मंगलवार 14 जनवरी 2025 की दैनिक मुरली

14-01-2025 praatahmurli om shanti "baapdaada"' madhuban

“meethe bachche - tumhaari nazar shareeron par nahin jaani chaahiye, apne ko aatma samjho, shareeron ko mat dekho''

prashn:- har ek brahman bachche ko vishesh kin do baaton par dhyaan dena hai?

uttar:- 1- padhaai par, 2- daivi gunon par। kai bachchon mein krodh ka ansh bhi nahin hai, koi to krodh mein aakar bahut ladte hain। bachchon ko khyaal karna chaahiye ki hamko daiveegun dhaaran karke devta banna hai। kabhi gusse mein aakar baatcheet nahin karni chaahiye। baba kehte kisi bachche mein krodh hai to woh bhootnaath-bhootnaathini hai। aise bhoot vaalon se tumhein baat bhi nahin karni hai।

geet:- takdeer jagaakar aai hoon… .

om shanti। bachchon ne geet suna। aur koi bhi satsang mein kabhi record par nahin samjhaate hain। vahaan shaastra sunaate hain। jaise guroodvaare mein granth ka do vachan nikaalte hain phir katha karne vaala baith unka vistaar karte hain। record par koi samjhaaye, yeh kahaan hota nahin hai। ab baap samjhaate hain ki yeh sab geet hain bhakti maarga ke। bachchon ko samjhaaya gaya hai, gyaan alag cheez hai, jo ek niraakaar shiv se mil sakta hai। isko kaha jaata hai roohaani gyaan। gyaan to bahut prakaar ke hote hain na। koi se poochha jaayega yeh galeecha kaise banta hai, tumko gyaan hai? har cheez ka gyaan hota hai। woh hain hi jismaani baaten। bachche jaante hain ham aatmaon ka roohaani baap woh ek hai, unka roop dikhaai nahin padta hai। us niraakaar ka chitra bhi hai saaligraam misal। unko hi paramatma kehte hain। unko kaha hi jaata hai niraakaar। manushya jaisa aakaar nahin hai। har vastu ka aakaar zaroor hota hai। un sabmen chhote mein chhota aakaar hai aatma ka। unko kudrat hi kahenge। aatma bahut chhoti hai jo in aakhon se dekhne mein nahin aati। tum bachchon ko divya drishti milti hai jisse sab saakshaatkaar karte ho। jo past ho gaye hain unko divya drishti se dekha jaata hai। pahle number mein to yeh past ho gaya hai। ab phir aaye hain to unka bhi saakshaatkaar hota hai। hai bahut sookshm। isse samajh sakte hain, sivaae parampita paramatma ke aatma ka gyaan koi de nahin sakta। manushya, aatma ko yathaartha reeti nahin jaante vaise paramatma ko bhi yathaartha reeti nahin jaan sakte। duniya mein manushyon ki anek mat hain। koi kehte aatma paramatma mein leen ho jaati, koi kya kehte। abhi tum bachchon ne jaana hai, so bhi nambarvaar purooshaartha anusaar, sabki buddhi mein ekras to baith nahin sakta। ghadi-ghadi buddhi mein bhi bithaana hota hai। ham aatma hain, aatma ko hi 84 janmon ka part bajaana hai। ab baap kehte hain apne ko aatma samajh mujh parampita paramatma ko jaanon aur yaad karo। baap kehte hain main inmen pravesh kar tum bachchon ko knowledge deta hoon। tum bachche apne ko aatma nahin samajhte ho isliye tumhaari nazar is shareer par chali jaati hai। vaastav mein tumhaara inse koi kaam nahin hai। sarva ka sadgati daata to woh shivbaaba hai, unki mat par ham sabko sukh dete hain। inko bhi ahankaar nahin aata ki ham sabko sukh dete hain। jo baap ko poora yaad nahin karte hain unse avgun nikalte nahin hain। apne ko aatma nishchay nahin karte hain। manushya to na aatma ko, na paramatma ko jaante hain। sarvavyaapi ka gyaan bhi bhaaratvaasiyon ne phailaaya hai। tumhaare mein bhi jo serviceable bachche hain woh samajhte hain, baaki sab itna nahin samajhte hain। agar baap ki poori pahchaan bachchon ko ho to baap ko yaad karen, apne mein daiveegun dhaaran karen।

