मंगलवार 18 फ़रवरी 2025 की दैनिक मुरली

18-02-2025 praatahmurli om shanti "baapdaada"' madhuban

“meethe bachche - tumhaari farja-adaai hai ghar-ghar mein baap ka paigaam dena, koi bhi haalat mein yukti rachkar baap ka parichay harek ko avashya do''

prashn:- tum bachchon ko kis ek baat ka shauk rehna chaahiye?

uttar:- jo nai-nai points nikalti hain, unko apne paas note karne ka shauk rehna chaahiye kyonki itni sab points yaad rehna mushkil hai। notes lekar phir koi ko samjhaana hai। aise bhi nahin ki likhkar phir copy padi rahe। jo bachche achhi reeti samajhte hain unhein notes lene ka bahut shauk rehta hai।

geet:- laakh jamaane vaale…

om shanti। meethe-meethe roohaani bachchon ne geet suna। roohaani bachche, yeh akshar ek baap hi kah sakte hain। roohaani baap bigar kabhi koi kisko roohaani bachche kah nahin sakte। bachche jaante hain sab roohon ka ek hi baap hai, ham sab bhaai-bhaai hain। gaate bhi hain brotherhood, phir bhi maaya ki praveshta aisi hai jo paramatma ko sarvavyaapi kah dete hain to fatherhood ho padta hai। raavan raajya puraani duniya mein hi hota hai। nai duniya mein raam raajya athva eeshvareey raajya kaha jaata hai। yeh samajhne ki baaten hain। do raajya zaroor hain - eeshvareey raajya aur aasuri raajya। nai duniya aur puraani duniya। nai duniya zaroor baap hi rachte honge। is duniya mein manushya nai duniya aur puraani duniya ko bhi nahin samajhte hain। goya kuchh nahin jaante hain। tum bhi kuchh nahin jaante the, besmajh the। nai sukh ki duniya kaun sthaapan karta hai phir puraani duniya mein duhkh kyon hota hai, svarga se narka kaise banta hai, yeh kisko bhi pata nahin hai। in baaton ko to manushya hi jaanenge na। devtaaon ke chitra bhi hain to zaroor aadi sanaatan devi-devtaaon ka raajya tha। is samay nahin hai। yeh hai praja ka praja par raajya। baap bhaarat mein hi aate hain। manushyon ko yeh pata nahin hai ki shivbaaba bhaarat mein aakar kya karte hain। apne dharma ko hi bhool gaye hain। tumko ab parichay dena hai trimoorti aur shiv baap ka। brahma devta, vishnu devta, shankar devta kaha jaata hai phir kehte hain shiv parmaatmaae namah to tum bachchon ko trimoorti shiv ka hi parichay dena hai। aisi-aisi service karni hai। koi bhi haalat mein baap ka parichay sabko mile to baap se varsa le leven। tum jaante ho ham abhi varsa le rahe hain। aur bhi bahuton ko varsa lena hai। hamaare oopar pharja-adaai hai ghar-ghar mein baap ka paigaam dene ki। vaastav mein messenger ek baap hi hai। baap apna parichay tumko dete hain। tumko phir auron ko baap ka parichay dena hai। baap ki knowledge deni hai। mukhya hai trimoorti shiv, inka hi kot oph arms bhi banaaya hai। government inka yathaartha arth nahin samajhti hai। usmein chakra bhi diya hai charkhe misal aur usmein phir likha hai satya mev jayte। inka arth to nikalta nahin। yeh to sanskrit akshar hai। ab baap to hai hi truth। woh jo samjhaate hain usse tumhaari vijay hoti hai saare vishwa par। baap kehte hain main sach kehta hoon tum is padhaai se sach-sach naaraayan ban sakte ho। vo log kya-kya arth nikaalte hain। woh bhi unse poochhna chaahiye। baba to anek prakaar se samjhaate hain। jahaan-jahaan mela lagta hai vahaan nadiyon par bhi jaakar samjhaao। patit-paavan ganga to ho nahin sakti। nadiyaan saagar se nikli hain। woh hai paani ka saagar। unse paani ki nadiyaan nikalti hain। gyaan saagar se gyaan ki nadiyaan niklegi। tum maataaon mein ab gyaan hai, gaoomukh par jaate hain, unke mukh se paani nikalta hai, samajhte hain yeh ganga ka jal hai। itne padhe-likhe manushya samajhte nahin ki yahaan ganga jal kahaan se niklega। shaastron mein hai ki baan maara aur ganga nikal aai। ab yeh to hain gyaan ki baaten। aise nahin ki arjun ne baan maara aur ganga nikal aai। kitna door-door teerthon par jaate hain। kehte hain shankar ki jataaon se ganga nikli, jismen snaan karne se manushya se pari ban jaate hain। manushya se devta ban jaate, yeh bhi pari misal hain na।

