मंगलवार 12 मई 2026 की दैनिक मुरली

12-05-2026 praatahmurli om shanti "baapdaada"' madhuban

“meethe bachche - abhi vinaash ka samay bahut sameep hai isliye ek baap se sachchi preet rakho, kisi dehdhaari se nahin''

prashn:- jin bachchon ki sachchi preet ek baap se hogi unki nishaaniyaan kya hongi?

uttar:- 1- unka buddhiyog kisi bhi dehdhaari ke taraph ja nahin sakta। woh aapas mein ek do ke aashik - maashook nahin banenge। 2- jinki sachchi preet hai woh sada vijayi bante hain। vijayi banna arthaat satayug ka mahaaraaja-mahaaraani banna। 3- preet buddhi sada baap ke saath sachche rehte hain। kuchh bhi chhipa nahin sakte। 4- roz amritvele uth pyaar se baap ko yaad karenge। 5- dadheechi rishi ki tarah service mein haddiyaan denge। 6- unki buddhi duniyaavi baaton mein bhatak nahin sakti।

geet:- na woh hamse juda honge…

om shanti। yeh brahma mukh vanshaavli, brahman kul bhooshan pratigya karte hain kyonki unki preeti ek baap se juti hui hai। tum jaante ho - yeh vinaash ka samay hai। baap bachchon ko samjhaate hain ki vinaash to hona hi hai। vinaash kaale jinki preet baap ke saath hogi, vahi vijay paayenge arthaat satayug ke maalik banenge। shivbaaba ne samjhaaya hai - vishwa ka maalik to raaja bhi bante hain to praja bhi banti hai, parantu position mein bahut farka hai। jitna baap se preet rakhenge, yaad mein rahenge utna oonch pad paayenge। baba ne samjhaaya hai - baap ki yaad se hi tumhaare vikarmon ka bojha bhasma hoga। tum likh sakte ho ki vinaash kaale vipreet buddhi... yeh likhne mein koi dar ki baat hi nahin hai। baap kehte hain - main khud kehta hoon ki unka vinaash hoga aur preet buddhi vaalon ki vijay hogi। baba bilkul clear kah dete hain। is duniya mein preet to koi ki hai nahin। tumhaari hi preet hai। baba kehte - bachche, paramatma aur shreekrishna ki mahima alag-alag likho to siddha ho jaae ki geeta ka bhagwan kaun? yeh to zaroori hai na। doosra baba samjhaate hain - gyaan ka saagar, patit-paavan parampita ya paani ki nadiyaan? gyaan ganga va paani ki ganga? yeh to bahut sahaj hai। doosri baat - jab pradarshani karte ho to sabse pahle nimantran dena chaahiye, geeta paathshaala vaalon ko। woh to dher hain। unhon ko khaas nimantran dena chaahiye। jo shreemat bhagvat geeta ka abhyaas karte hain, unko pahle nimantran dena chaahiye kyonki vahi bhoole hue hain aur sabhi ko bhulaate rehte hain। unko bulaana chaahiye ki ab aakar judge karo phir jo samajh mein aaye so karna। to manushya bhi samjhen - yeh geeta vaalon ko bulaate hain। shaayad inhon ka geeta par hi prachaar hai। geeta se hi svarga ki sthaapna hui hai। geeta ki bahut mahima hai parantu bhakti maarga ki geeta nahin।

