शनिवार 25 अक्टूबर 2025 की दैनिक मुरली

25-10-2025 praatahmurli om shanti "baapdaada"' madhuban

“meethebachche - sangamayug par hi tumhein aatma-abhimaani banne ki mehnat karni padti satayug athva kaliyug mein yeh mehnat hoti nahin''

prashn:- shreekrishna ka naam unke maa baap se bhi adhik baala hai, kyon?

uttar:- kyonki shreekrishna se pahle jinka bhi janma hota hai vo janma yogbal se nahin hota। shreekrishna ke maa baap ne koi yogbal se janma nahin liya hai। 2- poori karmaateet avastha vaale raadhe-krishna hi hain, vahi sadgati ko paate hain। jab sab paap aatmaayen khatma ho jaati hain tab gulgul (paavan) nai duniya mein shreekrishna ka janma hota hai, use hi vaikuntha kaha jaata hai। 3- sangam par shreekrishna ki aatma ne, sabse adhik purushaartha kiya hai isliye unka naam baala hai।

om shanti। meethe-meetheroohaani bachchon ko roohaani baap baith samjhaate hain। 5 hazaar varsha ke baad ek hi baar bachchon ko aakar padhaate hain, pukaarte bhi hain ki ham patiton ko aakar paavan banaao। to siddha hota hai ki yeh patit duniya hai। nai duniya, paavan duniya thi। naya makaan khoobsoorat hota hai। puraana jaise toota phoota ho jaata hai। barsaat mein gir padta hai। abhi tum bachche jaante ho baap aaya hai nai duniya banaane। abhi padha rahe hain। phir 5 hazaar varsha ke baad padhaayenge। aise kabhi koi saadhu-santa aadi apne followers ko nahin padhaayenge। unko yeh pata hi nahin hai। na khel ka pata hai kyonki nivritti maarga vaale hain। baap bigar koi bhi srishti ke aadi-madhya-ant ka raaz samjha na sake। aatma-abhimaani banne mein hi bachchon ko mehnat hoti hai kyonki aadhaakalpa mein tum kabhi aatma-abhimaani bane nahin ho। ab baap kehte hain apne ko aatma samjho। aise nahin ki aatma so paramatma। nahin, apne ko aatma samajh parampita paramatma shiv ko yaad karna hai। yaad ki yaatra mukhya hai, jisse hi tum patit se paavan bante ho। ismen koi sthool baat nahin। koi naak kaan aadi nahin banda karna hai। mool baat hai - apne ko aatma samajh baap ko yaad karna। tum aadhaakalpa se hire hue ho - deh-abhimaan mein rahne ke। pahle apne ko aatma samjhenge tab baap ko yaad kar sakenge। bhakti maarga mein bhi baba-baba kehte aate hain। bachche jaante hain satayug mein ek hi laukik baap hai। vahaan paarlaukik baap ko yaad nahin karte hain kyonki sukh hai। bhakti maarga mein phir do baap ban jaate hain। laukik aur paarlaukik। duhkh mein sab paarlaukik baap ko yaad karte hain। satayug mein bhakti hoti nahin। vahaan to hai hi gyaan ki praalabdha। aise nahin ki gyaan rehta hai। is samay ke gyaan ki praalabdha milti hai। baap to ek hi baar aate hain। aadhaakalpa behad ke baap ka, sukh ka varsa rehta hai। phir laukik baap se alpakaal ka varsa milta hai। yeh manushya nahin samjha sakte। yeh hai nai baat, 5 hazaar varsha mein sangamayug par ek hi baar baap aate hain, jabki kaliyug ant, satayug aadi ka sangam hota hai tab hi baap aate hain - nai duniya phir se sthaapan karne। nai duniya mein in lakshmi-naaraayan ka raajya tha phir treta mein raamraajya tha। baaki devtaaon aadi ke jo itne chitra banaaye hain woh sab hain bhakti maarga ki saamagri। baap kehte hain in sabko bhool jaao। abhi apne ghar ko aur nai duniya ko yaad karo।

