शुक्रवार 27 फ़रवरी 2026 की दैनिक मुरली

27-02-2026 praatahmurli om shanti "baapdaada"' madhuban

“meethe bachche - tum is kabristaan ko paristaan bana rahe ho, isliye tumhaara is puraani duniya, kabristaan se poora-poora vairaagya chaahiye''

prashn:- behad ka baap apne roohaani bachchon ka wonderful servant hai, kaise?

uttar:- baba kehte bachche main tumhaara dhobi hoon, tum bachchon ke to kya saari duniya ke chhi-chhi gande vastra second mein saaph kar deta hoon। aatma roopi vastra svachchha banne se shareer bhi shuddh milta hai। aisa wonderful servant hai jo manamnaabhav ke chhu mantra se sabko second mein saaph kar deta hai।

om shanti। om shanti ka arth bachchon ko baap ne samjhaaya hai। aham aatma ka svadharma hai shant। shantidham jaane ke liye koi purushaartha nahin karna padta hai। aatma svayan shant swaroop, shantidham mein rahne vaali hai। haan thoda samay shant rah sakti hai। aatma kehti hai - main karmendriyon ke bojh se thak gai hoon, main apne svadharma mein tik jaati hoon, shareer se alag ho jaati hoon। parantu karma to karna hi hai। shanti mein kahaan tak baithe rahenge। aatma kehti hai ham shanti desh ke rahvaasi hain। sirf yahaan shareer mein aane se main talkie bana hoon। aham aatma avinaashi, mam shareer hai vinaashi। aatma paavan aur patit banti hai। satayug mein 5 tatva bhi satopradhaan hote hain। yahaan 5 tatva bhi tamopradhaan hain। sone mein khaad padne se sona patit ban jaata hai phir unko saaph karne ke liye aag mein daala jaata hai, inka naam hi hai yog agni। duniya mein to anek prakaar ke hathayog aadi sikhlaate hain। unko yog agni nahin kaha jaata hai। yog agni yeh hai jisse paap jalte hain। aatma ko patit se paavan banaane vaala paramatma hai, bulaate hain he patit-paavan aao। drama plan anusaar sabko patit tamopradhaan banna hi hai। yeh jhaad hai inka beejroop oopar mein hai। baap ko jab bulaate hain, buddhi oopar chali jaati hai, jisse tum varsa le rahe ho, jo ab neeche aaya hua hai। kehte hain mujhe aana padta hai। manushya srishti ka jo jhaad hai, anek variety dharmon ka, woh ab tamopradhaan patit hai। jadajdeebhoot avastha ko paaya hua hai। baap baith bachchon ko samjhaate hain। satayug mein devtaayen, kaliyug mein hain asur। baaki asur aur devtaaon ki ladaai lagi nahin hai। tum in aasuri 5 vikaaron par yogbal se jeet paate ho। baaki koi hinsak ladaai ki baat nahin। tum koi bhi prakaar se hinsa nahin karte ho। kabhi kisko haath bhi nahin lagaayenge। tum double ahinsak ho। kaam kataari chalaana, yeh to sabse bada paap hai। baap kehte hain yeh kaam kataari aadi-madhya-ant duhkh deti hai। vikaar mein nahin jaana chaahiye। devtaaon ke aage mahima gaate hain na - aap sarvagun sampanna…। aatma kehti hai ham patit bane hain, tab to bulaate hain he patit-paavan aao। jab paavan hai tab to koi ko bulaate hi nahin। unko svarga kaha jaata hai। yahaan to saadhu-santa aadi kitni dhun lagaate hain - he patit-paavan seetaaraam…। baap kehte hain is samay saari duniya patit hai, ismen bhi kiska dosh nahin hai। yeh drama bana-banaaya hai। jab tak main aaoon, inhon ko apna part bajaana hai। gyaan aur bhakti phir hai vairaagya। puraani duniya se vairaagya। yeh hai behad ka vairaagya। unhon ka hai had ka vairaagya।

