रविवार 11 जनवरी 2026 की दैनिक मुरली

11-01-26 praatahmurli om shanti ''avyakt-baapdaada'' revise 20-10-08 madhuban

santushtamni ban vishwa mein santushtata ki light phailaao, santushta raho aur sabko santushta karo

aaj baapdaada apne sada santushta rahne vaale santushta maniyon ko dekh rahe hain। ek-ek santushtamni ki chamak se chaaron or kitni sundar chamak, chamak rahi hai। har ek santushtamni kitni baap ki pyaari, har ek ki pyaari, apni bhi pyaari hai। santushtata sarva ko pyaari hai। santushtata sada sarva praapti sampanna hai kyonki jahaan santushtata hai vahaan apraapta koi vastu nahin। santushta aatma mein santushtata ka natural nature hai। santushtata ki shakti svatah aur sahaj chaaron or vaayumandal phailaati hai। unka chehra, unke nayan vaayumandal mein bhi santushtata ki lahar phailaate hain। jahaan santushtata hai vahaan aur visheshtaayen svatah hi aa jaati hain। santushtata sangam par vishesh baap ki den hai। santushtata ki sthiti paristhiti ke oopar sada vijayi hai। paristhiti badalti rehti hai lekin santushtata ki shakti sada pragti ko praapta karti rehti hai। kitni bhi paristhiti saamne aaye lekin santushtamni ke aage har samay maaya aur prakriti ek puppet show maaphik dikhaai deti hai, isliye santushta aatma kabhi pareshaan nahin hoti। paristhiti ka show manoranjan anubhav hota hai। yeh manoranjan anubhav karne ke liye, apne sthiti ki seat sada saakshi drishta ki chaahiye। saakshi drishta sthiti mein sthit rahne vaale yeh manoranjan anubhav karte hain। drishya kitna bhi badalta hai lekin saakshi drishta ki seat par sthit rahne vaali santushta aatma saakshi ho, har paristhiti ko sva sthiti se badal deti hai। to har ek apne ko check kare ki main sada santushta hoon? sada? sada hain va kabhi kabhi hain?

