मंगलवार 8 अप्रैल 2025 की दैनिक मुरली

08-04-2025 praatahmurli om shanti "baapdaada"' madhuban

“meethe bachche - sarvottam yug yeh sangam hai, ismen hi tum aatmaayen paramatma baap se milti ho, yahi hai sachcha-sachcha kumbha''

prashn:- kaun-sa paath baap hi padhaate hain, koi manushya nahin padha sakte?

uttar:- dehi-abhimaani banne ka paath ek baap hi padhaate hain, yeh paath koi dehdhaari nahin padha sakta। pahle-pahle tumko aatma ka gyaan milta hai। tum jaante ho ham aatmaayen paramdham se actor ban part bajaane aaye, abhi naatak poora hota hai, yeh drama bana banaaya hai, ise koi ne banaaya nahin isliye iska aadi aur ant bhi nahin hai।

geet:- jaag sajniyaan jaag…

om shanti। bachchon ne yeh geet to anek baar suna hoga। saazan sajniyon se kehte hain। unko saajan kaha jaata hai, jab shareer mein aate hain। nahin to woh baap hai, tum bachche ho। tum sab bhaktiyaan ho। bhagwan ko yaad karte ho। brides, bridegroom ko yaad karti hain। sabka maashook hai bridegroom। woh baith bachchon ko samjhaate hain - ab jaago, naya yug aata hai। naya arthaat nai duniya satayug। puraani duniya hai kaliyug। ab baap aaye hue hain, tumko svargavaasi banaate hain। koi manushya to kah na sake ki ham tumko svargavaasi banaate hain। sannyaasi to svarga aur narka ko bilkul nahin jaante। jaise aur dharma hain vaise sannyaasiyon ka bhi ek aur dharma hai। woh koi aadi sanaatan devi-devta dharma nahin hai। aadi sanaatan devi-devta dharma ki bhagwan hi aakar sthaapna karte hain, jo narkavaasi hain vahi phir satayugi svargavaasi bante hain। abhi tum narkavaasi nahin ho। abhi tum ho sangamayug par। sangam hota hai beech ka। sangam par svargavaasi banne ka tum purooshaartha karte ho, isliye sangamayug ki mahima hai। kumbha ka mela bhi vaastav mein yeh hai sarvottam। inko hi purooshottam kaha jaata hai। tum jaante ho ham sab ek baap ke bachche hain, brotherhood kehte hain na। sabhi aatmaayen aapas mein bhaai-bhaai hain। kehte hain hindu cheeni bhaai-bhaai, sab dharma ke hisaab se to bhaai-bhaai hain - yeh gyaan tumko abhi mila hai। baap samjhaate hain tum mujh baap ki santaan ho। abhi tum sammukh sunte ho। woh to sirf kahne maatra kah dete hain ki sabhi aatmaon ka baap ek hai, us ek ko hi yaad karte hain। mel va female donon mein aatma hai। is hisaab se bhaai-bhaai hain phir bhaai-behen phir uske baad stri-puroosh ho jaate hain। to baap aakar bachchon ko samjhaate hain। gaaya bhi jaata hai aatmaayen-paramatma alag rahi bahukaal..... aise nahin kaha jaata ki nadiyaan aur saagar alag rahe bahukaal...... badi-badi nadiyaan to saagar se mili rehti hain। yeh bhi bachche jaante hain, nadi saagar ki bachchi hai। saagar se paani nikalta hai, baadlon dvaara phir barsaat padti hai pahaadon par। phir nadiyaan ban jaati hain। to sabhi ho jaate hain saagar ke bachche aur bachchiyaan। bahuton ko yeh bhi pata nahin hai ki paani kahaan se nikalta hai। yeh bhi sikhlaaya jaata hai। to ab bachche jaante hain gyaan saagar ek hi baap hai। yeh bhi samjhaaya jaata hai tum sabhi aatmaayen ho, baap ek hai। aatma bhi niraakaar hai, phir jab saakaar mein aate ho to punarjanma lete ho। baap bhi jab saakaar mein aaye tab aakar mile। baap ka milna ek baar hota hai। is samay aakar sabse mile hain। yeh bhi jaante jaayenge ki bhagwan hai। geeta mein shreekrishna ka naam daal diya hai parantu shreekrishna to yahaan aa na sake। woh kaise gaali khaayenge? yeh tum jaante ho shreekrishna ki aatma is samay hai। pahle-pahle tumko gyaan milta hai aatma ka। tum aatma ho, apne ko shareer samajh itna samay chale ho, ab baap aakar dehi-abhimaani banaate hain। saadhu-santa aadi kabhi tumko dehi-abhimaani nahin banaate hain। tum bachche ho, tumko behad ke baap se varsa milta hai। tumhaari buddhi mein hai ki ham paramdham mein rahne vaale hain phir yahaan ham part bajaane aaye hain। abhi yeh naatak poora hota hai। yeh drama koi ne banaaya nahin hai। yeh bana-banaaya drama hai। tumse poochhte hain yeh drama kab se shuru hua? tum bolo yeh to anaadi drama hai। iska aadi ant nahin hota। puraana so naya, naya so puraana hota hai। yeh paath tum bachchon ko pakka hai। tum jaante ho nai duniya kab banti hai phir puraani kab hoti hai। yeh bhi koi-koi ki buddhi mein poori reeti hai। tum jaante ho abhi naatak poora hota hai phir repeat hoga। barobar hamaara 84 janmon ka part poora hua। ab baap hamko le jaane ke liye aaye hain। baap guide bhi hai na। tum sab pande ho। pande log yaatriyon ko le jaate hain। woh hain jismaani pande, tum ho roohaani pande isliye tumhaara naam paandav government bhi hai, parantu gupta। paandav, kaurav, yaadav kya karat bhaye। is samay ki baat hai jabki mahaabhaarat ladaai ka samay bhi hai। anek dharma hain, duniya bhi tamopradhaan hai, variety dharmon ka jhaad saara puraana ho gaya hai। tum jaante ho is jhaad ka pahla-pahla foundation hai aadi sanaatan devi-devta dharma। satayug mein thode hote phir vriddhi ko paate hain। yeh kisko bhi pata nahin, tumhaare mein bhi nambarvaar hain। student mein koi achha samajhdaar hote hain, achhi dhaarna karte hain aur karaane ka shauk hota hai। koi to achhi reeti dhaaran karte hain। koi medium, koi third, koi fourth। pradarshani mein to refine reeti samjhaane vaale chaahiye। pahle bataao ki do baap hain। ek behad ka paarlaukik baap, doosra hai had ka laukik baap। bhaarat ko behad ka varsa mila tha। bhaarat svarga tha jo phir narka bana hai, inko aasuri raajya kaha jaata hai। bhakti bhi pahle-pahle avyabhichaari hoti hai। ek shivbaaba ko hi yaad karte hain।

