बुधवार 16 जुलाई 2025 की दैनिक मुरली

16-07-2025 praat:murleeom shanti"baapdaada"' madhuban

“meethe bachche - jo sarva ki sadgati karne vaala jeevanmukti daata hai, woh aapka baap bana hai, tum unki santaan ho, to kitna nasha rehna chaahiye''

prashnah- kin bachchon ki buddhi mein baba ki yaad nirantar nahin thahar sakti hai?

uttar:- jinhen poora-poora nishchay nahin hai unki buddhi mein yaad thahar nahin sakti। hamko kaun sikhla rahe hain, yeh jaante nahin to yaad kisko karenge। jo yathaartha pahchaan kar yaad karte hain unke hi vikarma vinaash hote hain। baap svayan hi aakar apni aur apne ghar ki yathaartha pahchaan dete hain।

om shanti। ab om shanti ka arth to sadaiv bachchon ko yaad hoga। ham aatma hain, hamaara ghar hai nirvaandhaam va mool vatan। baaki bhakti maarga mein manushya jo bhi purushaartha karte hain unko pata nahin kahaan jaana hai। sukh kismen hai, du:kh kismen hai, kuchh bhi pata nahin। yagya, tap, daan, punya, teertha aadi karte seedhi neeche utarte hi aate hain। abhi tumko gyaan mila hai to bhakti banda ho jaati hai। ghante ghadiyaal aadi woh vaataavran sab banda। nai duniya aur puraani duniya mein farka to hai na। nai duniya hai paavan duniya। tum bachchon ki buddhi mein hai sukhdhaam। sukhdhaam ko svarga, du:khadhaam ko narka kaha jaata hai। manushya shanti chaahte hain, parantu vahaan koi bhi ja nahin sakte। baap kehte hain main jab tak yahaan bhaarat mein na aaoon tab tak mere sivaae tum bachche ja nahin sakte। bhaarat mein hi shivjayanti gaai jaati hai। niraakaar zaroor saakaar mein aayega na। shareer bigar aatma kuchh kar sakti hai kya? shareer bigar to aatma bhatakti rehti hai। doosre tan mein bhi pravesh kar leti hai। koi achhe hote hain, koi chanchal hote hain, ekdam tavaai bana leti hai। aatma ko shareer zaroor chaahiye। vaise hi parampita paramatma ko bhi shareer na ho to bhaarat mein kya aakar karenge! bhaarat hi avinaashi khanda hai। satayug mein ek hi bhaarat khanda hai। aur sab khanda vinaash ho jaate hain। gaate hain aadi sanaatan devi-devta dharma tha। yeh log phir aadi sanaatan hindu dharma kah dete hain। vaastav mein shuru mein koi hindu nahin, devi-devtaayen the। Europe mein rahne vaale apne ko Christian kehte hain। european dharma thode hi kahenge। yeh hindoostaan mein rahne vaale hindu dharma kah dete। jo daivi dharma shreshtha the, vahi 84 janmon mein aate dharma bhrashta ban gaye hain। devta dharma ke jo honge vahi yahaan aayenge। agar nishchay nahin to samjho is dharma ke nahin hain। bhal yahaan baithe honge to bhi unki samajh mein nahin aayega। vahaan koi praja mein kam pad paane vaala hoga। chaahte sab sukh-shanti hain, woh to hota hai satayug mein। sab to sukhdhaam mein ja nahin sakte। sab dharma apne-apne samay par aate hain। anek dharma hain, jhaad vriddhi ko paata rehta hai। mool thur hai devi-devta dharma। phir hain 3 tube। svarga mein to yeh ho na saken। dvaapar se lekar naye dharma nikalte hain, inko variety human tree kaha jaata hai। viraat roop alag hai, yeh variety dharmon ka jhaad hai। kisma-kisma ke manushya hain। tum jaante ho kitne dharma hain। satayug aadi mein ek hi dharma tha, nai duniya thi। baahar vaale bhi jaante hain, bhaarat hi praacheen bahishta tha। bahut saahookaar tha isliye bhaarat ko bahut maan milta hai। koi saahookaar, gareeb banta hai to us par taras khaate hain। bichaara bhaarat kya ho pada hai! yeh bhi drama mein part hai। kehte bhi hain sabse jaasti merciful eeshvar hi hai aur aate bhi bhaarat mein hain। gareebon par zaroor saahookaar hi raham karenge na। baap hai behad ka saahookaar, oonch te oonch banaane vaala। tum kiske bachche bane ho woh bhi nasha hona chaahiye। parampita paramatma shiv ki ham santaan hain, jisko hi jeevanmukti daata, sadgati daata kehte hain। jeevanmukti pahle-pahle satayug mein hoti hai। yahaan to hai jeevanbandha। bhakti maarga mein pukaarte hain baba bandhan se chhudaao। abhi tum pukaar nahin sakte।