tum jaante ho yeh puraani duniya ab khatma honi hai। naya ghar banaate hain to puraane ghar se vairaagya ho jaata hai na। behad ka baap kehte hain abhi tumko svarga roopi ghar banaakar deta hoon। abhi to hai narka। svarga hai nai duniya। narka puraani duniya। abhi puraani duniya mein rah ham nai duniya bana rahe hain। puraane kabristaan par ham paristaan banaayenge। yahi jamuna ka kantha hoga। is par mahal banenge। yahi dehli jamuna nadi aadi hogi baaki yeh jo dikhaate hain paandavon ke kile the, yeh sab hain danta kathaayen। drama plan anusaar zaroor phir yeh banenge। jaise tum yagya tap daan aadi karte aaye ho phir bhi karna hoga। pahle tum shiv ki bhakti karte ho, first class mandir banaate ho। usko vyabhichaari bhakti kaha jaata hai।

abhi tum gyaanmaarga mein ho। yeh hai avyabhichaari gyaan। ek hi shivbaaba se tum sunte ho। jiski pahle-pahle tumne bhakti shuru ki, us samay aur koi dharma hote nahin। tum hi hote ho। tum bahut sukhi rehte ho। devta dharma bahut sukh dene vaala hai। naam lene se mukh meetha ho jaata hai। to tum ek baap se hi gyaan sunte ho। baap kehte hain aur koi se na suno। yeh hai tumhaara avyabhichaari gyaan। behad ke baap ke tum bane ho। baap se hi varsa milega nambarvaar purushaartha anusaar। baap bhi thode samay ke liye saakaar mein aaya hua hai। kehte hain mujhe hi tum bachchon ko gyaan dena hai। mera sthaai shareer hai nahin, main ismen pravesh karta hoon। shivjayanti se phir jhat geeta jayanti ho jaati hai। unse hi gyaan shuru kar dete hain। yeh roohaani vidya tumko supreme rooh hi de rahe hain। paani ki baat nahin। paani ko thode hi gyaan kahenge। patit se paavan gyaan se banenge, paani se thode hi paavan banenge। nadiyaan to saari duniya mein hain hi। yeh to gyaan saagar baap aate hain, ismen pravesh kar knowledge sunaate hain। yahaan jab koi marte hain to mukh mein ganga ka jal daalte hain। samajhte hain yeh jal hai patit se paavan banaane vaala to svarga mein chala jaayega। yahaan bhi gau mukh par jaate hain। vaastav mein gaoomukh tum chaitanya ho। tumhaare mukh se gyaan amrit nikalta hai। gau se doodh milta hai, paani ki to baat nahin। yeh abhi tumko pata pada hai। tum jaante ho drama mein jo ek baar ho gaya hai woh phir 5 hazaar varsha ke baad hoga, hoobhu repeat। yeh baap baith samjhaate hain, jo sabhi ka sadgati daata hai। abhi to sab durgati mein pade hain। aage tum nahin jaante the ki raavan ko kyon jalaate hain। abhi tum samajhte ho behad ka dashahra hona hai। saari srishti par raavan raajya hai na। yeh saari jo prithvi hai woh lanka hai। raavan koi had mein nahin rehta। raavan ka raajya saari srishti mein hai। bhakti bhi aadhaakalpa chalti hai। pahle hoti hai avyabhichaari bhakti phir vyabhichaari bhakti shuru hoti hai। dashahra, rakshaabandhan aadi sab abhi ke tyohaar hain। shiv jayanti ke baad hoti hai shreekrishna jayanti। abhi krishnapuri sthaapan hoti hai। aaj kansapuri mein hain, kal krishnapuri mein honge। shreekrishna thode hi yahaan ho sakta। shreekrishna janma lete hi hain satayug mein। woh hai first prince। school mein padhne jaate hain, jab bada hota hai tab gaddi ka maalik banta hai। baaki yeh raasleela aadi woh to aapas mein khushi manaate honge। baaki shreekrishna kisko baith gyaan sunaaye yeh ho kaise sakta। saari mahima ek shivbaaba ki hai jo patiton ko paavan banaate hain। tum koi bade officers ko samjhaao to kahenge aap right kehti ho। parantu woh aur kisi ko suna na saken। unki baat koi sunega nahin। bi.ke. bana aur sab kahenge inko to jaadu lag gaya hai। bi.ke. ka naam suna, bas। samajhte hain yeh jaadu karti hongi। thoda kisko gyaan do to kah dete yeh bi.ke. jaadu lagaati hain। bas yeh to sivaae apne daada ke aur kisko maanti nahin। bhakti aadi kuchh nahin karti। baba to kehte hain kisko mana nahin karna hai ki bhakti na karo। aapehi chhoot jaayegi। tum bhakti chhodte ho, vikaar chhodte ho, is par hi hangaama hota hai।

