शनिवार 7 फ़रवरी 2026 की दैनिक मुरली

07-02-2026 praatahmurli om shanti "baapdaada"' madhuban

“meethe bachche - buddhi mein sthaai ek baap ki hi yaad rahe to yeh bhi aho saubhaagya hai''

prashn:- jin bachchon ko service ka shauk hoga unki nishaani kya hogi?

uttar:- woh mukh se gyaan sunaane bigar rah nahin sakte। woh roohaani seva mein apni haddi-haddi svaaha kar denge। unhein roohaani knowledge sunaane mein bahut khushi hogi। khushi mein hi naachte rahenge। woh apne se badon ka bahut regard rakhenge, unse seekhte rahenge।

geet:- badal jaae duniya…

om shanti। bachchon ne geet ki do line suni। yeh vaayde ka geet hai, jaise koi ki sagaai hoti hai to yeh vaayda karte hain ki stri-purush kabhi ek-do ko chhodenge nahin। koi ki aapas mein nahin banti hai to chhod bhi dete hain। yahaan tum bachche kiske saath pratigya karte ho? eeshvar ke saath। jiske saath tum bachchon ki va sajniyon ki sagaai hui hai। parantu aisa jo vishwa ka maalik banaate hain, unko bhi chhod dete hain। yahaan tum bachche baithe ho tum jaante ho abhi behad ka baapdaada aaya ki aaya। yeh avastha jo tumhaari yahaan rehti hai, woh baahar centre par to rah na sake। yahaan tum samjhenge baapdaada aaya ki aaya। baahar centre par samjhenge baba ki bajaai hui murli aai ki aai। yahaan aur vahaan mein bahut farka rehta hai kyonki yahaan behad ke baapdaada ke sammukh tum baithe ho। vahaan to sammukh nahin ho। chaahte hain sammukh jaakar murli sunen। yahaan bachchon ki buddhi mein aaya - baba aaya ki aaya। jaise aur satsang hote hain, vahaan vo samjhenge phalaana svaami aayega। parantu yeh khyaalaat bhi sabki ekras nahin hogi। kaiyon ka buddhiyog to aur taraph bhatakta rehta hai। koi ko pati yaad aayega, koi ko sambandhi yaad aayenge। buddhiyog ek guru ke saath bhi tikta nahin hai। koi virla hoga jo svaami ki yaad mein baitha hoga। yahaan bhi aise hai। aise nahin sab shivbaaba ki yaad mein rehte hain। buddhi kahaan na kahaan daudti rehti hain। mitra-sambandhi aadi yaad aayenge। saara samay ek hi shivbaaba ki yaad mein rahen phir to aho saubhaagya। sthaai yaad mein koi virla rehte hain। yahaan baap ke sammukh rahne se to bahut khushi honi chaahiye। ateendriy sukh gopi vallabh ke gop gopiyon se poochho, yeh yahaan ka gaaya hua hai। yahaan tum baap ki yaad mein baithe ho, jaante ho abhi ham eeshvar ki god mein hain phir daivi god mein honge। bhal koi ki buddhi mein service ke khyaalaat bhi chalte hain। is chitra mein yeh correction karen, yeh likhen। parantu achhe bachche jo honge woh samjhenge abhi to baap se sunna hai। aur koi sankalp aane nahin denge। baap gyaan ratnon se jholi bharne aaye hain, to baap se hi buddhi ka yog lagaana hai। nambarvaar dhaarna karne vaale to hote hi hain। koi achhi reeti sunkar dhaaran karte hain। koi kam dhaaran karte hain। buddhiyog aur taraph daudta rahega to dhaarna nahin hogi। kachche pad jaayenge। ek-do baari murli suni, dhaarna nahin hui to phir woh aadat pakki hoti jaayegi। phir kitna bhi sunta rahega, dhaarna nahin hogi। kisko suna nahin sakenge। jisko dhaarna hogi unko phir service ka shauk hoga। uchhalta rahega, sochega ki jaakar dhan daan karoon kyonki yeh dhan ek baap ke sivaae to aur koi ke paas hai nahin। baap yeh bhi jaante hain, sabko dhaarna ho na sake। sab ekras oonch pad pa nahin sakte isliye buddhi aur taraph bhatakti rehti hai। bhavishya takdeer itni oonch nahin banti hai। koi phir sthool service mein apni haddi-haddi dete hain। sabko raazi karte hain। jaise bhojan pakaate khilaate hain। yeh bhi subject hai na। jisko service ka shauk hoga woh mukh se kahne bigar rahega nahin। phir baba dekhte bhi hain, deh-abhimaan to nahin hai? badon ka regard rakhte hain va nahin? bade mahaarthiyon ka regard to rakhna hota hai। haan, koi-koi chhote bhi hoshiyaar ho jaate hain to ho sakta hai bade ko unka regard rakhna pade kyonki buddhi unki gallop kar leti hai। service ka shauk dekh baap to khush hoga na, yeh achhi service karenge। saara din pradarshani par samjhaane ki practice karni chaahiye। praja to