सोमवार 3 फ़रवरी 2025 की दैनिक मुरली

03-02-2025 praatahmurli om shanti "baapdaada"' madhuban

“meethe bachche - aatma roopi jyoti mein gyaan-yog ka ghrit daalo to jyot jagi rahegi, gyaan aur yog ka contrast achhi reeti samajhna hai''

prashn:- baap ka kaarya prerna se nahin chal sakta, unhein yahaan aana hi pade kyon?

uttar:- kyonki manushyon ki buddhi bilkul tamopradhaan hai। tamopradhaan buddhi prerna ko catch nahin kar sakti। baap aate hain tab to kaha jaata hai chhod bhi de aakaash sinhaasan. . . . . .।

geet:- chhod bhi de aakaash sinhaasan…

om shanti। bhakton ne yeh geet banaaya hai। ab iska arth kaisa achha hai। kehte hain aakaash sinhaasan chhodkar aao। ab aakaash to hai yeh। yeh hai rahne ka sthaan। aakaash se to koi cheez aati nahin। aakaash sinhaasan kehte hain। aakaash tatva mein to tum rehte ho aur baap rehte hain mahtatva mein। usko brahm ya mahtatva kehte hain, jahaan aatmaayen nivaas karti hain। baap aayega bhi zaroor vahaan se। koi to aayega na। kehte hain aakar hamaari jyot jagaao। gaayan bhi hai - ek hain andhe ki aulaad andhe aur doosre hain sajje ki aulaad sajje। dhritraashtra aur yuddhishthir naam dikhaate hain। abhi yeh to aulaad hain raavan ki। maaya roopi raavan hai na। sabki raavan buddhi hai, ab tum ho eeshvareey buddhi। baap tumhaari buddhi ka ab taala khol rahe hain। raavan taala banda kar dete hain। koi kisi baat ko nahin samajhte hain to kehte hain yeh to pattharbuddhi hain। baap aakar yahaan jyot jagaayenge na। prerna se thode hi kaam hota hai। aatma jo satopradhaan thi, unki taakat ab kam ho gai hai। tamopradhaan ban gai hai। ekdam jhunjhaar ban padi hai। manushya koi marte hain to unka deeva jalaate hain। ab deeva kyon jalaate hain? samajhte hain jyot bujh jaane se andhiyaara na ho jaae isliye jyot jagaate hain। ab yahaan ki jyot jagaane se vahaan kaise roshni hogi? kuchh bhi samajhte nahin। abhi tum sensible buddhi bante ho। baap kehte hain main tumko svachchha buddhi banaata hoon। gyaan ghrit daalta hoon। hai yeh bhi samjhaane ki baat। gyaan aur yog donon alag cheez hain। yog ko gyaan nahin kahenge। koi samajhte hain bhagwan ne aakar yeh bhi gyaan diya na ki mujhe yaad karo। parantu ise gyaan nahin kahenge। yeh to baap aur bachche hain। bachche jaante hain ki yeh hamaara baba hai, ismen gyaan ki baat nahin kahenge। gyaan to vistaar hai। yeh to sirf yaad hai। baap kehte hain mujhe yaad karo, bas। yeh to common baat hai। inko gyaan nahin kaha jaata। bachche ne janma liya so to zaroor baap ko yaad karega na। gyaan ka vistaar hai। baap kehte hain mujhe yaad karo - yeh gyaan nahin hua। tum khud jaante ho, ham aatma hain, hamaara baap param aatma, paramatma hai। ise gyaan kahenge kya? baap ko pukaarte hain। gyaan to hai knowledge, jaise koi em.A. padhte hain, koi bi.A. padhte hain, kitni dher kitaab padhni hoti hai। ab baap to kehte hain tum hamaare bachche ho na, main tumhaara baap hoon। mere se hi yog lagaao arthaat yaad karo। isko gyaan nahin kahenge। tum bachche to ho hi। tum aatmaayen kab vinaash ko nahin paati ho। koi mar jaate hain to unki aatma ko bulaate hain, ab woh shareer to khatma ho gaya। aatma bhojan kaise khaayegi? bhojan to phir bhi brahman khaayenge। parantu yeh sab hai bhakti maarga ki rasma। aise nahin ki hamaare kahne se woh bhakti maarga banda ho jaayega। woh to chalta hi aata hai। aatma to ek shareer chhod jaae doosra leti hai।

