बुधवार 6 मई 2026 की दैनिक मुरली

06-05-2026 praatahmurli om shanti "baapdaada"' madhuban

“meethe bachche - jab tum sampoorn paavan banoge tab hi baap tumhaari balihaari sveekaar karenge, apni dil se poochho ham kitna paavan bane hain!''

prashn:- tum bachche abhi khushi-khushi se baap par bali chadhte ho - kyon?

uttar:- kyonki tum jaante ho, abhi ham balihaar jaate hain to baap 21 janmon ke liye balihaar jaate hain। tum bachchon ko yeh bhi maaloom hai ki ab is avinaashi roodra gyaan yagya mein sab manushya-maatra ko svaaha hona hi hai isliye tum pahle hi khushi-khushi se apna tan-man-dhan sab kuchh svaaha kar saphal kar lete ho।

geet:- mukhda dekh le praani…

om shanti। shiv bhagvaanuvaach। zaroor apne bachchon prati hi knowledge sikhaate hain va shreemat dete hain - he bachchon va he praani, shareer se praan nikal jaate hain va aatma nikal jaati hai, ek hi baat hai। he praani athva he bachche, tumne dekha ki mere jeevan mein kitna paap tha aur kitna punya tha! hisaab to bata diya hai - tumhaare jeevan mein aadhaakalpa punya, aadhaakalpa paap hote hain। punya ka varsa baap se milta hai, jisko raam kehte hain। raam, niraakaar ko kaha jaata hai, na ki seeta vaala raam। to ab tum bachche jo aakar ke brahma mukh vanshaavli brahman bane ho, tumhaari buddhi mein aaya hai barobar aadhaakalpa ham punya-aatma hi the phir aadhaakalpa paap-aatma bane। abhi punya-aatma banna hai। kitna punya-aatma bane hain, woh har ek apni dil se poochhe। paap-aatma se punya-aatma kaise banenge.... woh bhi baap ne samjhaaya hai। yagya, tap aadi se tum punya-aatma nahin banenge, woh hai bhakti maarga, isse koi bhi manushya punya-aatma nahin bante hain। abhi tum bachche samajhte ho, ham punya-aatma ban rahe hain। aasuri mat se paap-aatma bante-bante seedhi utarte hi aaye hain। kitna samay ham punya-aatma bante hain va sukh ka varsa lete hain - yeh kisko pata nahin hai। us baap ko yaad to sabhi manushya karte hain, unko hi parampita paramatma kehte hain। brahma-vishnu-shankar ko paramatma nahin kahenge aur kisko paramatma nahin kah sakte hain। bhal is samay tum prajaapita brahma kehte ho parantu prajaapita ko kabhi bhaktimaarga mein yaad nahin karte hain। yaad sabhi phir bhi niraakaar baap ko hi karte hain - O god father, O bhagwan akshar hi nikalte hain। ek ko hi yaad karte hain। manushya apne ko god father kah na saken। na hi brahma-vishnu-shankar apne ko god father kah sakte hain। unke shareer ka naam to hai na। ek hi god father hai, unko apna shareer nahin hai। bhakti maarga mein bhi shiv ki bahut pooja karte hain। abhi tum bachche jaante ho - shivbaaba is shareer dvaara hamse baat karte hain - he bachchon, kitna pyaar se kehte hain samajhte hain, main sarva ka patit-paavan, sadgati daata hoon। manushya baap ki mahima karte hain na lekin unko yeh pata nahin hai ki 5 hajaar varsha baad aate hain। zaroor jab kaliyug ka ant hoga tab hi to aayenge। abhi kaliyug ka ant hai to zaroor ab aaya hua hai। tumko shreemat milti hai, shreemat koi shreekrishna ki nahin hai। shreekrishna ki aatma bhi shreemat se so devta bani thi phir 84 janma lete ab tum aasuri mat ke bane