गुरुवार 2 अप्रैल 2026 की दैनिक मुरली

02-04-2026 praatahmurli om shanti "baapdaada"' madhuban

“meethe bachche - baap ki yeh wonderful hatti (dukaan) hai, jis par sab variety saamaan milta hai, us hatti ke tum maalik ho''

prashn:- is wonderful dukaandaar ki copy koi bhi nahin kar sakta hai - kyon?

uttar:- kyonki yeh svayan hi sarva khajaanon ka bhandaar hai। gyaan ka, sukh ka, shanti ka, pavitrata ka, sarva cheejon ka saagar hai, jisko jo chaahiye woh mil sakta hai। nivritti maarga vaalon ke paas yeh saamaan mil nahin sakta। koi bhi apne ko baap samaan saagar kah nahin sakte।

geet:- tumhein paake hamne…

om shanti। ab bachche baithe hain behad ke baap ke saamne। inko behad ka baap bhi kaha jaae to behad ka daada bhi kaha jaae aur phir behad ke bachche baithe hain aur baap behad ka gyaan de rahe hain। had ki baaten ab chhooti। ab baap se behad ka varsa lena hai। yeh ek hi hatti thahri। manushyon ko pata nahin hai ki ham kya chaahte hain। behad ke baap ki hatti to bahut badi hai। unko kaha jaata hai sukh ka saagar, pavitrata ka saagar, aanand ka saagar, gyaan ka saagar...koi dukaandaar hota hai to unke paas bahut variety hoti hai। to yeh hai behad ka baap। inke paas bhi variety saamaan hai। kya-kya hai? baba gyaan ka saagar hai, sukh ka, shanti ka saagar hai। unke paas yeh wonderful, alaukik saamaan hai। phir gaaya bhi jaata hai - sukhkarta। yeh ek hi dukaan thahri aur to koi ka aisa dukaan hai nahin। brahma-vishnu-shankar ke paas kya saamaan hai? kuchh bhi nahin। sabse ooncha saamaan hai baap ke paas, isliye unki mahima gaai jaati hai। tvamev maataashcha pita.... aisi mahima kabhi kiski gaai nahin jaati। manushya shanti ke liye bhatakte rehte hain। koi ko davaai chaahiye, koi ko kuchh chaahiye। woh sab had ki dukaan hain। saari duniya mein sabke paas had ki cheezen hain। yeh ek hi baap hai jiske paas behad ki cheezen hain isliye unki mahima bhi gaate hain ki patit-paavan hai, liberator hai, gyaan ka saagar, aananda ka saagar hai। yeh sab variety vakkhar (saamaan) hai। list likhenge to bahut ho jaayegi। jis baap ke paas yeh cheezen hain to bachchon ka bhi hak hai un par। parantu yeh kiski buddhi mein nahin aata ki jab aise baap ke ham bachche hain to baap ki cheezon ke ham maalik hone chaahiye। baap aate bhi hain bhaarat mein। baap ke paas jo sab cheejen hain - ve zaroor le aayenge। unke paas lene liye to ja nahin sakte। baap kehte hain, mujhe aana padta hai। kalpa-kalpa, kalpa ke sangam par main aakar tumko sab cheejen de jaata hoon। ham jo tumko vakkhar deta hoon, woh phir kabhi nahin mil sakta। aadhaakalpa ke liye tumhaare bhandaare bhar jaate hain। aisi koi apraapta vastu nahin rehti jiske liye pukaarna pade। drama plan anusaar tum sab varsa lekar phir dheere-dheere seedhi utarte ho। punarjanma bhi zaroor lena pade। 84 janma bhi lena hai। 84 ka chakra kehte hain parantu arth nahin samajhte। 84 ke badle 84 laakh janma kah dete hain। maaya bhool kara deti hai। yeh abhi tum samajhte ho phir to yeh sab bhool jaayenge। is samay vakkhar lete hain, satayug mein raajaai karte hain। parantu unhon ko yeh pata nahin rehta ki yeh raajaai hamko kisne di? lakshmi-naaraayan ka raajya kab tha? svarga ke sukh gaaye bhi jaate hain। sab kisam ke sukh dete hain। isse jaasti koi sukh hota nahin। phir woh sukh bhi praayahlop ho jaata hai। aadhaakalpa ke baad raavan aakar sab sukh chheen lete hain। kisko gussa karte hain to kehte hain, teri kala kaaya hi khatma ho gai hai। tum bhi jo sarvagun sampanna, 16 kala sampoorn the। woh kalaayen sab khatma ho gai hain। ek baap ke sivaae aur koi ki itni mahima nahin hai। kehte hain na - paisa ho to laadkaana ghoomkar aao।

