बुधवार 15 अप्रैल 2026 की दैनिक मुरली

15-04-2026 praatahmurli om shanti "baapdaada"' madhuban

“meethe bachche - tumhaara svadharma shant hai, sachchi shanti shantidham mein mil sakti hai, yeh baat sabko sunaani hai, svadharma mein rehna hai''

prashn:- kaun si knowledge ek baap ke paas hai jo abhi hi tum padhte ho?

uttar:- paap aur punya ki knowledge। bhaaratvaasi jab baap ko gaali dene lagte hain, tab paap aatma bante aur jab baap ko aur drama ko jaan lete hain, tab punya aatma ban jaate hain। yeh padhaai tum bachche abhi hi padhte ho। tum jaante ho sabko sadgati dene vaala ek hi baap hai। manushya, manushya ko sadgati arthaat mukti-jeevanmukti de nahin sakte।

geet:- is paap ki duniya se …

om shanti। baap baithkar bachchon ko samjhaate hain ki yeh hai paap aatmaon ki duniya va bhaarat ko hi kahenge ki bhaarat punya aatmaon ki duniya thi, jahaan devi-devtaaon ka raajya tha। yeh bhaarat sukhdhaam tha aur koi khanda nahin the, ek hi bhaarat tha। chain athva sukh us satayug mein tha jisko svarga kehte hain। yeh hai narka। bhaarat hi svarga tha, abhi narka bana hai। narka mein chain athva sukh-shanti kahaan se aaye। kaliyug ko narka kaha jaata hai। kaliyug ant ko aur hi raurav narka kaha jaata hai। duhkhadhaam kaha jaata hai। bhaarat hi sukhdhaam tha, jab in lakshmi-naaraayan ka raajya tha। bhaaratvaasiyon ka grihastha-dharma pavitra tha। purity bhi thi, sukh-shanti bhi thi, sampatti bhi bahut thi। ab vahi bhaarat patit bana hai, sab vikaari bane hain। yeh hai duhkhadhaam। bhaarat sukhdhaam tha। aur jahaan ham aatmaayen nivaas karti hain - woh hai shantidham। shanti vahaan shantidham mein hi mil sakti hai। aatma shant vahaan hi rah sakti hai, jisko sweet hom niraakaari duniya kaha jaata hai। woh hai aatmaon ka ghar। vahaan jab rehte hain to aatma shanti mein hai। baaki shanti koi jangal aadi mein jaane se nahin milti hai। shantidham to vahi hai। satayug mein sukh bhi hai, shanti bhi hai। yahaan duhkhadhaam mein shanti ho nahin sakti। shantidham mein mil sakti hai। sukhdhaam mein bhi karma hota hai, shareer se part bajaana hota hai। is duhkhadhaam mein ek bhi manushya nahin, jisko sukh-shanti ho। yeh hai bhrashtaachaari patit dhaam, tab to patit-paavan ko bulaate hain। parantu us baap ko koi jaante nahin hain isliye nidhanke ban pade hain। orphan hone kaaran aapas mein ladte-jhagadte hain। kitna duhkh-ashaanti, maara-maari hai। yeh hai hi raavanraajya। raamraajya maangate hain। raavan raajya mein na sukh hai, na shanti hai। raamraajya mein sukh-shanti donon the। aapas mein kabhi ladte-jhagadte nahin the, vahaan 5 vikaar hote hi nahin। yahaan 5 vikaar hain। pahla hai deh-abhimaan mukhya। phir kaam, krodh। bhaarat jab svarga tha to yeh vikaar nahin the। vahaan dehi-abhimaani the। ab sab manushya deh-abhimaani hain। devtaayen the dehi-abhimaani। deh-abhimaan vaale manushya kabhi kisko sukh nahin de sakte, ek do ko duhkh hi dete hain। aise mat samjho - koi lakhapti, karodapti, padmapti hain to sukhi hain। nahin, yeh to sab hai maaya ka bhabhka। maaya ka raajya hai। abhi unke vinaash ke liye yeh mahaabhaarat ladaai saamne khadi hai। iske baad phir svarga ke dvaar khulne hain। aadhaakalpa ke baad phir narka ke dvaar khulte hain। yeh baaten koi shaastron mein nahin hain। bhaaratvaasi kehte hain jab bhakti karenge tab bhagwan milega। baba kehte hain jab bhakti karte-karte bilkul neeche aa jaate hain, tab mujhe aana padta hai - svarga ki sthaapna karne arthaat bhaarat ko svarga banaane। bhaarat jo svarga tha, woh narka kaise bana? raavan ne banaaya। geeta ke bhagwan se tumko raajya mila, 21 janma svarga mein raajya kiya। phir bhaarat dvaapar se kaliyug mein aa gaya arthaat utarti kala ho gai isliye sab pukaarte rehte hain - he patit-paavan aao। patit manushya ko sukh-shanti patit duniya mein mil hi nahin sakti। kitna duhkh uthaate hain। aaj paisa chori hua, aaj devaala maara, aaj rogi hua। duhkh hi duhkh hai na। abhi tum sukh-shanti ka varsa paane ka purushaartha kar rahe ho, baap se svarga ka varsa lene ka purushaartha kar rahe ho। sada sukhi banaane vaala ek hi baap hai। sada duhkhi banaane vaala raavan hai। yeh baaten bhaaratvaasi nahin jaante hain। satayug mein duhkh ki baaten hoti nahin। kabhi rona nahin padta। sadaiv sukh hi sukh hai। vahaan deh-abhimaan athva kaam, krodh aadi hote nahin। jab tak 5 vikaaron ka daan na den tab tak duhkh ka grahan chhoot nahin sakta। kehte hain na de daan to chhoote grahan। is samay saare bhaarat ko 5 vikaaron ka grahan laga hua hai। jab tak yeh 5 vikaar ka daan na den tab tak 16 kala sampoorn devta ban na saken। baap sarva ka sadgati daata hai। kehte hain guru bigar gati nahin। parantu gati ka bhi arth samajhte nahin। manushya ki gati-sadgati maana mukti-jeevanmukti। so to baap hi de sakte hain। is samay sarva ki sadgati honi hai।

