शुक्रवार 3 जनवरी 2025 की दैनिक मुरली

03-01-2025 praatahmurli om shanti "baapdaada"' madhuban

“meethe bachche - niraakaar baap tumhein apni mat dekar aastik banaate hain, aastik banne se hi tum baap ka varsa le sakte ho''

prashn:- behad ki raajaai praapta karne ke liye kin do baaton par poora-poora attention dena chaahiye?

uttar:- 1-padhaai aur 2-service। service ke liye lakshan bhi bahut achhe chaahiye। yeh padhaai bahut wonderful hai isse tum raajaai praapta karte ho। dvaapar se dhan daan karne se raajaai milti hai lekin abhi tum padhaai se prince-princess bante ho।

geet:- hamaare teertha nyaare hain…

om shanti। meethe-meethe roohaani bachchon ne geet ki ek line suni। tumhaare teertha hain - ghar mein baith chupke se muktidhaam pahunchna। duniya ke teertha to common hain, tumhaare hain nyaare। manushyon ka buddhiyog to saadhu-santon aadi taraph bahut hi bhatakta rehta hai। tum bachchon ko to sirf baap ko hi yaad karne ka direction milta hai। woh hai niraakaar baap। aise nahin ki niraakaar ko maanne vaale niraakaari mat ke thahre। duniya mein mat-mataantar to bahut hain na। yeh ek niraakaari mat niraakaar baap dete hain, jisse manushya oonch te oonch pad jeevanmukti va mukti paate hain। in baaton ko jaante kuchh nahin hain। sirf aise hi kah dete niraakaar ko maanne vaale hain। anekaanek maten hain। satayug mein to hoti hai ek mat। kaliyug mein hain anek mat। anek dharma hain, laakhon-karodon maten hongi। ghar-ghar mein har ek ki apni mat। yahaan tum bachchon ko ek hi baap oonch te oonch mat dete hain, oonch te oonch banaane ki। tumhaare chitra dekhkar bahut log kehte hain ki yeh kya banaaya hai? mukhya baat kya hai? bolo, yeh rachta aur rachna ke aadi-madhya-ant ka gyaan hai, jis gyaan se ham aastik bante hain। aastik banne se baap se varsa milta hai। naastik banne se varsa ganvaaya hai। abhi tum bachchon ka dhandha hi yeh hai - naastik ko aastik banaana। yeh parichay tumko mila hai baap se। trimoorti ka chitra to bada clear hai। brahma dvaara brahman to zaroor chaahiye na। braahmanon se hi yagya chalta hai। yeh bada bhaari yagya hai। pahle-pahle to yeh samjhaana hota hai ki oonch te oonch baap hai। sabhi aatmaayen bhaai-bhaai thahri। sabhi ek baap ko yaad karte hain। unko baap kehte hain, varsa bhi rachta baap se hi milta hai। rachna se to mil na sake isliye eeshvar ko sabhi yaad karte hain। ab baap hai hi svarga ka rachayita aur bhaarat mein hi aate hain, aakar yeh kaarya karte hain। trimoorti ka chitra to badi achhi cheez hai। yeh baba, yeh daada। brahma dvaara baba sooryavanshi gharaane ki sthaapna kar rahe hain। baap kehte hain mujhe yaad karo to vikarma vinaash hon। em object poori hai isliye baba medals bhi banvaate hain। bolo, short mein short do akshar mein aapko samjhaate hain। baap se second mein varsa milna chaahiye na। baap hai hi svarga ka rachayita। yeh medals to bahut achhi cheez hai। parantu bahut deh-abhimaani bachche samajhte nahin hain। inmen saara gyaan hai - ek second ka। baba bhaarat ko hi aakar svarga banaate hain। nai duniya baap hi sthaapan karte hain। yeh purooshottam sangamayug bhi gaaya hua hai। yeh saara gyaan buddhi mein tapakna chaahiye। koi ka yog hai to phir gyaan nahin, dhaarna nahin hoti। service karne vaale bachchon ko gyaan ki dhaarna achhi ho sakti hai। baap aakar manushya ko devta banaane ki seva kare aur bachche koi seva na karen to woh kya kaam ke? woh dil par chadh kaise sakte? baap kehte hain - drama mein mera part hi hai raavan raajya se sabko chhudaana। raam raajya aur raavan raajya bhaarat