ho। baap kehte hain - main aata hi tab hoon jab tumhaara chakra poora hota hai। tum jo shuru mein aaye the, ab jadajdeebhoot avastha mein ho। jhaad puraana jadajdeebhoot hota hai to saara jhaad aisa ho jaata hai। baap samjhaate hain - tumhaare tamopradhaan banne se sab tamopradhaan ban gaye hain। yeh manushya srishti ka, variety dharmon ka jhaad hai, isko ulta jhaad kehte hain, iska beej oopar mein hai। us beej se hi saara jhaad nikalta hai। manushya kehte bhi hain “god father''। aatma kehti hai, aatma ka naam aatma hi hai। aatma shareer mein aati hai to shareer ka naam rakha jaata hai, khel chalta hai। aatmaon ki duniya mein khel nahin chalta। khel ki jagah hi yeh hai। naatak mein roshni aadi sab hoti hai। baaki jahaan aatmaayen rehti hain, vahaan soorya chaand nahin hain, drama ka khel nahin chalta hai। raat-din yahaan hote hain। sookshm vatan va mool vatan mein raat-din nahin hote, karmakshetra yeh hai। ismen manushya achhe karma bhi karte hain, bure karma bhi karte hain। satayug-treta mein achhe karma hote hain kyonki vahaan 5 vikaar roopi raavan ka raajya hi nahin। baap baith karma, akarma, vikarma ka raaz bataate hain। karma to karna hi hai, yeh karmakshetra hai। satayug mein jo manushya karma karte hain woh akarma ho jaata hai। vahaan raavanraajya hi nahin, unko heaven kaha jaata hai। is samay heaven hai nahin। satayug mein ek hi bhaarat tha aur koi khanda nahin tha। heavenly god father kehte hain to baap zaroor heaven hi rachenge। yeh sab nation vaale jaante hain ki bhaarat praacheen desh hai। pahle-pahle sirf bhaarat hi tha, yeh koi nahin jaante hain। abhi to nahin hai na। yeh hai hi 5 hajaar varsha ki baat। kehte bhi hain Christ se 3 hajaar varsha pahle bhaarat heaven tha। rachayita zaroor rachna rachenge। tamopradhaan buddhi hone kaaran itna bhi nahin samajhte। bhaarat to sabse oonch khanda hai। pahli biraadri hai, manushya srishti ki। yeh bhi drama bana hua hai। saahookaar gareebon ko madad karte hain, yeh bhi chala aata hai। bhakti maarga mein bhi saahookaar gareebon ko daan karte hain। parantu yeh hai hi patit duniya। to jo, jo kuchh bhi daan punya karte hain, patit hi karte hain, jisko daan karte hain woh bhi patit hain। patit, patit ko daan karenge, unka phal kya paayenge। bhal kitna bhi daan-punya karte aaye hain, phir bhi girte aaye hain। bhaarat jaisa daani khanda aur koi nahin hota। is samay tumhaara jo bhi tan, man, dhan hai, sab ismen svaaha karte ho, inko kaha jaata hai raajasva ashvamedh avinaashi gyaan yagya। aatma kehti hai - yeh jo puraana shareer hai, inko bhi yahaan svaaha karna hai kyonki tum jaante ho - saari duniya ke manushya-maatra ismen svaaha hote hain, isliye ham kyon nahin khushi se baba par bali chadh jaayen। aatma jaanti hai - ham baap ko yaad karte hain। kehte bhi aaye hain, baba aap jab aayenge to ham balihaar jaayenge kyonki ab hamaare balihaar jaane se aap phir 21 janma ke liye balihaar jaayenge। yeh saudaagri hai। ham aap par balihaar jaate hain to aap bhi to 21 baar balihaar jaate hain। baap kehte hain - jab tak tumhaari aatma pavitra nahin bani hai tab tak ham balihaari sveekaar nahin karte hain।