shivbaaba tum bachchon ko samjhaate hain। yeh hain nai baaten। brahman bhi zaroor chaahiye। prajaapita brahma ki santaan kab hote hain, yeh duniya mein kisko pata nahin hai। brahman to dher ke dher hain। parantu woh hain kukh vanshaavli। woh koi mukh vanshaavli brahma ki santaan nahin hain। brahma ki santaan ko to eeshvar baap se varsa milta hai। tumko ab varsa mil raha hai na। tum brahman alag ho, vo alag hain। tum brahman hote hi ho sangam par, woh hote hain dvaapar-kaliyug mein। yeh sangamayugi brahman hi alag hain। prajaapita brahma ke dher bachche hain। bhal had ke baap ko bhi brahma kahenge kyonki bachche paida karte hain। parantu woh hai jisma ki baat। yeh baap to kahenge sab aatmaayen hamaare bachche hain। tum ho meethe-meethe roohaani bachche। yeh kisko samjhaana sahaj hai। shivbaaba ko apna shareer nahin hai। shiv jayanti manaate hain, parantu unka shareer dekhne mein nahin aata। baaki aur sabka shareer hai। sab aatmaon ka apna-apna shareer hai। shareer ka naam padta hai, paramatma ka apna shareer hi nahin isliye unko param aatma kaha jaata hai। unki aatma ka hi naam shiv hai। woh kabhi badalta nahin। shareer badalte hain to naam bhi badal jaate hain। shivbaaba kehte hain main to sadaiv niraakaar param aatma hi hoon। drama ke plan anusaar abhi yeh shareer liya hai। sannyaasiyon ka bhi naam badalta hai। guru ka bante hain to naam badalta hai। tumhaare bhi naam badle the। parantu kahaan tak naam badalte rahenge। kitne bhaaganti ho gaye। jo us samay the unka naam rakh diya। ab naam nahin rakhte hain। kis par bhi vishvaas nahin hai। maaya bahuton ko hara deti hai to bhaaganti ho jaate hain isliye baba kiska bhi naam nahin rakhte hain। kiska rakhen, kiska na rakhen, woh bhi theek nahin। kehte to sab hain - baba, ham aapke ho chuke hain, parantu yathaartha reeti hamaare hote thode hi hain। bahut hain jo vaaris banne ke raaz ko bhi nahin jaante hain। baba ke paas milne aate hain parantu vaaris nahin hain। vijay maala mein nahin aa sakte। koi achhe-achhe bachche samajhte hain ham to vaaris hain। parantu baba samajhte hain yeh vaaris hai nahin। vaaris banne ke liye bhagwan ko apna vaaris banaana pade, yeh raaz samjhaana bhi mushkil hai। baba samjhaate hain vaaris kisko kaha jaata hai। bhagwan ko koi vaaris banaaye to milkiyat deni pade। to baap phir vaaris banaaye। milkiyat to sivaae gareebon ke koi saahookaar de na sake। maala kitni thodon ki banti hai। yeh bhi koi baba se poochhe to baba bata sakte hain - tum vaaris banne ke hakdaar ho va nahin? yeh baba bhi bata sakte hain। yeh common baat hai samajhne ki। vaaris banne mein bhi bahut akla chaahiye। dekhte hain lakshmi-naaraayan vishwa ke maalik the, parantu woh maalikapna kaise liya - yeh koi nahin jaante। abhi tumhaari em object to saamne hai। tumko yeh banna hai। bachche bhi kehte hain ham to sooryavanshi lakshmi-naaraayan banenge, na ki chandravanshi raam-seeta। raam-seeta ki bhi shaastron mein ninda ki hui hai। lakshmi-naaraayan ki kabhi ninda nahin sunenge। shivbaaba ki, shreekrishna ki bhi ninda hai। baap kehte hain main tum bachchon ko itna oonch te oonch banaata hoon। mere se bhi bachche teekhe chale jaate hain। lakshmi-naaraayan ki bhi koi ninda nahin karenge। bhal shreekrishna ki aatma to vahi hai, parantu na jaanne kaaran ninda kar di hai। lakshmi-naaraayan ka mandir bhi bada khushi se banaate hain। vaastav mein banaana chaahiye raadhe-krishna ka, kyonki woh satopradhaan hai। yeh unhon ki yuva avastha hai to unko sato kehte hain। woh chhote hain isliye satopradhaan kahenge। chhota bachcha mahaatma samaan hota hai। jaise chhote bachchon ko vikaar aadi ka pata nahin rehta, vaise vahaan badon ko bhi pata nahin rehta ki vikaar kya cheez hai। yeh 5 bhoot vahaan hote hi nahin। vikaaron ka jaise ki pata hi nahin hai। is samay hai hi raat। kaam ki cheshtha bhi raat ko hi hoti hai। devtaayen hain din mein to kaam ki cheshtha hoti nahin। vikaar koi hote nahin। abhi raat mein sab vikaari hain। tum jaante ho din hote hi hamaare sab vikaar chale jaayenge। pata nahin rehta ki vikaar kya cheez hain। yeh raavan ke vikaari gun hain। yeh hai vicious world। viceless world mein vikaar ki koi baat nahin hoti। unko kaha hi jaata hai eeshvareey raajya। abhi hai aasuri raajya। yeh koi nahin jaante। tum sab kuchh jaante ho, nambarvaar purooshaartha anusaar। dher bachche hain। koi bhi manushya samajh nahin sakte ki yeh sab bi.ke. kiske bachche hain।

