सोमवार 23 मार्च 2026 की दैनिक मुरली

23-03-2026 praatahmurli om shanti "baapdaada"' madhuban

“meethe bachche - chup rehna bhi bahut bada gun hai, tum chup rahkar baap ko yaad karte raho to bahut kamaai jama kar lenge''

prashn:- kaun se bol karma sannyaas ko siddha karte hain, woh bol tum nahin bol sakte?

uttar:- drama mein hoga to kar lenge, baba kehte yeh to karma sannyaas ho gaya। tumhein karma to avashya karna hai। bina purushaartha ke to paani bhi nahin mil sakta, isliye drama kahkar chhod nahin dena hai। nai raajdhaani mein oonch pad paana hai to khoob purushaartha karo।

om shanti। pahle-pahle bachchon ko saavdhaani milti hai - baap ko yaad karo aur varse ko yaad karo। manamnaabhav। yeh akshar bhi vyaas ne likha hai। sanskrit mein to baap ne samjhaaya nahin hai। baap to hindi mein hi samjhaate hain। bachchon ko kehte hain ki baap ko aur varse ko yaad karo। yeh sahaj akshar hai ki he bachchon mujh baap ko yaad karo। laukik baap aise nahin kahenge ki he bachchon mujh apne baap ko yaad karo। yeh hai nai baat। baap kehte hain he bachchon mujh apne niraakaar baap ko yaad karo। yeh bhi bachche samajhte hain roohaani baap ham roohon se baat karte hain। ghadi-ghadi bachchon ko kehna ki baap ko yaad karo, yeh shobhta nahin hai। jabki bachche jaante hain hamaara pharja hai roohaani baap ko yaad karna, tab hi vikarma vinaash honge। bachchon ko nirantar yaad karne ki koshish karni pade। is samay koi nirantar yaad kar na sake, time lagta hai। yeh baba kehte hain main bhi nirantar yaad nahin kar sakta hoon। woh avastha pichhaadi mein thahregi। tum bachchon ko pahla purushaartha baap ko yaad karne ka hi karna hai। shivbaaba se varsa milta hai। bhaaratvaasiyon ki hi baat hai। yeh sthaapna hoti hai, daivi raajdhaani ki aur jo dharma sthaapan karte, usmein koi difficulty nahin hoti hai, unke pichhaadi aate hi rehte hain। yahaan devi-devta dharma vaale jo hain unko gyaan se uthaana padta hai। mehnat lagti hai। geeta, bhaagvat shaastron mein yeh nahin hai ki baap sangam par raajdhaani sthaapan karte hain। geeta mein likha hai ki paandav pahaadon par chale gaye, pralay hui aadi-aadi…। vaastav mein yeh baat to hai nahin। tum ab padh rahe ho bhavishya 21 janmon ke liye। aur school mein yahaan ke liye hi padhaate hain। saadhu santa aadi jo bhi hain woh bhavishya ke liye hi padhaate hain kyonki woh samajhte hain ham shareer chhod muktidhaam mein chale jaayenge, brahm mein leen ho jaayenge। aatma paramatma mein mil jaayegi। to woh bhi hua bhavishya ke liye। parantu bhavishya ke liye padhaane vaala ek hi roohaani baap hai। doosra koi nahin। gaaya hua bhi hai sarva ka sadgati daata ek hi hai। woh to sab aythaartha ho jaate hain। yeh baap hi aakar samjhaate hain। woh bhi saadhna karte rehte hain। brahm mein leen hone ki saadhna hai aythaartha। leen to kisi ko hona nahin hai। brahm mahtatva koi bhagwan nahin hai। yeh sab hain wrong। jhoothkhanda mein hain sab jhooth bolne vaale। sachkhanda mein hain sab satya bolne vaale। tum jaante ho sachkhanda bhaarat mein tha, ab jhoothkhanda hai। baap bhi bhaarat mein hi aate hain। shiv jayanti manaate hain parantu yeh thode hi jaante hain ki shiv ne aakar bhaarat ko sachkhanda banaaya hai। woh samajhte hain aata hi nahin hai। woh naam roop se nyaara hai। sirf mahima jo gaate hain patit-paavan, gyaan ka saagar। so aise hi tote misal kah dete hain। baap hi aakar samjhaate hain। shreekrishna jayanti manaate hain, geeta jayanti bhi hai। shiv jayanti ka bhi kisi ko pata nahin hai ki shiv kya aakar karte hain। aayenge bhi kaise? jabki kehte hain naam roop se nyaara hai। baap kehte hain main hi baith bachchon ko samjhaata hoon phir yeh gyaan praayahlop ho jaata hai। baap khud batlaate hain ki main aakar bhaarat ko phir se svarga banaata hoon। koi to patit-paavan hoga na। mukhya bhaarat ki hi baat hai। bhaarat hi patit hai। patit-paavan ko bhi bhaarat mein hi pukaarte hain। khud kehte hain - vishwa mein shaitaan ka raajya chal raha hai। bombs aadi banaate rehte hain। unse vinaash hona hai। taiyaariyaan kar rahe hain। jaise woh raavan ke prerit kiye hue hain। raavan ka raajya kab khalaas hoga? bhaaratvaasi kahenge jab shreekrishna aayega। tum samjhaate ho shivbaaba aaya hua hai। vahi sarva ka sadgatidaata hai। baap kehte hain mujhe yaad karo। yeh akshar doosra koi kah na sake। baap hi kehte hain mujhe yaad karo to khaad niklegi। tum satopradhaan the, ab tumhaari aatma mein khaad padi hai। woh