baap kehte hain - maamekam yaad karo to aatma pure ban jaayegi। baap ko bhoolne se tum kitne patit duhkhi hue ho। manushya duhkhi hote hain to phir sharnaagti lete hain। abhi tum 63 janma raavan se bahut duhkhi hue ho। ek seeta ki baat nahin, sab seetaayen hain, jo bhi manushya maatra hain। raamaayan mein to kahaani likh di hai। seeta ko raavan ne shok vaatika mein daala। vaastav mein baat saari is samay ki hai। sabhi raavan arthaat 5 vikaaron ki jel mein hain isliye duhkhi ho pukaarte hain - hamko inse chhudaao। ek ki baat nahin। baap samjhaate hain saari duniya raavan ki jel mein hai। raavan raajya hai na। kehte bhi hain - raamraajya chaahiye। gaandhi ne bhi kaha, sannyaasi kabhi aise nahin kahenge ki raamraajya chaahiye। bhaaratvaasi hi kahenge। is samay aadi sanaatan devi-devta dharma hai nahin aur branches hain, satayug tha। ek hi aadi sanaatan devi-devta dharma tha। abhi woh naam hi badla hua hai। apne dharma ko bhool phir aur-aur dharma mein convert hote jaate hain। musalmaan aaye kitne hinduon ko apne dharma mein convert kar liya। Christian dharma mein bhi bahut convert hue hain isliye bhaaratvaasiyon ki jansankhya kam ho gai hai। nahin to bhaaratvaasiyon ki jansankhya sabse jaasti honi chaahiye। anek dharmon mein convert ho gaye hain। baap kehte hain - tumhaara jo aadi sanaatan devi-devta dharma hai, woh sabse oonch hai। satopradhaan the, ab vahi badalkar phir tamopradhaan bane hain। ab tum bachche samajhte ho - gyaan saagar, patit-paavan jisko bulaate hain, vahi sammukh padha rahe hain। woh gyaan ka saagar, prem ka saagar hai। Christ ki aisi mahima nahin karenge। shreekrishna ko gyaan ka saagar, patit-paavan nahin kaha jaata hai। saagar ek hota hai। chaaron taraph all-round saagar hi saagar hai। do saagar nahin hote hain। yeh manushya srishti ka naatak hai, ismen sabka alag-alag part hai। baap kehte hain mera kartavya sabse alag hai, main gyaan ka saagar hoon। mujhe hi tum pukaarte ho he patit-paavan, phir kehte ho liberator। liberate kisse karte hain? yeh bhi koi nahin jaante। tum jaante ho, ham satayug-treta mein bahut sukhi the, usko svarga kaha jaata hai। abhi to hai hi narka isliye pukaarte hain - duhkh se liberate kar sukhdhaam le chalo। sannyaasi kabhi nahin kahenge ki phalaana svargavaasi hua, woh phir kehte hain paar nirvaan gaya। vilaayat mein bhi kehte hain left for heavenly abode। samajhte hain, god father paas gaye। heavenly god father kehte hain, barobar heaven tha। ab nahin hai। hell ke baad heaven chaahiye। god father ko yahaan aakar heaven sthaapan karna hai। sookshm vatan, mool vatan mein koi heaven nahin hota hai। zaroor baap ko hi aana padta hai।

