, parantu aise nahin ki vikaar mein nahin jaate hain। aise to bahut baal brahmachaari bhi rehte hain। chhotepan se kabhi chhi-chhi khaana aadi nahin khaate hain। sannyaasi bhi kehte hain nirvikaari bano। gharbaar ka sannyaas karte hain phir doosre janma mein bhi kisi grihasthi ke paas janma le phir gharbaar chhod jangal mein chale jaate hain। parantu kya patit se paavan ban sakte hain? nahin। patit-paavan baap ki shreemat bigar koi patit se paavan ban nahin sakte। bhakti hai utarti kala ka maarga। to phir paavan kaise banenge? paavan banen to ghar jaaven, svarga mein aa jaaen। satayugi devi-devtaayen kab gharbaar chhodte hain kya? unhon ka hai had ka sannyaas, tumhaara hai behad ka sannyaas। saari duniya, mitra-sambandhi aadi sabka sannyaas। tumhaare liye abhi svarga ki sthaapna ho rahi hai। tumhaari buddhi svarga taraph hai। manushya to narka mein hi latke pade hain। tum bachche phir baap ki yaad mein latke pade ho।

tumko sheetal deviyaan banaane ke liye gyaan chita par bithaaya jaata hai। sheetal akshar ke against hai tapat। tumhaara naam hi hai sheet-laadevi। ek to nahin hogi na। zaroor bahut hongi, jinhonne bhaarat ko sheetal banaaya hai। is samay sabhi kaam-chita par jal rahe hain। tumhaara naam yahaan sheetla deviyaan hain। tum sheetal karne vaali, thanda chheenta daalne vaali deviyaan ho। chheenta daalne jaate hain na। yeh hai gyaan ke chheente, jo aatma ke oopar daale jaate hain। aatma pavitra banne se sheetal ban jaati hai। is samay saari duniya kaam chita par chadh kaali ho padi hai। ab kalash milta hai tum bachchon ko। kalash se tum khud bhi sheetal bante ho aur doosron ko bhi banaate ho। yeh bhi sheetal bane hain na। donon ikatthe hain। gharbaar chhodne ki to baat hi nahin, lekin gaooshaala bani hogi to zaroor koi ne gharbaar chhoda hoga। kislie? gyaanchita par baith sheetal banne ke liye। jab tum yahaan sheetal banenge tab hi tum devta ban sakte ho। abhi tum bachchon ka buddhiyog puraane ghar ki taraph nahin jaana chaahiye। baap ke saath buddhi latki rahe kyonki tum sabko baap ke paas ghar jaana hai। baap kehte hain - meethe bachche, main panda bankar aaya hoon tumko le chalne। yeh shiv shakti paandav sena hai। tum ho shiv se shakti lene vaali, woh hai sarvashaktimaan। manushya to samajhte hain - paramatma mare hue ko jinda kar sakte hain। parantu baap kehte hain - laadle bachche, is drama mein har ek ko anaadi part mila hua hai। main bhi creator, director, principal actor hoon। drama ke part ko ham kuchh bhi change nahin kar sakte। manushya samajhte hain patta-patta bhi paramatma ke hukm se hilta hai lekin paramatma to khud kehte hain main bhi drama ke adheen hoon, iske bandhan mein baandha hua hoon। aise nahin ki mere hukm se patte hilenge। sarvavyaapi ke gyaan ne bhaaratvaasiyon ko bilkul kangaal bana diya hai। baap ke gyaan se bhaarat phir sirtaaj banta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sooryavanshi mein pahle-pahle aane ke liye nishchaybuddhi ban full marks leni hain। pakka brahman banna hai। behad ki knowledge smriti mein rakhni hai।

2) gyaan chita par baith sheetal arthaat pavitra banna hai। gyaan aur yog se kaam ki tapat samaapta karni hai। buddhiyog sada ek baap ki taraph latka rahe।

vardaan:- brahman jeevan mein shreshtha sthiti roopi medal praapta karne vaale begampur ke baadshaah bhav

aap sab apni svasthiti achhe se achhi banaane ke liye hi brahman bane ho। brahman jeevan mein shreshtha sthiti hi aapki property hai। yahi brahman jeevan ka medal hai। jo yeh medal praapta kar lete hain woh sada achal adol ek-ras sthiti mein rehte, sada nishchint, begampur ke baadshaah ban jaate hain। ve sarva ichchhaaon se mukta, ichchha maatram avidya swaroop hote hain।

slogan:- atoot nishchay aur phalak se kaho “mera baba'' to maaya sameep bhi nahin aa sakti।