tum vichaar karo ki svarga mein kitna akeechaar dhan-maal tha। abhi woh thode hi hai। sab gum ho jaata hai। dharma bhrashta, karma bhrashta ban jaate hain। to dhan-maal bhi gum ho jaata hai phir neeche girne lag padte hain। baap samjhaate hain - tumko itna dhan diya, tumko heere jaisa banaaya। phir tumne dhan maal kahaan ganva diya? ab phir baap kehte hain ki apna varsa, purushaartha kar le lo। tum jaante ho ki baba hamko phir se svarga ki baadshaahi de rahe hain aur kehte hain, he bachche mujhe yaad karo to tumhaare oopar jo kat hai, woh nikal jaaye। bachche kehte, baba ham bhool jaate hain। yeh kya? kanya jab shaadi karti hai to pati ko kabhi bhoolti hai kya! bachche kabhi baap ko bhoolte hain kya? baap to daata hai। varsa bachchon ko lena hai to zaroor yaad karna pade। baap samjhaate hain - meethe-meethe sikeeldhe bachche, yaad ki yaatra mein rahenge to vikarma vinaash honge aur koi upaay nahin hai। bhakti maarga mein teertha yaatra, ganga snaan aadi jo karte aaye ho to seedhi neeche utarte hi aaye ho। oopar to chadh hi nahin sakte। law nahin kehta। sabki utarti kala hi hai। yeh jo kehte hain ki phalaana mukti mein gaya, yeh jhooth bolte hain। vaapis koi ja nahin sakte। baba aaya hai tumko 16 kala sampoorn banaane। tum hi gaate the ki mujh nirgun haare mein... abhi tum jaante ho ki baap gunvaan banaate hain। ham hi gunvaan, poojya the। hamne varsa liya tha। 5 hajaar varsha hue। baap bhi kehte hain ki tumko varsa dekar gaye the। shivjayanti, rakshaabandhan, dashahra aadi manaate bhi hain phir bhi kuchh samajhte nahin hain। sab kuchh bhool jaate hain। phir baap aakar yaad dilaate hain। tum hi the phir tumne raajya bhaagya ganvaaya hai। baap samjhaate hain - ab yeh saari duniya puraani jadajdeebhoot hai। duniya to yahi hai। yahi bhaarat naya tha, ab puraana hua hai। svarga mein sada sukh hota hai। phir dvaapar se jab duhkh shuru hota hai tab yeh ved-shaastra aadi bante hain। bhakti karte-karte jab tum bhakti poori karo tab bhagwan aaye na। brahma ka din, brahma ki raat। aadha-aadha hoga na। gyaan din, bhakti raat। unhonne to kalpa ki aayu ulti-sulti kar di hai।