tum jaante ho baap jo gyaan ka saagar hai, vahi world ki history-geography ka saar samjha rahe hain। knowledgeful hain। yeh to khud kehte hain main bhagwan nahin hoon। tumhein to deh se nyaara dehi-abhimaani banna hai। saari duniya ko, apne shareer ko bhi bhoolna hai। yeh bhagwan hai nahin। inko kehte hi hain baapdaada। baap hai oonch te oonch। yeh patit puraana tan hai। mahima sirf ek ki hai। unse yog lagaana hai tab hi paavan banenge। nahin to kabhi paavan ban nahin sakenge aur pichhaadi mein hisaab-kitaab chuktu kar sazaayen khaakar chale jaayenge। bhakti maarga mein ham so, so ham ka mantra sunte aaye ho। ham aatma so parampita paramatma, so ham aatma - yahi wrong mantra paramatma se bemukh karne vaala hai। baap kehte hain - bachche, paramatma so ham aatma kehna yeh bilkul wrong hai। abhi tum bachchon ko varnon ka bhi rahasya samjhaaya gaya hai। ham so brahman hain phir ham so devta banne ke liye purushaartha karte hain। phir ham so devta ban kshatriy varna mein aayenge। aur koi ko thode hi pata hai - ham kaise 84 janma lete hain? kis kul mein lete hain? tum abhi samajhte ho ham brahman hain, baba to brahman nahin hai। tum hi in varnon mein aate ho। ab brahman dharma mein adopt kiya hai। shivbaaba dvaara prajaapita brahma ki santaan bane ho। yeh bhi jaante ho niraakaari aatmaayen asli eeshvareey kul ki hain। niraakaari duniya mein rahne vaali hain। phir saakaari duniya mein aati hain। part bajaane aana padta hai। vahaan se aaye phir hamne devta kul mein 8 janma liye, phir ham kshatriy kul mein, vaishya kul mein jaate hain। baap samjhaate hain tumne itne janma daiveekul mein liye phir itne janma kshatriy kul mein liye। 84 janmon ka chakra hai। tumhaare bigar yeh gyaan aur koi ko mil na sake। jo is dharma ke honge vahi yahaan aayenge। raajdhaani sthaapan ho rahi hai। koi raaja-raani koi praja banenge। sooryavanshi lakshmi-naaraayan di first, second, third - 8 gaddi chalti hain phir kshatriy dharma mein bhi first, second, third aise chalta hai। yeh sab baaten baap samjhaate hain। gyaan ka saagar jab aate hain to bhakti khalaas ho jaati hai। raat khatma ho din hota hai। vahaan kisi bhi prakaar ke dhakke nahin hote। aaraam hi aaraam hai, koi hangaama nahin। yeh bhi drama bana hua hai। bhakti cult mein hi baap aate hain। sabko vaapis zaroor jaana hai phir nambarvaar utarte hain। Christ aayenge to phir unke dharma vaale bhi aate rahenge। abhi dekho kitne Christian hain। Christ ho gaya Christian dharma ka beej। is devi-devta dharma ka beej hai parampita paramatma shiv। tumhaara dharma sthaapan karte hain parampita paramatma। tumko brahman dharma mein kisne laaya? baap ne adopt kiya to unse chhota brahman dharma hua। braahmanon ki choti gaai jaati hai। yeh hai nishaani choti phir neeche aao to shareer badhta jaata hai। yeh sab baaten baap hi baith samjhaate hain। jo baap kalyaankaari hai vahi aakar bhaarat ka kalyaan karte hain। sabse adhik kalyaan to tum bachchon ka hi karte hain। tum kya se kya ban jaate ho! tum amarlok ke maalik ban jaate ho। abhi hi tum kaam par vijay paate ho। vahaan akaale mrityu hoti nahin। marne ki baat nahin। baaki chola to badlenge na। jaise sarpa ek khaal utaar doosri lete hain। yahaan bhi tum yeh puraani khaal chhod nai duniya mein nai khaal lenge। satayug ko kaha jaata hai garden oph flowers। kabhi koi kuvchan vahaan nahin nikalta। yahaan to hai hi kusang। maaya ka sang hai na isliye inka naam hi hai raurav narka। jagah puraani hoti hai to myunisipaalti vaale pahle se hi khaali kara dete hain। baap bhi kehte hain jab puraani duniya hoti hai tab ham aate hain।