gyaan maarga hai samajh ka maarga, jisse tum 21 janma samajhdaar ban jaate ho। koi duhkh nahin rehta। satayug mein kabhi koi aise nahin kahenge ki hamko shanti chaahiye। kaha jaata hai na - maangane se marna bhala। baap tumko aisa saahookaar bana dete hain jo devtaaon ko bhagwan se koi cheez maangane ki darkaar nahin rehti। yahaan to dua maangate hain na। pope aadi aate hain to kitne dua lene jaate hain। pope kitnon ki shaadiyaan karaate hain। baba to yeh kaam nahin karte। bhakti maarga mein jo past ho gaya hai so ab ho raha hai so phir repeat hoga। din-pratidin bhaarat kitna girta jaata hai। abhi tum ho sangam par। baaki sab hain kaliyugi manushya। jab tak yahaan na aayen tab tak kuchh bhi samajh na saken ki abhi sangam hai va kaliyug hai? ek hi ghar mein bachche samajhte hain sangam par hain, baap kahenge ham kaliyug mein hain to kitni takleeph ho padti hai। khaan-paan aadi ka bhi jhanjhat ho padta hai। tum sangam-yugi ho shuddh pavitra bhojan khaane vaale। devtaayen kabhi pyaaz aadi thode hi khaate hain। in devtaaon ko kaha hi jaata hai nirvikaari। bhakti maarga mein sab tamopradhaan ban gaye hain। ab baap kehte hain satopradhaan bano। koi bhi aisa nahin hai jo samjhen ki aatma pahle satopradhaan thi phir tamopradhaan bani hai kyonki woh to aatma ko nirlep samajhte hain। aatma so paramatma hai, aise-aise kah dete hain।

