बुधवार 5 फ़रवरी 2025 की दैनिक मुरली

05-02-2025 praatahmurli om shanti "baapdaada"' madhuban

“meethe bachche - is shareer roopi kapde ko yahaan hi chhodna hai, isliye isse mamatva mita do, koi bhi mitra-sambandhi yaad na aaye''

prashn:- jin bachchon mein yogbal hai, unki nishaani kya hogi?

uttar:- unhein kisi bhi baat mein thoda bhi dhakka nahin aayega, kahaan bhi lagaav nahin hoga। samjho aaj kisi ne shareer chhoda to duhkh nahin ho sakta, kyonki jaante hain inka drama mein itna hi part tha। aatma ek shareer chhod jaae doosra shareer legi।

om shanti। yeh gyaan bada gupta hai, ismen namaste bhi nahin karni padti। duniya mein namaste athva raam-raam aadi kehte hain। yahaan ye sab baaten chal nahin sakti kyonki yeh ek family hai। family mein ek-do ko namaste va good morning karen - itna shobhta nahin hai। ghar mein to khaan-paan khaaya office mein gaya, phir aaya, yeh chalta rehta hai। namaste karne ki darkaar nahin rehti। good morning ka fashion bhi european se nikla hai। nahin to aage kuchh chalta nahin tha। koi satsang mein aapas mein milte hain to namaste karte hain, paanv padte hain। yeh paanv aadi padna namrata ke liye sikhlaate hain। yahaan to tum bachchon ko dehi-abhimaani banna hai। aatma, aatma ko kya karegi? phir bhi kehna to hota hai। jaise baba ko kahenge - baba namaste। ab baap bhi kehte hain - main saadhaaran brahma tan dvaara tumko padhaata hoon, in dvaara sthaapna karaata hoon। kaise? so to jab baap sammukh ho tab samjhaave, nahin to koi kaise samjhe। yeh baap sammukh baith samjhaate hain to bachche samajhte hain। donon ko namaste karni pade - baapdaada namaste। baahar vaale agar yeh sunen to moonjhenge ki yeh kya kehte hain ‘baapdaada'। double naam bhi bahut manushyon ke hote hain na। jaise lakshmi-naaraayan athva raadhekrishna… bhi naam hain। yeh to jaise stri-puroosh ikatthe ho gaye। ab yeh to hai baapdaada। in baaton ko tum bachche hi samajh sakte ho। zaroor baap bada thahra। woh naam bhal double hai parantu hai to ek na। phir donon naam kyon rakh diye hain? abhi tum bachche jaante ho yeh wrong naam hai। baba ko aur to koi pahchaan na sake। tum kahenge namaste baapdaada। baap phir kahenge namaste jismaani roohaani bachche, parantu itna lamba shobhta nahin hai। akshar to right hai। tum abhi jismaani bachche bhi ho to roohaani bhi ho। shivbaaba sabhi aatmaon ka baap hai aur phir prajaapita bhi zaroor hai। prajaapita brahma ki santaan bhaai-behen hain। pravritti maarga ho jaata hai। tum ho sab brahmaakumaar-kumaariyaan। brahmaakumaar-kumaariyaan hone se prajaapita bhi siddha ho jaata hai। ismen andhashraddha ki koi baat nahin। bolo brahmaakumaar-brahmaakumaariyon ko baap se varsa milta hai। brahma se nahin milta, brahma bhi shivbaaba ka bachcha hai। sookshm vatan-vaasi brahma, vishnu, shankar - yeh hai rachna। inhon ka rachayita hai shiv। shiv ke liye to koi kah na sake ki inka creator kaun? shiv ka creator koi hota nahin। brahma, vishnu, shankar yeh hai rachna। inhon ke bhi oopar hai shiv, sab aatmaon ka baap। ab creator hai to phir prashn uthta hai kab create kiya? nahin, yeh to anaadi hai। itni aatmaon ko kab create kiya? yeh prashn nahin uth sakta। yeh anaadi drama chala aata hai, beanta hai। iska kabhi ant nahin hota। yeh baaten tum bachchon mein bhi nambarvaar samajhte hain। yeh hai bahut sahaj। ek baap ke sivaae aur kisi se lagaav na ho, koi bhi mare va jiye। gaayan bhi hai amma mare to bhi halua khaana....... samjho koi bhi mar jaata hai, phikra ki baat nahin hoti kyonki yeh drama anaadi bana hua hai। draamaanusaar unko is samay jaana hi tha, ismen kar hi kya sakte hain। zara bhi duhkhi hone ki baat nahin। yeh hai yogbal ki avastha। law kehta hai zara bhi dhakka nahin aana chaahiye। sab actors hain na। apna-apna part bajaate rehte hain। bachchon ko gyaan mila hua hai।