baapdaada hamesha har shakti ke liye, khushi ke liye, double light ban udne ke liye yahi bachchon ko kehte ki sada shabd sada yaad rahe। kabhi-kabhi shabd brahman jeevan ke dictionary mein hai hi nahin kyonki santushtata ka arth hi hai sarva praapti। jahaan sarva praapti hai vahaan kabhi-kabhi shabd hai hi nahin। to sada anubhooti karne vaale ho va purushaartha kar rahe ho? har ek ne apne aapse poochha, check kiya? kyonki aap sabhi vishesh baap ke snehi, sahayogi, laadle, meethe meethe sva-parivartak bachche ho। aise ho na? hai aise? jaise baap dekh rahe hain aise hi apne ko anubhav karte ho? haath uthaao, jo sada, kabhi-kabhi nahin, sada santushta rehte hain। sada shabd yaad hai na। haath thoda dheere dheere utha rahe hain। achha, bahut achha। thode-thode utha rahe hain aur soch-soch ke utha rahe hain। lekin baapdaada ne baar-baar attention khinchavaaya hai ki ab samay aur svayan donon ko dekho। samay ki raphtaar aur svayan ki raphtaar donon ko check karo। paas with honour to hona hi hai na। har ek socho ki main baap ki raajdulaari ya raajdulaara hoon। apne ko raajdulaara samajhte ho na! roz baapdaada aapko kya yaad pyaar dete hain? laadle bachche। to laadla kaun hota hai? laadla vahi hota hai jo follow father karta hai aur follow karna bahut-bahut-bahut sahaj hai, koi mushkil nahin hai। ek hi baat ko follow kiya to sahaj sarva baaton mein follow ho hi jaayega। ek hi line hai jo baap har roz yaad dilaate hain। woh yaad hai na? apne ko aatma samajh mujh baap ko yaad karo। ek hi line hai na aur yaad karne vaali aatma jisko baap ka khajaana mil gaya, woh seva ke bina rah hi nahin sakta kyonki athaah praapti hai, akhut khajaane hain। daata ke bachche hain, woh dene ke bina rah nahin sakte aur majority aap sabko title kya mila hai? double foreigners। to title hi double hai। baapdaada ko bhi aap sabko dekh khushi hoti hai aur sada automatic geet gaate rehte ki vaah mere bachche vaah! achha hai, bhinna-bhinna desh se kaun se vimaan mein aaye ho? sthool mein to kisi bhi vimaan mein aaye ho lekin baapdaada kaun sa vimaan dekh rahe hain? ati sneh ke vimaan mein apne pyaare-pyaare ghar mein pahunch gaye ho। baapdaada har bachche ko aaj vishesh yahi vardaan de rahe hain ki he laadle pyaare bachche, sada santushtamni ban vishwa mein santushtata ki light phailaao। santushta rehna aur santushta karna। kai bachche kehte hain santushta rehna to sahaj hai lekin santushta karna yeh thoda mushkil lagta hai। baapdaada jaante hain agar har ek aatma ko santushta karna hai to uski vidhi bahut sahaj saadhan hai, agar koi aapse asantushta hota hai ya asantushta rehta hai to woh bhi asantushta lekin aapko bhi uski asantushtata ka prabhaav kuchh to padta hai na। vyartha sankalp to chalta hai na। jo baapdaada ne shubh bhaavna, shubh kaamna ka mantra diya hai, agar apne aapko is mantra mein smriti svarup rakho to aapke vyartha sankalp nahin chalenge। apne ko jaante hue bhi ki yeh aisa hai, yeh vaisa hai lekin apne ko sada nyaara, uske vibration se nyaara aur baap ka pyaara anubhav karo। to aapke nyaare aur baap ke pyaare pan ki shreshtha sthiti ke vibration agar us aatma ko nahin bhi pahunche to vaayumandal mein phailega zaroor। agar koi parivartan nahin hota aur aapke andar us aatma ka prabhaav vyartha sankalp ke rup mein padta rehta hai to vaayumandal mein sabke sankalp phailte hain isliye aap nyaara ban baap ka pyaara ban us aatma ke bhi kalyaan ke prati shubh bhaavna, shubh kaamna rakho। kai baar bachche kehte hain ki usne galti ki na, to hamko bhi force se kehna padta hai, thoda apna svabhaav bhi, mukh bhi force vaala ho jaata hai। to usne galti ki lekin aapne jo force dikhaaya kya woh galti nahin hai? usne aur galti ki, aapne apne mukh se jo force se bola, jisko krodh ka ansh kahenge to woh right hai? kya galat, galat ko theek kar sakta hai? aajkal ke samay anusaar apne bol ko phorsaphul banaana, yeh bhi vishesh attention rakho kyonki jor se bolna ya tang hoke bolna, woh to badalta nahin lekin yeh bhi doosre number ke vikaar ka ansh hai। kaha jaata hai - mukh se bol aise nikle jaise phoolon ki varsha ho rahi hai। meethe bol, muskaraata chehra, meethi vritti, meethi drishti, meetha sambandh-samparka yeh bhi service ka saadhan hai isliye result dekho agar maano koi ne galti ki, galat hai aur aapne samjhaane ke lakshya se aur koi lakshya nahin hai, lakshya aapka bahut achha hai ki isko shiksha de rahe hain, samjha rahe hain lekin result mein kya dekha gaya hai? woh badalta hai? aur hi aage ke liye, aage aane se darta hai। to jo lakshya aapne rakha woh to hota nahin hai isliye apne mansa sankalp aur vaani arthaat bol aur sambandh-samparka ko sada meetha, madhurta sampanna arthaat mahaan banaao kyonki vartamaan samay log practical life dekhne chaahte hain, agar vaani se seva karte ho to vaani ki seva se prabhaavit ho nazdeek to aate hain, yeh to phaayda hai lekin practical madhurta, mahaanta, shreshtha bhaavna, chalan aur chehre ko dekh svayan bhi parivartan ke liye prerna le lete hain aur jaise jaise aage samay ki haalaaten parivartan honi hain, to aise samay par aap sabko chehre aur chalan se jyaada seva karni padegi isliye apne aapko check karo - sarva aatmaon ke prati shubh bhaavna, shubh kaamna ki vritti aur drishti ke sanskaar nature aur natural hain?