dher banti hai na aur to koi upaay hai nahin। sooryavanshi, chandravanshi, raaja, raani, praja sab yahaan bante hain। kitni service karni chaahiye। bachchon ki buddhi mein yeh to hai - abhi ham brahman bane hain। ghar grihastha mein rahne se har ek ki avastha to apni rehti hai na। ghar-baar to chhodna nahin hai। baap kehte hain ghar mein bhal raho parantu buddhi mein yeh nishchay rakhna hai ki puraani duniya to khatma hui padi hai। hamaara ab baap se kaam hai। yeh bhi jaante hain kalpa pahle jinhonne gyaan liya tha vahi lenge। second by second hoobhu repeat ho raha hai। aatma mein gyaan rehta hai na। baap ke paas bhi gyaan rehta hai। tum bachchon ko bhi baap jaisa banna hai। point dhaaran karni hai। sabhi point ek hi samay nahin samjhaai jaati hain। vinaash bhi saamne khada hai। yeh vahi vinaash hai, satayug-treta mein to koi ladaai hoti nahin। woh to baad mein jab bahut dharma hote hain, lashkar aadi aate hain tab ladaai shuru hoti hai। pahle-pahle aatmaayen satopradhaan se utarti hain phir sato, rajo, tamo ki stage hoti hai। to yeh bhi sab buddhi mein rakhna hai। kaise raajdhaani sthaapan ho rahi hai। yahaan baithe ho to buddhi mein rakhna hai ki shivbaaba aakar hamko khajaana dete hain, jisko buddhi mein dhaaran karna hai। achhe-achhe bachche notes likhte hain। likhna achha hai। to buddhi mein topics aayengi। aaj is topic par samjhaayenge। baap kehte hain hamne tumko kitna khajaana diya tha। satayug-treta mein tumhaare paas athaah dhan tha। phir vaam maarga mein jaane se woh kam hota gaya। khushi bhi kam hoti gai। kuchh na kuchh vikarma hone lagte hain। utarte-utarte kalaayen kam hoti jaati hain। satopradhaan, sato, rajo, tamo ki stages hoti hain। sato se rajo mein aate hain to aise nahin phat se aa jaate hain। dheere-dheere utrenge। tamopradhaan mein bhi dheere-dheere seedhi utarte jaate ho, kala kam hoti jaati hai। din-pratidin kam hoti jaati hain। abhi jump lagaana hai। tamopradhaan se satopradhaan banna hai, iske liye time bhi chaahiye। gaaya hua hai chadhe to chaakhe vaikuntha ras... kaam ki chamaat lagti hai to ekdam chaknaachoor ho jaate hain। haddi-haddi toot jaati hai। koi manushya apna jeevghaat karte hain, aatmaghaat nahin, jeevghaat kaha jaata hai। yahaan to baap se varsa paana hai। baap ko yaad karna hai kyonki baap se baadshaahi milti hai। apne se poochhna hai hamne baap ko yaad kar bhavishya ke liye kitni kamaai ki? kitne andhon ki laathi bana? ghar-ghar mein paigaam dena hai ki yeh puraani duniya badal rahi hai। baap nai duniya ke liye raajayog sikha rahe hain। seedhi mein sab dikhaaya hai। yeh banaane mein mehnat lagti hai। saara din khyaalaat chalta rehta hai, aisa sahaj banaaven jo koi bhi samajh jaae। saari duniya to nahin aayegi। devi-devta dharma vaale hi aayenge। tumhaari service to bahut chalni hai। tum to jaante ho hamaara yeh class kab tak chalega। woh to laakhon varsha kalpa ki aayu samajhte hain। to shaastra aadi sunaate hi rehte hain। samajhte hain jab ant hoga tab sabka sadgati daata aayega aur jo hamaare chele honge unki gati ho jaayegi phir ham bhi jaakar jyoti mein samaayenge। parantu aise to hai nahin। tum abhi jaante ho ham amar baap dvaara sachchi-sachchi amraktha sun rahe hain। to amar baap jo kehte hain woh maanna bhi hai, sirf kehte hain - mujhe yaad karo, pavitra bano। nahin to saza bhi bahut khaani padegi। pad bhi kam milega। service mein mehnat karni hai। jaise dadheechi rishi ka misaal hai। haddiyaan bhi service mein de di। apne shareer ka bhi khyaal na kar saara din service mein rehna, unko kaha jaata hai service mein haddiyaan dena। ek hai jismaani haddi service, doosri hai roohaani haddi service। roohaani service vaale roohaani knowledge hi sunaate rahenge। dhan daan karte khushi mein naachte rahenge। duniya mein manushya jo service karte hain woh sab hai jismaani। shaastra sunaate hain, woh koi roohaani service to nahin hai। roohaani service to sirf baap hi aakar sikhlaate hain। spiritual baap hi aakar spiritual bachchon (aatmaon) ko padhaate hain।