bachchon ki buddhi mein gyaan aur yog ka contrast spashta hona chaahiye। baap jo kehte hain mujhe yaad karo, yeh gyaan nahin hai। yeh to baap direction dete hain, inko yog kaha jaata। gyaan hai srishti pa kaise phirta hai - uski knowledge। yog arthaat yaad। bachchon ka pharja hai baap ko yaad karna। woh hai laukik, yeh hai paarlaukik। baap kehte hain mujhe yaad karo। to gyaan alag cheez ho gai। bachche ko kehna padta hai kya ki baap ko yaad karo। laukik baap to janmate hi yaad rehta hai। yahaan baap ki yaad dilaani padti hai। ismen mehnat lagti hai। apne ko aatma samajh baap ko yaad karo - yeh bahut mehnat ka kaam hai। tab baba kehte hain yog mein thahar nahin sakte hain। bachche likhte hain - baba yaad bhool jaati hai। aise nahin kehte ki gyaan bhool jaata hai। gyaan to bahut sahaj hai। yaad ko gyaan nahin kaha jaata, ismen maaya ke toofaan bahut aate hain। bhal gyaan mein koi bahut teekhe hain, murli bahut achhi chalaate hain parantu baba poochhte hain - yaad ka chart nikaalo, kitna samay yaad karte ho? baba ko yaad ka chart yathaartha reeti banaakar dikhaao। yaad ki hi mukhya baat hai। patit hi pukaarte hain ki aakar paavan banaao। mukhya hai paavan banne ki baat। ismen hi maaya ke vighna padte hain। shiv bhagvaanuvaach - yaad mein sab bahut kachche hain। achhe-achhe bachche jo murli to bahut achhi chalaate hain parantu yaad mein bilkul kamzor hain। yog se hi vikarma vinaash hote hain। yog se hi karmendriyaan bilkul shant ho sakti hain। ek baap ke sivaae aur koi yaad na aaye, koi deh bhi yaad na aaye। aatma jaanti hai yeh saari duniya khalaas honi hai, ab ham jaate hain apne ghar। phir aayenge raajdhaani mein। yeh sadaiv buddhi mein rehna chaahiye। gyaan jo milta hai woh aatma mein rehna chaahiye। baap to hai yogeshvar, jo yaad sikhlaate hain। vaastav mein eeshvar ko yogeshvar nahin kahenge। tum yogeshvar ho। eeshvar baap kehte hain mujhe yaad karo। yeh yaad sikhlaane vaala eeshvar baap hai। woh niraakaar baap shareer dvaara sunaate hain। bachche bhi shareer dvaara sunte hain। kai to yog mein bahut kachche hain। bilkul yaad karte hi nahin। jo bhi janma-janmaantar ke paap hain sabki saja khaayenge। yahaan aakar jo paap karte hain woh to aur hi sauguna saza khaayenge। gyaan ki tik-tik to bahut karte hain, yog bilkul hi nahin hai jis kaaran paap bhasma nahin hote, kachche hi rah jaate hain isliye sachchi-sachchi maala 8 ki bani hai। 9 ratna gaaye jaate hain। 108 ratna kab sune hain? 108 ratnon ki koi cheez nahin banaate hain। bahut hain jo in baaton ko poora samajhte nahin hain। yaad ko gyaan nahin kaha jaata। gyaan srishti pa ko kaha jaata hai। shaastron mein gyaan nahin hai, woh shaastra hain bhakti maarga ke। baap khud kehte hain main inse nahin milta। saadhuon aadi sabka uddhaar karne main aata hoon। woh samajhte hain brahm mein leen hona hai। phir misaal dete hain paani ke budbude ka। abhi tum aise nahin kehte। tum to jaante ho ham aatmaayen baap ke bachche hain। “maamekam yaad karo'' yeh akshar bhi kehte hain parantu arth nahin samajhte। bhal kah dete ham aatma hain parantu aatma kya hai, paramatma kya hai - yeh gyaan bilkul nahin। yeh baap hi aakar sunaate hain। abhi tum jaante ho ham aatmaon ka ghar woh hai। vahaan saara sijra hai। har ek aatma ko apna-apna part mila hua hai। sukh kaun dete hain, duhkh kaun dete hain - yeh bhi kisko pata nahin hai।

