गुरुवार 16 अप्रैल 2026 की दैनिक मुरली

16-04-2026 praatahmurli om shanti "baapdaada"' madhuban

“meethe bachche - yog se hi aatma ki khaad niklegi, baap se poora varsa milega, isliye jitna ho sake yogbal badhaao''

prashn:- devi devtaaon ke karma shreshtha the, abhi sabke karma bhrashta kyon bane hain?

uttar:- kyonki apne asli dharma ko bhool gaye hain। dharma bhoolne ke kaaran hi jo karma karte hain woh bhrashta hote hain। baap tumhein apne sat dharma ki pahchaan dete hain, saath-saath saare world ki history-geography sunaate hain, jo sabko sunaani hai, baap ka satya parichay dena hai।

geet:- mukhda dekh le praani…

om shanti। yeh kisne kaha aur kisko? baap ne kaha bachchon ko। jin bachchon ko patit se paavan bana rahe hain। bachche jaan gaye hain ham bhaaratvaasi jo devi devta the, woh ab 84 janmon ka chakra lagaae satopradhaan se paas kar sato, rajo, tamo aur ab tamopradhaan ban gaye hain। ab phir patiton ko paavan banaane vaala baap kehte hain, apne dil se poochho ki kahaan tak ham punya aatma bane hain? tum satopradhaan pavitra aatma the, jab yahaan pahle-pahle tum devi-devta kahlaate the, jisko aadi sanaatan devi devta dharma kaha jaata tha। abhi koi bhaaratvaasi apne ko devi devta dharma ke nahin kahlaate। hindu to koi dharma hai nahin। parantu patit hone ke kaaran apne ko devta kahla nahin sakte। satayug mein devtaayen pavitra the। pavitra pravritti maarga tha, yatha raaja-raani tatha praja pavitra the। bhaaratvaasiyon ko baap yaad dilaate hain ki tum pavitra pravritti maarga vaale aadi sanaatan devi devta dharma vaale the, usko svarga kaha jaata tha। vahaan ek hi dharma tha। pahla number mahaaraaja-mahaaraani, lakshmi-naaraayan the। unki bhi dynasty thi aur bhaarat bahut dhanvaan tha, woh satayug tha। phir aaye treta mein tab bhi poojya devi-devta va kshatriy kahlaate the। woh lakshmi-naaraayan ka raajya, woh seeta-raam ka raajya, woh bhi dynasty chali। jaise Christian mein Edward di first, second...... aise chalta hai। vaise bhaarat mein bhi aise tha। 5 hajaar varsha ki baat hai arthaat 5 hajaar varsha pahle bhaarat par in lakshmi-naaraayan ka raajya tha। parantu unhonne yeh raajya kab aur kaise paaya - yeh koi nahin jaante। vahi sooryavanshi raajya phir chandravanshi mein aaya kyonki punarjanma lete-lete seedhi utarni hai। yeh bhaarat ki history-geography koi nahin jaante। rachta hai baap to zaroor satayugi nai duniya ka rachta thahra। baap kehte hain bachche, tum aaj se 5 hajaar varsha pahle svarga mein the। yeh bhaarat svarga tha phir narka mein aaye hain। duniya to is world ki history-geography ko nahin jaanti। woh to adhoori sirf pichhaadi ki history jaante hain। satayug-treta ki history-geography ko koi nahin jaante। rishi-muni bhi kehte gaye ham rachta aur rachna ke aadi-madhya-ant ko nahin jaante hain। jaane bhi koi kaise, baap tumko hi baith samjhaate hain। shivbaaba bhaarat mein hi divya janma lete hain, jiski shiv jayanti bhi hoti hai। shivjayanti ke baad phir chaahiye geeta jayanti। phir saath-saath honi chaahiye shreekrishna jayanti। parantu is jayanti ka raaz bhaaratvaasi jaante nahin hain ki shiv jayanti kab hui! aur dharma vaale to jhat bataayenge - buddha jayanti, Christ jayanti kab hui। bhaaratvaasiyon se poochho shivjayanti kab hui? koi nahin bataayenge। shiv bhaarat mein aaya, aakar kya kiya? koi nahin jaante। shiv thahra sab aatmaon ka baap। aatma hai avinaashi। aatma ek shareer chhod doosra leti hai। yeh 84 ka chakra hai। shaastron mein to 84 laakh janma ka gapoda laga diya hai। baap aakar right baat bataate hain। baap ke sivaae baaki sab rachta aur rachna ke liye jhooth hi bolte hain kyonki yeh hai hi maaya ka raajya। pahle tum paarasbuddhi the, bhaarat paaraspuri tha। sone, heere, javaahron ke mahal the। baap baith rachta aur rachna ke aadi-madhya-ant ka raaz arthaat duniya ki history-geography bataate