मंगलवार 15 जुलाई 2025 की दैनिक मुरली

15-07-2025 praat:murleeom shanti"baapdaada"' madhuban

“meethe bachche - tumhein abhi bhavishya 21 janmon ke liye yahaan hi padhaai padhni hai, kaante se khushboodaar phool banna hai, daiveegun dhaaran karne aur karaane hain''

prashnah- kin bachchon ki buddhi ka taala nambarvaar khulta jaata hai?

uttar:- jo shreemat par chalte rehte hain। patit-paavan baap ki yaad mein rehte hain। padhaai padhaane vaale ke saath jinka yog hai unki buddhi ka taala khulta jaata hai। baba kehte - bachche, abhyaas karo ham aatma bhaai-bhaai hain, ham baap se sunte hain। dehi-abhimaani ho suno aur sunaao to taala khulta jaayega।

om shanti। baap bachchon ko samjhaate hain jab yahaan baithte ho to aise bhi nahin ki sirf shivbaaba ki yaad mein rehna hai। woh ho jaayegi sirf shanti phir sukh bhi chaahiye। tumko shanti mein rehna hai aur svadarshan chakradhaari ban raajaai ko bhi yaad karna hai। tum purushaartha karte hi ho nar se naaraayan athva manushya se devta banne ke liye। yahaan bhal kitne bhi koi mein daiveegun hon to bhi unko devta nahin kahenge। devta hote hi hain svarga mein। duniya mein manushyon ko svarga ka pata nahin hai। tum bachche jaante ho nai duniya ko svarga, puraani duniya ko narka kaha jaata hai। yeh bhi bhaaratvaasi hi jaante hain। jo devtaayen satayug mein raajya karte the unhon ke chitra bhi bhaarat mein hi hain। yeh hai aadi sanaatan devi-devta dharma ke। phir bhal karke unhon ke chitra baahar mein le jaate hain, pooja ke liye। baahar kahaan bhi jaate hain to jaakar vahaan mandir banaate hain। har ek dharma vaale kahaan bhi jaate hain to apne chitron ki hi pooja karte hain। jin-jin gaanvon par vijay paate hain vahaan church aadi jaakar banaate hain। har ek dharma ke chitra apne-apne hain pooja ke liye। aage tum bhi nahin jaante the ki ham hi devi-devta the। apne ko alag samajhkar unhon ki pooja karte the। aur dharma vaale pooja karte hain to jaante hain ki hamaara dharma sthaapak Christ hai, ham Christian hain athva bauddhi hain। yeh hindu log apne dharma ko na jaanne kaaran apne ko hindu kah dete hain aur poojte hain devtaaon ko। yeh bhi nahin samajhte ki ham aadi sanaatan devi-devta dharma ke hain। ham apne badon ko poojte hain। Christian ek Christ ko poojte hain। bhaaratvaasiyon ko yeh pata nahin ki hamaara dharma kaun-sa hai? woh kisne aur kab sthaapan kiya tha? baap kehte hain yeh bhaarat ka aadi sanaatan devi-devta dharma jab praay: lop ho jaata hai tab main aata hoon phir se sthaapan karne। yeh gyaan abhi tum bachchon ki buddhi mein hai। pahle kuchh bhi nahin jaante the। bigar samjhe bhakti maarga mein chitron ki pooja karte rehte the। abhi tum jaante ho ham bhakti maarga mein nahin hain। abhi tum brahman kul bhooshan aur shoodra kul vaalon mein raat-din ka pharka hai। woh bhi is samay tum samajhte ho। satayug mein nahin samjhenge। is samay hi tumko samajh milti hai। baap aatmaon ko samajh dete hain। puraani duniya aur nai duniya ka tum braahmanon ko hi pata hai। puraani duniya mein dher manushya hain। yahaan to manushya kitna ladte jhagadte hain। yeh hai hi kaanton ka jangal। tum jaante ho ham bhi kaante the। abhi baba hamko phool bana rahe hain। kaante in khushboodaar phoolon ko naman karte hain। yeh raaz abhi tumne jaana hai। ham so devta the jo phir aakar ab khushboodaar phool (brahman) bane hain। baap ne samjhaaya hai yeh drama hai। aage yeh drama, bioscope aadi nahin the। yeh bhi abhi bane hain। kyon bane hain? kyonki baap ko drishtaanta dene mein sahaj ho। bachche bhi samajh sakte hain। yeh science bhi to tum bachchon ko seekhni hai na। buddhi mein yeh sab science ke sanskaar le jaayenge jo phir vahaan kaam mein aayenge। duniya koi ekdam to khatma nahin ho jaati। sanskaar le jaakar phir janma lete hain। vimaan aadi bhi banaate hain। jo-jo kaam ki cheejen vahaan ke laayak hain woh banti hain। steamer banaane vaale bhi hote hain parantu steamer to vahaan kaam mein nahin aayenge। bhal koi gyaan leve ya na leve parantu unke sanskaar kaam mein nahin aayenge। vahaan steamers aadi ki darkaar hi nahin। drama mein hai nahin। haan vimaanon ki, bijliyon aadi ki darkaar padegi। woh invention nikaalte rehte hain। vahaan se bachche seekh kar aate hain। yeh sab baaten tum bachchon ki buddhi mein hi hain।