dehli ko kehte hain new dehli, puraani dehli। parantu ab new to hai nahin। new world mein new dehli hoti hai। old world mein old dehli hoti hai। barobar jamuna ka kantha tha, dehli paristaan thi। satayug tha na। devi-devtaayen raajya karte the। abhi to puraani duniya mein puraani dehli hai। nai duniya mein to in lakshmi-naaraayan ka raajya tha। bhaaratvaasi yeh bhool gaye hain। naya bhaarat, nai dehli thi to unka raajya tha aur koi khanda hi nahin tha। yeh koi bhi nahin jaante। government yeh padhaati nahin hai। jaante hain ki yeh to adhoori history hai। jab se islaami, bauddhi aaye hain। lakshmi-naaraayan ke raajya ka koi ko pata nahin hai। yeh baap hi baith samjhaate hain ki saari srishti ka chakra kaise phirta hai। jab bhaarat svarga tha to golden ez tha। ab vahi bhaarat dekho kya ban gaya hai। phir bhaarat ko heere jaisa kaun banaaye? baap kehte hain jab tum bahut paap aatma ban jaate ho tab main aata hoon punya aatma banaane। yeh drama bana hua hai, jisko koi bhi nahin jaante। yeh knowledge sivaae baap ke koi de na sake। knowledgeful baap hi hai, woh aakar padhaate hain। manushya, manushya ko kabhi sadgati de nahin sakte। jab devi devta the to sab ek do ko sukh dete the। koi bhi beemaar, rogi nahin hote the। yahaan to sab rogi hain। ab baap aaye hain phir se svarga banaane। baap svarga banaate hain, raavan narka banaate hain। yeh khel hai jisko koi bhi nahin jaante hain। shaastron ka gyaan hai philosophy, bhakti maarga। woh koi sadgati maarga nahin hai। yeh koi shaastron ki philosophy nahin hai। baap koi shaastra nahin sunaate। yahaan hai spiritual knowledge। baap ko spiritual father kaha jaata hai। woh hai aatmaon ka baap। baap kehte hain main manushya srishti ka beejroop hoon isliye knowledgeful hoon। is manushya srishti roopi jhaad ki aayu kitni hai। kaise vriddhi ko paata hai phir kaise bhakti maarga shuru hota hai, yeh main jaanta hoon। tum bachchon ko yeh knowledge dekar svarga ka maalik banaata hoon phir tum maalik ban jaate ho। yeh knowledge tumko ek hi baar milti hai phir gum ho jaati hai phir satayug treta mein is knowledge ki darkaar nahin rehti। yeh knowledge sirf tum braahmanon ko hai। devtaaon mein yeh knowledge nahin hai। to parampara se yeh knowledge aa na sake। yeh sirf tum bachchon ko ek hi baar milti hai, jisse tum jeevanmukta ban jaate ho। baap se varsa paate ho। tumhaare paas bahut aate hain, bolte hain man ki shanti kaise mile। parantu yeh kehna bhool hai। man-buddhi aatma ke organs hain, jaise shareer ke organs hain। aatma ko pattharbuddhi se paarasbuddhi baap hi aakar banaate hain - jo satayug treta tak chalti hai। phir pattharbuddhi ban padte hain। abhi phir tum pattharbuddhi se paarasbuddhi bante ho। tumhaari paarasbuddhi jo thi usmein khaad milti gai hai। ab phir paarasbuddhi kaise hon? baap kehte hain, he aatma mujhe yaad karo। yaad ki yaatra se tum pavitra banenge aur mere paas aa jaayenge। baaki jo kehte hain man ki shanti kaise mile? unhein bataao ki yahaan shanti ho kaise sakti। yeh hai hi duhkhadhaam kyonki vikaaron ki praveshta hai। yeh to behad ke baap se hi varsa mil sakta hai। phir raavan ka saath milne se patit ban jaate ho phir baap dvaara paavan banne mein second lagta hai। abhi tum aaye ho baap se jeevanmukti ka varsa lene। baap jeevanmukti ka varsa dete hain aur raavan jeevanbandh ka shraap dete hain isliye duhkh hi duhkh hai। drama ko bhi jaanna hai। duhkhadhaam mein kisko sukh-shanti mil na sake। shanti to ham aatmaon ka svadharma hai, shantidham aatma ka ghar hai। aatma kehti hai - hamaara svadharma shant hai। yeh (shareer) baaja nahin bajaata hoon, baith jaata hoon। parantu kahaan tak baithe rahenge। karma to karna hi hai na। jab tak manushya drama ko nahin samjhen tab tak duhkhi rehte hain। baap kehte hain, main hoon hi gareeb nivaaz। yahaan gareeb hi aayenge। saahookaaron ke liye to svarga yahaan hai। unhon ki takdeer mein svarga ke sukh hain nahin। baap kehte hain ham gareeb nivaaj hain। saahookaaron ko gareeb aur gareebon ko saahookaar banaata hoon। saahookaar itna oonch pad pa nahin sakte kyonki yahaan saahookaaron ko nasha hai। haan praja mein aa jaayenge। svarga mein to zaroor aayenge। parantu oonch pad gareeb paate hain। gareeb saahookaar ban jaate hain। unhein deh-abhimaan hai na ki ham dhanvaan hain। parantu baba kehte - yeh dhan-maal sab mitti mein mil jaana hai। vinaash ho jaana hai, dehi-abhimaani banne mein bahut mehnat hai। is samay sab deh-abhimaani hain। abhi tumko dehi-abhimaani banna hai। aatma kehti hai hamne 84 janma poore kiye। naatak poora hota hai, ab vaapis jaana hai। abhi kaliyug ke ant, satayug ke aadi ka sangam hai। baap kehte hain, har 5 hajaar varsha baad aata hoon, bhaarat ko phir se heere jaisa banaane। yeh history geography baap hi bata sakte hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se jeevanmukti ka varsa lene ke liye paavan zaroor banna hai। drama ki knowledge ko buddhi mein rakh duhkhadhaam mein rehte bhi duhkhon se mukta hona hai।