baap se kehte hain - he parampita paramatma aakar hamko le jaao। itne sab shareeron ka vinaash karaae sab aatmaon ko saath mein le jaana, yeh to bahut bhaari kaam hua। yahaan koi ek marta hai to 12 maas rote rehte hain। baap to itni saari dher aatmaon ko le jaayenge। sabke shareer yahaan chhoot jaayenge। bachche jaante hain mahaabhaarat ladaai lagti hai to machchharon sadrishya jaate rehte hain। natural calamities bhi aane ki hai। yeh saari duniya badalti hai। abhi dekho England, Russia aadi kitne bade-bade hain। satayug mein yeh sab the kya? duniya mein yeh bhi kiski buddhi mein nahin aata ki hamaare raajya mein yeh koi bhi the nahin। ek hi dharma, ek hi raajya tha, tumhaare mein bhi nambarvaar hain jinki buddhi mein achhi reeti baithta hai। agar dhaarna ho to woh nasha sadaiv chadha rahe। nasha koi ko bahut mushkil chadha rehta hai। mitra-sambandhi aadi sab taraph se yaad nikaalkar ek behad ki khushi mein thahar jaaen, badi kamaal hai। haan, yeh bhi ant mein hoga। pichhaadi mein hi karmaateet avastha ko pa lete hain। shareer se bhi bhaan toot jaata hai। bas abhi ham jaate hain, yeh jaise common ho jaayega। jaise naatak vaale part bajaae phir jaate hain ghar। yeh deh roopi kapda to tumko yahaan hi chhodna hai। yeh kapde yahaan hi lete hain, yahaan hi chhodte hain। yeh sab nai baaten tumhaari buddhi mein hain, aur kiski buddhi mein nahin। alpha aur be। alpha hai sabse oopar mein। kehte bhi hain brahma dvaara sthaapna, shankar dvaara vinaash, vishnu dvaara paalna। achha, baaki shiv ka kaam kya hai? oonch te oonch shivbaaba ko koi bhi jaante nahin। kah dete woh to sarvavyaapi hai। yeh sab unke hi roop hain। saari duniya ki buddhi mein yeh pakka ho gaya hai, isliye sab tamopradhaan bane hain। baap kehte hain - saari duniya durgati ko paai hui hai। phir ham hi aakar sabko sadgati dete hain। agar sarvavyaapi hai to kya sab bhagwan hi bhagwan hain? ek taraph kehte all brothers, phir kah dete all fathers, samajhte nahin hain। ab tum bachchon ko behad ka baap kehte hain, bachche, mujhe yaad karo to tumhaare vikarma vinaash honge। tumhein is daada ko va mama ko bhi yaad nahin karna hai। baap to kehte hain ki na mama, na baba, koi ki mahima kuchh bhi nahin। shivbaaba na hota to yeh brahma bhi kya karta? inko yaad karne se kya hoga! haan, tum jaante ho in dvaara ham baap se varsa le rahe hain, inse nahin। yeh bhi unse varsa lete hain, to yaad unko karna hai। yeh to beech mein dalaal hai। bachche aur bachchi ki sagaai hoti hai, tab yaad to ek-doosre ko karenge na। shaadi karaane vaala to beech mein dalaal thahra। in dvaara baap tum aatmaon ki sagaai apne saath karaate hain isliye gaayan bhi hai satguru mila dalaal