tum jaante ho ham padhte hi hain nai duniya ke liye। baba hamko bhavishya 21 janmon ke liye padhaate hain। ham svargavaasi banne ke liye pavitra ban rahe hain। pahle narkavaasi the। manushya kehte bhi hain phalaana svargavaasi hua। parantu ham narka mein hain yeh nahin samajhte। buddhi ka taala nahin khulta। tum bachchon ka ab dheere-dheere taala khulta jaata hai, nambarvaar। taala unka khulega jo shreemat par chalne lag padenge aur patit-paavan baap ko yaad karenge। baap gyaan bhi dete hain aur yaad bhi sikhlaate hain। teacher hai na। to teacher zaroor padhaayenge। jitna teacher aur padhaai se yog hoga utna oonch pad paayenge। us padhaai mein to yog rehta hi hai। jaante hain barrister padhaate hain। yahaan baap padhaate hain। yeh bhi bhool jaate hain kyonki nai baat hai na। deh ko yaad karna to bahut sahaj hai। ghadi-ghadi deh yaad aa jaati hai। ham aatma hain yeh bhool jaate hain। ham aatmaon ko baap samjhaate hain। ham aatmaayen bhaai-bhaai hain। baap to jaante hain ham paramatma hain, aatmaon ko sikhlaate hain ki apne ko aatma samajh aur aatmaon ko baith sikhlaao। yeh aatma kaanon se sunti hai, sunaane vaala hai parampita paramatma। unko supreme aatma kahenge। tum jab kisko samjhaate ho to yeh buddhi mein aana chaahiye ki hamaari aatma mein gyaan hai, aatma ko yeh sunaata hoon। hamne baba se jo suna hai woh aatmaon ko sunaata hoon। yeh hai bilkul nai baat। tum doosre ko jab padhaate ho to dehi-abhimaani hokar nahin padhaate ho, bhool jaate ho। manzil hai na। buddhi mein yeh yaad rehna chaahiye - main aatma avinaashi hoon। main aatma in karmendriyon dvaara part baja rahi hoon। tum aatma shoodra kul mein thi, abhi brahman kul mein ho। phir devta kul mein jaayenge। vahaan shareer bhi pavitra milega। ham aatmaayen bhaai-bhaai hain। baap bachchon ko padhaate hain। bachche phir kahenge ham bhaai-bhaai hain, bhaai ko padhaate hain। aatma ko hi samjhaate hain। aatma shareer dvaara sunti hai। yeh badi maheen baaten hain। smriti mein nahin aati hain। aadhaakalpa tum deh-abhimaan mein rahe। is samay tumko dehi-abhimaani ho rehna hai। apne ko aatma nishchay karna hai, aatma nishchay kar baitho। aatma nishchay kar suno। parampita paramatma hi sunaate hain tab to kehte hain na - aatma paramatma alag rahe bahukaal..... vahaan to nahin padhaata hoon। yahaan hi aakar padhaata hoon। aur sabhi aatmaon ko apna-apna shareer hai। yeh baap to hai supreme aatma। unko shareer hai nahin। unki aatma ka hi naam hai shiv। jaante ho yeh shareer hamaara nahin hai। main supreme aatma hoon। meri mahima alag hai। har ek ki mahima apni-apni hai na। gaayan bhi hai na - parampita paramatma brahma dvaara sthaapna karte hain। woh gyaan ka saagar, manushya srishti ka beejroop hai। woh sat hai, chaitanya hai, aananda, sukh-shanti ka saagar hai। yeh hai baap ki mahima। bachche ko baap ki property ka maaloom rehta hai - hamaare baap ke paas yeh kaarkhaana hai, yeh meel hai, nasha rehta hai na। bachcha hi us property ka maalik banta hai। yeh property to ek hi baar milti hai। baap ke paas kya property hai, woh suna।