hain। bhaaratvaasi yeh nahin jaante ki ham so pahle-pahle devi-devta the, abhi patit, kangaal, irreligious ban gaye hain, apne dharma ko bhool gaye hain। yeh bhi drama anusaar hona hai। to yeh world ki history-geography buddhi mein aani chaahiye na। oonch te oonch sarva aatmaon ka baap mool vatan mein rehte hain, phir hai sookshm vatan। yeh hai sthoolavtan। sookshm vatan mein sirf brahma-vishnu-shankar rehte hain। unki doosri koi history-geography nahin hai। yeh teen tabke hain। god is one। unki rachna bhi ek hai, jo chakra phirta rehta hai। satayug se treta phir dvaapar, kaliyug mein aana pade। 84 janmon ka hisaab chaahiye na, jo koi bhi nahin jaante hain। na koi shaastra mein hai। 84 janmon ka part tum bachche hi bajaate ho। baap to is chakra mein nahin aate hain। bachche hi paavan se patit ban jaate hain isliye chillaate hain - baba aakar hamko phir se paavan banaao। ek ko hi sab pukaarte hain। raavan raajya mein jo sab duhkhi ho pade hain, unko aakar liberate karo phir raam-raajya mein le jaao। aadhaakalpa hai raamraajya। aadhaakalpa hai raavan raajya। bhaaratvaasi jo pavitra the vahi patit bante hain। vaam maarga mein jaane se patit hona shuru hote hain। bhakti maarga shuru hota hai। abhi tum bachchon ko gyaan sunaaya jaata hai, jisse aadhaakalpa, 21 janma ke liye tum sukh ka varsa paate ho। aadhaakalpa gyaan ki praalabdha chalti hai, phir raavan raajya hota hai। girne lag padte hain। tum daivi raajya mein the phir aasuri raajya mein aa gaye ho, isko hell bhi kehte hain। tum heaven mein the phir 84 janma paas kar hell mein aakar pade ho। woh tha sukhdhaam। yeh hai duhkhadhaam, 100 percent insolvent। 84 janmon ka chakra lagaate, vahi bhaaratvaasi poojya se pujaari ban gaye hain। isko hi world ki history-geography kaha jaata hai। yeh hai saara tum bhaaratvaasiyon ka chakra, aur dharma vaale to 84 janma nahin lete hain। woh satayug mein hote hi nahin। satayug treta mein sirf bhaarat hi tha। sooryavanshi, chandravanshi phir vaishya vanshi, shoodravanshi....abhi phir tum aakar brahman vanshi bane ho, devta vanshi banne ke liye। yeh hai bhaarat ke varna। abhi tum brahman banne se shivbaaba se varsa le rahe ho। baap tumko padha rahe hain, 5 hajaar varsha pahle muaaphik। kalpa-kalpa tum paavan ban phir patit bante ho। sukhdhaam mein jaakar phir duhkhadhaam mein aate ho। phir shantidham mein jaana hai, jisko niraakaari duniya kaha jaata hai। aatma kya hai, paramatma kya hai, yeh koi bhi manushya nahin jaante hain। aatma bhi ek star bindi hai। kehte hain - bhrakuti ke beech mein sitaara chamakta hai, chhoti si bindi hai, jisko divya drishti se dekha ja sakta hai। vaastav mein star bhi nahin kaha jaayega। star to bahut bada hai - sirf door hone ke kaaran chhota dikhaai padta hai। yeh sirf ek misaal diya jaata hai। aatma itni chhoti hai jaise oopar mein star chhota dikhaai padta hai। baap ki aatma bhi ek bindi misal hai। unko supreme aatma kaha jaata hai। unki mahima alag hai। manushya srishti ka chaitanya beej roop hone ke kaaran unmein saara gyaan hai। tumhaari aatma ko bhi abhi knowledge mil rahi hai। aatma hi knowledge grahan kar rahi hai, itni chhoti bindi mein 84 janmon ka part noondha hua hai। so bhi avinaashi, 84 janmon ka chakra lagaate aaye ho। iski end ho nahin sakti। devta the, daitya bane phir so devta banna hai। yeh chakra chalta aaya hai। baaki to sab hain by-plot। islaami, bauddhi aadi koi 84 janma nahin lete hain। yahi satayug bhaarat mein righteous solvent tha phir 84 janma le vicious bane hain। yeh vicious world hai। 