mein hi gaaya hua hai। ab raam kaun hai? yeh bhi jaante nahin। gaate bhi hain - patit-paavan, bhakton ka bhagwan ek। to pahle-pahle jab koi andar ghuse to baap ka parichay do। aadmi-aadmi dekhkar samjhaana chaahiye। behad ka baap aate hi hain behad ke sukh ka varsa dene। unko apna shareer to hai nahin to varsa kaise dete hain? khud kehte hain ki main is brahma tan se padhaakar, raajayog sikhlaae yeh pad praapta karaata hoon। is medal mein second ki samjhaani hai। kitna chhota medal hai parantu samjhaane vaale bade dehi-abhimaani chaahiye। woh bahut kam hain। yeh mehnat koi se pahunchti nahin hai isliye baba kehte hain chart rakhkar dekho - saare din mein ham kitna time yaad mein rehte hain? saara din office mein kaam karte yaad mein rehna hai। karma to karna hi hai। yahaan yog mein bithaakar kehte hain baap ko yaad karo। us samay karma to karte nahin ho। tumko to karma karte yaad karna hai। nahin to baithne ki aadat pad jaati hai। karma karte yaad mein rahenge tab karmayogi siddha honge। part to zaroor bajaana hai, ismen hi maaya vighna daalti hai। sachchaai se chart bhi koi likhte nahin hain। koi-koi likhte hain, aadha ghanta, pauna ghanta yaad mein rahe। so bhi savere hi yaad mein baithte honge। bhakti maarga mein bhi savere uth-kar raam ki maala baith japte hain। aise bhi nahin, us samay ek hi dhun mein rehte hain। nahin, aur bhi bahut sankalp aate rahenge। teevra bhakton ki buddhi kuchh thaharti hai। yeh to hai ajpaajaap। nai baat hai na। geeta mein bhi manmanaabhav akshar hai। parantu shreekrishna ka naam dene se shreekrishna ko yaad kar lete hain, kuchh bhi samajhte nahin। medal saath mein zaroor ho। bolo, baap brahma tan se baith samjhaate hain, ham us baap se preet rakhte hain। manushyon ko to na aatma ka, na paramatma ka gyaan hai। sivaae baap ke yeh gyaan koi de na sake। yeh trimoorti shiv sabse mukhya hai। baap aur varsa। is chakra ko samajhna to bahut sahaj hai। pradarshani se bhi praja to laakhon banti rehti hai na। raajaayen thode hote hain, unhon ki praja to karodon ki andaaj mein hoti hai। praja dher banti hai, baaki raaja banaane liye purooshaartha karna hai। jo jaasti service karte hain ve zaroor oonch pad paayenge। kai bachchon ko service ka bahut shauk hai। kehte hain naukri chhod den, khaane liye to hai hi। baba ka ban gaye to shivbaaba ki hi paravrish lenge। parantu baba kehte hain - mainne vaanaprastha mein pravesh kiya hai na। maataayen bhi javaan hain to ghar mein rehte donon service karni hai। baba har ek ki circumstance ko dekh raay dete hain। shaadi aadi ke liye agar allow na karen to hangaama ho jaae isliye har ek ka hisaab-kitaab dekh raay dete hain। kumaar hain to kahenge tum service kar sakte ho। service kar behad ke baap se varsa lo। us baap se tumko kya milega? dhoolchhaani। woh to sab mitti mein mil jaana hai। din-pratidin time kam hota jaata hai। kai samajhte hain hamaari milkiyat ke bachche vaaris banenge। parantu baap kehte hain kuchh bhi milne ka nahin hai। saari milkiyat khaak mein mil jaayegi। woh samajhte hain pichhaadi vaale khaayenge। dhanvaan ka dhan khatma hone mein koi deri nahin lagti hai। maut to saamne khada hi hai। koi bhi varsa le nahin sakenge। bahut thode hain jo poori reeti samjha sakte hain। jaasti service karne vaale hi oonch pad paayenge। to unhon ka regard bhi rakhna chaahiye, inse seekhna hai। 21 janma ke liye regard rakhna pade। automatic zaroor woh oonch pad paayenge, to regard to jahaan-tahaan rehna hi hai। khud bhi samajh sakte hain, jo mila so achha hai, ismen hi khush hote hain।