to pahle-pahle tum sabko baap ki mahima baith sunaao। baap gyaan ka saagar, shanti ka saagar hai। shreekrishna ko thode hi kahenge - niraakaar patit-paavan, sukh ka saagar...nahin, unki mahima hi alag hai। raat-din ka farka hai। shiv ko kehte hi hain baba। shreekrishna baba akshar hi nahin shobhta। kitni badi bhool hai। phir chhoti-chhoti bhoolen karte 100 pratishat bhool gaye hain। baap kehte hain - sannyaasiyon se kabhi yeh sauda mil na sake। woh hain hi nivriti maarga ke। tum ho pravritti maarga vaale। tum sampoorn nirvikaari the, vaai-sales world thi। yeh hai vicious world। phir kehte - kya satayug mein bachche paida nahin hote? vahaan bhi to vikaar tha। are, woh hai hi sampoorn nirvikaari duniya। sampoorn nirvikaari phir vikaari ho kaise sakte? phir satayug mein sab itne manushya hon, yeh kaise ho sakta। vahaan itne manushya thode hi hote hain। bhaarat ke sivaae aur koi khanda nahin honge। woh kehte bhi hain ham maan nahin sakte। duniya to sadaiv bhari hui rehti hai, kuchh bhi samajhte nahin। baap samjhaate hain ki bhaarat golden ez tha। ab to iron ez patthar-buddhi hain। ab tum bachchon ne drama ko samajh liya hai। gaandhi aadi sab raamraajya chaahte the। parantu dikhaate hain ki mahaabhaarat ladaai lagi। bas, phir khel khatma। phir kya hua? kuchh bhi dikhaaya nahin hai। baap baith yeh samjhaate hain। yeh to bilkul sahaj hai। shiv jayanti manaate hain - to zaroor shivbaaba aate hain। woh hai heavenly god father to zaroor heaven ke get kholne aayega। aayenge bhi tab, jab hell hoga। heaven ke dvaar khol hell ke banda kar denge। heaven ke dvaar khulen to zaroor sab heaven mein hi aayenge। yeh baaten koi difficult nahin hain। mahima sirf ek baap ki hai। shivbaaba ki ek hi hatti hai। woh hai behad ka baap। behad ke baap dvaara bhaarat ko svarga ka sukh milta hai। behad ka baap svarga sthaapan karta hai। barobar behad ka sukh tha। phir ham hell mein kyon pade hain? yeh koi bhi nahin jaante। baap samjhaate hain ki tum hi the phir tum hi gire ho। devtaaon ko hi 84 janma lene padte hain। abhi aakar patit bane hain। unko hi phir paavan banna hai। baap ka bhi janma hai to raavan ka bhi janma hota hai। yeh kisko bhi pata nahin। koi se bhi poochho to raavan ko kab se jalaate ho? kahenge woh to anaadi chalta aata hai। yeh sab raaz baap samjhaate hain। us baap ki ek hi hatti ki mahima hai। sukh-shanti-pavitrata manushya se manushya ko nahin mil sakti। sirf ek ko thode hi shanti mili thi। yeh jhooth bolte hain ki phalaane se shanti mili। are shanti to milni hai - shantidham mein। yahaan to ek ko shanti hogi phir doosra ashaanta karenge to shanti mein rah na saken। sukh-shanti-pavitrata sab cheezon ka vyaapaari ek hi shivbaaba hai। unse koi aakar vyaapaar kare। unko kaha hi jaata hai saudaagar, pavitrata, sukh-shanti-sampatti sab kuchh unke paas hai। apraapta koi vastu nahin। svarga ka tum raajya paate ho। baap to dene aaye hain, lene vaale lete-lete thak jaate hain। main aata hi hoon dene liye aur tum thande pad jaate ho lene mein। bachche kehte hain, baba maaya ke toofaan aate hain। haan, pad bhi bahut ooncha paana hai। svarga ke maalik bante ho, yeh kam baat hai kya! to mehnat karni hai। shreemat par chalte raho। vakkhar jo milta hai woh phir auron ko bhi dena pade। daan karna pade। pavitra banna hai to 5 vikaaron ka daan zaroor dena hai। mehnat karni hai। baap ko yaad karna hai, tab hi kat utregi। mukhya hai yaad। pratigya bhal karo ki baba ham vikaar mein kabhi nahin jaayenge, kisi par krodh nahin karenge। parantu yaad mein zaroor rehna hai। nahin to itne paap kaise vinaash honge। baaki knowledge to badi sahaj hai। 84 janma ka chakra kaise lagaaya hai, yeh kisko bhi tum samjha sakte ho। baaki yaad ki yaatra mein mehnat hai। bhaarat ka praacheen yog mashhoor hai। kya gyaan dete hain? manamnaabhav arthaat maamekam yaad karo to tumhaare vikarma vinaash honge। tum gaate bhi the ki aap jab aayenge to aur sang tod ek sang jodenge। tum par balihaar jaayenge। tere sivaae aur koi ko yaad nahin karenge। pratigya ki hai phir bhool kyon jaate ho? kehte bhi hain hath kaar de dil yaar de...karmayogi to tum ho। dhandha aadi karte buddhiyog baap se lagaana hai। maashook baap khud kehte hain, tum aashikon ne aadhaakalpa yaad kiya hai। ab main aaya hoon, mujhe yaad karo। yeh yaad hi ghadi-ghadi bhool jaate hain, ismen hi mehnat hai। karmaateet avastha ho jaae to phir yeh shareer hi chhodna pade। jab raajdhaani sthaapan ho jaayegi tab tum karmaateet avastha ko paayenge। abhi to sabhi purushaarthi hain। sabse jaasti mama-baba yaad karte hain। sookshm vatan mein bhi ve dekhne mein aate hain।