baap kehte hain - main aakar prakriti ka aadhaar leta hoon, mera janma manushyon muaaphik nahin hai। main garbha mein nahin aata hoon, tum sabhi garbha mein aate ho। satayug mein garbha mahal hota hai kyonki vahaan koi vikarma hota nahin jo saja bhogen isliye usko garbha mahal kaha jaata hai। yahaan vikarma karte, jiski saja bhogni padti hai, isliye garbha jel kaha jaata hai। yahaan raavan raajya mein manushya paap karte rehte hain। yeh hai hi paap aatmaon ki duniya। woh hai punya aatmaon ki duniya - svarga, isliye kehte hain peepal ke patte par shreekrishna aaya। yeh shreekrishna ki mahima dikhaate hain। satayug mein garbha mein duhkh nahin hota hai। baap karma-akarma-vikarma ki gati samjhaate hain jiska phir shaastra geeta banaaya hai। parantu usmein shiv bhagvaanu-vaach ke badle shreekrishna ka naam daal diya hai। ab tum jaante ho, ham behad ke baap se behad sukh ka varsa lete hain। abhi bhaarat raavan se shraapit hai isliye durgati ho gai hai। yeh bada shraap bhi drama mein noondha hua hai। baap aakar var dete hain - aayushvaan bhav, putravaan bhav, sampattivaan bhav..... sabhi sukh ka varsa dete hain। tumko aakar padhaate hain, jis padhaai se tum devta bante ho। yeh nai rachna ho rahi hai। brahma dvaara tumko baap apna banaate hain। gaaya bhi jaata hai prajaapita brahma। tum unke bachche brahmaakumaar-kumaariyaan bane ho। daade se varsa baap dvaara lete ho। aage bhi liya tha। ab phir baap aaya hai। baap ke bachche to phir baap ke paas jaane chaahiye। parantu gaaya hua hai, prajaapita brahma dvaara manushya srishti ki sthaapna hoti hai। to yahaan hogi na। aatma ke sambandh mein kahenge ham bhaai-bhaai hain। prajaapita brahma ki santaan banne se tum bhaai-behen bante ho। is samay tum sab bhaai-behen ho, tumne baap se varsa liya tha। ab bhi baap se varsa le rahe ho। shivbaaba kehte hain - mujhe yaad karo। tum aatma ko shivbaaba ko yaad karna hai। yaad karne se hi tum paavan banenge aur koi upaay nahin hai। paavan banne sivaae tum muktidhaam mein ja bhi nahin sakte ho। jeevanmuktidhaam mein pahle-pahle aadi sanaatan devi-devta dharma tha phir nambarvaar aur-aur dharma aaye। baap ant mein aakar sabko duhkhon se mukta karte hain। unko kaha bhi jaata hai liberator। baap kehte hain - tum sirf mujhe yaad karo to tumhaare paap bhasma ho jaayenge। bulaate bhi ho baba aao - hamko patit se paavan banaao। teacher to padhaate hain, ismen charitra karte hain kya? yeh bhi padhaai hai। baap gyaan ka saagar hi aakar gyaan dete hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) karma, akarma aur vikarma ki gati ko jaan ab koi vikarma nahin karna hai। karmakshetra par karma karte hue vikaaron ka tyaag karna hi vikarma se bachna hai।

2) aisa paavan banna hai jo hamaari balihaari baap sveekaar kar le। paavan bankar paavan duniya mein jaana hai। tan-man-dhan is yagya mein svaaha kar saphal karna hai।

vardaan:- knowledge ki light might dvaara vighna-vinaashaak banne vaale master knowledgeful bhav

bhakti maarga mein ganesh ko vighna-vinaashak kahkar poojte hain, saath-saath unhein master knowledgeful arthaat vidyaapti bhi maante hain। to jo bachche master knowledgeful bante hain ve kabhi vighnon se haar nahin kha sakte kyonki knowledge ko light-might kaha jaata hai, jisse manzil par pahunchna sahaj ho jaata hai। aise jo vighna-vinaashak hain, baap ke saath sada combined rehte hue knowledge ka simran karte rehte hain ve kabhi vighna haar nahin ban sakte।

slogan:- andar baahar jo bhi buraaeeyaan hain unhein sampoorn will kar do to will-power aa jaayegi।

ye avyakt ishaare - sada achal, adol, ekras sthiti ka anubhav karo

abhi anubhvi ban auron ko bhi achal adol banaane ka, anubhav karaane ka samay hai। abhi khel karne ka samay samaapta hua। ab sada samartha ban nirbal aatmaon ko samartha banaate chalo। aap logon mein nirbalta ke sanskaar honge to doosron ko bhi nirbal bana denge। gyaan ki har point ka anubhvi banne ke liye ekaantapriy bano, ekaagrata ka abhyaas badhaao।