behad ki raajaai ke liye padhaai aur service par poora attention chaahiye। yeh hai behad ki padhaai। yeh raajdhaani sthaapan ho rahi hai na। is padhaai se yahaan tum padhkar prince bante ho। koi bhi manushya dhan daan karte hain to woh raaja ke paas va saahookaar ke paas janma lete hain। parantu woh hai alpakaal ka sukh। to is padhaai par bahut attention dena chaahiye। service ka ona (phikar) rehna chaahiye। ham apne gaanv mein jaakar service karen। bahuton ka kalyaan ho jaayega। baba jaante hain - service ka shauk ajun koi mein hai nahin। lakshan bhi to achhe chaahiye na। aise nahin ki disservice kar aur hi yagya ka bhi naam badnaam karen aur apna hi nuksaan kar den। baba to har baat ke liye achhi reeti samjhaate hain। medals aadi ke liye kitna ona rehta hai। phir samjha jaata hai - drama anusaar deri padti hai। yeh lakshmi-naaraayan ka translight chitra bhi first class hai। parantu bachchon par aaj brihaspati ki dasha to kal phir raahu ki dasha baith jaati hai। drama mein saakshi ho part dekhna hota hai। oonch pad paane vaale bahut kam hote hain। ho sakta hai grahchaari utar jaae। grahchaari utarti hai to phir jump kar lete hain। purooshaartha kar apna jeevan banaana chaahiye, nahin to kalpa-kalpaantar ke liye satyaanaash ho jaayegi। samjhenge kalpa pahle muaaphik grahchaari aai hai। shreemat par nahin chalenge to pad bhi nahin milega। oonch te oonch hai bhagwan ki shreemat। in lakshmi-naaraayan ke chitra ko tumhaare sivaae koi samajh na sake। kahenge chitra to bahut achha banaaya hai, bas tumko yeh chitra dekhne se mool vatan, sookshm vatan, sthoolavtan saara srishti ka chakra buddhi mein aa jaayega। tum knowledgeful bante ho - nambarvaar purooshaartha anusaar। baba ko to yeh chitra dekh bahut khushi hoti hai। student ko to khushi honi chaahiye na - ham padhkar yeh bante hain। padhaai se hi oonch pad milta hai। aise nahin ki jo bhaagya mein hoga। purooshaartha se hi praalabdha milti hai। purooshaartha karaane vaala baap mila hai, unki shreemat par nahin chalenge to buri gati hogi। pahle-pahle to koi ko bhi is medals par hi samjhaao phir jo laayak honge woh jhat kahenge - hamko yeh mil sakte hain? haan, kyon nahin। is dharma ka jo hoga usko teer lag jaayega। uska kalyaan ho sakta hai। baap to second mein hatheli par bahishta dete hain, ismen to bahut khushi rahni chaahiye। tum shiv ke bhakton ko yeh gyaan do। bolo, shivbaaba kehte hain mujhe yaad karo to raajaaon ka raaja ban jaayenge। bas saara din yahi service karo। khaas banaaras mein shiv ke mandir to bahut hain, vahaan achhi service ho sakti hai। koi na koi niklenge। bahut easy service hai। koi karke dekho, khaana to milega hi, service karke dekho। centre to vahaan hai hi। savere jaao mandir mein, raat ko laut aao। centre bana do। sabse jaasti tum shiv ke mandir mein service kar sakte ho। oonch te oonch hai hi shiv ka mandir। baambe mein babulnaath ka mandir hai। saara din vahaan jaakar service kar bahuton ka kalyaan kar sakte hain। yeh medal hi bas hai। trial karke dekho। baba kehte hain yeh medals laakh to kya 10 laakh banaao। bujurga log to bahut achhi service kar sakte hain। dher praja ban jaayegi। baap sirf kehte hain mujhe yaad karo bas, manmanaabhav akshar bhool gaye ho। bhagvaanuvaach hai na। shivbaaba, shreekrishna ko bhi yeh pad praapta karaate hain, phir dhakka khaane ki kya darkaar hai। baap to kehte hain sirf mujhe yaad karo। tum sabse achhi service shiv ke mandir mein kar sakenge। service ki saphalta ke liye dehi-abhimaani avastha mein sthit hokar service karo। dil saaph to muraad haansil। banaaras ke liye baba to khaas raay dete hain vahaan vaanaprasthiyon ke aashram bhi hain। bolo ham brahma ke bachche brahman hain। baap brahma dvaara kehte hain mujhe yaad karo to vikarma vinaash hon, aur koi upaay nahin hai। subah se lekar raat tak shiv ke mandir mein baith service karo। try karke dekho। shivbaaba khud kehte hain - hamaare mandir to bahut hain। tumko koi bhi kuchh kahenge nahin, aur hi khush honge - yeh to shiv-baba ki bahut mahima karte hain। bolo yeh brahma, yeh brahman hain, yeh koi devta nahin hain। yeh bhi shivbaaba ko yaad kar yeh pad lete hain। in dvaara shivbaaba kehte hain maamekam yaad karo। kitna easy hai। bujurga ki koi insult nahin karega। banaaras mein abhi tak itni koi service hui nahin hai। medal va chitron par samjhaana bahut sahaj hai। koi gareeb hai to bolo tumko free dete hain, saahookaar hai to bolo tum denge to bahuton ke kalyaan ke liye aur bhi chhapa lenge to tumhaara bhi kalyaan ho jaayega। yeh tumhaara dhandha sabse teekha ho jaayega। koi trial karke dekho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ko jeevan mein dhaaran kar phir service karni hai। jo jaasti service karte hain, achhe lakshan hain unka regard bhi zaroor rakhna hai।