baap kehte hain gyaan saagar main hi hoon, jo is devi-devta dharma ke honge woh sab aakar phir se apna varsa lenge। abhi sapling lag rahi hai। tum samajh jaayenge - yeh itna oonch pad paane laayak nahin hai। ghar mein jaakar shaadiyaan aadi karte chhi-chhi hote rehte hain। to samjhaaya jaata hai oonch pad pa nahin sakte। yeh raajaai sthaapan ho rahi hai। baap kehte hain - main tumko raajaaon ka raaja banaata hoon to praja zaroor banaani pade। nahin to raajya kaise paayenge। yeh geeta ke akshar hain na - inko kaha hi jaata hai geeta ka yug। tum raajayog seekh rahe ho - jaante ho aadi sanaatan devi-devta dharma ka foundation lag raha hai। sooryavanshi-chandravanshi donon raajaai sthaapan ho rahi hain। brahman kul sthaapan ho chuka hai। brahman hi phir sooryavanshi-chandravanshi bante hain। jo achhi reeti mehnat karenge woh sooryavanshi banenge। aur dharma vaale jo aate hain woh aate hi hain apne dharma ki sthaapna karne। peechhe us dharma ki aatmaayen aati rehti hain, dharma ki vriddhi hoti jaati hai। samjho koi Christian hai to unhon ka beejroop Christ thahra। tumhaara beejroop kaun hai? baap, kyonki baap hi aakar svarga ki sthaapna karte hain brahma dvaara। brahma ko hi prajaapita kaha jaata hai। rachta nahin kahenge। in dvaara bachche adopt kiye jaate hain। brahma ko bhi to create karte hain na। baap aakar pravesh kar yeh rachte hain। shiv-baba kehte hain tum mere bachche ho। brahma bhi kehte hain tum mere saakaari bachche ho। abhi tum kaale chhi-chhi ban gaye ho। ab phir brahman bane ho। is sangam par hi tum purushottam devi-devta banne ki mehnat karte ho। devtaaon ko aur shoodron ko koi mehnat nahin karni padti, tum braahmanon ko mehnat karni padti hai devta banne ke liye। baap aate hi hain sangam par। yeh hai bahut chhota yug isliye inko leap yug kaha jaata hai। inko koi jaante nahin। baap ko bhi mehnat lagti hai। aise nahin ki jhat se nai duniya ban jaati hai। tumko devta banne mein time lagta hai। jo achhe karma karte hain to achhe kul mein janma lete hain। abhi tum nambarvaar purushaartha anusaar gul-gul ban rahe ho। aatma hi banti hai। abhi tumhaari aatma achhe karma seekh rahi hai। aatma hi achhe va bure sanskaar le jaati hai। abhi tum gul-gul (phool) ban achhe ghar mein janma lete rahenge। yahaan jo achha purushaartha karte hain, to zaroor achhe kul mein janma lete honge। nambarvaar to hain na। jaise-jaise karma karte hain aisa janma lete hain। jab bure karma karne vaale bilkul khatma ho jaate hain phir svarga sthaapan ho jaata hai, chhaantachhoot hokar। tamopradhaan jo bhi hain woh khatma ho jaate hain। phir naye devtaaon ka aana shuru hota hai। jab bhrashtaachaari sab khatma ho jaate hain tab shreekrishna ka janma hota hai, tab tak badli sadli hoti rehti hai। jab koi chhi-chhi nahin rahega tab shreekrishna aayega, tab tak tum aate jaate rahenge। shreekrishna ko receive karne vaale maa baap bhi pahle se chaahiye na। phir sab achhe-achhe rahenge। baaki chale jaayenge, tab hi usko svarga kaha jaayega। tum shreekrishna ko receive karne vaale rahenge। bhal tumhaara chhi-chhi janma hoga kyonki raavan raajya hai na। shuddh janma to ho na sake। gul-gul (pavitra) janma shreekrishna ka hi pahle-pahle hota hai। uske baad nai duniya vaikuntha kaha jaata hai। shreekrishna bilkul gul-gul nai duniya mein aayenge। raavan sampradaay bilkul khatma ho jaayegi। shreekrishna ka naam unke maa-baap se bhi bahut baala hai। shreekrishna ke maa-baap ka naam itna baala nahin hai। shreekrishna se pahle jinka janma hota hai vo yogbal se janma nahin kahenge। aise nahin shreekrishna ke maa-baap ne yogbal se janma liya hai। nahin, agar aisa hota to unhon ka bhi naam baala hota। to siddha hota hai unke maa-baap ne itna purushaartha nahin kiya hai jitna shreekrishna ne kiya hai। yeh sab baaten aage chal tum samajhte jaayenge। poori karmaateet avastha vaale raadhe-krishna hi hain। vahi sadgati mein aate hain। paap aatmaayen sab khatma ho jaati hain tab unhon ka janma hota hai phir kahenge paavan duniya isliye shreekrishna ka naam baala hai। maa-baap ka itna nahin। aage chal tumko bahut saakshaatkaar honge। time to pada hai। tum kisko bhi samjha sakte ho - ham yeh banne ke liye padh rahe hain। vishwa mein inka raajya ab sthaapan ho raha hai। hamaare liye to nai duniya chaahiye। abhi tumko daivi sampradaay nahin kahenge। tum ho brahman sampradaay। devta banne vaale ho। daivi sampradaay ban jaayenge phir tumhaari aatma aur shareer donon svachchha honge। abhi tum sangam-yugi purushottam banne vaale ho। yeh saari mehnat ki baat hai। yaad se vikarmaajeet banna hai। tum khud kehte ho yaad ghadi-ghadi bhool jaati hai। baba picnic par baithte hain to baba ko khyaal rehta hai। ham yaad mein nahin rahenge to baba kya kahenge isliye baba kehte hain tum yaad mein baith picnic karo। karma karte maashook ko yaad karo to vikarma vinaash honge, ismen hi mehnat hai। yaad se aatma pavitra hogi, avinaashi gyaan dhan bhi jama hoga। phir agar apvitra ban jaate hain to saara gyaan bah jaata hai। pavitrata hi mukhya hai। baap to achhi-achhi baat hi samjhaate hain। yeh srishti ke aadi-madhya-ant ka gyaan aur koi mein bhi nahin hai। aur jo bhi satsang aadi hain woh sab hain bhakti maarga ke।