ke roop mein। satguru koi dalaal nahin hai। satguru to niraakaar hai। bhal guru brahma, guru vishnu, kehte hain parantu woh koi guru hai nahin। satguru ek baap hi hai jo sarva ki sadgati karte hain। baap ne tumko sikhaaya hai tab tum auron ko bhi raasta bataate ho aur sabko kehte ho ki dekhte hue bhi nahin dekho। buddhi shivbaaba se lagi rahe। in aankhon se jo kuchh dekhte ho kabradaakhil hona hai। yaad ek baap ko karna hai, na ki inko। buddhi kehti hai inse thode hi varsa milega। varsa to baap se milna hai। jaana bhi baap ke paas hai। student, student ko thode hi yaad karenge। student to teacher ko yaad karenge na। school mein jo teekhe bachche hote hain woh phir auron ko bhi uthaane ki koshish karte hain। baap bhi kehte hain ek-do ko ooncha uthaane ki koshish karo parantu takdeer mein nahin hai to purooshaartha bhi nahin karte hain। thode mein hi raazi ho jaate hain। samjhaana chaahiye pradarshani mein bahut aate hain, bahuton ko samjhaane se unnati bahut hoti hai। nimantran dekar mangaate hain। to bade-bade samajhdaar aadmi aate hain। bigar nimantran se to kai prakaar ke log aa jaate hain। kya-kya ulta-sulta bakte rehte hain। royal manushyon ki chaal-chalan bhi royal hoti hai। royal aadmi royalty se andar ghusenge। chalan mein bhi bahut farka rehta hai। unmein chalne ki, bolne ki koi phazeelat nahin rehti। mele mein to sabhi prakaar ke aa jaate hain, kisko mana nahin ki jaati hai isliye kahaan bhi pradarshani mein nimantran card par mangaayenge to royal achhe-achhe log aayenge। phir woh auron ko bhi jaakar sunaayenge। kabhi females ka programme rakho to sirf females hi aakar dekhen kyonki kahaan-kahaan females bahut parde nasheen hoti hain। to sirf females ka hi programme ho। mel koi bhi na aaye। baba ne samjhaaya hai pahle-pahle tumko yeh samjhaana hai ki shivbaaba niraakaar hai। shivbaaba aur prajaapita brahma donon baba hue। donon ekras to ho na saken, jo donon baabaaon se varsa mile। varsa daade ka ya baap ka milega। daade ki milkiyat par hak lagta hai। bhal kaisa bhi kapoot bachcha hoga to bhi daade ka varsa mil jaayega। yeh yahaan ka kaayda hai। samajhte bhi hain inko paisa milne se ek varsha ke andar uda denge। lekin government ke law aise hain jo dena padta hai। government kuchh kar nahin sakti hai। baba to anubhvi hai। ek raaja ka bachcha tha, ek karod roopaya 12 maas mein khatma kar diya। aise bhi hote hain। shivbaaba to nahin kahenge ki hamne dekha hai। yeh (daada) kehte hain hamne bahut aise misaal dekhe hain। yeh duniya to badi gandi hai। yeh hai hi puraani duniya, puraana ghar। puraane ghar ko hamesha todna hota hai। in lakshmi-naaraayan ke raajaai ghar dekho kaise first class hain।