sab yaad karte hain - shivbaaba ko, brahma ko bhi nahin। yeh khud kehte hain shivbaaba ko yaad karo, jisse vikarma vinaash honge, aur koi ko bhi yaad karne se vikarma vinaash nahin honge। geeta mein bhi kaha hai maamekam yaad karo। shreekrishna to kah na saken। varsa milta hi hai niraakaar baap se। apne ko jab aatma samjhen tab niraakaar baap ko yaad karen। main aatma hoon, pahle yeh pakka nishchay karna pade। mera baap paramatma hai, woh kehte hain mujhe yaad karo to main tumko varsa doonga। main sabko sukh dene vaala hoon। main sabhi aatmaon ko shantidham le jaata hoon। jinhonne kalpa pahle baap se varsa liya hoga vahi aakar varsa lenge, brahman banenge। braahmanon mein bhi kuchh bachche pakke hain। maatele bhi banenge, sautele bhi banenge। ham niraakaar shivbaaba ki vanshaavli hain। jaante hain biraadri kaise badhti jaati hai। abhi brahman banne ke baad hamko vaapis jaana hai। sab aatmaayen shareer chhodkar vaapis jaani hain। paandav aur kaurav donon ko shareer chhodna hai। tum yeh gyaan ke sanskaar le jaate ho phir us anusaar praalabdha milti hai। woh bhi drama mein noondh hai phir gyaan ka part khatma ho jaata hai। tumko 84 janmon ke baad phir gyaan mila hai। phir yeh gyaan praayah lop ho jaata hai। tum praalabdha bhogte ho। vahaan aur koi dharma vaalon ke chitra aadi nahin rehte। tumhaare bhaktimaarga mein bhi chitra rehte hain। satayug mein kiska chitra aadi nahin rehta। tumhaare chitra all-round bhakti maarga mein rehte hain। tumhaare raajya mein aur koi ka chitra nahin hai, sirf devi-devta hi rehte hain। isse hi samajhte hain aadi sanaatan devi-devta hi hain। peechhe srishti badhti jaati hai। tum bachchon ko yeh gyaan simran kar ateendriy sukh mein rehna hai। bahut points hain। parantu baba samajhte hain maaya ghadi-ghadi bhula deti hai। to yeh yaad rehna chaahiye ki shivbaaba hamko padha rahe hain। woh hai oonch te oonch। hamko ab vaapas ghar jaana hai। kitni sahaj baaten hain। saara madaar hai yaad par। hamko devta banna hai। daivi gun bhi dhaaran karne hain। 5 vikaar hain bhoot। kaam ka bhoot, krodh ka bhoot, deh-abhimaan ka bhoot bhi hota hai। haan, koi mein jaasti bhoot hote hain, koi mein kam। tum brahman bachchon ko pata hai yeh 5 bade bhoot hain। number one hai kaam ka bhoot, second number hai krodh ka bhoot। koi rough-dough bolta hai to baap kehte hain yeh krodhi hai। yeh bhoot nikal jaana chaahiye। parantu bhoot nikalna bada mushkil hai। krodh ek-do ko duhkh deta hai। moh mein bahuton ko duhkh nahin hoga। jisko moh hai unko hi duhkh hoga isliye baap samjhaate hain in bhooton ko bhagaao।