gyaan se sadgati ho jaati hai। raajayog sikhaaya jaata hai। bhakti mein to kuchh bhi nahin hai। haan, jaise daan-punya karte hain to alpakaal ke liye sukh milta hai। raajaaon ko bhi sanyaasi log vairaagya dilaate hain, yeh to kaag vishta samaan sukh hai। abhi tum bachchon ko behad ka vairaagya sikhaaya jaata hai। yeh hai hi puraani duniya, ab sukhdhaam ko yaad karo, phir via shantidham yahaan aana hai। delvaada mandir mein hoobhu tumhaara is samay ka yaadgaar hai। neeche tapasya mein baithe hain, oopar mein hai svarga। nahin to svarga kahaan dikhaayen। manushya marte hain to kahenge svarga padhaara। svarga ko oopar mein samajhte hain parantu oopar mein kuchh hai nahin। bhaarat hi svarga, bhaarat hi narka banta hai। yeh mandir poora yaadgaar hai। yeh mandir aadi sab baad mein bante hain। svarga mein bhakti hoti nahin। vahaan to sukh hi sukh hai। baap aakar sab raaz samjhaate hain। aur sab aatmaon ke naam badalte hain, shiv ka naam nahin badalta। unka apna shareer hai nahin। shareer bigar padhaayenge kaise! prerna ki to koi baat hi nahin। prerna ka arth hai vichaar। aise nahin, oopar se prerna karenge aur pahunch jaayenge, ismen prerna ki koi baat nahin। jin bachchon ko baap ki poori pahchaan nahin, poora nishchay nahin unki buddhi mein yaad bhi thahregi nahin। hamko kaun sikhla rahe hain, woh jaante nahin to yaad kisko karenge? baap ki yaad se hi tumhaare vikarma vinaash honge। jo janma-janmaantar ling ko hi yaad karte hain, samajhte hain yeh paramatma hai, unka yeh chinha hai, woh hai niraakaar, saakaar nahin hai। baap kehte hain mujhe bhi prakriti ka aadhaar lena padta hai। nahin to tumko srishti chakra ka raaz kaise samjhaaoon। yeh hai roohaani knowledge। roohon ko hi yeh knowledge milti hai। yeh knowledge ek baap hi de sakte hain। punarjanma to lena hi hai। sab actors ko part mila hua hai। nirvaan mein koi bhi ja nahin sakta। moksha ko pa nahin sakte। jo number one vishwa ke maalik bante hain vahi 84 janmon mein aate hain। chakra zaroor lagaana hai। manushya samajhte hain moksha milta hai, kitne mat-mataantar hain। vriddhi ko paate hi rehte hain। vaapis koi bhi jaate nahin। baap hi 84 janmon ki kahaani bataate hain। tum bachchon ko padhkar phir padhaana hai। yeh roohaani knowledge tumhaare sivaae aur koi de na sake। na shoodra, na devtaayen de sakte। satayug mein durgati hoti nahin jo knowledge mile। yeh knowledge hai hi sadgati ke liye। sadgati daata liberator guide ek hi hai। sivaae yaad ki yaatra ke koi bhi pavitra ban na sake। sazaayen zaroor khaani padengi। pad bhi bhrashta ho jaayega। sabka hisaab-kitaab chuktu to hona hai na। tumko tumhaari hi baat samjhaate hain aur dharmon mein jaane ki kya padi hai। bhaaratvaasiyon ko hi yeh knowledge milti hai। baap bhi bhaarat mein hi aakar 3 dharma sthaapan karte hain। abhi tumko shoodra dharma se nikaal oonch kul mein le jaate hain। woh hai neech patit kul, ab paavan banaane ke liye tum brahman nimitta bante ho। inko rudra gyaan yagya kaha jaata hai। rudra shivbaaba ne yagya racha hai, is behad ke yagya mein saari puraani duniya ki aahuti padni hai। phir nai duniya sthaapan ho jaayegi। puraani duniya khatma honi hai। tum yeh knowledge lete hi ho nai duniya ke liye। devtaaon ki parchhaai puraani duniya mein nahin padti। tum bachche jaante ho ki kalpa pahle jo aaye honge vahi aakar yeh knowledge lenge। nambarvaar purushaartha anusaar padhaai padhenge। manushya yahaan hi shanti chaahte hain। ab aatma to hai hi shantidham ki rahne vaali। baaki yahaan shanti kaise ho sakti। is samay to ghar-ghar mein ashaanti hai। raavan raajya hai na। satayug mein bilkul hi shanti ka raajya hota hai। ek dharma, ek bhaasha hoti hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya se behad ka vairaagi ban apni deh ko bhi bhool shantidham aur sukhdhaam ko yaad karna hai। nishchaybuddhi ban yaad ki yaatra mein rehna hai।