tum bachche ab taiyaari kar rahe ho satayugi nai duniya mein jaane ke liye। vahaan tumse koi vikarma nahin hoga। woh hai hi raam-raajya। vahaan hote hi hain thode। abhi to raavanraajya mein sab duhkhi hain na। yeh saari knowledge bhi tumhaari buddhi mein hai nambarvaar purushaartha anusaar। is seedhi ke chitra mein hi saari knowledge aa jaati hai। baap kehte hain yeh antim janma pavitra bano to pavitra duniya ke maalik banoge। tumhein samjhaana aisa hai jo manushyon ko pata pade ki ham satopradhaan se tamopradhaan bane hain, phir yaad ki yaatra se hi satopradhaan banenge। dekhenge to buddhi chalegi, yeh knowledge koi ke paas nahin hai। kahenge is (seedhi) mein aur dharmon ka samaachaar kahaan hai। woh phir is gole mein likha hua hai। woh nai duniya mein to aate nahin hain। unhon ko shanti milti hai। bhaaratvaasi hi svarga mein the na। baap bhi bhaarat mein aakar raajayog sikhaate hain isliye bhaarat ka praacheen yog sab chaahte hain। in chitron se woh khud bhi samajh jaayenge। barobar nai duniya mein sirf bhaarat hi tha। apne dharma ko bhi samajh jaayenge। bhal Christ aaya, dharma sthaapan karne। is samay woh bhi tamopradhaan hai। yeh rachta aur rachna ki kitni badi knowledge hai।