baap samjhaate hain - main jismen pravesh karta hoon, woh bahut janma ke ant vaala janma hai। woh bhi purushaartha kar rahe hain। karmaateet avastha mein abhi koi pahunch nahin sakte। karmaateet avastha aa jaae to phir yeh shareer rah nahin sakta। baba to bahut achhi reeti samjhaate hain। ab samajhne vaalon ki buddhi par hai। heavenly god father ek hi hai। unke paas hi gyaan ka saara vakkhar hai। vahi jaadoogar hai। aur koi se sukh-shanti-pavitrata ka varsa mil na sake। baap bahut achhi reeti samjhaate hain। bachchon ko dhaaran kar aur dhaaran karaana hai। jitna dhaarna karte hain, utna varsa lete hain। din-pratidin bahut taraavti maal milta hai। lakshmi-naaraayan dekho kitne meethe hain। un jaisa meetha banna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste। aur koi bhi satsang mein aise kehte hain kya? yeh hamaari bilkul hi nai bhaasha hai, jisko spiritual knowledge kaha jaata hai। achha!

dhaarna ke liye mukhya saar:-

1) baap dvaara jo sukh-shanti-pavitrata ka vakkhar mila hai, woh sabko dena hai। pahle vikaaron ka daan de pavitra banna hai phir avinaashi gyaan dhan ka daan karna hai।

2) devtaaon jaisa meetha banna hai। jo baapdaada se pratigya ki hai, use sada yaad rakhna hai aur baap ki yaad mein rahkar vikarma bhi vinaash karne hain।

vardaan:- nimittapan ki smriti dvaara apne har sankalp par attention rakhne vaale nivaaran swaroop bhav

nimitta bani hui aatmaon par sabhi ki nazar hoti hai isliye nimitta banne vaalon ko vishesh apne har sankalp par attention rakhna pade। agar nimitta bane hue bachche bhi koi kaaran sunaate hain to unko follow karne vaale bhi anek kaaran suna dete hain। agar nimitta banne vaalon mein koi kami hai to woh chhip nahin sakti isliye vishesh apne sankalp, vaani aur karma par attention de nivaaran swaroop bano।

slogan:- gyaani tu aatma woh hai jismen apne gun va visheshtaaon ka bhi abhimaan na ho।

ye avyakt ishaare - mahaan banne ke liye madhurta aur namrata ka gun dhaaran karo

madhurta ka gun jeevan mein tab aayega jab apni va doosre ki beeti ko na dekh andar ke sanskaaron ko saral va namrachit banaayenge। saralchit aatma ka gun hai hi madhurta। unke naynon se madhurta, mukh se madhurta aur chalan se madhurta pratyaksha roop mein dekhne mein aati hai। madhurta aur namrata, in do vishesh dhaarnaaon se sada vishwa kalyaankaari, mahaadaani, vardaani ban jaayenge aur sahaj hi sneh ka saboot de sakenge।