yaad se hi niklegi, inko yaad ki yaatra kaha jaata hai। main hi patit-paavan hoon। mujhe yaad karne se tumhaare vikarma vinaash honge, inko yog agni kaha jaata hai। sone ko aag mein daalkar unse kichda nikaalte hain। phir sone mein khaad daalne liye bhi aag mein daalte hain। baap kehte hain woh hai kaam chita। yeh hai gyaan chita। is yog agni se khaad niklegi aur tum shreekrishna puri mein jaane ke laayak banenge। shreekrishna jayanti par shreekrishna ko bulaate hain। tum jaante ho shreekrishna ko bhi baap se varsa milta hai। shreekrishna svarga ka maalik tha। baap ne shreekrishna ko yeh pad diya। raadhe-krishna hi phir lakshmi-naaraayan bante hain। raadhe-krishna ka janma din manaate hain। lakshmi-naaraayan ka kisko pata nahin। manushya bilkul moonjhe hue hain। ab tum bachche samajhte ho to auron ko samjhaana hai। pahle-pahle poochhna hai geeta mein jo kaha hai - maamekam yaad karo, yeh kisne kaha hai? woh samajhte hain shreekrishna ne kaha hai। tum samajhte ho bhagwan niraakaar hai। unse hi oonch arthaat shreshtha mat milti hai। oonch te oonch parampita paramatma hi hai। unki hi zaroor shreshtha te shreshtha mat hui। us ek ki shreemat se hi sarva ki sadgati hoti hai। geeta ka bhagwan brahma vishnu shankar ko bhi nahin kah sakte। woh phir shareerdhaari shreekrishna ko kah dete। to isse siddha hai kahaan bhool hai zaroor। tum samajhte ho manushyon ki badi bhool hai। raajayog to baap ne sikhaaya hai, vahi patit-paavan hai। badi bhaari-bhaari jo bhoolen hain un par jor dena hai। ek to eeshvar ko sarvavyaapi kehna, doosra phir geeta ka bhagwan krishna ko kehna, kalpa laakhon varsha ka kehna - yeh badi bhaari bhoole hain। kalpa laakhon varshon ka ho nahin sakta hai। paramatma sarvavyaapi ho nahi sakta। kehte hain woh prerna se sab kuchh karte hain, parantu nahin। prerna se thode hi paavan bana denge। yeh to baap baith sammukh samjhaate hain maamekam yaad karo। prerna akshar wrong hai। bhal kaha jaata hai shankar ki prerna se bombs aadi banaate hain। parantu yeh drama mein saari noondh hai। is yagya se hi yeh vinaash jvaala nikli hai। prerna nahin karte। yeh to vinaash arth nimitta bane hain। drama mein noondh hai। shivbaaba ka hi saara part hai। unke baad phir part hai brahma vishnu shankar ka। brahma brahman rachte hain। vahi phir vishnupuri ke maalik bante hain। phir 84 janmon ka chakra lagaakar tum aakar brahma vanshi bane ho। lakshmi-naaraayan so phir aakar brahma sarasvati bante hain। yeh bhi samjhaaya hai ki in dvaara adopt karte hain isliye isko badi mama kehte hain। woh phir nimitta bani hui hai। kalash maataaon ko diya jaata hai। sabse badi sitaar sarasvati ko di hai। sabse teekhi hai। baaki sitaar va baaja aadi kuchh hai nahin। sarasvati ki gyaan murli achhi thi। mahima unki achhi thi। naam to bahut daal diye hain। deviyon ki pooja hoti hai। tum abhi jaante ho ham hi yahaan poojya bante hain phir pujaari ban apni hi pooja karenge। abhi ham brahman hain phir ham hi poojya devi devta banenge, yatha raaja raani tatha praja। deviyon mein jo oonch pad paate hain to mandir bhi unhon ke bahut bante hain, naam baala bhi unhon ka hota hai jo achhi reeti padhte padhaate hain। to ab tum jaante ho poojya pujaari ham hi bante hain। shivbaaba to sadaiv poojya hai। sooryavanshi devi devta jo the ve hi pujaari phir bhagat bante hain। aapehi poojya aapehi pujaari ki seedhi bahut achhi reeti samjhaate hain। bigar chitra bhi tum kisko samjha sakte ho। jo seekhkar jaate hain unki buddhi mein saari knowledge hai। 84 janmon ki seedhi bhaaratvaasi chadhte utarte hain। unhon ke 84 janma hain। poojya the phir ham pujaari banen। ham so, so ham ka arth bhi tumne bahut achhi tarah samjha hai। aatma so paramatma ho na sake। baap ne ham so, so ham ka arth samjhaaya hai। ham so devta, so kshatriy.... banen। ham so ka doosra koi arth hai nahin। poojya, pujaari bhi bhaaratvaasi hi bante hain aur dharma mein koi poojya pujaari nahin bante hain। tum hi sooryavanshi, chandravanshi bante ho। samjhaani kitni achhi mili hai। ham so devi devta the। ham aatma nirvaandhaam mein rahne vaali hain। yeh chakra phirta rehta hai। jab duhkh saamne aata hai to baap ko yaad karte hain। baap kehte hain main duhkh ke samay hi aakar srishti ko badalta hoon। aise nahin ki nai srishti rachta hoon। nahin, puraani ko naya banaane main aata hoon। baap aate hi hain sangam par। ab nai duniya ban rahi hai। puraani khalaas honi hai। yeh hai behad ki baat।