tum aatmaayen to amar ho। kabhi mrityu ko nahin paati ho। prem ke saagar bhi bante ho। yeh lakshmi-naaraayan prem ke saagar hain। kabhi ladte-jhagadte nahin। yahaan to kitna ladte-jhagadte hain। prem mein aur hi ghotaala padta hai। baap aakar vikaar banda karaate hain to kitna maar padti hai। baap kehte hain bachche paavan bano to paavan duniya ke maalik banenge। kaam mahaashatru hai isliye baba ke paas aate hain to kehte hain jo vikarma kiye hain, woh bataao to halka ho jaayega, ismen bhi mukhya vikaar ki baat hai। baap bachchon ke kalyaan arth poochhte hain। baap ko hi kehte hain he patit-paavan aao kyonki patit vikaar mein jaane vaale ko hi kaha jaata hai। yeh duniya bhi patit hai, manushya bhi patit hain, 5 tatva bhi patit hain। vahaan tumhaare liye tatva bhi pavitra chaahiye। is aasuri prithvi par devtaaon ki parchhaaya nahin pad sakti। lakshmi ka aahvaan karte hain parantu yahaan thode hi aa sakti hai। yeh 5 tatva bhi badalne chaahiye। satayug hai nai duniya, yeh hai puraani duniya। inke khalaas hone ka samay hai। manushya samajhte hain abhi 40 hazaar varsha pade hain। jabki kalpa hi 5 hazaar varsha ka hai to phir sirf ek kaliyug 40 hazaar varsha ka kaise ho sakta hai। kitna agyaan andhiyaara hai। gyaan hai nahin। bhakti hai braahmanon ki raat। gyaan hai brahma aur braahmanon ka din। jo ab practical mein ho raha hai। seedhi mein bada clear dikhaaya hua hai। nai duniya aur puraani duniya ko aadha-aadha kahenge। aise nahin ki nai duniya ko jaasti time, puraani duniya ko thoda time denge। nahin, poora aadha-aadha hoga। to quarter bhi kar sakenge। aadha mein na ho to poora quarter bhi na ho sake। svaastika mein bhi 4 bhaag dete hain। samajhte hain ham ganesh nikaalte hain। ab bachche samajhte hain yeh puraani duniya vinaash honi hai। ham nai duniya ke liye padh rahe hain। ham nar se naaraayan bante hain nai duniya ke liye। shreekrishna bhi nai duniya ka hai। shreekrishna ka to gaayan hua, unko mahaatma kehte hain kyonki chhota bachcha hai। chhote bachche pyaare lagte hain। badon ko itna pyaar nahin karte hain jitna chhoton ko karte hain kyonki satopradhaan avastha hai। vikaar ki badbu nahin hai। bade hone se vikaaron ki badbu ho jaati hai। bachchon ki kabhi criminal aai ho na sake। yeh aankhen hi dhokha dene vaali hain isliye drishtaanta dete hain ki usne apni aankhen nikaal di। aisi koi baat hai nahin। aise koi aankhen nikaalte nahin hain। yeh is samay baba gyaan ki baaten samjhaate hain। tumko to abhi gyaan ki teesri aankh mili hai। aatma ko spiritual knowledge mili hai। aatma mein hi gyaan hai। baap kehte hain mujhe gyaan hai। aatma ko nirlep nahin kah sakte। aatma hi ek shareer chhod doosra leti hai। aatma avinaashi hai। hai kitni chhoti। unmein 84 janmon ka part hai। aisi baat koi kah na sake। woh to nirlep kah dete hain isliye baap kehte hain pahle aatma ko realise karo। koi poochhte hain jaanvar kahaan jaayenge? are, jaanvar ki to baat hi chhodo। pahle aatma ko to realise karo। main aatma kaisi hoon, kya hoon......? baap kehte hain jabki apne ko aatma hi nahin jaante ho, mujhe phir kya jaanenge। yeh sab maheen baaten tum bachchon ki buddhi mein hain। aatma mein 84 janmon ka part hai। woh bajta rehta hai। koi phir kehte hain drama mein noondh hai phir ham purushaartha hi kyon karen! are, purushaartha bigar to paani bhi nahin mil sakta। aise nahin, drama anusaar aapehi sab kuchh milega। karma to zaroor karna hi hai। achha va bura karma hota hai। yeh buddhi se samajh sakte hain। baap kehte hain yeh raavan raajya hai, ismen tumhaare karma vikarma ban jaate hain। vahaan raavan raajya hi nahin jo vikarma ho। main hi tumko karma, akarma, vikarma ki gati samjhaata hoon। vahaan tumhaare karma akarma ho jaate hain, raavan raajya mein karma vikarma ho jaate hain। geeta-paathi bhi kabhi yeh arth nahin samjhaate, woh to sirf padhkar sunaate hain, sanskrit mein shlok sunaakar phir hindi mein arth karte hain। baap kehte hain kuchh-kuchh akshar theek hain। bhagvaanuvaach hai parantu bhagwan kisko kaha jaata hai, yeh kisi ko pata nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) behad baap ke property ki main aatma maalik hoon, jaise baap shanti, pavitrata, aanand ka saagar hai, aise main aatma master saagar hoon, isi nashe mein rehna hai।