baba ne kaha hai main roodra gyaan yagya rachta hoon, ismen aasuri sampradaay ke vighna padte hain। yeh hai shivbaaba ka behad ka yagya, jismen manushya se devta bante hain। gaaya hua bhi hai - gyaan yagya se vinaash jvaala prajjavlit hui। jab puraani duniya vinaash ho tab to tum nai duniya mein raajya karenge। manushya kahenge ham kehte hain shanti ho aur yeh bi.ke. kehti hain vinaash ho। baap samjhaate hain yeh saari puraani duniya is gyaan yagya mein svaaha ho jaayegi। is puraani duniya ko aag lagni hai। natural calamities bhi aayegi। vinaash to hona hi hai। sarson muaaphik sab manushya peeskar khatma ho jaayenge। baaki aatmaayen bach jaayengi। yeh to koi bhi samajh sakte hain - aatma avinaashi hai। abhi yeh behad ki holika honi hai, jismen shareer sab khatma ho jaayenge। baaki aatmaayen pavitra ban chali jaayengi। aag mein cheez shuddh hoti hai na। havan karte hain shuddhata ke liye। woh sab hain jismaani baaten। abhi to saari duniya svaaha honi hai। vinaash ke pahle zaroor sthaapna ho jaani chaahiye। kisko bhi samjhaao to pahle bolo sthaapna phir vinaash। brahma dvaara sthaapna। prajaapita to mashhoor hai na। aadi dev aur aadi devi। jagat amba ke bhi laakhon mandir hain। kitne mele lagte hain। tum ho jagat amba ke bachche, gyaan-gyaaneshvari phir banenge raaj-raajeshvari। tum bahut dhanvaan bante ho phir bhakti maarga mein lakshmi se deepmaala par vinaashi dhan maangate hain। yahaan to sab kuchh mil jaata hai। aayushvaan bhav, putravaan bhav। tum jaante ho hamaari aayu 150 varsha ki rehti hai। baap kehte hain jitna yog lagaayenge utna aayu badhti rahegi। tum eeshvar se yog lagaakar yogeshvar bante ho। manushya to hain bhogeshvar। kaha bhi jaata hai vikaari, moot paleeti kapad dhoe...... baap kehte hain mujhe dhobi bhi kehte hain। main sab aatmaon ko aakar saaph karta hoon phir shareer bhi naya shuddh milega। baap kehte hain main second mein saari duniya ke kapde saaph kar leta hoon। sirf manamnaabhav hone se aatma aur shareer pavitra ban jaayenge। chhu mantra hai na। second mein jeevanmukti। kitna sahaj upaay hai। baap ko yaad karo to paavan ban jaayenge। chalte phirte sirf baap ko yaad karo, aur koi jara bhi takleeph tumko nahin deta hoon। sirf yaad karna hai। abhi tumhaari ek-ek second mein chadhti kala hoti hai।