tum taiyaar ho jaayenge to saari raajdhaani taiyaar ho jaayegi। kalpa-kalpa jinhonne jo pad paaya hai us anusaar purushaartha chalta rehta hai। aise nahin drama mein jo purushaartha kiya hoga so hoga। purushaartha karna hota hai phir kaha jaata hai kalpa pahle bhi aise purushaartha kiya tha। hamesha purushaartha ko bada rakha jaata hai। praalabdha par baith nahin jaana hai। purushaartha bigar praalabdha mil na sake। purushaartha karne bigar paani bhi nahin pi sakte। karma sannyaas akshar wrong hai। baap kehte hain grihastha vyavhaar mein bhi raho। baba sabko yahaan to nahin bitha denge। sharnaagti gaai hui hai। bhatthi banni thi kyonki unhon ko tang kiya gaya। to aakar baap ke paas sharan li। sharan to deni pade na। sharan ek parampita paramatma ki hi li jaati hai। guru aadi ki sharan nahin li jaati hai। jab bahut duhkh hota hai to tang hokar aakar sharan lete hain। gurooon ke paas koi tang hokar nahin jaate hain। vahaan to aise hi jaate hain। tum raavan se bahut tang hue ho। ab raam aaya hai raavan se chhudaane। woh tumko sharan mein lete hain। tum kehte ho baba ham aapke hain। grihastha vyavhaar mein rehte bhi sharan shivbaaba ki li hai। baba ham aapki hi mat par chalenge।