bhakti hai raat, gyaan hai din। 63 janma tum dhakke khaate ho। phir gyaan deta hoon to kitna samay lagta hai? second। yeh to gaaya hua hai second mein jeevanmukti। yeh tumhaara baap hai na, vahi patit-paavan hai। unko yaad karne se tum paavan ban jaayenge। satayug, treta, dvaapar, kaliyug yeh chakra hai। naam bhi jaante hain parantu pattharbuddhi aise hain, time ka kisko pata nahin hai। samajhte bhi hain ghor kaliyug hai। agar kaliyug abhi bhi chalega to aur ghor andhiyaara ho jaayega isliye gaaya hua hai - kumbhakran ki neend mein soye hue the aur vinaash ho gaya। thoda bhi gyaan sunte hain to praja ban jaate hain। kahaan yeh lakshmi-naaraayan, kahaan praja! padhaane vaala to ek hi hai। har ek ki apni-apni takdeer hai। koi to scholarship le lete hain, koi fail ho jaate hain। raam ko baan ki nishaani kyon di hai? kyonki naapaas hua। yeh bhi geeta paathshaala hai, koi to kuchh bhi marks lene laayak nahin। main aatma bindi hoon, baap bhi bindi hai, aise unko yaad karna hai। jo is baat ko samajhte bhi nahin hain, woh kya pad paayenge! yaad mein na rahne se bahut ghaata pad jaata hai। yaad ka bal bahut kamaal karta hai, karmendriyaan bilkul shant, sheetal ho jaati hain। gyaan se shant nahin hogi, yog ke bal se shant hogi। bhaaratvaasi pukaarte hain ki aakar hamko woh geeta ka gyaan sunaao, ab kaun aayega? shreekrishna ki aatma to yahaan hai। koi sinhaasan par thode hi baithte hain, jisko bulaate hain। agar koi kahe ham Christ ki aatma ko yaad karte hain। are woh to yahaan hi hai, unko kya pata ki Christ ki soul yahaan hi hai, vaapis ja nahin sakti। lakshmi-naaraayan, pahle number vaalon ko hi poore 84 janma lene hain to aur phir vaapis ja kaise sakte। woh sab hisaab hai na। manushya to jo kuchh bolte hain so jhooth। aadhaakalpa hai jhooth khanda, aadhaakalpa hai sachkhanda। abhi to har ek ko samjhaana chaahiye - is samay sab narkavaasi hain phir svargavaasi bhi bhaaratvaasi hi bante hain। manushya kitne ved, shaastra, upnishad aadi padhte hain, kya isse mukti ko paayenge? utarna to hai hi। har cheez sato, rajo, tamo mein zaroor aati hai। new world kisko kaha jaata hai, kisko bhi yeh gyaan nahin hai। yeh to baap sammukh baith samjhaate hain। devi-devta dharma kab, kisne sthaapan kiya - bhaaratvaasiyon ko kuchh bhi pata nahin hai। to baap ne samjhaaya hai - gyaan mein bhal kitne bhi achhe hain parantu yog mein kai bachche naapaas hain। yog nahin to vikarma vinaash nahin honge, oonch pad nahin paayenge। jo yog mein masta hain vahi oonch pad paayenge। unki karmendriyaan bilkul sheetal ho jaati hain। deh sahit sab kuchh bhool dehi-abhimaani ban jaate hain। ham ashareeri hain ab jaate hain ghar। uthte-baithte samjho - ab yeh shareer to chhodna hai। hamne part bajaaya, ab jaate hain ghar। gyaan to mila hai, jaise baap mein gyaan hai, unko to kisko yaad nahin karna hai। yaad to tum bachchon ko karna hai। baap ko gyaan ka saagar kaha jaata hai। yog ka saagar to nahin kahenge na। chakra ka knowledge sunaate hain aur apna bhi parichay dete hain। yaad ko gyaan nahin kaha jaata। yaad to bachche ko aapehi aa jaati hai। yaad to karna hi hai, nahin to varsa kaise milega? baap hai to varsa zaroor milta hai। baaki hai knowledge। ham 84 janma kaise lete hain, tamopradhaan se satopradhaan, satopradhaan se tamopradhaan kaise bante hain, yeh baap samjhaate hain। ab satopradhaan banna hai baap ki yaad se। tum roohaani bachche roohaani baap ke paas aaye ho, unko shareer ka aadhaar to chaahiye na। kehte hain main boodhe tan mein pravesh karta hoon। hai bhi vaanaprastha avastha। ab baap aate hain tab saare srishti ka kalyaan hota hai। yeh hai bhaagyashaali rath, inse kitni service hoti hai। to is shareer ka bhaan chhodne ke liye yaad chaahiye। ismen gyaan ki baat nahin। jaasti yaad sikhlaani hai। gyaan to sahaj hai। chhota bachcha bhi suna de। baaki yaad mein hi mehnat hai। ek ki yaad rahe, isko kaha jaata hai avyabhichaari yaad। kiske shareer ko yaad karna - woh hai vyabhichaari yaad। yaad se sabko bhool ashareeri banna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad ke bal se apni karmendriyon ko sheetal, shant banaana hai। full paas hone ke liye yathaartha reeti baap ko yaad kar paavan banna hai।

2) uthte-baithte buddhi mein rahe ki abhi ham yeh puraana shareer chhod vaapas ghar jaayenge। jaise baap mein sab gyaan hai, aise master gyaan saagar banna hai।

vardaan:- combined swaroop ki smriti dvaara shreshtha sthiti ki seat par set rahne vaale sada sampanna bhav

sangamayug par shiv shakti ke combined swaroop ki smriti mein rahne se har asambhav kaarya sambhav ho jaata hai। yahi sarva shreshtha swaroop hai। is swaroop mein sthit rahne se sampanna bhav ka vardaan mil jaata hai। baapdaada sabhi bachchon ko sada sukhdaai sthiti ki seat dete hain। sada isi seat par set raho to ateendriy sukh ke jhoole mein jhoolte rahenge sirf vismriti ke sanskaar samaapta karo।

slogan:- powerful vritti dvaara aatmaon ko yogya aur yogi banaao।

avyakt-ishaare - ekaantapriy bano ekta aur ekaagrata ko apnaao

ekmat ka vaataavran tab banega jab samaane ki shakti hogi। to bhinnata ko samaao tab aapas mein ekta se sameep aayenge aur sarva ke aage drishtaanta roop banenge। brahman parivaar ki visheshta hai - anek hote bhi ek। yeh ekta ka vibration saare vishwa mein ek dharma, ek raajya ki sthaapna karega isliye vishesh attention dekar bhinnata ko mitaakar ekta laani hai।