बुधवार 20 मई 2026 की दैनिक मुरली

20-05-2026 praatahmurli om shanti "baapdaada"' madhuban

“meethe bachche - apne aapse poochho ki main kitna samay baap ki yaad mein rehta hoon, dehi-abhimaani sthiti kitna samay rehti hai?''

prashn:- takdeervaan bachche hi baap ka kaun sa direction paalan karte hain?

uttar:- baap ka direction hai - meethe bachche, aatma-abhimaani bhav। tum sab aatmaayen mel ho, female nahin। tum aatma mein hi saara part bhara hua hai। ab yahi mehnat va abhyaas karo ki ham kaise dehi-abhimaani rahen। yahi oonchi manzil hai।

geet:- takdeer jagaakar aai hoon…

om shanti। meethe-meethe roohaani bachchon ne geet suna। roohaani bachche arthaat jeev ki aatmaon ne kaha ki ham nai duniya ki takdeer yaani svarga ki takdeer banaakar roohaani baap ke paas baithe hain। ab bachchon ko roohaani-abhimaani arthaat aatma-abhimaani banna hai। bade se badi mehnat yeh hai। apne ko aatma samjho aur aise samjho mujh aatma ne 84 janma liye hain। kabhi barrister, kabhi kya, kabhi kya bana hoon। aatma mel hai, sab brothers hain, na ki sisters। aatma kehti hai yeh mera shareer hai to us hisaab se aatma mel, yeh shareer female ho gaya। har baat ko achhi reeti samajhna hai। baap badi vishaal, maheen buddhi banaate hain। ab tum jaante ho - mujh aatma ne 84 janma liye hain। sanskaar achhe va bure aatma mein rehte hain। un sanskaaron anusaar shareer bhi aisa milta hai। saara madaar aatma par hai। yeh bahut badi mehnat hai। janma-janmaantar laukik baap ko yaad kiya, ab paarlaukik baap ko yaad karna hai। apne ko ghadi-ghadi aatma samajhna hai। ham aatma yeh shareer lete hain। abhi ham aatmaon ko baap padhaate hain। yeh hai roohaani gyaan, jo roohaani baap dete hain। pahli-pahli mukhya baat bachchon ko dehi-abhimaani ho rehna hai। dehi-abhimaani ho rehna, yeh badi oonchi manzil hai। gyaan oonch nahin hai। gyaan mein mehnat nahin hai। srishti chakra ko jaanna - yeh hai history-geography। oonch te oonch baap hai, phir hain sookshm vatan mein devtaayen। world ki history-geography to manushya srishti mein hoti hai। mool vatan, sookshm vatan mein koi history-geography nahin hai। woh hai hi shantidham। satayug hai sukhdhaam, kaliyug hai duhkhadhaam। yahaan raavan raajya mein kisko shanti mil nahin sakti।

ab tum bachchon ko gyaan mila hai - ham aatma hain hi shantidham mein rahne vaali। yeh organs karma karne ke liye hain। chaahe karma karen, chaahe na karen। ham to aatma hain, hamaara svadharma shant hai। karmayogi hain na। karma bhi zaroor karna hai। karma-sannyaasi kabhi ho nahin sakte। yeh bhi in sannyaasiyon ka part hai। gharbaar chhod jaate hain, khaana nahin pakaate, grihasthiyon se bhiksha maangate phir bhi un grihasthiyon ke paas khaate hain na। gharbaar chhodkar, karma to phir bhi karte hain। karma-sannyaas to ho nahin sakta। karma-sannyaas tab hai jab aatma shantidham mein rehti hai। vahaan karmendriyaan hi nahin hain to karma kaise karenge, isko karmakshetra kehte hain। karmakshetra par sabko aana padta hai। woh hai shantidham athva mool vatan। aise nahin ki brahm mein aatma ko leen hona hai। aatmaayen shantidham mein rahne vaali hain phir yahaan karmakshetra par part bajaane aati hain। yeh hain detail ki baaten। nutshell mein to kehte hain apne ko aatma nishchay karo aur baap ko yaad karo to vikarma vinaash ho jaaen। isko hi bhaarat ka praacheen yog kaha jaata hai। vaastav mein inko yog bhi nahin, yaad kehna chaahiye, ismen mehnat hai। yogi bahut kam bante hain। yog ki shiksha pahle chaahiye, baad mein gyaan। pahle-pahle hai baap ki yaad।