baap kehte hain - bachche, purooshottam banna hai to jo kanishta banaane vaali baaten hain unhein na suno। ek baap se suno। avyabhichaari gyaan suno aur koi se jo sunenge woh hai jhooth। baap abhi tumko sach sunaakar purooshottam banaate hain। evil baaten tum sunte-sunte kanishta ban gaye ho। sojhra hai brahma ka din, andhiyaara hai brahma ki raat। yeh sab points dhaaran karni hain। nambarvaar to har baat mein hote hi hain। doctor koi 10-20 hazaar ek operation ka lete, koi ko khaane ke liye bhi nahin। barrister bhi aise hote hain। tum bhi jitna padhenge aur padhaayenge utna oonch pad paayenge। farka to hai na। daas-daasiyon mein bhi nambarvaar hote hain। saara madaar padhaai par hai। apne se poochhna chaahiye ham kitna padhte hain, bhavishya janma-janmaantar kya banenge? jo janma-janmaantar banenge so kalpa kalpaantar banenge isliye padhaai par to poora attention dena chaahiye। vish peena to ekdam chhod dena hota hai। satayug mein to aise nahin kaha jaayega - moot paleeti kapad dhoe। is samay sabki choli sadi hui hai। tamopradhaan hain na। yeh bhi samjhaane ki baat hai na। sabse puraana chola kiska hai? hamaara। ham is shareer ko badalte rehte hain। aatma patit banti jaati hai। shareer bhi patit puraana hota jaata hai। shareer badalna hota hai। aatma to nahin badlegi। shareer boodha hua, mrityu hui - yeh bhi drama bana hua hai। sabka part hai। aatma hai avinaashi। aatma khud kehti hain - main shareer chhodti hoon। dehi-abhimaani banna pade। manushya sab deh-abhimaani hain। aadhaakalpa hain deh-abhimaani, aadhaakalpa hain dehi-abhimaani।

dehi-abhimaani hone ke kaaran satayugi devtaaon ko mohjeet ka title mila hua hai kyonki vahaan samajhte hain ham aatma hain, ab yeh shareer chhod doosra lena hai। mohjeet raaja ki bhi katha hai na। baap samjhaate hain devi-devta mohjeet hote hain। khushi se ek shareer chhod doosra lena hai। bachchon ko saari knowledge baap dvaara mil rahi hai। tum hi chakra lagaakar ab phir aae mile ho। jo aur-aur dharmon mein convert ho gaye hain woh bhi aakar milenge। apna thoda bahut varsa le lenge। dharma hi badal gaya na। pata nahin kitna samay us dharma mein rahe hain। 2-3 janma le sakte hain। koi ko hindu se musalmaan bana diya to us dharma mein aata rahega phir yahaan aata hai। yeh bhi hain detail ki baaten। baap kehte hain itni baaten yaad na kar sako, achha apne ko baap ka bachcha to samjho। achhe-achhe bachche bhi bhool jaate hain। baap ko yaad nahin karte hain। maaya ismen bhulaati hai। tum bhi pahle maaya ke mureed the na। ab eeshvar ke bante ho। woh drama mein part hai। apne ko aatma samajh baap ko yaad karna hai। jab tum aatma pahle-pahle shareer mein aai thi to pavitra thi, phir punarjanma lete-lete patit bani ho। ab phir baap kehte hain nashtomoha bano। is shareer mein bhi moh na rakho।