abhi tum baap dvaara samajh rahe ho aur tum bhi nar se naaraayan bante ho। yeh hai hi satya naaraayan ki katha। yeh bhi tum bachche hi samajhte ho। tumhaare mein bhi poore flowers abhi bane nahin hain, ismen royalty badi achhi chaahiye। tum unnati ko din-pratidin paate rehte ho। flowers bante jaate ho।

tum bachche pyaar se kehte ho “baapdaada''। yeh bhi tumhaari nai bhaasha hai, jo manushyon ki samajh mein nahin aa sakti। samjho baba kahaan bhi jaaye to bachche kahenge baapdaada namaste। baap respond denge roohaani jismaani bachchon ko namaste। aise kehna pade na। koi sunenge to kahenge yeh to koi nai baat hai, baapdaada ikatthe kaise kehte hain। baap aur daada donon ek kabhi hote hain kya? naam bhi donon ke alag hain। shivbaaba, brahma daada, tum in donon ke bachche ho। tum jaante ho inke andar shivbaaba baitha hai। ham baapdaada ke bachche hain। yeh bhi buddhi mein yaad rahe to khushi ka paara chadha rahe aur drama par bhi pakka rehna hai। samjho koi ne shareer chhoda, jaakar doosra part bajaayenge। har ek aatma ko avinaashi part mila hua hai, ismen kuchh bhi khyaal hone ki darkaar nahin। unko doosra part jaae bajaana hai। vaapis to bula nahin sakte। drama hai na। ismen rone ki koi baat nahin। aisi avastha vaale hi nirmohi raaja jaakar bante hain। satayug mein sab nirmohi hote hain। yahaan koi marta hai to kitna rote hain। baap ko pa liya to phir rone ki darkaar hi nahin। baba kitna achha raasta bataate hain। kanyaaon ke liye to bahut achha hai। baap phaaltu paise kharcha kare aur tum jaakar narka mein pado। isse to bolo ham in paison se roohaani university kam hospital kholenge। bahuton ka kalyaan karenge to tumhaara bhi punya, hamaara bhi punya ho jaayega। bachche khud bhi utsaah mein rahne vaale hon ki ham bhaarat ko svarga banaane ke liye tan-man-dhan sab kharcha karenge। itna nasha rehna chaahiye। dena ho to do, na dena ho to na do। tum apna kalyaan aur bahuton ka kalyaan karne nahin chaahte ho? itni masti honi chaahiye। khaas kumaariyon ko to bahut khada hona chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni chaal chalan bahut royal rakhni hai। bahut phazeelat se baatcheet karni hai। namrata ka gun dhaaran karna hai।

2) in aankhon se jo kuchh dikhaai deta hai - yeh sab kabradaakhil hona hai isliye isko dekhte bhi nahin dekhna hai। ek shivbaaba ko hi yaad karna hai। kisi dehdhaari ko nahin।

vardaan:- master gyaan saagar ban gudiyon ka khel samaapta karne vaale smriti so samartha swaroop bhav

jaise bhakti maarga mein moorti banaakar pooja aadi karte hain, phir unhein dubo dete hain to aap use gudiyon ki pooja kehte ho। aise aapke saamne bhi jab koi nirjeev, asaar baaten eershya, anumaan, aavesh aadi ki aati hain aur aap unka vistaar kar anubhav karte ya karaate ho ki yahi satya hain, to yeh bhi jaise unmein praan bhar dete ho। phir unhein gyaan saagar baap ki yaad se, beeti so beeti kar, svaunnati ki lahron mein dubote bhi ho lekin ismen bhi time to vesta jaata hai na, isliye pahle se hi master gyaan saagar ban smriti so samarthi bhav ke vardaan se in gudiyon ke khel ko samaapta karo।

slogan:- jo samay par sahayogi bante hain unhein ek ka padamguna phal mil jaata hai।

avyakt-ishaareh ekaantapriy bano ekta aur ekaagrata ko apnaao

jo bhi raajnetaayen va dharmanetaayen hain unhon ko “pavitrata aur ekta'' ka anubhav karaao। isi ki kami ke kaaran donon sattaayen kamjor hain। dharmasatta ko dharmasatta heen banaane ka vishesh tareeka hai-pavitrata ko siddha karna aur raajya sata vaalon ke aage ekta ko siddha karna।