baap kehte hain dehi-abhimaani bano, yeh hai roohaani yaad ki yaatra। gyaan ki yaatra nahin, ismen bahut mehnat karni pade। koi to bhal bi.ke. kahlaate hain parantu baap ko yaad nahin karte। baap aakar brahma dvaara tum bachchon ko dehi-abhimaani banaate hain। yeh deh-abhimaani the। abhi dehi-abhimaani banne ka purushaartha chal raha hai। brahma koi bhagwan nahin hai। yahaan to sab manushya maatra patit hain। paavan shreshthaachaari ek bhi nahin। aatma ke liye hi kaha jaata hai punya aatma, paap aatma। manushya bhi kehte hain meri aatma ko tang nahin karo। parantu samajhte nahin hain ki main kaun hoon? poochha jaata hai - he jeev ki aatma, tum kya dhandha karte ho? kahenge main aatma is shareer dvaara phalaana dhandha karta hoon। to pahle-pahle yeh nishchay kar baap ko yaad karo। yeh roohaani knowledge sivaae baap ke koi de na sake। baap aakar dehi-abhimaani banaate hain। aise nahin ki gyaan mein koi teekhe jaate hain to woh pakke dehi-abhimaani bane hain। dehi-abhimaani jo hain woh gyaan ko achhi reeti dhaaran karte hain। baaki to bahut hain jo gyaan ko achhi reeti samajhte hain, parantu shivbaaba ki yaad bhool jaate hain। ghadi-ghadi apne ko aatma samajh baap ko yaad karna hai, ismen jinna muaaphik banna hai। jinna ki kahaani hai। baap bhi yeh kaam dete hain - mujhe yaad karo, nahin to maaya tujhe kha jaayegi। maaya hai jinna। jitna baap ko yaad karenge to vikarma vinaash honge aur tumko bahut kashish hogi। maaya ulta banaakar tumko bahut toofaan mein laayegi। buddhi mein yahi yaad rahe ki ham aatma baap ke bachche hain। bas is khushi mein rehna hai।

deh-abhimaan mein aane se maaya chamaat lagaati hai। haatamtaai ka khel bhi dikhaate hain। muhalra daalne se gum ho jaate hain। tumko bhi maaya tang nahin karegi, agar baap ki yaad mein rahenge to। is par hi yuddha chalti hai। tum purushaartha karte ho yaad karne ka lekin maaya aisa naak se pakdegi jo yaad karne nahin degi, tum tang ho so jaayenge। itna maaya se yuddha chalegi। baaki world ki history-geography to most simple hai। tumko ghadi-ghadi kaha jaata hai hamesha samjho ab hamaare 84 janma poore hue, ab ham jaate hain baba se milne। yeh yaad rehna hi mushkil hai। baaki kisko samjhaana koi mushkil nahin hai। aise nahin ham to bahut achha samjhaate hain। nahin, pahli-pahli baat hi hai yaad ki। pradarshani mein dher aate hain। pahle-pahle yeh sabak (paath) sikhaana hai ki apne ko aatma nishchay kar baap ko yaad karo to tamopradhaan se satopradhaan banenge। pahle lesson hi yeh dena hai। bhaarat ka praacheen yog koi sikha nahin sakte। baap jab aakar sikhaaye tab seekh sakte। manushya, manushya ko raajayog sikha nahin sakte, impossible hai। satayug mein to hain hi paavan, vahaan to praalabdha bhogte hain। vahaan gyaan-agyaan ki baat hi nahin। bhakti maarga mein hi baap ko pukaarte hain ki aakar duhkh haro sukh do। satayug treta mein koi guru gosaani hote nahin। vahaan to sadgati paai hui hai। sadgati ka varsa 21 janma liye tum pa sakte ho। 21 peedhi, kehte hain brahmaakumaari woh jo 21 peedhi ka uddhaar kare। yeh bhaarat mein hi gaaya jaata hai। bhaarat mein hi tumko 21 peedhi ka varsa milta hai। vahaan tum ek hi devi devta dharma vaale hote ho, doosra koi dharma nahin। baap aakar tumko manushya se devta banaate hain। pavitra hone bigar ham vaapis ja kaise sakte। yahaan to sab vikaari patit hain। jo-jo dharma sthaapak hain, woh phir paalna karte hain, unke dharma ki vriddhi hoti jaati hai। vaapis koi bhi ja nahin sakta। ek bhi actor vaapis ja nahin sakta। sabko satopradhaan, sato-rajo-tamo mein aana hi hai। brahma ke liye bhi kehte hain brahma ka din, brahma ki raat। to kya srishti mein akela hi brahma hoga kya? abhi tum brahman kul ke ban rahe ho। tum raat mein the, ab din mein ja rahe ho।

tumko samjhaaya hai ki kitna samay poojyapne mein rehte ho, kitne janma pujaari bante ho। jab tak baap na aaye tab tak koi bhrashtaachaari se shreshthaachaari ban na sake। bhrashtaachaari unko kaha jaata hai - jo vikaar se paida hote hain isliye isko hell kaha jaata hai। hell aur heaven donon mein agar duhkh ho to phir to unko heaven hi na kaha jaae। jab tak poora samjha nahin hai, to ulte-sulte prashn karenge। tumko samjhaana hai bhaarat bahut oonch tha। jaise eeshvar ki mahima aparmaapaar hai, vaise bhaarat ki bhi mahima aparmaapaar hai। bhaarat kya tha, aisa kisne banaaya? baap ne, jiski mahima gaate hain। baap hi aakar bachchon ko vishwa ka maalik banaate hain। manushya maatra ko durgati se sadgati mein le jaate hain। shantidham mein le jaate hain, jiske liye hi manushya purushaartha karte hain। usko atal sukh, atal shanti, atal pavitrata kaha jaata hai। vahaan tum sukh mein bhi ho, shanti mein bhi ho aur baaki aatmaayen shanti mein rehti hain। maximum janma tum lete ho। baaki minimum vaale atal shanti mein rehte hain। woh jaise machchharon sadrishya aaye, ek aadha janma part bajaaya, yeh kya? unki koi value nahin। machchharon ki kya value hai। raat ko janmate hain, raat ko hi mar jaate hain। is samay bahut karke shanti hi chaahte hain kyonki is samay ke guru log hain, shanti mein jaane vaale।