abhi tum bachchon ko is puraani duniya se behad ka vairaagya aata hai kyonki is duniya mein sab ek-do ko duhkh dene vaale hain isliye is puraani duniya ko hi bhool jaao। ham ashareeri aaye the phir ab ashareeri hokar vaapas jaana hai। ab yeh duniya hi khatma honi hai। tamopradhaan se satopradhaan banne liye baap kehte hain - maamekam yaad karo। shreekrishna to kah na sake ki maamekam yaad karo। shreekrishna to satayug mein hota hai। baap hi kehte hain mujhe tum patit-paavan bhi kehte ho to ab mujhe yaad karo, main yeh yukti bataata hoon, paavan banne ki। kalpa-kalpa ki yukti bataata hoon jab puraani duniya hoti hai to bhagwan ko aana padta hai। manushyon ne drama ki aayu lambi-chaudi kar di hai। to manushya bilkul hi bhool gaye hain। ab tum jaante ho yeh sangamayug hai, yeh hai purooshottam banne ka yug। manushya to bilkul hi ghor andhiyaare mein pade hain। is samay hain sab tamopradhaan। abhi tum tamopradhaan se satopradhaan bante ho। tumne hi sabse jaasti bhakti ki hai। ab bhaktimaarga khatma hota hai। bhakti hai mrityulok mein। phir aayega amarlok। tum is samay gyaan lete ho phir bhakti ka naam nishaan nahin rahega। he bhagwan, he raam - yeh sab bhakti ke akshar hain। ismen koi aavaaz nahin karna hai। baap gyaan ka saagar hai, aavaaz thode hi karte hain। unko kaha hi jaata hai sukh-shanti ka saagar। to sunaane liye bhi unko shareer chaahiye na। bhagwan ki bhaasha kya hai, yeh koi jaante nahin। aise to nahin, baba sab bhaashaaon mein bolenge। nahin, unki bhaasha hai hi hindi। baba ek hi bhaasha mein samjhaate hain phir translate kar tum samjhaate ho। foreigners aadi jo bhi milen unko baap ka parichay dena hai। baap aadi sanaatan devi-devta dharma ki sthaapna kar rahe hain। trimoorti par samjhaana chaahiye। prajaapita brahma ke kitne brahmaakumaar-kumaariyaan hain। koi bhi aaye to pahle unse poochho kiske paas aaye ho? board to laga pada hai prajaapita... woh to rachne vaala ho gaya। parantu unko bhagwan nahin kah sakte hain। bhagwan niraakaar ko hi kaha jaata hai। yeh brahmaakumaar-kumaariyaan brahma ki santaan hain। tum yahaan kislie aaye ho? hamaare baap se tumhaara kya kaam! baap se bachchon ka hi kaam hoga na। ham baap ko achhi reeti jaante hain। gaaya hua hai - san shows father। ham unke bachche hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) purooshottam banne ke liye kanishta banaane vaali jo evil baaten hain woh nahin sunni hain। ek baap se hi avyabhichaari gyaan sunna hai।

2) nashtomoha banne ke liye dehi-abhimaani banne ka poora-poora purooshaartha karna hai। buddhi mein rahe - yeh puraani duhkh dene vaali duniya hai, ise bhoolna hai। isse behad ka vairaagya ho।

vardaan:- sangamayug ki sarva praaptiyon ko smriti mein rakh chadhti kala ka anubhav karne vaale shreshtha praarabdhi bhav

parmaatma milan va parmaatma gyaan ki visheshta hai - avinaashi praaptiyaan hona। aise nahin ki sangamayug purooshaarthi jeevan hai aur satayugi praarabdhi jeevan hai। sangamayug ki visheshta hai ek kadam uthaao aur hajaar kadam praarabdha mein paao। to sirf purooshaarthi nahin lekin shreshtha praarabdhi hain - is swaroop ko sada saamne rakho। praarabdha ko dekhkar sahaj hi chadhti kala ka anubhav karenge। “paana tha so pa liya'' - yeh geet gaao to ghutke aur jhutke khaane se bach jaayenge।

slogan:- braahmanon ka shvaans himmat hai, jisse kathin se kathin kaarya bhi aasaan ho jaata hai।

avyakt ishaare - “combined roop ki smriti se sada vijayi bano''

jaise brahma baap ko dekha ki baap ke saath svayan ko sada combined roop mein anubhav kiya aur karaaya। is combined swaroop ko koi alag kar nahin sakta। aise sapoot bachche sada apne ko baap ke saath combined anubhav karte hain। koi taakat nahin jo unhein alag kar sake।