tum kah sakte ho hamko kisi ke paise ki darkaar nahin hai। paisa ham kya karenge। tum bhi suno, doosron ko bhi sunaao। yeh chitra aadi chhapaao। in chitron se kaam lena hai। hall banaao jahaan yeh knowledge sunaai jaae। baaki ham paisa lekar kya karenge। tumhaare hi ghar ka kalyaan hota hai। tum sirf prabandha karo। bahut aakar kahenge rachta aur rachna ki knowledge to badi achhi hai। yeh to manushyon ko hi samajhni hai। vilaayat vaale yeh knowledge sunkar bahut pasanda karenge। bahut khush honge। samjhenge ham bhi baap ke saath yog lagaayen to vikarma vinaash honge। sabko baap ka parichay dena hai। samajh jaayenge yeh knowledge to god ke sivaae koi de na sake। kehte hain khuda ne bahishta sthaapan kiya parantu woh kaise aate hain, yeh kisko pata nahin। tumhaari baaten sunkar khush honge phir purushaartha kar yog seekhenge। tamopradhaan se satopradhaan banne ke liye purushaartha karenge। service ke liye to bahut khyaal karne chaahiye। bhaarat mein hunar dikhaayen tab phir baba baahar mein bhi bhejenge। yeh mission jaayegi। abhi to time pada hai na। nai duniya banne mein koi deri thode hi lagti hai। kahaan bhi earthquake aadi hoti hai to 2-3 varsha mein ekdam naye makaan aadi bana dete hain। kaareegar bahut hon, saamaan saara taiyaar ho phir banne mein der thode hi lagegi। vilaayat mein makaan kaise bante hain - minute motor। to svarga mein kitna jaldi bante honge। sona-chaandi aadi bahut tumko mil jaata hai। khaaniyon se tum sona chaandi heere le aate ho। hunar to sab seekh rahe hain। science ka kitna ghamanda chal raha hai। yeh science phir vahaan kaam mein aayegi। yahaan seekhne vaale phir doosra janma vahaan le yeh kaam mein laayenge। us samay to saari duniya nai ho jaati hai, raavan raajya khatma ho jaata hai। 5 tatva bhi kaaydemujeeb service mein rehte hain। svarga ban jaata hai। vahaan koi aisa upadrav nahin hota, raavanraajya hi nahin, sab satopradhaan hain।

sabse achhi baat hai ki tum bachchon ka baap se bahut lav hona chaahiye। baap khajaana dete hain। usko dhaaran kar aur doosron ko daan dena hai। jitna daan denge utna ikattha hota jaayega। service hi nahin karenge to dhaarna kaise hogi? service mein buddhi chalni chaahiye। service to bahut dher ho sakti hai। din-pratidin unnati ko paana hai। apni bhi unnati karni hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada roohaani service mein tatpar rehna hai। gyaan dhan daan karke khushi mein naachna hai। khud dhaaran kar auron ko dhaarna karaani hai।

2) baap jo gyaan ka khajaana dete hain, usse apni jholi bharni hai। notes lene hain। phir topic par samjhaana hai। gyaan dhan ka daan karne ke liye uchhalte rehna hai।

vardaan:- satyata ki mahaanta dvaara sada khushi ke jhoole mein jhoolne vaale authority swaroop bhav

satyata ki authority swaroop bachchon ka gaayan hai - sach to bitho nach। satya ki naanv hilegi lekin doob nahin sakti। aapko bhi koi kitna bhi hilaane ki koshish kare lekin aap satyata ki mahaanta se aur hi khushi ke jhoole mein jhoolte ho। woh aapko nahin hilaate lekin jhoole ko hilaate hain। yeh hilaana nahin lekin jhulaana hai isliye aap unhein dhanyavaad do ki aap jhulaao aur ham baap ke saath jhoolen।

slogan:- sarva shaktiyon ki light sada saath rahe to maaya sameep nahin aa sakti।

ye avyakt ishaare - ekta aur vishvaas ki visheshta dvaara saphalta sampanna bano

ekta, svachchhata, maheenta, madhurta aur man, vaani, karma mein mahaanta - yeh 5 baaten ek ek ke har kadam se nazar aayen to baap ki pratyakshata sahaj ho jaayegi। abhi tak sanskaaron mein jo bhinnata dikhaai deti hai, use ekta mein laana hai। ekta ke liye ek do ki raay ko regard do, haan ji, haan ji karke apna vichaar avashya do, phir ekta ke bandhan mein bandh jaao, yahi ekta saphalta ka saadhan hai।