2) karma karte yaad mein rahne ki aadat daalni hai। service ki saphalta ke liye apni avastha dehi-abhimaani banaani hai। dil saaph rakhni hai।

vardaan:- sarva samasyaaon ki vidaai ka samaaroh manaane vaale samaadhaan swaroop bhav

samaadhaan swaroop aatmaon ki maala tab taiyaar hogi jab aap apni sampoorn sthiti mein sthit honge। sampoorn sthiti mein samasyaayen bachpan ka khel anubhav hoti hain arthaat samaapta ho jaati hain। jaise brahma baap ke saamne yadi koi bachcha samasya lekar aata tha to samasya ki baaten bolne ki himmat bhi nahin hoti thi, woh baaten hi bhool jaati thi। aise aap bachche bhi samaadhaan swaroop bano to aadhaakalpa ke liye samasyaaon ka vidaai samaaroh ho jaae। vishwa ki samasyaaon ka samaadhaan hi parivartan hai।

slogan:- jo sada gyaan ka simran karte hain ve maaya ki aakarshan se bach jaate hain।

apni shaktishaali mansa dvaara sakaash dene ki seva karo

apne double light pharishta swaroop mein sthit ho, saakshi ban sab part dekhte sakaash arthaat sahayog do kyonki aap sarva ke kalyaan ke nimitta ho। yeh sakaash dena hi nibhaana hai, lekin oonchi stage par sthit hokar sakaash do। vaani ki seva ke saath-saath mansa shubh bhaavnaaon ki vritti dvaara sakaash dene ki seva karo।