baap kehte hain - main tumhein satya hi satya bataata hoon। manushya jo arth karte hain woh bilkul wrong hain। koi bhi satya nahin kehte, main hi satya bataata hoon। paramatma ko sarvavyaapi kehna bhi satya nahin hai, yeh sab vinaash ko praapta honge aur kalpa-kalpa hote bhi hain। tumko pahli-pahli mukhya baat yeh samjhaani hai। baap kehte hain - yooropvaasi yaadvon ki hai vinaash kaale vipreet buddhi। vinaash ke liye achhi reeti taiyaariyaan kar rahe hain parantu pattharbuddhi samajh nahin sakte hain। tum bhi pattharbuddhi the, ab paarasbuddhi banna hai। paarasbuddhi the phir pattharbuddhi kaise bane hain! yeh bhi wonder hai। baap ko kaha hi jaata hai knowledgeful, merciful। baaki jo apna hi kalyaan karne nahin jaante, woh doosron ka kalyaan kaise karenge! jo knowledge hi dhaaran nahin karte to pad bhi aisa paate hain, jo serviceable hain vahi oonch pad paayenge। unko hi baap pyaar bhi karte hain। nambarvaar purushaartha anusaar hote hi hain। kai to yeh bhi samajhte nahin ki hamaari baap se preet nahin hai to pad bhi nahin milega। chaahe sage banen va sautele banen, vinaash kaale preet buddhi nahin hogi, baap ko follow nahin karenge to jaakar kam pad paayenge। daiveegun bhi chaahiye। kabhi jhooth nahin bolna chaahiye। baap kehte hain - main satya kehta hoon, jo mere se preet nahin karte to pad bhi nahin milega। koshish kar 21 janma ka poora varsa lena hai। to pradarshani, mele par pahle-pahle geeta paathshaala vaalon ko nimantran dena hai kyonki vo bhakta thahre na। geeta-paathi zaroor shreekrishna ko yaad karte honge parantu samajhte kuchh nahin hain। shreekrishna ne murli bajaai, raadhe phir kahaan gai। sarasvati ko banjo de diya hai, murli phir shreekrishna ko de di hai। manushya kehte hain - hamko allaah ne paida kiya, parantu allaah ko jaante nahin। bhaarat ki hi baat hai। bhaarat mein hi devtaaon ka raajya tha, unhon ke chitra mandiron mein pooje jaate hain। baaki kings aadi ke statue to baahar laga dete hain, jis par panchhi aadi kichda daalte rehte hain। lakshmi-naaraayan, raadhe-krishna aadi ko kitna first class jagah par bithaate hain। unhon ko mahaaraaja-mahaaraani kehte hain, king angreji akshar hai। kitna laakhon roopaya kharcha kar mandir banaate hain kyonki woh mahaaraaja pavitra the। yatha raaja-raani tatha praja sab poojya hain। tum hi poojya phir pujaari bante ho। to pahli baat hai, baap ko yaad karo। baap ko yaad karne ka abhyaas karne se dhaarna hogi। ek ke saath preet nahin hai to phir aur aur ke saath lag jaati hai। aisi-aisi bachchiyaan hain, jo ek do ko itna pyaar karti hain jo shivbaaba ko bhi itna nahin karti। shivbaaba kehte hain - tumko buddhiyog mere saath lagaana hai ya ek do mein aashik-maashook ban jaana hai! phir mere ko bilkul hi bhool jaate hain। tumko to buddhiyog mere saath jodna hai, ismen mehnat lagti hai। buddhi tootti hi nahin hai। shivbaaba ke badle, din-raat ek do ko hi yaad karte rehte hain। baba naam sunaaye to traitor ban jaate hain, phir gaali dene mein bhi deri nahin karte। is baba ko gaali di to shivbaaba bhi jhat sun lega। brahma se nahin padhe to shiv-baba se padh na sake। brahma bigar to shivbaaba bhi sun na sake, isliye kehte hain saakaar se jaakar poochho। kai achhe-achhe bachche hain jo saakaar ko maante hi nahin। samajhte hain - yeh to purushaarthi hain। purushaarthi to sab hain parantu tumko follow to maa-baap ko hi karna hai। koi to samjhaane se samajh jaate hain, koi ki takdeer mein nahin hai to samajhte nahin। serviceable bante nahin। parantu buddhi ek baap se rakhni hoti hai। bahut aajkal nikle hain jo kehte hain mere mein shivbaaba aate hain, ismen badi sambhaal chaahiye। maaya ki bahut praveshta hoti hai, jinmen aage shri naaraayan aadi aate the, woh bhi aaj hain nahin। sirf praveshta se kuchh hota nahin hai। baap kehte hain - maamekam yaad karo। baaki mere mein yeh aata hai, woh aata hai... yeh sab maaya hai। meri yaad hi nahin hogi to praapti kya hogi, jab tak baap se seedha yog nahin rakhenge to pad kaise paayenge, dhaarna kaise hogi।