baba ne samjhaaya hai - bhakti vaastav mein pravritti maarga vaalon ko hi karni hai। tumhaare mein to kitni taakat rehti hai। ghar baithetumko sukh mil jaata hai। sarvashaktimaan baap se tum itni taakat lete ho। sannyaasiyon mein bhi pahle taakat thi, jangalon mein rehte the। abhi to kitne bade-bade flat banaakar rehte hain। abhi woh taakat nahin hai। jaise tumhaare mein bhi pahle sukh ki taakat rehti hai। phir gum ho jaati hai। unhon mein bhi pahle shanti ki taakat thi, ab woh taakat nahin rahi hai। aage to sach kehte the ki rachta aur rachna ko ham nahin jaante। abhi to apne ko bhagwan shivoham kah baithte hain। baap samjhaate hain - is samay saara jhaad tamopradhaan hai isliye sabhi ka uddhaar karne main aata hoon। yeh duniya hi badalni hai। sab aatmaayen vaapis chali jaayengi। ek bhi nahin jisko yeh pata ho ki hamaari aatma mein avinaashi part bhara hua hai jo phir se repeat karenge। aatma itni chhoti hai, inmen avinaashi part bhara hai jo kabhi vinaash nahin hota। ismen buddhi badi achhi pavitra chaahiye। woh tab hogi jab yaad ki yaatra mein masta rahenge। mehnat sivaae pad thode hi milega isliye gaaya jaata hai chadhe to chaakhe… kahaan oonch te oonch raajaaon ka raaja double sirtaaj, kahaan praja। padhaane vaala to ek hi hai। ismen samajh badi achhi chaahiye। baba baar-baar samjhaate hain yaad ki yaatra hai mukhya। main tumko padhaakar vishwa ka maalik banaata hoon। to teacher guru bhi hoga। baap to hai hi teechron ka teacher, baapon ka baap। yeh to tum bachche jaante ho hamaara baba bahut pyaara hai। aise baap ko to bahut yaad karna hai। padhna bhi poora hai। baap ko yaad nahin karenge to paap nashta nahin honge। baap sabhi aatmaon ko saath le jaayenge। baaki shareer sab khatma ho jaayenge। aatmaayen apne-apne dharma ke section mein jaakar nivaas karti hain। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi ko pavitra banaane ke liye yaad ki yaatra mein masta rehna hai। karma karte bhi ek maashook yaad rahe - tab vikarmaajeet banenge।

2) is chhote se yug mein manushya se devta banne ki mehnat karni hai। achhe karmon ke anusaar achhe sanskaaron ko dhaaran kar achhe kul mein jaana hai।

vardaan:- apni roohaani laaitas dvaara vaayumandal ko parivartan karne ki seva karne vaale sahaj saphaltaamoorta bhav

jaise saakaar srishti mein jis rang ki light jalaate ho vahi vaataavran ho jaata hai। agar hari light hoti hai to chaaron or vahi prakaash chha jaata hai। laal light jalaate ho to yaad ka vaayumandal ban jaata hai। jab sthool light vaayumandal ko parivartan kar deti hai to aap light house bhi pavitrata ki light va sukh ki light se vaayumandal parivartan karne ki seva karo to saphaltaamoorta ban jaayenge। sthool light aankhon se dekhte hain, roohaani light anubhav se jaanenge।

slogan:- vyartha baaton mein samay aur sankalp gavaana - yeh bhi apvitrata hai।

avyakt ishaare - svayan aur sarva ke prati mansa dvaara yog ki shaktiyon ka prayog karo

koi bhi khajaana kam kharcha karke adhik praapti kar lena, yahi yog ka prayog hai। mehnat kam saphalta jyaada is vidhi se prayog karo। jaise samay va sankalp shreshtha khajaane hain, to sankalp kam se kam kharcha hon lekin praapti jyaada ho। jo saadhaaran vyakti do chaar minute sankalp chalaane ke baad, sochne ke baad saphalta ya praapti kar sakta hai woh aap ek do second mein kar sakte ho, isko kehte hain kam kharcha baala nasheen। kharcha kam karo lekin praapti 100 guna ho isse samay ki va sankalp ki jo bachat hogi, woh auron ki seva mein laga sakenge, daan punya kar sakenge, yahi yog ka prayog hai।