tum yahaan aaye ho - svargavaasi banne ke liye। svargavaasi ko shaantivaasi nahin kahenge। shaantivaasi niraakaari duniya ko kaha jaata hai। mukti akshar gurooon se seekhte hain। maataayen vrat nem rakhti hain - baikuntha puri mein jaane ke liye। koi marta hai to bhi kehte hain - svargavaasi hua। koi hota nahin hai lekin bhaaratvaasi heaven ko hi maante hain। samajhte hain - bhaarat paradise tha। shivbaaba bhaarat mein hi aakar svarga ki rachna rachte hain to zaroor yahaan hi rachenge। svarga mein to nahin aayenge। kehte hain - main aata hoon svarga aur narka ke sangam par। kalpa-kalpa ke sangam par aate hain। unhonne phir yuge-yuge likh diya hai। kalpa ka akshar bhool gaye hain। yeh bhi khel bana hua hai, phir vahi repeat hoga। is antim janma mein tum baap ko aur srishti chakra ko jaante ho। kaise sthaapna hoti hai nambarvaar, so ab tum jaante ho। yeh saara khel tum bhaaratvaasiyon par hi bana hua hai। abhi tum baap dvaara raajayog seekhte ho। baap ki yaad se hi raajya paate ho। chitra bhi khade hain na। yeh sab chitra kisne banaaye! inko koi guru gosaai to hai nahin। agar koi guru hota to bhi guru ko ek shishya thode hi hota। anek hote na। yeh knowledge sivaae ek baap ke aur koi jaan na sake। bahut log poochhte hain yeh chitra tumhaare daada ne banvaaye hain? yeh to baap ne divya drishti se saakshaatkaar karaaya hai। baikuntha ka bhi saakshaatkaar karaaya hai। vahaan kaise school chalti hai, kya bhaasha hoti hai, sab saakshaatkaar kiye hain। bachche bhatthi mein the to baba bachchon ko bahlaate the। karaachi mein sirf tum hi alag rahe hue the, jaise apni raajaai thi। apni taat, apni baat....doosra koi samajh na sake। samajhte the - yeh khudaaprasta hain। baba ne samjhaaya hai - tum ho nuns। none but one। ek baap ke sivaae aur koi ko yaad nahin karna। woh nuns Christ ko hi jaanti hain, unke sivaae koi ko nahin।

tum jaante ho varsa ek shivbaaba se milta hai। shivbaaba to hai bindi। woh bhi koi dvaara hi samjhaayenge na। prajaapita brahma to zaroor yahaan hoga। baap kehte hain inke bahut janmon ke ant ke janma mein patit shareer mein pravesh karta hoon। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ko achhi reeti dhaaran kar dehi-abhimaani banna hai। yahi mehnat hai। yahi oonchi manzil hai। is mehnat se aatma ko satopradhaan banaana hai।

2) jinna bankar yaad ki yaatra karni hai। maaya kitne bhi vighna daale lekin mukh mein mulahra daal dena hai। maaya se tang nahin hona hai। ek ki yaad mein rahkar toofaan hata dene hain।

vardaan:- saadhnon ko use karte hue saadhna ko apna aadhaar banaane vaale siddhi swaroop bhav

koi bhi puraani duniya ke aakarshanmay drishya, alpakaal ke sukh ke saadhan use karte va dekhte ho to un saadhnon ke vasheebhoot ho jaate ho। saadhnon ke aadhaar par saadhna aise hai jaise ret ke foundation par building isliye kisi bhi vinaashi saadhan ke aadhaar par avinaashi saadhna na ho। saadhan nimittamaatra hain aur saadhna nirmaan ka aadhaar hai isliye saadhna ko mahatva do to saadhna siddhi ko praapta karaayegi।

slogan:- kisi bhi kamjori ka ansh hai to vansh paida ho jaayega aur parvash bana dega।

ye avyakt ishaare - sada achal, adol, ekras sthiti ka anubhav karo

buddhi ko ek thikaane par tikaane ki jo yukti mili hai, woh smriti mein rakho। hilne na do। deh aur deh ki duniya se nyaare ban, man-buddhi ke vimaan se second mein aakaari aur niraakaari sthitiyon ko anubhav karo। buddhi ko hilne na do, nahin to yuddha mein samay bahut vyartha jaata hai। jaise tapasvi sadaiv aasan par baithte hain vaise apni ekras sthiti ke aasan par viraajmaan raho tab bhavishya sinhaasan milega।