baap kehte hain - tum maamekam yaad karo। brahma dvaara hi main samjhaata hoon, brahma dvaara hi sthaapna hui hai। trimoorti bhi zaroor chaahiye। koi to brahma ka chitra dekh bigadte hain। kai phir shreekrishna ke 84 janma dekh bigadte hain। chitra phaad bhi daalte hain। are yeh to baap ne chitra banvaaye hain। to baap bachchon ko samjhaate hain - bhoolo mat, sirf baap ko yaad karte raho। baandheliyon ko bhi radiyaan nahin maarni hain। ghar mein baithe baap ko yaad karti raho। baandheliyon ko to aur hi oonch pad mil sakta hai। tum bachchon ko gyaan dene vaala hai hi ek gyaan saagar। spiritual knowledge ek baap ke sivaae aur koi mein hai nahin। gyaan ka saagar ek parampita paramatma hi hai, usko hi liberator kaha jaata hai, ismen darne ki kya baat hai। baap bachchon ko samjhaate hain, bachchon ko phir auron ko samjhaana hai। baap kehte hain - mujhe yaad karo to sadgati ko paayenge। satayug mein hai raamraajya, kaliyug mein nahin hai। satayug mein to ek hi raajya hai। yeh sab baaten tumhaare mein bhi nambarvaar hain, jinki buddhi mein dhaaran hoti hain, jinko dhaarna nahin hoti hai, vinaash kaale vipreet buddhi kahenge, pad pa nahin sakenge। vinaash to sabka hona hai। yeh akshar kam hai kya! shivbaaba kehte hain - vinaash kaale preet buddhi bano। yeh tumhaara antim janma hai, ismen agar tum preet nahin rakhte ho to pad bhi nahin milega। sachche dil par saaheb raazi hota hai। dadheechi rishi misal seva mein haddiyaan deni hain। kabhi koi par grahchaari baithti hai to nasha hi ud jaata hai phir anek prakaar ke toofaan aate rehte hain। mukh se kehte isse to laukik ke paas chale jaayen, yahaan to koi maza nahin hai। vahaan to naatak, bioscope aadi khoob hain, jo in baaton par hire hue hain woh yahaan thahar na saken, bada mushkil hai। haan, purushaartha se oonch pad bhi pa sakte hain, khushi mein rehna chaahiye। baba khud kehte hain - subah ko uthkar nahin baithta hoon to maza hi nahin aata hai। lete rahne se kabhi-kabhi jhutka aa jaayega। uthkar baithne se achhi points nikalti hain, bada maja aata hai।

abhi baaki thode din hain, ham vishwa ki baadshaahi le rahe hain, baap se। yeh baith yaad karen to bhi khushi ka paara chadhe। subah ko chintan chalta hai to din ko bhi khushi rehti hai। agar khushi nahin rehti to zaroor baap se preet buddhi nahin hai। amritvele ekaanta achhi hoti hai, jitna baap ko yaad karenge utna khushi ka paara chadhega। is padhaai mein grahchaari baithti hai kyonki baap ko bhoolte hain। baap se varsa lena hai to mansa-vaacha-karmana service karni hai। is service mein hi yeh antim janma vyateet karna hai। agar aur duniyaavi baaton mein lag gaye to phir yeh service kab karenge! kal-kal karte mar jaayenge। baap aaye hi hain svarga mein le jaane ke liye। yahaan to ladaai mein kitne marte hain, kitnon ko duhkh hota hoga। vahaan to ladaai aadi hogi nahin। yeh sab pichhaadi ke hain, sab khatma hone hain। nidhanke aise marenge, dhani ke jo honge woh raajya bhaagya paayenge।

pradarshani mein bhi samjhaana hai ki ham apni kamaai se, apne hi tan-man-dhan se apna raajya sthaapan kar rahe hain। ham bheekh nahin maangate hain, jaroorat hi nahin hai। dher bhaai-behen ikatthe hokar raajdhaani sthaapan karte hain। tum karod ikattha kar apna vinaash karte ho, ham paai-paai ikattha kar vishwa ka maalik bante hain। kitni wonderful baat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) amritvele ekaanta mein baith baap ko pyaar se yaad karna hai। duniyaavi baaton ko chhod eeshvareey seva mein lag jaana hai।

2) baap se sachchi dil rakhni hai। aapas mein ek do ke aashik-maashook nahin banna hai। preet ek baap se jodni hai। dehdhaariyon se nahin।

vardaan:- sarva shaktiyon ki sampatti se sampanna ban daata banne vaale vidhaata, vardaata bhav

jo bachche sarva shaktiyon ke sampattivaan hain - vahi sampanna aur sampoorn sthiti ke sameepta ka anubhav karte hain। unmein koi bhi bhaktapan ke va bhikhaareepan ke sanskaar emerge nahin hote, baap ki madad chaahiye, aasheervaad chaahiye, sahayog chaahiye, shakti chaahiye - yeh chaahiye shabd daata vidhaata, vardaata bachchon ke aage shobhta hi nahin। ve to vishwa ki har aatma ko kuchh na kuchh daan va vardaan dene vaale hote hain।

slogan:- har aatma ko koi na koi praapti karaane vaale vachan hi sat vachan hain।

ye avyakt ishaare - sada achal, adol, ekras sthiti ka anubhav karo

kitna bhi koi hilaave lekin aap achal raho। paristhiti shreshtha hai ya svasthiti shreshtha hai? kabhi paristhiti vaar to nahin kar leti hai? socho, ki ye paristhiti powerful hai ya svasthiti powerful hai? to is smriti se kamzor se shaktishaali ban jaayenge। jaise aap tapasvi ekras sthiti mein ekaagra hote ho to hathayogi phir ek taang par khade ho jaate hain। to kahaan ekras sthiti aur kahaan ek taang par sthit rehna, farka ho gaya na!