गुरुवार 12 फ़रवरी 2026 की दैनिक मुरली

12-02-2026 praatahmurli om shanti "baapdaada"' madhuban

“meethe bachche - yeh kayaamat ka samay hai, raavan ne sabko kabradaakhil kar diya hai, baap aaye hain amrit varsha kar saath le jaane''

prashn:- shivbaaba ko bhola bhandaari bhi kaha jaata hai - kyon?

uttar:- kyonki shiv bholaanaath jab aate hain to ganikaaon, ahilyaaon, kubjaaon ka bhi kalyaan kar unhein vishwa ka maalik bana dete hain। aate bhi dekho patit duniya aur patit shareer mein hain to bhola hua na। bhole baap ka direction hai - meethe bachche, ab amrit piyo, vikaaron roopi vish ko chhod do।

geet:- doordesh ka rahne vaala…

om shanti। roohaani bachchon ne geet suna arthaat roohon ne is shareer ke kaan karmendriyon dvaara geet suna। door desh ke musaaphir aate hain, tum bhi musaaphir ho na। jo bhi manushya aatmaayen hain woh sab musaaphir hain। aatmaon ka koi bhi ghar nahin hai। aatma hai niraakaar। niraakaari duniya mein rahne vaali niraakaari aatmaayen hain। usko kaha jaata hai niraakaari aatmaon ka ghar, desh va lok, inko jeev aatmaon ka desh kaha jaata hai। woh hai aatmaon ka desh phir aatmaayen yahaan aakar shareer mein jab pravesh karti hain to niraakaar se saakaar ban jaati hain। aise nahin ki aatma ka koi roop nahin hai। roop bhi zaroor hai, naam bhi hai। itni chhoti aatma kitna part bajaati hai is shareer dvaara। har ek aatma mein part bajaane ka kitna record bhara hua hai। record ek baar bhar jaata hai phir kitna baari bhi repeat karo, vahi chalega। vaise aatma bhi is shareer ke andar record hai, jismen 84 janmon ka part bhara hua hai। jaise baap niraakaar hai, vaise aatma bhi niraakaar hai, kahaan-kahaan shaastron mein likh diya hai woh naam roop se nyaara hai, parantu naam roop se nyaari koi vastu hoti nahin। aakaash bhi polaar hai। naam to hai na “aakaash''। bigar naam koi cheez hoti nahin। manushya kehte hain parampita paramatma। ab door desh mein to sab aatmaayen rehti hain। yeh saakaar desh hai, ismen bhi do ka raajya chalta hai - raam raajya aur raavan raajya। aadha-kalpa hai raam raajya, aadhaakalpa hai raavan raajya। baap kabhi bachchon ke liye duhkh ka raajya thode hi banaayenge। kehte hain eeshvar hi duhkh-sukh dete hain। baap samjhaate hain main kabhi bachchon ko duhkh nahin deta hoon। mera naam hi hai duhkh harta sukh karta। yeh manushyon ki bhool hai। eeshvar kabhi duhkh nahin denge। is samay hai hi duhkhadhaam। aadhaakalpa raavan raajya mein duhkh hi duhkh milta hai। sukh ki ratti nahin। sukhdhaam mein phir duhkh hota hi nahin। baap svarga ki rachna rachte hain। abhi tum ho sangam par। inko nai duniya to koi bhi nahin kahenge। nai duniya ka naam hi hai satayug। vahi phir puraani hoti hai, to unko kaliyug kaha jaata hai। nai cheez achhi aur puraani cheez kharaab dikhaai deti hai to puraani cheez ko khalaas kiya jaata hai। manushya vish ko hi sukh samajhte hain। gaaya bhi jaata hai - amrit chhod vish kaahe ko khaae। phir kehte tere bhaane sarva ka bhala। aap jo aakar karenge usse bhala hi hoga। nahin to raavanraajya mein manushya bura kaam hi karenge। yeh to ab bachchon ko pata pada hai ki guru-naanak ko 500 varsha hue phir kab aayenge? to kahenge unki aatma to jyoti jyot sama gai। aayenge phir kaise। tum kahenge aaj se 4500 varsha baad phir guroonaanak aayenge। tumhaari buddhi mein saare world ki history-geography chakra lagaati rehti hai। is samay sab tamopradhaan hain, inko kayaamat ka samay kaha jaata hai। sabhi manushya jaise ki mare pade hain। sabki jyoti ujhaai hui hai। baap aate hain sabko jagaane। bachche jo kaam chita par baith bhasma ho gaye hain, unhon ko amrit varsha se jagaae saath le jaayenge। maaya raavan ne kaam chita par bithaae kabradaakhil kar diya hai। sabhi so gaye hain। ab baap gyaan amrit pilaate hain। ab gyaan amrit kahaan aur woh paani kahaan। sikkha logon ka bada din hota hai to bade dhoomdhaam se taalaab ko saaph karte hain, mitti nikaalte hain isliye naam hi rakha hai - amritsar। amrit ka talaab। guroonaanak ne bhi baap ki mahima ki hai। khud kehte ekoankaar, sat naam...... woh sadaiv sach bolne vaala hai। satyanaaraayan ki