2) ham so, so ham ke mantra ko yathaartha samajhkar ab brahman so devta banne ka purushaartha karna hai। sabhi ko iska yathaartha arth samjhaana hai।

vardaan:- antarmukhta ke abhyaas dvaara alaukik bhaasha ko samajhne vaale sada saphalta sampanna bhav

jitna-jitna aap bachche antarmukhi sweet silence swaroop mein sthit hote jaayenge utna naynon ki bhaasha, bhaavna ki bhaasha aur sankalp ki bhaasha ko sahaj samajhte jaayenge। yeh teen prakaar ki bhaasha roohaani yogi jeevan ki bhaasha hai। yeh alaukik bhaashaayen bahut shaktishaali hain। samay pramaan in teenon bhaashaaon dvaara hi sahaj saphalta praapta hogi। isliye ab roohaani bhaasha ke abhyaasi bano।

slogan:- aap itne halke ban jaao jo baap aapko apni palkon par bithaakar saath le jaae।

avyakt ishaare - sankalpon ki shakti jama kar shreshtha seva ke nimitta bano

vartamaan samay vishwa kalyaan karne ka sahaj saadhan apne shreshtha sankalp ki ekaagrata hai, isse hi sarva aatmaon ki bhatakti hui buddhi ko ekaagra kar sakenge। vishwa ki sarva aatmaayen vishesh yahi chaahna rakhti hain ki bhatki hui buddhi ekaagra ho jaae va man chanchalta se ekaagra ho jaae, iske liye ekaagrata arthaat sada ek baap doosra na koi, is smriti se ekras sthiti mein sthit hone ka vishesh abhyaas karo।