har bachche ko vishesh padhaai aur daiveegunon par attention dena hai। kai bachchon mein to krodh ka ansh bhi nahin hai। koi to krodh mein aakar bahut ladte hain। bachchon ko khyaal karna chaahiye hamko daiveegun dhaaran kar devta banna hai। kabhi gusse se baat nahin karni chaahiye। koi gussa karta hai to samjho inmen krodh ka bhoot hai। woh jaise bhootnaath-bhootnaathini ban jaate hain, aise bhoot vaalon se kabhi baat nahin karni chaahiye। ek ne krodh mein aakar baat ki phir doosre mein bhi bhoot aa gaya to bhoot aapas mein lad padenge। bhootnaathini akshar bada chhi-chhi hai। bhoot ki praveshta nahin ho jaae isliye manushya kinaara karte hain। bhoot ke saamne khada bhi nahin hona chaahiye, nahin to praveshta ho jaayegi। baap aakar aasuri gun nikaal daivi-gun dhaaran karaate hain। baap kehte hain main aaya hoon daiveegun dhaaran karaae devta banaane। bachche jaante hain ham daiveegun dhaaran kar rahe hain। devtaaon ke chitra bhi saamne hain। baba ne samjhaaya hai krodh vaale se ekdam kinaara kar lo। apne ko bachaane ki yukti chaahiye। hamaare mein krodh na aa jaae, nahin to sau guna paap pad jaayega। kitni achhi samjhaani baap bachchon ko dete hain। bachche bhi samajhte hain - baba hoobhu kalpa pahle muaaphik samjhaate hain, nambarvaar purooshaartha anusaar samajhte hi rahenge। apne oopar bhi raham karna hai, doosre par bhi raham karna hai। koi apne par raham nahin karte, doosre par karte hain to woh oonch chadh jaate hain, khud rah jaate hain। khud vikaaron par jeet pahante nahin, doosre ko samjhaate hain, woh jeet pahan lete hain। aise bhi wonder hota hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ka simran kar ateendriy sukh mein rehna hai। kisi se bhi rough-dough baatcheet nahin karni hai। koi gusse se baat kare to usse kinaara kar lena hai।

2) bhagwan ka vaaris banne ke liye pahle unhein apna vaaris banaana hai। samajhdaar ban apna sab baap havaale kar mamatva mita dena hai। apne oopar aapehi raham karna hai।

vardaan:- saakshi ho oonchi stage dvaara sarva aatmaon ko sakaash dene vaale baap samaan avyakt pharishta bhav

chalte phirte sadaiv apne ko niraakaari aatma aur karma karte avyakt pharishta samjho to sada khushi mein oopar udte rahenge। pharishta arthaat oonchi stage par rahne vaala। is deh ki duniya mein kuchh bhi hota rahe lekin saakshi ho sab part dekhte raho aur sakaash dete raho। seat se utarkar sakaash nahin di jaati। oonchi stage par sthit hokar vritti, drishti se sahayog ki, kalyaan ki sakaash do, mix hokar nahin tab kisi bhi prakaar ke vaataavran se safe rah baap samaan avyakt pharishta bhav ke vardaani banenge।

slogan:- yaad bal dvaara duhkh ko sukh mein aur ashaanti ko shanti mein parivartan karo।

apni shaktishaali mansa dvaara sakaash dene ki seva karo

apni shubh bhaavna, shreshtha kaamna, shreshtha vriti, shreshtha vibration dvaara kisi bhi sthaan par rehte hue mansa dvaara anek aatmaon ki seva kar sakte ho। iski vidhi hai - light house, might house banna। ismen sthool saadhan, chance va samay ki problem nahin hai। sirf light-might se sampanna banne ki aavashyakta hai।