baapdaada har ek bachche ko vijayi maala ka manka dekhne chaahte hain। to aap sabhi bhi apne ko samajhte ho ki ham maala ke manke banne hi vaale hain। kai bachche sochte hain ki 108 ki maala mein to jo nimitta bane hue bachche hain vahi aayenge lekin baapdaada ne pahle bhi kaha hai yeh to 108 ka gaayan bhakti ki maala ka hai lekin agar aap har ek vijayi daana banenge to baapdaada maala ke andar bahut ladi laga dega। baap ke dil ki maala mein aap har ek vijayi bachchon ko sthaan hai, yeh baap ki guarantee hai। sirf svayan ko mansa-vaacha-karmana aur chalan chehre mein vijayi banaao। pasanda hai, banenge? baapdaada ki guarantee hai vijay maala ka manka banaayenge। kaun banenge? (sabhi ne haath uthaaya) achha, to baapdaada maala ke andar maala banaane shuru kar denge। double foreigners ko pasanda hai na! vijayi maala mein laana baap ka kaam hai lekin aapka kaam hai vijayi banna। sahaj hai na ki mushkil hai? mushkil lagta hai? jisko mushkil lagta hai woh haath uthaao। lagta hai? thode-thode, koi-koi hain। baapdaada kehta hai - jab baapdaada kehte ho to baba kahne se kya baap ka varsa nahin milega! jab sabhi varse ke adhikaari ho aur kitna sahaj baap ne varsa diya, second ki baat hai, aapne maana, jaana mera baba aur baap ne kya kaha? mera bachcha। to bachcha to svatah hi varse ke adhikaari hai। baba kehte ho na sabhi ek hi shabd bolte ho mera baba। hai aise? mera baba hai? ismen haath uthaao। mera baba hai, to mera varsa nahin hai? jab mera baba hai to mera varsa bhi bandha hua hai aur varsa kya hai? baap samaan banna, vijayi banna। baapdaada ne dekha ki double foreigners mein majority haath mein haath dekar chalte hain। haath mein haath dena, chalna, yeh fashion hai। to abhi bhi baap kehte hain, baap shivbaaba ka haath kya hai? yeh haath to hai nahin, to shivbaaba ka haath pakda, to haath kaun sa hai? shreemat baap ka haath hai। to jaise sthool mein haath mein haath dekar chalna pasanda aata hai, to shreemat ke haath mein haath deke chalna yeh kya mushkil hai! brahma baap ko dekha, practical saboot dekha ki har kadam shreemat pramaan chalne se sampoorn pharishtepan ki manzil mein pahunch gaya na! avyakt pharishta ban gaya na। to follow father, har ek shreemat, uthne se lekar raat tak har kadam ki shreemat baapdaada ne bata di hai। utho kaise, chalo kaise, karma kaise karo, man mein sankalp kya-kya karo aur samay ko kaise shreshtha bitaao। raat ko sone tak shreemat mili hui hai। sochne ki bhi jaroorat nahin, yeh karoon ya nahin karoon, follow brahma baap। to baapdaada ka jigri pyaar hai, baapdaada ek bachche ko bhi vijayi nahin banen, raaja nahin banen, yeh nahin dekhne chaahte। har ek bachcha raaja bachcha hai। svaraajya adhikaari hai isliye apna svaraajya bhool nahin jaana। samjha।

baapdaada ne kai baar ishaara diya hai ki samay achaanak aur naazuk aa raha hai isliye ever ready, ashreereepan ka anubhav aavashyak hai। kitna bhi busy ho lekin busy hote hue bhi ek second ashareeri banne ka abhyaas abhi se karke dekho। aap kahenge ham bahut busy rehte hain, agar maano kitne bhi busy ho aapko pyaas lagti hai, kya karenge? paani piyenge na! kyonki samajhte ho pyaas lagi hai to paani peena zaroori hai। aise beech-beech mein ashareeri, aatmik sthiti mein sthit rahne ka abhyaas bhi zaroori hai kyonki aane vaale samay mein chaaron or ki halchal mein achal sthiti ki aavashyakta hai। to abhi se bahutkaal ka abhyaas nahin karenge to ati halchal ke samay achal kaise rahenge! saare din mein ek-do minute nikaalke bhi check karo ki samay pramaan aatmik sthiti dvaara ashareeri ban sakte hain? check karo aur change karo। sirf check nahin karna, change bhi karo। to baar-baar is abhyaas ko check karne se, revise karne se natural sthiti ban jaayegi। baapdaada se sneh hai, ismen to sabhi haath uthaate hain। hain na sneh! full sneh hai, full ya adhoora? adhoora to nahin hai na! sneh hai to vaayda kya hai? kya vaayda kiya hai? saath chalenge? ashareeri ban saath chalenge ki peechhe-peechhe aayenge? saath chalenge? aur thoda time vatan mein saath rahenge bhi aur phir brahma baap ke saath first janma mein aayenge। hai yeh vaayda? hai na! haath nahin uthvaate hain, aise sir hilaao। haath uthaate thak jaayenge na। jab saath chalna hi hai, peechhe nahin rehna hai to baap bhi saath kisko leke jaayenge? baap, samaan ko saath leke jaayenge। baap ko bhi akela jaana pasanda nahin hai, bachchon ke saath jaana hai। to saath chalne ke liye taiyaar hain na! kaandh hilaao। hain? sabhi chalenge? achha, sabhi chalne ke liye taiyaar hain? jab baap jaayenge tab jaayenge na। abhi nahin jaayenge, abhi to foreign mein lautkar jaana hai na। baap order karega, nashtomoha smriti labdha ka bel bajaayega aur saath chal padenge। to taiyaari hai na! sneh ki nishaani hai saath chalna। achha।