katha hai na। manushya bhaktimaarga mein kitni kathaayen sunte aaye hain। amraktha, teejri ki katha...... kehte hain shankar ne paarvati ko katha sunaai। woh to sookshm-vatan mein rahne vaale, vahaan phir katha kaunsi sunaai? yeh sab baaten baap baith samjhaate hain ki vaastav mein tumko amraktha sunaae amarlok mein le jaane main aaya hoon। mrityulok se amarlok mein le jaata hoon। baaki sookshm vatan mein paarvati ne kya dosh kiya jo unko amar-katha sunaayenge। shaastron mein to anek kathaayen likh di hain। satya naaraayan ki sachchi katha to hai nahin। tumne kitni satya naaraayan ki kathaayen suni hongi। phir satya naaraayan koi bante hain kya aur hi girte jaate hain। abhi tum samajhte ho ham nar se naaraayan, naari se lakshmi bante hain। yeh hai amarlok mein jaane ke liye sachchi satya naaraayan ki katha, teejri ki katha। tum aatmaon ko gyaan ka teesra netra mila hai। baap samjhaate hain tum hi gul-gul poojya the phir 84 janmon ke baad tum hi pujaari bane ho isliye gaaya hua hai - aapehi poojya, aapehi pujaari। baap kehte hain - main to sadaiv poojya hoon। tumko aakar pujaari se poojya banaata hoon। yeh hai patit duniya। satayug mein poojya paavan manushya, is samay hain pujaari patit manushya। saadhu-santa gaate rehte hain patit-paavan seetaaraam। yeh akshar hain right...... sab seetaayen brides hain। kehte hain he raam aakar hamko paavan banaao। sab bhaktiyaan pukaarti hain, aatma pukaarti hai - he raam। gaandhi ji bhi geeta sunaakar poori karte the to kehte the - he patit-paavan seetaaraam। abhi tum jaante ho geeta koi shreekrishna ne nahin sunaai hai। baba kehte hain - opinion lete raho ki eeshvar sarvavyaapi nahin hai। geeta ka bhagwan shiv hai, na ki shreekrishna। pahle to poochho geeta ka bhagwan kisko kaha jaata hai। bhagwan niraakaar ko kahenge va saakaar ko? shreekrishna to hai saakaar। shiv hai niraakaar। woh sirf is tan ka loan lete hain। baaki maata ke garbha se janma nahin lete hain। shiv ko shareer hai nahin। yahaan is manushya lok mein sthool shareer hai। baap aakar sachchi satya naaraayan ki katha sunaate hain। baap ki mahima hai patit-paavan, sarva ka sadgati daata, sarva ka liberator, duhkh harta sukh karta। achha, sukh kahaan hota hai? yahaan nahin ho sakta। sukh milega doosre janma mein, jab puraani duniya khatma ho aur svarga ki sthaapna ho jaayegi। achha, liberate kisse karte hain? raavan ke duhkh se। yeh to duhkhadhaam hai na। achha phir guide bhi bante hain। yeh shareer to yahaan khatma ho jaate hain। baaki aatmaon ko le jaate hain। pahle saajan phir sajni jaati hai। woh hai avinaashi salona saajan। sabko duhkh se chhudaae pavitra banaae ghar le jaate hain। shaadi kar jab aate hain to pahle hota hai ghot (pati)। pichhaadi mein braaid (patni) rehti hai phir baraat hoti hai। ab tumhaari maala bhi aisi hai। oopar mein shivbaaba phool, use namaskaar karenge। phir yugal daana brahma-sarasvati। phir ho tum, jo baba ke madadgaar bante ho। phool shivbaaba ki yaad se hi sooryavanshi, vishnu ki maala bane ho। brahma-sarasvati so lakshmi-naaraayan bante hain। lakshmi-naaraayan so brahma-sarasvati bante hain। inhonne mehnat ki hai tab pooje jaate hain। koi ko pata nahin hai maala kya cheez hai। aise hi maala pherte rehte hain। 16108 ki bhi maala hoti hai। bade-bade mandiron mein rakhi hoti hai phir koi kahaan se, koi kahaan se kheenchenge। baba baambe mein lakshmi-naaraayan ke mandir mein jaate the, maala jaakar pherte the, raam-raam japte the kyonki phool ek hi baap hai na। phool ko hi raam-raam kehte hain। phir saari maala par maatha tekte hain। gyaan kuchh bhi nahin। paadri bhi haath mein maala pherte rehte hain। poochho kiski maala pherte ho? unko to pata nahin hai। kah denge Christ ki yaad mein pherte hain। unko yeh pata nahin hai ki Christ ki khud aatma kahaan hai। tum jaante ho Christ ki aatma ab tamopradhaan hai। tum bhi tamopradhaan beggar the। ab beggar tu prince bante ho। bhaarat prince tha, abhi beggar hai phir prince bante hain। banaane vaala hai baap। tum manushya se prince bante ho। ek prince college bhi tha, jahaan prince-princess jaakar padhte the।