ab tum bachchon ko baap ka hi parichay dena hai isliye baba ne yeh chitra banvaaye hain। trimoorti shiv ke chitra mein saari knowledge hai। sirf unhon ke trimoorti ke chitra mein knowledge dene vaale (shiv) ka chitra nahin hai। knowledge lene vaale ka chitra hai। abhi tum trimoorti shiv ke chitra par samjhaate ho। oopar hai knowledge dene vaala। brahma ko unse knowledge milti hai jo phir phailaate hain। isko kaha jaata hai eeshvar ke dharma ke sthaapna ki machinery। yeh devi-devta dharma bahut sukh dene vaala hai। tum bachchon ko apne satya dharma ki pahchaan mili hai। tum jaante ho hamko bhagwan padhaate hain। tum kitna khush hote ho। baap kehte hain tum bachchon ki khushi ka paaraavaar nahin hona chaahiye kyonki tumhein padhaane vaala svayan bhagwan hai, bhagwan to niraakaar shiv hai, na ki shri krishna। baap baith samjhaate hain sarva ka sadgati daata ek hai। sadgati satayug ko kaha jaata hai, durgati kaliyug ko kaha jaata hai। nai duniya ko nai, puraani ko puraani hi kahenge। manushya samajhte hain abhi duniya ko puraana hone mein 40 hazaar varsha chaahiye। kitna moonjh pade hain। sivaae baap ke in baaton ko koi samjha na sake। baba kehte hain main tum bachchon ko raajya-bhaagya de baaki sabko ghar le jaata hoon, jo meri mat par chalte hain woh devta ban jaate hain। in baaton ko tum bachche hi jaante ho, naya koi kya samjhega।

tum maaliyon ka kartavya hai bageecha lagaakar taiyaar karna। baagvaan to direction dete hain। aise nahin baba koi nayon se milkar gyaan dega। yeh kaam maaliyon ka hai। samjho, baba kalkatte mein jaaye to bachche samjhenge ham apne officer ko, phalaane mitra ko baba ke paas le jaayen। baba kahenge, woh to samjhenge kuchh bhi nahin। jaise buddhu ko saamne le aakar bithaayenge isliye baba kehte hain naye ko kabhi baba ke saamne lekar na aao। yeh to tum maaliyon ka kaam hai, na ki baagvaan ka। maali ka kaam hai bageeche ko lagaana। baap to direction dete hain - aise-aise karo isliye baba kabhi naye se milta nahin hai। parantu kahaan mehmaan hokar ghar mein aate hain to kehte hain darshan karen। aap hamko kyon nahin milne dete ho? shankaraachaarya aadi paas kitne jaate hain। aajkal shankaraachaarya ka bada martaba hai। padhe likhe hain, phir bhi janma to vikaar se hi lete hain na। trustee log gaddi par koi ko bhi bitha dete hain। sabki mat apni-apni hai। baap khud aakar bachchon ko apna parichay dete hain ki main kalpa-kalpa is puraane tan mein aata hoon। yeh bhi apne janmon ko nahin jaante hain। shaastron mein to kalpa ki aayu hi laakhon varsha laga di hai। manushya to itne janma le nahin sakte hain phir jaanvar aadi ki bhi yoniyaan milaakar 84 laakh bana di hain। manushya to jo sunte hain sab sat-sat karte rehte hain। shaastron mein to sab hain bhaktimaarga ki baaten। kalkatte mein deviyon ki bahut shobhaavaan, sundar moortiyaan banaate hain, sajaate hain। phir unko dubo dete hain। yeh bhi gudiyon ki pooja karne vaale babies hi thahre। bilkul innocent। tum jaante ho yeh hai narka। svarga mein to athaah sukh the। abhi bhi koi marta hai to kehte hain phalaana svarga padhaara to zaroor koi samay svarga tha, ab nahin hai। narka ke baad phir zaroor svarga aayega। in baaton ko bhi tum jaante ho। manushya to rinchak bhi nahin jaante। to naya koi baba ke saamne baith kya karenge isliye maali chaahiye jo poori paravrish kare। yahaan to maali bhi dher ke dher chaahiye। medical college mein koi naya jaakar baithe to samjhega kuchh bhi nahin। yeh knowledge bhi hai nai। baap kehte hain main aaya hoon sabko paavan banaane। mujhe yaad karo to paavan ban jaayenge। is samay sab hain tamopradhaan aatmaayen, tab to kah dete aatma so paramatma, sabmen paramatma hai। to baap thode hi baith aison se maatha maarega। yeh to tum maaliyon ka kaam hai - kaanton ko phool banaana।