baap shreemat dete hain - grihastha vyavhaar mein rehte mujhe yaad karo aur sabki yaad chhod do। meri yaad se hi vikarma vinaash honge। sirf sharan lene ki baat nahin hai। saara madaar yaad par hai। baap ke sivaae aisa koi samjha na sake। bachche samajhte hain baap ke paas itne laakhon kahaan aakar rahenge। praja bhi apne-apne ghar rehti hai, raaja ke paas thode hi rehti hai। to tumko sirf kaha jaata hai ek ko yaad karo। baba ham aapke hain। aap hi second mein sadgati ka varsa dene vaale ho। raajayog sikhlaakar raajaaon ka raaja banaate ho। baap kehte hain jinhonne kalpa pahle baap se varsa liya hai vahi aakar lenge। pichhaadi tak sabko aakar baap se varsa lena hai। abhi tum patit hone ke kaaran apne ko devta kahla nahin sakte। baap sab baaten samjhaate hain। kehte hain mere noore ratna, jab tum satayug mein aate ho to tum one-one se raajaai karte ho। auron ki to jab vriddhi ho, laakhon ki andaaj mein hon tab raajaai chale। tumko ladne karne ki darkaar nahin। tum yogbal se baap se varsa lete ho। chup rahkar sirf baap ko aur varse ko yaad karo। pichhaadi mein tum chup rahenge phir yeh chitra aadi kaam nahin aayenge। tum hoshiyaar ho jaayenge। baap kehte hain - sirf mujhe yaad karo to vikarma vinaash honge। ab karo, na karo tumhaari marji। koi dehdhaari ke naam roop mein nahin phansana hai। baap ko yaad karo to ant mati so gati ho jaayegi। tum mere paas aa jaayenge। full paas hone vaale ko raajaai milegi। saara madaar yaad ki yaatra par hai। aage chal naye bhi bahut aage nikalte jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi dehdhaari ke naam roop mein nahin phansana hai। ek baap ki shreemat par chalkar sadgati ko paana hai। chup rehna hai।

2) bhavishya 21 janmon ke liye achhi reeti padhna aur doosron ko padhaana hai। padhne aur padhaane se hi naam baala hoga।

vardaan:- manmat, parmat ko samaapta kar shreemat par padmon ki kamaai jama karne vaale padmaapdam bhaagyashaali bhav

shreemat par chalne vaale ek sankalp bhi manmat va parmat par nahin kar sakte। sthiti ki speed yadi tej nahin hoti hai to zaroor kuchh na kuchh shreemat mein manmat va parmat mix hai। manmat arthaat alpagya aatma ke sanskaar anusaar jo sankalp utpanna hota hai woh sthiti ko dagmag karta hai isliye check karo aur karaao, ek kadam bhi shreemat ke bina na ho tab padmon ki kamaai jama kar padmaapdam bhaagyashaali ban sakenge।

slogan:- man mein sarva ke kalyaan ki bhaavna bani rahe - yahi vishwa kalyaankaari aatma ka kartavya hai।

ye avyakt ishaare- “nishchay ke foundation ko majboot kar sada nirbhay aur nishchint raho"

circumstance bhale kaise bhi hon lekin nishchaybuddhi bachche circumstance mein apni svasthiti ki shakti se sada vijayi anubhav karenge। chaahe duniya vaale log va brahman parivaar ke sambandh-samparka mein doosra samjhe va kahe ki yeh haar gaya - lekin woh haar nahin hai, jeet hai। koi bhi seva ki, sangathan ki, prakriti ki paristhiti svasthiti ko va shreshtha sthiti ko dagmag karti hai to yeh bhi bandhanmukta sthiti nahin hai। is bandhan se bhi mukta bano।