2) drama kah purushaartha nahin chhodna hai, karma zaroor karne hain। karma-akarma-vikarma ki gati ko samajh sada shreshtha karma hi karne hain।

vardaan:- samay ke mahatva ko jaan svayan ko sampanna banaane vaale vishwa ke aadhaarmoorta bhav

saare kalpa ki kamaai ka, shreshtha karma roopi beej bone ka, 5 hajaar varsha ke sanskaaron ka record bharne ka, vishwa kalyaan va vishwa parivartan ka yeh samay chal raha hai। yadi samay ke gyaan vaale bhi vartamaan samay ko ganvaate hain ya aane vaale samay par chhod dete hain to samay ke aadhaar par svayan ka purushaartha hua। lekin vishwa ki aadhaarmoorta aatmaayen kisi bhi prakaar ke aadhaar par nahin chalti। ve ek avinaashi sahaare ke aadhaar par kaliyugi patit duniya se kinaara kar svayan ko sampanna banaane ka purushaartha karti hain।

slogan:- svayan ko sampanna bana lo to vishaal kaarya mein svat: sahayogi ban jaayenge।

avyakt ishaare - sankalpon ki shakti jama kar shreshtha seva ke nimitta bano

vartamaan samay ke purushaartha mein har sankalp ko powerful banaana hai। sankalp hi jeevan ka shreshtha khajaana hai। jaise khajaane dvaara jo chaahe, jitna chaahe, utna praapta kar sakte hain, vaise hi shreshtha sankalp dvaara sadaakaal ki shreshtha praalabdha pa sakte ho। iske liye ek chhota-sa slogan smriti mein rakho ki soch samajhkar karna aur bolna hai tab sadaakaal ke liye shreshtha jeevan bana sakenge।