5 hajaar varsha pahle purity thi, pees bhi thi, prosperity bhi thi। baap bachchon ko yaad dilaate hain। mukhya hai - purity isliye kehte hain vicious ko viceless banaane vaale aao। vahi sadgati dene vaala hai, isliye vahi satguru hai। abhi tum baap dvaara beggar tu prince ban rahe ho athva nar se naaraayan, naari se lakshmi bante ho। tumhaara yeh raajayog hai। bhaarat ko hi ab baap dvaara raajaai milti hai। aatma hi 84 janma leti hai। aatma hi padhti hai, shareer dvaara। shareer nahin padhta। aatma sanskaar le jaati hai। main aatma is shareer dvaara padhti hoon - isko dehi-abhimaani kaha jaata hai। aatma alag ho jaati hai to shareer koi kaam ka nahin rehta hai। aatma kehti hai, ab main punya aatma ban rahi hoon। manushya deh-abhimaan mein aakar kah dete hain yeh karta hoon....tum abhi samajhte ho ham aatma hain, yeh hamaara shareer bada hai। paramatma baap dvaara main aatma padh rahi hoon। baap kehte hain, maamekam yaad karo। tum golden ej mein satopradhaan the phir tumhaare mein alloy padi hai। khaad padte-padte tum paavan se patit ban pade ho। ab phir paavan banna hai isliye kehte hain - he patit-paavan aao, aakar hamko paavan banaao, to baap raay dete hain he patit aatma mujh baap ko yaad karo to tumhaare se khaad niklegi aur tum paavan ban jaayenge। unko praacheen yog kaha jaata hai। is yaad arthaat yog agni se khaad bhasma hogi। mool baat hai - patit se paavan banna। saadhu-santa aadi sab patit hain। paavan banne ka upaay baap hi bataate hain - maamekam yaad karo। yeh antim janma pavitra bano। khaate-peete, chalte-phirte maamekam yaad karo kyonki tum sab aatmaon ka (aashikon ka) maashook, main hoon। tumko hamne paavan banaaya tha phir patit bane ho। sabhi bhaktiyaan aashik hain। maashook kehte hain karma bhi bhal karo। buddhi se mujhe yaad karte raho to vikarma vinaash honge। yeh mehnat hai। to baap ko yaad karna chaahiye na, varsa paane ke liye। jo jaasti yaad karenge unko varsa bhi jaasti milega। yeh hai yaad ki yaatra। jo jaasti yaad karenge vahi paavan ban aakar mere gale ka haar banenge। sabhi aatmaon ka niraakaari duniya mein ek sijra bana hua hai। unko incorporeal tree kaha jaata hai। yeh hai corporeal tree, niraakaari duniya se sabko nambarvaar aana hai, aate hi rehna hai। jhaad kitna bada hai। aatma yahaan aati hai part bajaane। jo bhi sab aatmaayen hain, sabhi is drama ke actors hain। aatma avinaashi hai, usmein part bhi avinaashi hai। drama kab bana, yeh kah nahin sakte। yeh chalta hi rehta hai। bhaaratvaasi pahle-pahle sukh mein the phir duhkh mein aaye, phir shantidham mein jaana hai। phir baap sukhdhaam mein bhej denge। usmein jo jitna purushaartha kar oonch pad paaye, baap kingdom sthaapan karte hain। usmein purushaartha anusaar raajaai mein pad paayenge। satayug mein to zaroor thode manushya honge। aadi sanaatan devi devta dharma ka jhaad chhota hai, baaki sab vinaash ho jaayenge। yeh aadi sanaatan devi devta dharma sthaapan ho raha hai arthaat svarga ke get khul rahe hain। 5 hajaar varsha pahle bhi is ladaai ke baad svarga ki sthaapna hui thi। anek dharma vinaash ho gaye the। is ladaai ko kaha jaata hai, kalyaankaari ladaai। ab narka ke get khule hain, phir svarga ke get khulenge। svarga ke dvaar baap kholte hain, narka ke dvaar raavan kholte hain। baap varsa dete hain, raavan shraap dete hain। yeh baaten duniya nahin jaanti, tum bachchon ko samjhaata hoon। education minister bhi behad ki knowledge chaahte hain। so to tum hi de sakte ho। parantu tum ho gupta। tumko pahchaante hi nahin hai। tum yogbal se apni raajaai le rahe ho। lakshmi-naaraayan ne yeh raajya kaise paaya so tum jaante ho। isko kaha jaata hai auspicious kalyaankaari yug। jabki baap aakar paavan banaate hain। shreekrishna ko to sabhi baap nahin kahenge। baap niraakaar ko kaha jaata hai, us baap ko yaad karna hai, paavan bhi banna hai। vikaaron ko zaroor chhodna pade। bhaarat viceless sukhdhaam tha ab vicious, duhkhadhaam hai। worth not A penny hai। yeh drama ka khel hai, jisko buddhi mein dhaaran karke auron ko bhi karaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad se paavan ban baap ke gale ka haar banna hai। karma karte bhi baap ki yaad mein rah vikarmaajeet banna hai।