2) dhan-maal va saahookaari ka nasha chhod dehi-abhimaani rahne ka purushaartha karna hai।

vardaan:- vikaaron ke vansh ke ansh ko bhi samaapta karne vaale sarva samarpan va trustee bhav

jo aaeevel ke liye puraane sanskaaron ki property kinaare kar rakh lete hain। to maaya kisi na kisi reeti se pakad leti hai। puraane register ki chhoti si tukdi se bhi pakad jaayenge, maaya badi tej hai, unki catching power koi kam nahin hai isliye vikaaron ke vansh ke ansh ko bhi samaapta karo। jara bhi kisi kone mein puraane khajaane ki nishaani na ho - isko kaha jaata hai sarva samarpan, trustee va yagya ke snehi sahayogi।

slogan:- kisi ki visheshta ke kaaran usse vishesh sneh ho jaana - ye bhi lagaav hai।

ye avyakt ishaare - mahaan banne ke liye madhurta aur namrata ka gun dhaaran karo

madhurta hi mahaanta hai, isse man aur mukh ka kaduvaapan samaapta ho jaata hai। krodh agni sheetal ho jaati hai। baapdaada apne har bachche ko sheetal devta banaana chaahte hain isliye madhurta ke gun ko dhaaran karo। aapka mukhda bhi meetha ho। madhurta ke gun se bharpoor bano, jo bhi samparka mein aaye use madhur bol va shaktishaali drishti se bharpoor karo।