tum yahaan padhkar 21 janma liye svarga mein prince-princess bante ho। yeh shreekrishna prince hai na। unke 84 janmon ki kahaani likhi hui hai। manushya kya jaanen। yeh baaten sirf tum jaante ho। “bhagvaanuvaach'' woh sabka father hai। tum god father se sunte ho, jo svarga ki sthaapna karte hain। use kaha hi jaata hai sachkhanda। yeh hai jhooth khanda। sachkhanda to baap sthaapan karenge। jhooth khanda raavan sthaapan karte hain। raavan ka roop banaate hain, arth kuchh nahin samajhte hain, kisko bhi pata nahin hai ki aakhreen bhi raavan hai kaun, jisko maarte hain phir jinda ho jaata hai। vaastav mein 5 vikaar stri ke, 5 vikaar purush ke..... inko kaha jaata hai raavan। unko maarte hain। raavan ko maarkar phir sona lootte hain।

tum bachche jaante ho - yeh hai kaanton ka jangal। baambe mein babulnaath ka bhi mandir hai। baap aakar kaanton ko phool banaate hain। sab ek-do ko kaanta lagaate hain arthaat kaam kataari chalaate rehte hain, isliye inko kaanton ka jangal kaha jaata hai। satayug ko garden oph allaah kaha jaata hai, vahi flowers kaante bante hain phir kaanton se phool bante hain। abhi tum 5 vikaaron par jeet paate ho। is raavan raajya ka vinaash to hona hi hai। aakhreen badi ladaai bhi hogi। sachcha-sachcha dashahra bhi hona hai। raavanraajya hi khalaas ho jaayega phir tum lanka lootenge। tumko sone ke mahal mil jaayenge। abhi tum raavan par jeet praapta kar svarga ke maalik bante ho। baba saare vishwa ka raajya-bhaagya dete hain isliye inko shiv bhola bhandaari kehte hain। ganikaayen, ahilyaayen, kubjaayen.. sabko baap vishwa ka maalik banaate hain। kitna bhola hai। aate bhi hain patit duniya, patit shareer mein। baaki jo svarga ke laayak nahin hain, woh vish peena chhodte hi nahin। baap kehte hain - bachche, abhi yeh antim janma paavan bano। yeh vikaar tumko aadi-madhya-ant duhkhi banaate hain। kya tum is ek janma ke liye vish peena nahin chhod sakte ho? main tumko amrit pilaakar amar banaata hoon phir bhi tum pavitra nahin bante ho। vish bigar, cigarette sharaab bigar rah nahin sakte ho। main behad ka baap tumko kehta hoon - bachche, is ek janma ke liye paavan bano to tumko svarga ka maalik banaaoonga। puraani duniya ka vinaash aur nai duniya ki sthaapna karna - yeh baap ka hi kaam hai। baap aaya hua hai saari duniya ko duhkh se liberate kar sukhdhaam-shantidham mein le jaane। abhi sab dharma vinaash ho jaayenge। ek aadi sanaatan devi-devta dharma ki phir se sthaapna hoti hai। granth mein bhi parampita paramatma ko akaalmoorta kehte hain। baap hai mahaakaal, kaalon ka kaal। woh kaal to ek-do ko le jaayenge। main to sabhi aatmaon ko le jaaoonga isliye mahaakaal kehte hain। baap aakar tum bachchon ko kitna samajhdaar banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is antim janma mein vish ko tyaag amrit peena aur pilaana hai। paavan banna hai। kaanton ko phool banaane ki seva karni hai।

2) vishnu ke gale ki maala ka daana banne ke liye baap ki yaad mein rehna hai, poora-poora madadgaar ban baap samaan duhkh harta banna hai।

vardaan:- apni alaukik roohaani vritti dvaara sarva aatmaon par apna prabhaav daalne vaale master gyaan soorya bhav

jaise koi aakarshan karne vaali cheez aas-paas vaalon ko apni taraph aakarshit karti hai, sabhi ka attention jaata hai। vaise jab aapki vritti alaukik, roohaaniyat vaali hogi to aapka prabhaav anek aatmaon par svatah padega। alaukik vritti arthaat nyaare aur pyaare pan ki sthiti svatah anek aatmaon ko aakarshit karti hai। aisi alaukik shaktishaali aatmaayen master gyaan soorya ban apna prakaash chaaron or phailaati hain।

slogan:- sada svamaan ki seat par sthit raho to sarva shaktiyaan aapka order maanti rahengi।

ye avyakt ishaare - ekta aur vishvaas ki visheshta dvaara saphalta sampanna bano

gyaani banne ke saath-saath snehi bano। sva ki seva vishwa seva ka aadhaar hai। seva mein sirf do shabd yaad rakhna - ek nimitta hoon, doosra nirmaan banna hi hai, isse ekta ka vaataavran banega। ek do ke sahayogi banenge। tere mere ki, maan-shaan ki, takraav ki bhaavnaayen samaapta ho jaayengi।