baap kehte hain main tum bachchon ka servant ban aaya hoon। tumne bulaaya hi hai he patit-paavan aao, aakar hamko paavan banaao। achha bachche aaya hoon to servant hua na। jab tum bahut patit bane ho tab hi jor se chillaate ho। ab main aaya hoon। main kalpa-kalpa aakar tum bachchon ko yeh mantra deta hoon। mujhe yaad karo to tum paavan ban jaayenge। manamnaabhav ka arth bhi hai - manamnaabhav, madhyaaji bhav arthaat baap ko yaad karo to vishnupuri ke maalik banenge। tum aaye hi ho vishnupuri ka raajya lene। raavanpuri ke baad hai vishnupuri। kansapuri ke baad krishnapuri, kitna sahaj samjhaaya jaata hai। baap kehte hain is puraani duniya se mamatva mita do। abhi hamne 84 janma poore kiye hain। yeh puraana chola chhodkar ham jaayenge nai duniya mein। yaad se hi tumhaare paap katte jaayenge। itni himmat karni chaahiye। woh to brahm ko yaad karte hain। samajhte hain brahm mein leen ho jaayenge। parantu brahm to hai rahne ka sthaan। vo log tapasya mein baith jaate hain। bas ham brahm mein jaakar leen ho jaayenge। parantu vaapis to koi ja nahin sakte। brahm se yog lagaane se paavan to banenge nahin। ek bhi ja na sake। punarjanma to lena hi hai। baap aakar sach batlaate hain, sachkhanda sachcha baba sthaapan karte hain। raavan aakar jhooth khanda banaate hain। abhi yeh hai sangamayug, ismen tum uttam se uttam bante ho isliye inko purushottam kaha jaata hai। tum kaudi se heere jaisa bante ho। yeh hai behad ki baat। uttam se uttam manushya hain devtaayen। to abhi purushottam sangamayug par tum baithe ho। tumko purushottam banaane vaala hai oonch te oonch baap। oonch te oonch svarga ka varsa tumko dete hain phir yeh tum bhoolte kyon ho? baap kehte hain mujhe yaad karo। bachche kehte hain - baba kripa karo to ham bhoolen nahin। yeh kaise ho sakta! baba ke direction par chalna hai na। baap kehte hain mujhe yaad karo to tum patit se paavan ban jaayenge। raay par chalo na। baaki aasheervaad kya karoon। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke har direction par chalkar svayan ko kaudi se heere jaisa banaana hai। ek baap ki yaad mein rah svayan ke vastron ko svachchha banaana hai।

2) ab naye ghar mein chalna hai isliye is puraane ghar se behad ka vairaagya rakhna hai। nasha rahe ki is puraane kabristaan par ham paristaan banaayenge।

vardaan:- raham ki drishti dvaara ghrina drishti ko samaapta karne vaale knowledgeful bhav

jo bachche ek do ke sanskaaron ko jaankar sanskaar parivartan ki lagan mein rehte hain, kabhi yeh nahin sochte ki yeh to hain hi aise, unhein kahenge knowledgeful। ve svayan ko dekhte aur nirvighna rehte hain। unke sanskaar baap ke samaan merciful ke hote hain। raham ki drishti, ghrina drishti ko samaapta kar deti hai। aise merciful bachche kabhi aapas mein khit-khit nahin karte। ve sapoot bankar saboot dete hain।

slogan:- sada parmaatma chintan karne vaale hi bephikra baadshaah hain, unhein kisi bhi prakaar ki chinta nahin ho sakti।

ye avyakt ishaare - ekta aur vishvaas ki visheshta dvaara saphalta sampanna bano

sva unnati aur seva ki unnati donon mein ek ne kaha, doosre ne haan ji kiya, aise sada ekta aur dridhta se badhte chalo। jaise daadiyon ki ekta aur dridhta ka sangathan pakka hai, aise aap ratnon ka bhi sangathan pakka ho, to sangathan ki shakti jo chaahe woh kar sakti hai। sangathan ki nishaani ka yaadgaar hai paanch paandav।