tum jaante ho bhakti hai raat, gyaan hai din। gaaya bhi jaata hai brahma ka din, brahma ki raat। prajaapita brahma ke to zaroor bachche bhi honge na। koi ko itna bhi akla nahin jo poochhe ki itne brahmaakumaar-kumaariyaan hain, inka brahma kaun hai? are prajaapita brahma to mashhoor hai, un dvaara hi brahman dharma sthaapan hota hai। kehte bhi hain brahma devtaae namah। baap tum bachchon ko brahman banaaye phir devta banaate hain।

jo nai-nai points nikalti hain, unko apne paas note karne ka shauk bachchon mein rehna chaahiye। jo bachche achhi reeti samajhte hain unhein notes lene ka bahut shauk rehta hai। notes lena achha hai, kyonki itni sab points yaad rehna mushkil hai। notes lekar phir koi ko samjhaana hai। aise nahin ki likhkar phir copy padi rahe। nai-nai points milti rehti hain to puraani points ki kaapiyaan padi rehti hai। school mein bhi padhte jaayenge, pahle darje vaali kitaab padi rehti hai। jab tum samjhaate ho to pichhaadi mein yeh samjhaao ki manmanaabhav। baap ko aur srishti chakra ko yaad karo। mukhya baat hai maamekam yaad karo, isko hi yog agni kaha jaata hai। bhagwan hai gyaan ka saagar। manushya hain shaastron ka saagar। baap koi shaastra nahin sunaate hain, woh bhi shaastra sunaaye to baaki bhagwan aur manushya mein farka kya raha? baap kehte hain in bhakti maarga ke shaastron ka saar main tumko samjhaata hoon।

woh murli bajaane vaale sarpa ko pakadte hain to uske daant nikaal dete hain। baap bhi vish pilaana tumse chhuda dete hain। isi vish se hi manushya patit bane hain। baap kehte hain inko chhodo phir bhi chhodte nahin hain। baap gora banaate hain phir bhi girkar kaala munh kar dete hain। baap aaye hain tum bachchon ko gyaan chita par bithaane। gyaan chita par baithne se tum vishwa ke maalik, jagat jeet ban jaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada khushi rahe ki ham sat dharma ki sthaapna ke nimitta hain। svayan bhagwan humein padhaate hain। hamaara devi-devta dharma bahut sukh dene vaala hai।

2) maali ban kaanton ko phool banaane ki seva karni hai। poori paravrish kar phir baap ke saamne laana hai। mehnat karni hai।

vardaan:- puraani deh aur duniya ko bhoolne vaale baapdaada ke diltakhtansheen bhav

sangamayugi shreshtha aatmaon ka sthaan hai hi baapdaada ka diltakhta। aisa takhta saare kalpa mein nahin mil sakta। vishwa ke raajya ka va state ke raajya ka takhta to milta rahega lekin yeh takhta nahin milega - yeh itna vishaal takhta hai jo chalo, phiro, khaao-soo lekin sada takhtansheen rah sakte ho। jo bachche sada baapdaada ke diltakhtansheen rehte hain ve is puraani deh va deh ki duniya se vismrit rehte hain, ise dekhte hue bhi nahin dekhte।

slogan:- had ke naam, maan, shaan ke peechhe daud lagaana arthaat parchhaai ke peechhe padna।

avyakt ishaare:- ekaantapriy bano ekta aur ekaagrata ko apnaao

jaise koi bhi nai invention underground jaane se kar sakte hain। vaise aap bhi jitna underground arthaat antarmukhi rahenge utna nai-nai invention va yojnaayen nikaal sakenge। underground rahne se ek to vaayumandal se bachaav ho jaayega, doosra ekaanta praapta hone ke kaaran manan shakti bhi badhegi। teesra koi bhi maaya ke vighnon se safety ka saadhan ban jaata hai।