baapdaada har ek bachche ko door se bhi najdeek anubhav kar raha hai। jab science ke saadhan door ko najdeek kar sakte hain, dekh sakte hain, bol sakte hai, to baapdaada bhi door baithe hue bachchon ko sabse najdeek dekh rahe hain। door nahin ho, dil mein samaaye hue ho। to baapdaada vishesh tarna ke anusaar aaye hue bachchon ko apne dil mein, naynon mein samaate hue ek-ek ko saath chalne vaale, saath rahne vaale, saath raajya karne vaale dekh rahe hain। to aaj se saare din mein baar-baar kaun si drill karenge? abhi-abhi ek second mein aatma-abhimaani, apne shareer ko bhi dekhte hue ashareeri sthiti mein nyaara aur baap ka pyaara anubhav kar sakte ho na! to abhi ek second mein ashareeri bhav! achha। (baapdaada ne drill karaai) aise hi beech-beech mein saare din mein kaise bhi ek minute nikaal is abhyaas ko pakka karte chalo kyonki baapdaada jaante hain aage ka samay ati haahaakaar ka hoga। aap sabko sakaash deni padegi aur sakaash dene mein hi aapka apna teevra purushaartha ho jaayega। thode samay mein sakaash dvaara sarva shaktiyaan deni padengi aur jo aise naazuk samay mein sakaash denge, jitnon ko denge, chaahe bahuton ko, chaahe thodon ko utne hi dvaapar aur kaliyug ke bhakta unke banenge। to sangam par har ek bhakta bhi bana rahe hain kyonki diya hua sukh aur shanti unke dil mein sama jaayega aur bhakti ke roop mein aapko return karenge। achha।

chaaron or ke baapdaada ke naynon ke noor, vishwa ke aadhaar aur uddhaar karne vaali aatmaayen, master duhkh harta, sukh karta, vishwa parivartak bachchon ko bahut-bahut dil ka sneh, dil ka yaadapyaar aur padam-padam vardaan sveekaar ho। achha।

vardaan:- combined svarup ki smriti aur position ke nashe dvaara kalpa-kalpa ke adhikaari bhav

main aur mera baba - is smriti mein combined raho tatha yeh shreshtha position sada smriti mein rahe ki ham aaj brahman hain kal devta banenge। ham so, so ham ka mantra sada yaad rahe to is nashe aur khushi mein puraani duniya sahaj bhool jaayegi। sada yahi khumaari rahegi ki ham hi kalpa-kalpa ki adhikaari aatma hain। ham hi the, ham hi hain aur ham hi kalpa-kalpa honge।

slogan:- svayan ka svayan hi teacher bano to sarva kamjoriyaan svatah samaapta ho jaayengi।

avyakt ishaare - is avyakti maas mein bandhanmukta rah jeevanmukta sthiti ka anubhav karo

vaise bandhana kisi ko bhi achha nahin lagta hai, lekin jab parvash ho jaate ho to bandh jaate ho। to check karo ki parvash aatma hain ya svatantra hain? jeevan-mukti ka maja to abhi hai। bhavishya mein jeevan-mukta aur jeevan-bandha ka contrast nahin hoga। is samay ke jeevanmukta ka anubhav shreshtha hai। jeevan mein hain lekin mukta hain, bandhan mein nahin hain।