2) punya aatma banne ka poora-poora purushaartha karna hai। deh-abhimaan chhod dehi-abhimaani banna hai।

vardaan:- apne buddhi roopi netra ko clear aur careful rakhne vaale master knowledgeful, powerful bhav

jaise jyotishi apne jyotish ki knowledge se, grahon ki knowledge se aane vaali aapdaaon ko jaan lete hain, aise aap bachche in advance maaya dvaara aane vaale papers ko parakhkar paas with honour banne ke liye apne buddhi roopi netra ko clear banaao aur careful raho। din pratidin yaad ki va silence ki shakti ko badhaao to pahle se hi maaloom padega ki aaj kuchh hone vaala hai। master knowledgeful, powerful bano to kabhi haar nahin ho sakti।

slogan:- pavitrata hi naveenta hai aur yahi gyaan ka foundation hai।

ye avyakt ishaare - mahaan banne ke liye madhurta aur namrata ka gun dhaaran karo

aap bachchon ki chalan mein madhurta aur mansa mein behad ki vairaagya vritti ho। donon smriti rahe to paas with honours ban jaayenge। madhurta aur namrata in vishesh do dhaarnaaon se sada vishwa kalyaankaari, mahaadaani, vardaani ban jaayenge aur sahaj hi sneh ka saboot de sakenge।